بالله عليكم هذي نصيحة!!!
مثل مامسحت على سبيجه .. امسح علي
ايش هالقرف!!! هل هذا الكلام يصدر من عقول واعية؟ أو يصدر من عقول لعب عليها الوهم والدجل والخرافة!!! لعب عليها أصحاب العمائم والعقول المتحجرة والجاهلة والمبتزة للضعاف والمغفلين!!؟
ونقول ليش احنا متخلفين؟؟؟ والله سنبقى متخلفين أبد الدهر إذا نحن صرنا بهذا التسطيح الإبستملوجي، حرام يترك لهؤلاء الدجالين الحبل على الغارب ويضحكون على المساكين، فهم أشد خطرا من المخدرات وقطاعي الطرق، والقهر أن نجد إلى اليوم من يؤمن بخرافاتهم ويدعون الناس لها وبوجه صفيق: مثل مامسحت على سبيجه .. امسح علي!!!؟؟؟

وعلى كيفك تجيبين العيد وتقولين ما نبي رد طائفي!؟ يعني كيف تبيننا نسكت على شأن ما نصير طائفيين! تبيننا نسكت على وهم ودجل وسفاهة وقناعات خاطئة ما لها أصل ولا فصل ولا مستند علمي ولا عقل! هذي الخرابيط ما تصلح للي يعيشون قبل آلاف السنين! كيف تبين الناس يروحون ويسوون مثل ما سويت! لا وينقل لهم اسمك بعد "سبيجه"!!!؟ هذا تكريس لوهم ودجل وفكر أكثر خطرا من الاكتئاب، ويصير كل فاشل ومنحط ومتخلف يفتح له قبرا ويبدأ يضحك على الناس ويبيع عليهم الوهم ويتاجر بما يزيد الناس مرضا وتخلفا ودروشة ويبني أُسرا ضعيفة ومريضة ومتعلقة بالخرافات!! هذي خرابيط وركض خلف الدجالين اللي عبثوا فينا سنوات طويلة، وعذبوا الكثيرين ولعبوا عليهم وسرقوا أرزاقهم وضحكوا على عقولهم، ولما يشوفون مثل كلامك يقولون: إن زين شوفوا البسطاء تنطلي عليهم حيلنا الشيطانية والضحك على ذقونهم حتى في عصر العلم والمعرفة والتجربة والبحث! بعدين إيش الفرق بينك وبين اللي يروح حق السحرة؟؟ لا فرق كلهم دجالون ما عندهم إلا ما يزيد الحمى مليلة، والطين بلة، والمصيبة بمصيبة أكبر منها!! كيف تنقلين تجربة لا يصدقها إلا المغفلون والمساكين! وتريديننا نبارك ونهلل! ونهز رؤوسنا مثل الدراويش، وبعدين ما نجني إلا الكذب والدجل والخربطة!! الناس مريضة وأنت قاعدة تطقطقين عليهم بكلام فاضي وخرابيط وحكايات وهمية! بدل ما تفيدينهم بشيء عقلي ومنطقي ومفيد فيه تعزيز للنفس وترك للأوهام تقعدين تنقلين مثل هالجهل والتخلف والدروشة!.