نفساني - نصيحتي لك ان كانك تبي العلاج بأذن الله

انا بكتب لي اخر رد بذا الموضوع

اللي باوصله لكم

والله التسدح والتبطح في مواضيع الاكتئاب بيزيدك اكتئاب

بدال ماتقضي ساعات تقرا عن الاعراض شف شي يوسع صدرك

خلك ايجابي واكثر من ايجابي

قسم بالله لو الواحد فينا يفكر في حالته

ويناقش نفسه الله خلقني عشان اعبده واكدح واعيش ووعدني بسعاده اذا عبدته وعلقت نفسي فيه

مو عشان اصير كئيب مستسلم لوساوس الشيطان واخلي نفسي شخص مثير للشفقه لمن حولي والكل يطالعني على اني مسكين وما اقدر

والله اقول الكلام ذا من قلبي ولا قصدي اقسى على احد

بس انا جربت وعانيت وحسيت بذا الشي

كنت بس جالس في غرفتي اقرا قرآن وادخل على مواضيع النفسيه

القرآن شفاء من لاشفاء له

بس مو معناته اقفل على نفسي واجلس اقرا واقرا ولا احاول اسوي شي

خلك قريب من ربك في كل حالتك

وانت طالع

وانت تتمشى

وانت مسافر

اطلع اكسر الخوف / الله خلقك قوي معافى تمشي وتروح وتجي

لاتقول فيني غمامه ما اقدر اركز لو ماتقدر تركز وتفكر اقنعني شلون تفكر بعمق بحالتك النفسيه !!

توكل على الحي اللذي لايموت

ماخلقك الرب عشان تصير حبيس افكارك .. تفائل وفكر بأيجابيه والله عند حسن عبده فيه

ــــــــــتخيل نفسك انت هنا بس تحس بالامان هنا ــــــــ ــــــــــــــــــــــــــــ المكان هذا انت تخاف منه ـــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ انا اقولك تعد اللي تخاف منه وتعال هناــــــــــــــــــــ

جرب وش راح تخسر !!