تدرين ليان فى اعضاء هنيه يوقفون بمواقف المستشفى وينامون بالسياره علشان اذا صار فيه شى يكون عند المستشفى
شوفى ليان انتى عندج ميزه حلوه ان كل اهلج يعرفون الى فيج يعنى اذا طلعتى معاهم ماراح تخافين انج تنكشفين جدامهم
طلعى مع اهلج وقوليلهم اذا ياتج الحاله خلهم يطنشونج يعطونج طاف يعنى لايهتمون ويطبطبون عليج ويهدونج ولا يسمعون كلامج اذا قلتيلهم ردونى البيت هذا بخصوص اهلج
اما بخصوصج انتى اذا ياتج الحاله راح تشعرين بالموت وان بيصير فيج شى بهالحاله شنو تقولين حق نفسج
قولى انا ابى اموت يالله بسرعه ابى يصير فينى شى ابى كل الى اخاف منه يحوشنى الحين ابيج تلاحقين الفكره مثل ماتلاحقج فهمتينى هاجمى الفكره لحقيها عشان اهى تنحاش
طبعا مو من اول مره راح تنجحين من ثانى مره او ثالث مره
وانتى قاعده فالبيت وضرورى هالشى تسوينه خلى معاج دفتر وقلم وكل ماتحسين بشى كتبيه لما تييلج الحاله مسكى القلم وكتبى الاعراض ليان مو اطنشين سوى الى اقولج عليه
كتبى شنو الاعراض كل مره كتبى
ولاتسالين ليش بعدين راح تعرفين ليش اوكى
وعلى فكره الى فينا هذا مايروح على طول راح يخف تدريجيا بس الى عنده عزيمه ويسمح الحجى يكون التاثير بسرعه فهمتى اختى ليان
واى استفسار انا موجود سالى الى تبينه

اخر مره تقولين هالجمله كلنا هنيه اخوان ونستحمل بعض قولى الى تبينه وباى وقت واذا مالقيتينى عندج اخوى بوناصر ليش لا ترى هم اهو محترف ماشاء الله واهو وقف معاى وايد

الصراحة اهلى حاسين فينى ومدلعينى لدرجة اذا يتنى الحالة وبجيت يبجون معاى خاصة امى واخوى 00والدكتور مرة قال لامى اذا يتها الحالة طنشيها وطنشتنى وخفت حييل حسيت بنجن00 وهم قالى دكتور قلب اذا ياج خفقان لا توترين روحج هدى لي يخف الخفقان فانا اخاف اسوى الى قلتة ويزيد الخوف 00

تبين اقولك انا ما اخذ منظم انا الحين اخذ بروزاك والخفقان هذا بشكل يومي كان يجيني الحمدلله بس مستحيل خليته يوقفني عن عملي والى الان يجيني مرات فيها خفقا بس ما استسلم والحمدلله الحين صار لي اسبوعين ما جاني فيها خفقان لاني صرت اتحداها كل يوم ابي منك طلب ابيك اليوم تروحين بالسياه تفترين فيها نص ساعه وترجعين وبكره نفس الحكايه تطلعين وتفترين ساعه وترجعين وهكذا السالفه يعني تعود وصدقيني اسئلي مجرب الحين انا اسافر واجي والحمدلله بس بالبدايه كنت خايف لاكن الحين عادي ما اهتم في شي ولا افكر في شي
واي شي تبين تسئلين قولي واحنا حاضرين لك

شكرا اخوى طبيب بس انا لما قلت لدكتورى بوقفة قالى خلاص كافى سنتين ووقفتة بتدريج وردتلى الاعراض00ممكن اعرف وين الخطا00 ومعك حق نظرة الناس للمريض النفسى ماترحم 00يعطيك العافية رجل كلهم فيهم الخير00

