|
هلا اخوي ربي يحبك
الصراحه تفاعلك مع مشكلتي شي يسعدني عكس لما اتكلم مع ناس او حتى دكاتره عن مشكلتي وماحد يهتم لانهم مو مصدقيني بالنسبه للالتهاب جاني ثلاث مرات اول مره تعالجت منه بجاسيك علاج للجهاز الهضمي وريحني شوي مع غذاء كويس واكثر من شرب الماء والحمد لله خف لكن رجع بعد كم شهر اقوى من اول وماخليت شي مااخذته ومافاد حتى الادويه ماقالت وسبحان الله جاتني نزله معويه وبعده شفيت منه اختفى بعد النزله لوحده بعد فتره رجع ومافاد معه شي ابد غير العسل والرمان مع حميه غذائية والحمد لله طبت اما الحين الي اشتكي منه هو القلب والدوره الدمويه والراس هذي كلها وانا خايفه مره عايشه برعب كابوس 💔 |
اخوي عيسى نورت ياهلا بك
كلامك مؤثر جدا لدرجة اني بكيت يارب يرحمنا برحمته والحمد لله انك فهمت قصدي بالنبض ضعف اول ماتعبت كان قوي وسريع قلت يمكن تعبانه يمكن مو نايمه يمكن ناقصني غذاء وبعد كم يوم صرت انام كفايه واكل زين خف شوي بس التعب باقي ماراح لكن بعد عيد الاضحى وبعد اجتماع مع الاهل رجعت البيت كملت سهر مع اختي فطرنا والجو حلو وندردش مع بعض عادي وفجأه تجيني حاله غريبه قلبي حسيته وقف وقمت اصارخ وجتني دوخه وصار قلبي يدق وقتها 200 وانا ادوخ واتشهد والدقات توصل لحلقي ومن يومها لليوم وانا في حاله مايعلم فيها الا الله حتى اني ايام اصحى من النوم مفزوعه واصارخ وأبكي ويجون اهلي لعندي يهدون فيني ويقرون علي بس الدقات القويه هذي والنبض القوي اختفى لكن الحاله مازالت عندي يعني المفروض تختفي الدقات القويه تختفي الحاله مو الحاله تضل والعرض يتغير وهذا شي خطير اتوقع انا خايفه والمشكله النبض القوي مرتبط بالضغط اذا فيه هبوط يصير النبض قوي انا مازال عندي هبوط والنبض احس فيه وخفقان لكن ضعف ليش وش فيني وش صار لقلبي ؟؟ وراسي مسدود وهبوط بالضغط وش فيني فجأه انقلب جسمي من راسي الى قلبي وش السبب ياخوفي انا تسممت بشي وانا ماادري بحبوب ولا فيتامين ولا شي ومحد داري مع اني نادرا استخدم ادويه اكرهها لكن صار عندي نقص فيتامين د وصرت اخذه والحمد لله ارتفع وخايفه منه المشكله هذي ولا من الحديد الي اخذه سبب لي تسمم الله يستر انا مره خايفه ولا الثوم الي اكلته تسممت منه مدري وش فيني بس انا مره خايفه يارب رحمتك جسمي مو طبيعي خايفه 💔 |
روحي طبيب نفسي وقولي له مشكلة النبض
ضروري لازم تروحي أنا رحت للطبيب النفسي وانحلت مشكلة النبض |
هلا اخوي ربي يحبك الصراحه تفاعلك مع مشكلتي شي يسعدني عكس لما اتكلم مع ناس او حتى دكاتره عن مشكلتي وماحد يهتم لانهم مو مصدقيني بالنسبه للالتهاب جاني ثلاث مرات اول مره تعالجت منه بجاسيك علاج للجهاز الهضمي وريحني شوي مع غذاء كويس واكثر من شرب الماء والحمد لله خف لكن رجع بعد كم شهر اقوى من اول وماخليت شي مااخذته ومافاد حتى الادويه ماقالت وسبحان الله جاتني نزله معويه وبعده شفيت منه اختفى بعد النزله لوحده بعد فتره رجع ومافاد معه شي ابد غير العسل والرمان مع حميه غذائية والحمد لله طبت اما الحين الي اشتكي منه هو القلب والدوره الدمويه والراس هذي كلها وانا خايفه مره عايشه برعب كابوس أختي غدير براك مشكلك واضحه وضوح الشمس كأني اشوفك قدام عيني . 