أخوي نواف انا ادخل المؤسسات الحكومية كالاسد في براثنة ولا احس بأي خوف وادخل المستشفيات والاسواق والمولات من دون خوف واتكلم مع اهلي واضحك واقربائي.( هل هذا هو الخوف المتوسطة ). الا في العمل ارتبك من مسؤولي مع انه انسان طيب وحبوب وارتبك من زملاء العمل .

هل هذا يعتبر متوسط

هلا في اخوي ملك الرهاب الزانكس اذكر اول مره استخدمته كنت اتوتر من الجلسه في الدوانيه احس متضايق وادي انحاش مع العلم كنت بوقتها اخذ علاج للكثئاب والتوتر كان السيروكسات وكنت مرتاح عليه كثيييير بس مشكلتي معا الدوانيه و كتبلي الدكتور علي الزانكس قالي تاكل قبل الدوانيه بساعه وفعلن كان العلاج رائع كنت ادش الدوانيه وفيها اكثر من 10 رياجيل ولا يحركون فيني شعره علي قولتهم من الثقه والهدوء الزايد الي احس فيه 00 بس للاسف العلاج هاذا مايستخدم الا عند الزوم اذا اخذته كل يوم مامنه نتيجه لازم عند اللزوم في الاعراس والا العزايم جذيه 00 الزانكس يخليك هادي وماتوتر وعلاج ممتاز

انا قريت عن العمليه والله الضاهر تصلحلك لانه حق حمراة الوجه والتعرق الزايد 00 انا بعد كفوف ايديني تصب عرق بشكل غير طبيعي والله مسببتلي احراج ومضيقه خلقي 00 ملك الرهاب لاتسوي العمليه لين تقولي ابسويها معاك ( :

أخوي حسن انا عندي مشكلة بالجهاز السمبثاوي ينشط الجهاز في الحالات الاجتماعي اذا تعرض للتاثير فأخاف فتنسد شهيتي عن الاكل مع وجود احمرار وتعرق وهذا كلة من زيادة نشاط العصب السمبثاوي .
وانا انوي الذهاب لمصر لاجراء العملية اذا تبتخاويني حياك

انزين قبل لاتروح مصر : اعتقد انت من الكويت اخوي ملك الرهاب ماسالت عن دكاتره يسونها بالكويت مالك نيه تسويها بالكويت لانه سنه 2008 لما صارت ايديني تعرق قعدة اتردد علي دكتوري النفسي واقول دكتور دكتور اديني تعرق وغيرلي العلاج كذا مره ماكو فايده وصرت اكل زانكس كل يوم هم تعرق نصحني اروح عند دكتور ينقاله محمد الهيفي وفحصني واخذ تحليل دم مني الحمد لله ماكو شي قالي عن العمليه بس اذكر ماجاب طاري التدبيس بس الضاهر يقطع العصب 00 المهم من قالي عمليه وانا اطنش فيه والله ومتحمل من ثلاث سنين والحمدلله علي كل حال 00 وشوف الدنيا وانت تكتب موضوعك هاذا ذكرتني وعطيتني امل 00 الله يجزاك خير

ملك الرهاب ترا النيه موجوده للعمليه بس شلون اتواصل معاك 00 انا طلبت ايميلك من المشرفين بصفحت الاقتراحات 00 ماادري بس ان شاء الله نكون علي تواصل اخوي ملك 0

أخوي حسن حتى لو يسوونها بالكويت الدكتور حسام احمد فؤاد له خبرة في هذا المجال وخبرتة قوية ومتجذره لانه سواها لناس من كافة دول الخليج ومن كندا وكثير من دول اوروبا . فأنا افضله

والله جعله سبب خير وتوفيق عليك ياخوي 00 وترا نعين ونعاون ياملك
انا خايف من البنج بيني وبينك فا 50 في الميه ودي اسويها عند الدكتور حسام وال 50 الثانيه ودي اسال عن دكاتره بالكويت يسونها اذا مافيه مالنا غير مصر

اخوي حسن ليش اشفيه البنج

ماودي اخوفك ماراح يصير الا الي كاتبه الله 00 اخاف من البنج لاني موسوس ههههههه
يعني لازم دكتور البنج يكون شاطر لانه اذا زاد خطر بس 00 اخوي ملك لاتخاف انا مسوي عملية لحميات بالأنف وكنت بوقتها اكل حبوب اكتثاب سهالات ان شاء الله

اخوي حسن كم عمرك وانت موظف ولا لا ونت متزوج ولا لا

اخوي ملك الرهاب انا ذاك اليوم طلبت ايميلك في صفحت الاقتراحات ورد علي المشرف العام يقول لازم تكتب انت هناك انهم يعطوني اميلك او تاخذ ايميلي بس لازم انت تفتح صفحه وتوافق علي طلبي عشان يعطوني ايميلك00 اذا موافق طبعا ابتواصل معاك عشان العمليه 00

أخوي حست انا مستعد في التواصل معك ضع ايميلك هنا وسوف ادخل عليك .
لاتهتم متى ادخل انا ممكن تلاقيني اربعة وعشرين ساعه وخاصة من الساعة ثنتين بالليل الى الفجر .

هلا اخوي ملك يشرفني والله اتواصل معاك 00 والله ماعندي مانع اكتب ايميلي اهنيه بس ممنوع الاداره بالمنتدا مانعه انه نكتب ايميلاتنا بامواضيع المنتدا بس روح علي صفحت الاقتراحات وافتح موضوع واطلب ايميلي وراح يكتبونه لك 00 انا قبل فتره فتحتح موضوع بالقتراحات وطلبت ايميلك ورد علي الحوراني بنفسه وقال اذا فتح ملك الرهاب موضوع بنفسه وافق راح يعطيني ايميلك او العكس 00
اذا ماضبطت معاك انا مستعد اكتب ايميلي اهنيه بها الصفحه عشان ضروري نتواصل 00 بس مثل ماقلتلك جرب الطريقه ماعرفت او ماضبطت اكتبلي هنيه وانا اعطيك ايميلي بعد اذن المشرفين

بسرعه دش قبل لايشيلونة