ياليان لازم اتعبين بالاول انا تعبت على فكره حيل على ماتخلصت من الى انا فيه عيل ليش اقولج عزيمه واراده وطاح حظى وانا اشرحلج اكيد لازم اتعبين بالاول مو مايصير تبين تتعالجين وانتى مستانسه فهمتينى يبا
سمعى الكلام وابيج تحطين فبالج انج راح اتعبين حيييييييل وانج راح تحسين بذعر شديد وان الدنيا بتوقف ابيج تكبرين الموضوع حييييييييييييييييييييل يعنى لما تفكرين انج الحين بطلعين بتفكرين ان بتييج الحاله صح اخذيها حبه حبه قولى انا اول شى بيحوشنى خوف وبعدها قلبى بيطق حيل وبعدها بحس انى بنحاش
صح اهنيه ابيج تفكرين من زاويه ثانيه قولى حق نفسج انى لما تيينى الحاله بخاف حيييييييييل وبيحوشنى خفقان بالقلب قوى وبنحاش ركض بالشارع والناس كلهم بيلحقونى وانا اركض بالشارع مادرى وين اروح وبعدين بيمسكونى الشرطه وبروح المخفر وبدش السجن
كبرى الموضوع حيييييييييييييييييييييييييييييييييييييل اوصلى بخيالج لاقصى درجه بالتفكير شنو ممكن يصير اكثر من جذى فهمتينى ابيج تمطين الفكره وبعدين راح تحسين ان كل هذا ماراح يصير نهائيا راح تعرفين ان الى راح يصير شويه خوف وقلبى بيطق وبس الى فكرتى فيه هذا مستحيل يصير
فهمتى شنو الى بوصله لج
اذا مافهمتى قوليلى افهمج مره ومرتين وثلاث

اخوى ابو الهلع ابى اعرف قبل شلون تتعامل مع الخفقان القوى 00انا مستمر معاى ع طول ويينى بشكل قوى لدرجة انى بصلاة اصلى ع كرسى ما اتحملة00

بالنسبه لى انا تخلصت من هالقصه انى حلفت على القرآن انى ما احط ايدى صوب قلبى وا اجيس النبض كلش ولا اتحسس القلب سريع ولا بطئ والله 3 ايام ماقمت احس بالقلب نهائيا

رجل اللى قلتة بطبقة باجر وراح اطلع صج صعب حيييل وراح احس انة بيزيييد بس انا واثقة فييك وان شاء اللة خييير00

رجل انا ماحط ايدى بس من قوة الخفقان اسمعة00

شوفى ليان احنا مجرد التفكير ان في نوبه الهلع نحاف خوف مايعلم فيه الا الله سبحانه مانبى النوبه مستعدين نترك الدنيا كلها ومانتحرك بس لاتحوشنا النوبه صح
بس بهالطريقه راح تزيد الحاله ونصير محبوسين وحياتنا بتمر مرور الكرام
بقولج شى وبيج تحفظينه حفظ وتقتنعين فيه
الحين بكتبه لج

القول في تأويل قوله ( قل لن يصيبنا إلا ما كتب الله لنا هو مولانا وعلى الله فليتوكل المؤمنون ( 51

ما اصابك ماكان ليخطاك وما اخطاك ماكان ليصيبك
لو تيقنتى ان ماراح يصير شئ الا الله كاتبه يعنى ماراح تقدرين تغيرين شى منه والله راح ترتاحين
توكلى على الله
تخيلى ان الله سبحانه يقولج توكلى على ولاتخافين من شى
شتببين احلى من هالكلام
كلنا نعرف هالكلام بس قليل الى يتيقن منه ويثق فيه
خلى ثقتج بالله كبيره وصدقينى ماراح تضيعين وانتى الله سبحانه معاج ابدا

اوكى بحفظة واكيييد بقتنع فيية ويعطييك العافية00

دائما امى تقولى جذى اقتنع واقول خلاص بطبقة واذا يتنى الحالة انسى كل شى

راح اسوى الى قلتة اذا يتنى الحالة وراح ادخل واقولك عن كل شى 00

اكل العنب حبه حبه
كل شى بياخذ وقت يا اختى ليان
بس سوى الى قتلج عليه وماكو الا العافيه

توكلى على الله وماراح تضيعين
وهالله هالله بالاستغفاااااااااااااااااار مهم جدا

ان شاء اللة لاتوصى حريص00 احس انى يننتك هههه000

يعطيك الف عافية اخوى رجل ماقصرت معاى00

لا والله هذى الساعه المباركه يا ليان انا ترى مو محتاج ادش المنتدى لانى ولله الحمد صرت زين بس والله ادش علشان اساعد خوانى مثل ما فيه ناس ساعدتنى هنيه ووقتى كله لكم اختى وكثر ماتبين تسالين سالى لاتعتقدين ان احنا بنمل ولا بنتايق بالعكس واللهاستانس لما احاول اساعد احد
الله يشافيج ويشافينا والمسلمين يارب