1- أنتي الله يهديك اخذتي علاج الجاسيك وهو خاص للتقليل من افراز حمض المعده اكيد ارتحتي منه لأنه خفف لك الحموضة اللي في المعده وكان المتفرض اللي تسوينه تاخذين بعد منظار على القولون لأنه تأثر من اللتهاب المعده اللي فيك ولابد مع العلاج حمية غذائية لمده طويله والاعراض هذي ما تجي الشخص الا إذا كان فيه اللتهاب بالمعده مزمن لذلك من باب أولى أن قولونك فيه اللتهاب . 2- من أعراض علاج الجاسيك أنه ينزل الضغظ وعن تجربه شخصية ولذلك تحسين اذا اكلتي العلاج ينزل الضغط وتحسين بدوخه منه . 3- اختي التشخيص الصحيح نصف العلاج انتي تدرين أن اللتهاب معدك أثر على قولونك وتسبب بالتهابه وبالتحديد القولون العصبي الصاعد وبما أن جميع الاعصاب مرتبطه فيه سبب لك امساك وانتفاخ بالبطن خفقان بالقلب نغزات صداع دوخه وعاد الاعراض هذي تبدى بالظهور عندك وكل يوم تزيد وصدقيني اتحدى أكبر طبيب شخص حالك نفس تشخيصي لك وأتمنى كلامي هذا مو صحيح تقولين غلط . 4- من اكبر الاخطاء اللي سويتيها أنك تاكلين العسل مع قشر الرمان ولاحظي بعد ما تاكلي العسل مع قشر الرمان راح تزيد نبضات قلبك وتحسين بانقباضات وراح يسبب لك امساك وهذا اكبر غلط سويته المفروض العسل يحل بموية يعني ملعقة عسل يحل في كاس ماء دافي ثم يشرب بدون أي اضافه والدليل أنه مذكور بالقران قال تعالى ( يخرج من بطونها شراب مختلف الوانه). 5- الخطأ الثاني انك استخدمي قشر الرمان وكان المفروض عليك تستخدمي لب الرمان داخل الرمان نفسه يغلى ويشرب مقدار فنجال ولا تكثرين منه بعد وللعلم قشر الرمان مضر جداً ولا فيه أي فايده نهائياً ويستخدم للجروح الخارجة مو الداخليه وأكلك له هو اللي زود عليك نبضات القلب وتحسين قلبك مشدود وجربي وراح تلاحظين كلامي صحيح . 6- الخطأ الثالث اكلك الثوم صدقيني عارف راح يزود عليك خفقان القلب ويزيد نبض القلب وخاصة اذا كان غير مطبوخ لأنه ما زال فيك اللتهاب تخيلي تحطين على الجرح ملح وش راح يصير ما راح تحملين كان المفروض عليك أنك تطبخين فص واحد الى فصين مسلوق مع الاكل بحيث يكون بارد على المعده . 7- الخظا الرابع اختي العسل انواع فيه سدر وفيه برسيم وفيه زهور وفيه طلح لكل شخص تركيبه معينه في جسمة يعني جربي الانواع وشوفي اللي جسمك يتقبله وخليه بشكل يومي تشربين منه ملعقه يحل في كاس ماء دافي على الريق مرتين يومياً . 8- اختي اعتقد عندك مشكله مع مشتقات الالبان والبقوليات وارجوا منك تجنبين الطماطم ومشتقاتها كاتشب شطه الـــــخ البهارات الفطائر لأن فيها خمائر تزود الحموضه اللحوم الغنم والدجاج والمشروبات الغازية والشاي والقهوه وجميع الحمضيات ماعد الليمون بشكل بسيط للتثبيت نسبة الحديد في الدم وأي شي تاكلينه أو تشربينه وتحسين معدك تتأثر منه تجنبيه وحاولي تعوضيه بشي ثاني . 9- لابد من عمل فحص اختبار حساسية القمح . 10- لابد من قراءة القرآن لأن مشاكل الباطنية أغلبها تكون بسبب العين يعني مع اللي قلت لك عليه قراءة سورة البقرة بعد كل صلاة قراءة عشر صفحات بعد كل صلاة بحيث ما يجي وقت صلاة العشاء الا وانتي مخلصتها اختي الكلام هذا ما جبته من فراغ أتمنى اذا كان كلامي غير صحيح تقولين كلامك مو صحيح بشرط أنك تكونين جربتي اللي قلت لك عليه وأرهن على كل كلمه كتبتها وقدام كل اللي ردوا عليك أن كلامي هو الصح بأذن الله راجعي كلامي زين وكل حرف كتبته وراح تتأكدين من صحة كلامي . وراح انتظر ردك علي . أسال الله أنه يشفيني ويشفيك وكل مسلم ،،،،، |
