هلا بك حمال الاذيه وكل عام وانت بخير
انا استخدمته في ٢١ رمضان وكان بجرعه ٥ مل اول يومين ماحسيت بشي وبعدها ابتدت اعراض مزعجه مثل الغثيان والدوخه والوهن بالجسم حتى كنت اعجز اصلي جاء يوم العيد حسيت بنشاط الصبح وطلعت وعيدت ورجعت البيت نمت وقمت بالليل جسمي تعبان و دوخه وغثيان قعدت يومين كذا وبعدين ابتدا التحسن بدت الدوخه تخف كثير بدا الشعور بالتفاؤل بديت اطلع من البيت يعني تقريبا التحسن الفعلي ابتدا تقريبا بعد اسبوعين لكن تحسن بسيط بس كان عندي عظيم بصراحه لان كانت الدوخه متعبتني وشوي شوي ابتديت ارجع لطبيعتي .
صحيح تحسن البرنتلكس بطيء جدا لكنه مرضيني يالله لك الحمد .. بعد شهر رفعت الجرعه حسب طلب الدكتور الى ١٠ ماجتني اعراض تذكر الحمدلله .. صحيح يتخلل الفتره دوخه بسيطه لكنه بسرعه تروح .
لكن الخوف انتهى تماما والمزاج صار معتدل يعني اميل للهدوء اكثر من الحزن تفكيري صار ايجابي نومي تحسن كثير .
اتوقع الدواء النفسي من خلال تجربتي انه دواء تلمفروض ماتراقبه اتركه يعمل بهدوء ومن غير ماتشعر راح تحس بتحسن .
انا لي الان شهرين ونص والحمدلله التحسن ٧٠ بالميه تقريبا .
طبعا كل اعراض احس فيها اسأل دكتوري عنها قال التطنيش هو بنفسه دواء مساعد مع الدواء الاساسي واكيد راح يحصل تذبذب وختى لما يوصل الدواء الى ١٠٠ بالميه احنا بشر معرضين احيانا لضيقة الصدر احيانا للعصبيه احيانا للقلق والتطنيش هو الشي الفعال بهالحاله وبصراحه اقنعني كلامه وكلامه صحيح جدا.
وانت اخوي اصبر شوي على الدواء وخليك ايجابي وقول لنفسك مافي شي على الله بعيد والدواء هو سبب فقط .
اتمنى لك الشفاء والسعاده وراحة البال

يعطيكي العافية الاخت قطرات الندا..... آنا استخدمته سابقا ولمدة شهر تقريبا وبجرعة ٢٠ مج ولكن للأسف ما جاب معاي نتيجة يمكن لان الاكتئاب والقلق عندي مزمن وقوي وطبعا تركت الدواء..... آخر زيارة قبل اسبوعين تقريبا وهالمرة لدكتور خاص وصف لي البرنتلكس ٢٠ مج صباحا بالاضافة الي البرستيك ١٠٠ مج مساء..... في تحسن ولكنه بطئ..... اللهم شافي كل مريض يا رب.....

الله يعافيك حمال
الله يكتب لك الخير والعافيه والطمأنينه .. راح تتحسن وترجع لك البسمه والراحه والهدوء انت بس قل يا الله

بارك الله فيكي اخت قطرات..... ياالله يا كريم.....

السلام عليلكم جميعا ..... انا جربت كل ادويه الاكتئاب ماناسبتني ابدا تسبب لي ارق شديد الا البرينتيلكس ممتاز وانصح باستخدامه انا ماضايقني منه الا التعرق الشديد في الجسم كله لو امشي خطوات والا هو يخفف الضيقه واخر زياره للدكتور زودت الجرعه ل ٣٠ لكن جاني صداع ورجعت لجرعة ٢٠ ولي هلحين ثمان شهور وقررت اتركه بالتدريج لان مسالة التعرق والغثيان مضايقتني بالمره والله يستر ماانتكس لاني قبل كذا كنت في فترة اكتئاب شديد لدرجة البكاء من اي شي هل احد استخدمه ونفس اعراضي ...وياليت لو فيه دكتور يقدم النصح كيف تركه بالتدريج شاكره لكم

مرحباااا بالجميع
لي هلحين عشر ايام خففت الجرعه الى ١٥ واليوم اببدا ب١٠ بس ويارب تشفي كل مريض بس عموما برينتيلكس ممتاز لولا الغثيان اللي ماهو راضي يروح عفس نفسيتي ...

اذا بس مسألة الغثيان مزعجتك حلها سهل خذي زيبريكسا 5 وبتاكلين المر والعلقم والاخضر واليابس وبتمحين غابات الامازون عن الوجود
بس من ناحيتي انا صراحة ماعاد ادري وش السالفة ناس تسب العلاج وناس يمدحونه وماعاد ادري وش الحق من الباطل
انا عن نفسي مثلك جربت كل مضادات الاكتئاب ولا فيه شي فادني غير انافرانيل ولكن تركته بسبب الامساك
وحاليا استخدم سبراليكس مع سيروكويل والتحسن ضعيف

الافضل انك تتركين العلاج بتدرج بطيء جدا عشان ما تجيك نكسة قوية

يعني ربع حبة كل شهر

واشتري كسارة الحبوب من الصيدلية وكسريها اربع اقسام وكل شهر خففي ربع
ولكن اذا تبغين نصيحتي استمري على العلاج سنة افضل وبعد سنة خففي الجرعة
لانه اذا خففتي الجرعة بسرعة بتنتكسين وبدال ما تصيرين نجمة الفلك يمكن تصيرين ثقب اسود لا سمح الله 😅

الله يشافيك ويشافينا اخوي البائس بس الغثيان عفس نفسيتي واللي اشد منه التعرق القى جوانب وجهي تصب زي المويه وشعري كاني غاسلته فقررت اتركه بالتدريج واشوف وش النتيجه بس بصراحه هو افضل علاج للقلق بالذات اكثر من الاكتئاب ....

ههههههه ياحليلك الا ان شاء الله ابصير نجم ساطع انا لي هلحين اربع ايام جرعة ١٠ وبعد اربع ايام اببدا ب ٥ واعلمك النتيجه بعدين ...وانا بحثت بالنت ادوية الاكتئاب تتدرج كل اسبوع تنقص الجرعه لمدة شهر وبعدها شهر وينظف الجسم من الادويه واشوف بعدها بس متفائله ان شاء الله

وش صار عليك

هلا بالجميع لي تقريبا سنه وشهرين تاركته ولا حسيت بفرق النفسيه لانه اعتقد الظروق العائليه لها دور بالضيقه حتي وحده ذكرت لي اتيفان للقلق والنوم قالت ممتاز بس مالقيته لان اكثر شي يتعبني كثرة التفكير بمحيطي والارق وهذا مع بعض يسبب ضيقه اللي هو اكتئاب اللله يرحمنا برحمته يارب

هو ما يرجعنا لدائرة المرض للأسف الا الضغوط النفسية بس حاولي قدر المستطاع انك تبتعدين عن كل مشاكل الحياة وضغوطها
واما سالفة علاج اتيفان انا عن نفسي صراحة ما انصحك ولا انصح غيرك باستخدامه لأنه علاج شديد الادمان مثل الزاناكس واذا تقدرين تستخدمين فاليوم يكون افضل منه اما اذا كانت مشكلة الارق متعبة لك فيه علاجات كثير للارق ماتسبب ادمان مثل ميرزاجن او سيروكويل