اللة يسلمك هذا من طيبك00 وان شاء اللة دوم بصحة وعافية00

اجمعين يارب
واى وقت تحسين انج مضايقه دشى هنيه وبتلقين كل الاعضاء يتجاوبون معاج ان شاء الله وبلغينا شنو يصير معاج
ليان لاتستسلمين بسرعه انتى اقوى من هالافكار واقوى من الاهلع الله يوفقج يارب

مدام اللة سبحانة معاى وانتوا ان شاء اللة بكون بخييير

اتمنى الشاكر يعلق ع حالتى اذا كان موجود00

لييان ابيك لطلعتي تاخذين معك ورقه صغيره وتكتبين فيها كلمه تشجعت وكل ماتجيك النوبه طلعي الورقه واقريها يعني يبيلك وقت عشان تفهمين ان الي فيك مجرد وهم اوكي

ساعدونى تعبانة حيييييييل

ليه اشفيك شنو تحسين فيه ليه تعبانه ما قلتي لنا وش صار معك بالتجربه

اخوى ابو الهلع تعبانة حيييل هالايام زااادت على الاعراض مع انى ملتزمة بنصائحكم

تدرين وش معناتها لزادت الاعراض معناتها ان شاء الله انتي في تحدي جديد صدقيني خليها تزود وين المشكله
وبعدين بقول لك شي انتي الحين تستنينها تروح ترا اذا استنيتيها تروح ما راح تروح النوبه راح تزداد الهدف من العلاج هو انك تتحدين النوبه وتتعايشين معاها لفتره بعدين تروح منك

تخيلي تراي اسوء منك خفقان وضيقه وتعرق ورعشه ودوخه كلها اعراض تجيني بس طنشتها لمدة 4 اسابيع يعني لجتنه الضيقه اروح لمكان فيه ناس ابي اشوف بيصير فيني شي او لا بالنهايه ما يصير شي وبكذا ابدى اقتنع والاعراض تخف

ابو الهلع وعندى مشكلة كبيرة خالى بعناية المركزة فى السعودية والاهل بيسافرون لو وانا مجبورة واخاف من السيااارة دايما تزيد حالتى فيها

ابو الهلع وعندى مشكلة كبيرة خالى بعناية المركزة فى السعودية والاهل بيسافرون لة وانا مجبورة واخاف من السيااارة دايما تزيد حالتى فيها

اها عشان كذا تعبانه انتي خايفه تروحين بالسياره شوفي ليان بقولك عن نفسي انا تخيلي البقاله كنت اخاف اروح لها يعني اقرب شي لي ماكنت اروح له بعدين تدرين شنو التحدي الي سويته رحت بالسياره مسافة 1000 كيلو لحالي عشان اتحدى الي فيني بالبدايه والله تعبت كثير بس شوي شوي وبعدها صارت عادي يعني حتى ونا مسافر وفيني نوبات الهلع اكمل حياتي عادي واستغل الطاقه الي فيني بالتفكير السلبي

ترا الي تمرين فيه صدقيني مو سهل والله كلنا حاسين فيك وعارفين المعاناه لاكن شتسوين بالنهايه هذا بلاء وان شاء الله يكون فيه خير لك

فبل يومين اخذت سيارة امى ورحت الجمعية واللة يا اخوى حسيييت بموت خفقااان شديد وضيق وكانة بيغمى على بسيارة احس انى مقيدة ما اقدر اتحرك00

تدرين ليه كذا السبب الوحيد لانك كنتي تفكرين بالنوبه وانتي بالسياره ماكنتي تقولين عادي خليني اسوق السياره والنوبه فيني يعني المشكله احنا للحين نبي الشي يروح بسرعه وهذا اكبر غلط لان اذا فكرنا فيه متى يروح معناتها ما راح يروح ويبقى معانا يعني السالفه يبيلها صبر ويبيلها جهد وطاقه مو سهله

انا الحين اكلمك من الدوام وبروح الحين لجتماع وبقول كلمه تخيلي تجيني نوبات الهلع وين المشكله خليها تجي عادي المهم انها ما توقفني
المهم بروح وبجي وبحصلك ان شاء الله احسن اوكيييييييي؟؟

تكفى قولى شنو اسوى 00لما كنت مع اهلى بسيارة قبل واللة خليتهم ينزلونى بشارع ومارتحت لين ودونى المستشفى وعطونى مهدى والدكتور خرعنى خلانى بملاحظة لين خف الخفقان00اخاف تردلى الحالة وبطريييق مافى مستشفيات

يعطيك العافية تعبنك معاااى اخوى ابو الهلع