دعاء لإزالة الهم
" يا فارج الهم وياكاشف الغم يا رحمن الدنيا والآخرة ورحيمهما فرج همي واكشف غمي يا الله الواحد الاحد الصمد الذي لم يلد ولم يولد ولم يكن له كفوا أحد، اعصمني وطهرني و اذهب ببليتي " واقرأ آية الكرسي والمعوذتين. |
شكراً لك على ردك الجميل ، انبهك ايضاً من اول ما بدأ الوسواس معاك خلاص اعرفي ان كل فكرة اخذتيها سلبية عن نفسك او المرض كاذبةة ، مثل ما قال لك اخونا ربي يحبك اعملي الخطوات اللي قالها ، ان لم تلحظي شيء او التهاب او انك تعافيتي وما زال ، ف اعرفي ان الباقي من المشكلة هو بسيييط جداً وهو نفسي فقط بمجرد اقناعك واقتناعك راح يزول الوسوسة بكل شيء ، لاحظي انك تخافين من فيتامين نقص او زاد وتخافين من نبضات قلب و تخافين من تسمم ، كل هذه ليست من تفكيرك الطبيعي ، عشان تقضين ع الوسوسة اعرفي اساسا ان تفكيرك ووساوسك اولا انها مو طبيعية وانها وساوس مرضية و كل مرض ولله الحمد له دواء ، ايضاً هذه الوساوس وقتية فقط يعني لا تتوقعين انها ستكون معاك طول عمرك ،
ارجع واقول طبقي كلام اخونا ربي يحبك و اقضي على الالتهاب ، و الباقي امر نفسي انتي تقضين عليه ب اذن الله |
اهلين اخوي الاحسان
اش سوا الطبيب النفسي وراحت مشكلة التبض؟ وانت ايش مشكلتك مع النبض ؟؟ يمكن تكون النبض قوي واخذت مهدئ وخف عليك لان القلب اصلا نبضه بالاصل قوي مش ضعيف انا المشكله القلب كله صرت احس فيه وبحركاته ونبضاته ضعفت النبضه غريبه يجماعه شفتو النبض الي نحسه لما ياخذون الضغط هذي النبضه الي كانها كهربا وفيها موية وضعيفه هذي الي احسها بقلبي مع احساسي بالقلب كله وحركاته عذاب !! وخايفه لايكون لان قلبي ضعف صار كذا الله يستر :( |
اهلين اخوي ربي يحبك
اخوي خوفتني لايكون قشر الرمان سبب لي مشكله بالكبد ولا القلب؟؟ انا كنت افكر بهذا الشي بس خفت اقول لاهلي لانهم كانو رافضين اكله الحين انت خوفتني كيف اتاكد ان القشر ماسبب لي مشكله انا مره خايفه وترا صار لي سنه ماخذه القشر وجاسيك استخدمته قبل سنتين او ثلاث من اول مابدا معاي الالتهاب وتاركته من سنوات بس الثوم اكلته من اول مابدت معاي الاعراض لقلبي واستمريت عليه شهر واكلته نيء قريت انه مفيد للقلب وهو نيء وتندمت بعدين لاني خفت يكون ضرني مافادني لاني اول مامرضت فكرت شراييني فيها شي ولاقلبي وخفت اكلته عشان يمنع الجلطات وانا غبيه اصلا ادري لاني اقرا واطبق ع نفسي وانا الحين خايفه نتيجة غبائي صارت لي مشكله بقلبي ولا كبدي وانا اصلا ماكان عندي شي الله يستر |
اخوي عيسى
ان شاء الله انا بطبق كل كلام الاخ ربي يحبك وكل النصائح هنا لكن انا ماوسوس الوسواس وهم وانا الي احسه واقع وحقيقه مو وهم والله يستر 💔 |
انا حتى صرت مااقدر اقوم بأي مجهود
قلبي كله يتحرك وضيق نفس وراسي احسه اسفنجه كلها مويه ومسدود وينبض هذي مو اوهام حقيقه وضغطي كله نازل والجاسيك اخذته من ثلاث سنوات ماراح بغير ضغطي الا الحين بليز احد يقولي شفيني |
مشكلة الخلل في دقات القلب علاجه الأندرال
مشكلة النبض القوي علاجه الأندرال مشكلة النبض السريع علاجه الأندرال الأندرال موجود في مستشفى الطب النفسي وممكن يباع في الصيدلية إذا تبين الأندرال وما تقدرين تروحي للطبيب فخلي أي واحد من الأهل يروح الصيدلية ويشتري الأندرال بجرعة 20 في اليوم |
