الاندرال من الادويه الامنه تماما التي لا تسبب حتي الادمان منها ولا تؤثر على القلب من انخفاض في ضغط الدم الا في الجرعات الكبيره والجرعات الكبيره تقريبا هي الاكثر من 120 يوميا
لكن جرعه 40 هي جرعه بسيطه لا تذكر وامنه تماما ولا مشكلات منها
في حالات القلق النفسي الجرعه الموصي بها هي 30 ملجم يعني 3 حبات 10 ملجم
لكن لا تقلق من الاندرال نهائيا وهو ليس من الادويه الادمانيه نهائيا ودواء سليم وامن واشاد به كافه الاطباء
ولكنه لا ينفع استعماله كمهديء في الحالات النفسيه هو فقط يزيل بعض الاعراض مثل خفقان القلب وينظم ضربات القلب ولكنه ليس بفاعليه الزاناكس او المجموعه من فئه المهدئات نهائيا والادويه المهدئه بشكل عام ادمانيه ولا تستعمل الا لشهر او شهر ونصف فقط
اما الاندرال فهو ليس ادماني كما قلت وامن تماما والجرعات الموصي بها حتي 40 ملجم وهناك حالات تصل الى 80 ملجم حسب حالة المريض ولا مشكله
اما الجرعات فوق 120 ملجم هنا يحدث انخفاض في ضغط الدم وقتها
وقد لا يحدث عند بعض الناس ولكن لا ينصح بالجرعات العاليه اساسا من اي دواء كان

ههههههههههههه تخيل يا مان
أنا اول مره اصابني الهلع
والدكتور في المستوصف مش عارف ايه ده بس لقي ان ضغطي عالي
تخيل وصفلي ايه حبوب خضرا كده اسمها ليبراكس اعطاني شوية في كيس وقالي خدهم عند اللزوم والسلام ختام
انا بقي بقيت كل يوم باخد الليبراكس لحد ما خلصت ال جرعه بتاعه الاسبوع
تخيل محستش بأي فارق نهائي ولا كنت عارف وقتها اي حاجه عن اي حاجه وكل ما اروح المستوصف يعطوني علاج شكل لغايه ما عرفت ان مشكلتي نفسيه وروحت بنفسي مستشفي الطب النفسي وشخصوا المشكله انها نوبات هلع حتي قالي بسيطه بس كنت بصوت وبعيط وبمشي في الشارع مسافات طويله اتأمل حالي ووضعي وادعي ربنا يفك كربي وبصراحه ايام كانت صعبه جدا بس ليها ايجابيات كتير ورغم ذلك خرجت من الازمه بسلام واتعالجت واوقفت العلاج والحمد لله عايش حياتي طبيعي

بس عايز اقولك اني كنت حقل تجارب في بدايه المرض وده لأني مكنتش عارف هو ايه وكل واحد يديني علاج بدون ما يشخص الحاله صح اللي يديني ليبراكس واللي يعطيني ساليباكس

يا راجل ده مره الدكتور روحتله في المستوصف وشرحتله حالتي قالي حاجه بسيطه ولقيته حولني للممرض اعطاني ابره تخيل يا مان
دكتور حتي ما قاليش الابره دي بتاعه ايه
وانا معرفش هي ايه وبتاعه ايه ولا عندي ايه
وانا ماشي اكتشفت ان الابره دي مهديء ولقيت نفسي نمت في الشارع
تخيل يا معلم ولما روحتله بيقولي انا مفكر معاك سياره وحد معاك
تخيل نمت في الشارع تحت نخله في شارع حيوي والناس روحوني وانا مش فايق ولا عارف فيه ايه بس اقسم بالله الابره دي ريحتني وخلتني طاير فوق السحاب وحتي انا استغربت بس تاني يوم اكتشفت انها مهديء مفعوله بسيط لما الهلع جاني تاني يوم
طبعا كل ده في بدايه الهلع