اهلا اخوي الاحسان
بس انا مو قوي ولا سريع انا النبض عندي ضعيف واحس بالقلب كله وعمدي هبوط والادويه النفسيه بعضها ترفع الضغط بشكل خطير وبعضها تنزله بشكل خطير وانا خايفه والدكتور للنفسي وصف لي سببراليكس بس انا مو مقتنعه ان عندي شي نفسي عشان كذا مااستخدمه وتركت المراجعه مع الدكتور وماادري صح الي سويته او لا ؟؟ |
انا احس بالقلب كله احس بحركاته وضرباته ونبضه
انقباض وانبساط القلب مو محسوسين عند الشخص الطبيعي انا احسهم واحس الحركات كلها ضعيفه ياربي عونك وين دكاترة نفساني 💔 |
مشكلة دائماً من لديه وسوسة وتوهم ، يقول انه هو بخير و ان وساوسه حقيقية ، و لكن لا يستطيع السيطرة على تخيلاته ، اولاً انا احلف بالله ان كل ما تتخيلينه من وساوس و تخيلات والله لن يقع باذن الله ، كل ما تخيلتيه من امر المستقبل لن يقع ، و هذا يعرفه الحمد لله اصحاب الوسواس كلهم ، كل من لديه وسواس يخاف من مرض فيذهب للمستشفى ويقولون له انه معافى فيوسوس اكثر ويقول ان المستشفى هذا سيء و يذهب لآخر ، ولو أطاع وساوسه تماماً لمر على كل مستشفيات العالم ليسمع نفس الكلام ،
الوسواس حديث نفسك و حديث شيطانك لك ، فمتى اتفق كلام الله مع كاام الشيطان تعالى الله عن ذلك ، .. اعلم اخي يا من تقرأ اولاً ان كل ما تتخيله وتخاف منه انه لن يقع و تيقن بذلك يقيناً تاماً .. و لك ان تضحك على وسواسك وتربط حدوث هذا الشيء ب وقت فلاني مثل بعد خمس دقائق ، قل تمام دام انا موسوس بانه احد سوف يدخل علي مو هذا الباب او ان هناك مصيبة ستأتي بعد خمس دقائق ، امسك ساعتك واحسب خمس دقائق ، ستضل طول عمرك تنتظر هذه الخمس دقائق ولن تأتي و لن تتحقق ، و ايضا يا صاحب الوسواس كم مرة وسوس لك الشيطان في يومك ؟ كم مرة قال لك انك ستموت ؟ كم مرة قال لك انك مريض ؟ كم وكم وكم من المرات قال لك كذا وكذا ، هل في يوم من الايام منذ بدأ الوسواس معاك صدق وسواسك في كلمة واحدة ؟ لماذا لا نعترف انها وساوس مرضية كاذبة ، لماذا لا نعترف اننا مرضى فعلاً ونحتاج الى ان نعالج انفسنا ، لماذا لا يعالجنا غيرنا ولماذا لا نتعالج بالأدوية ؟ لأن المرض هذا بدأ من عقلك ومن افكارك السلبية ، و سينتهي بعقلك و بافكارك الايجابية ، و كيد الشيطان ضعيف ، و انتي ما شاء الله انثى ههههههههههه والله قال عنكم في كتابه الكريم ان كيدكم عظيم ، وكيد الشيطان ضعيف ، اعترفي بالمشكلة ف الاعتراف بالمشكلة نصف الحل ، عندما تقولين انا طبيعية لن تبحثي عن حل و لن تجدي حل لانك لا ترين انك بحاجة الى حل ، لكن عندما تقنعين نفسك ب ان لديك مشكلة نفسية ستبحثين عن حل و ستجدينه اكيد باذن الله ، وهو الافكار الايجابية ، و هو تكذيب هذه الوساوس ، كم لها معاك ؟ كم لها تكذب عليك و انتي تعرفين وممكن تعودتي اساسا انها ما بتحصل لكن خلاص انتي مستسلمة لتفكيرك السلبي.. تعبت من الكتابة ابي انام هههههههههههههه تذكري ان كيدك اقوى من كيده |
وربي حقيقيه وتعبت منها
طيب اذا وهم ونفسيه وخيال ليش اتخيلها مجنونه يعني؟ ولا ايش السبب بالضبط؟؟ طيب متى تروح وارجع طبيعيه انا تعبت والله |
| الساعة الآن 10:10 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا