اليوم برج الثور كتتتير مخنووووووووووووووووق
مين مثلي ؟

( المصراتي و ملامح و مستكفة و أنا ) برج الثور في حد تاني ولا لا ؟؟
عاوزة اعمل تجمع لبرج الثور

انا برج الحمل واصدق الابراج
بشكل كبيير ..شكرا خيوو ع الموضوع الجميل :)

إياكي تؤمني بالكلام دا يا اميره حكايه الحظ و ما الحظ
ابعدي عنها و لا حتى تقرئيها هذه من الشركيات لان فيها ادعاء علم الغيب و هو الغيب ملك لله وحده حبيبتي.
نكتفي لحد الشخصيات و الصفات فقط اكثر من كذا لا
لا تصدقي و تغوصي و تتبحري في خرافات و خزعبلات .
سلامتك من الخنقه اخرجي امشي الناس صاحيه عندك في الليل زي الوقت دا كأنه وقت مغربيه الناس مليانه في الشارع انزلي امشي الجو حلو على البحر الساعه دي.

انا طبعا مش بؤمن بالحظ والكلام ده بس انا اليوم حاسه بخنقة وضيق مش طبيعي مش ليه علاقة بالابراج اصلا حرام اني اقرأ الحظ لان مش هيتقبل مني صلاة 40 يوم
تصدقي نفسي اخرج والله :( نفسي اروح البحر بليل واكون لوحدي
بس طبعا مش هينفع اخرج لوحدي بليل

اعملي لك جو في البرنده ولا البلكونه الهوا يرد الروح
تفرجي على الناس مافيش عزه تحت البيت تنزلي تاخدي ايس كريم و تطلعي ههههههه

اطلع البلكونة هههههههه بخاف انا مرة صرصار عذبني فضلت اسبوع خايفة اطلع بسببه وبعدين المنظر امامي مخيف هههههه عمارات مش فيها حد ساكن لسه جديدة
وايس كريم ايه بس انا عاملة دايت منه لله الدايت وسنينه السودة هههههه

يا ستي رشي البلكونه بمبيد حشري و اهتمي بيها حطي شتلات و طاوله و كرسيين خليه متنفسك احنا هنا محرومين من البلكونات مش لازم تتفرجي شمي هوا و استرخي انا كنت ساكنه مره قبال وحده حاطه في بلكونتها قفص عصافير جميل
في الصبح اصحى على اصواتهم الجميله.

مشكله ايس كريم عزه في السكر يا ستي كلي و امشي على الكورنيش ايه المشكله الدايت دا لايف استايل فعادي خليكي فريش وقت ما تنخنقي اديلو عزه ولا فخفخينا هههههههههه

هههههههه انا مفضياها خالص وقبل ما اطلع بعمل استكشافات بس الصراحة من شويه طلعت الجو تلج دخلت بسرعة والحساسية بدأت معايا الجو برد عندي
بس انا نفسي انزل البحر بليل تعالي معايا يلا ...

جيتي على الجرح يا اميره والله رجعت من اسكندريه و انا زعلانه جدا ما اشبع منها شوفي انا لفيت مصر لكن اللي دخلت قلبي اسكندريه بكل ما فيها ارتاح فيها و ارتاح لشواطئها في مدن لما تدخليها تحسي براحه حتى اهلها ناس طيبه و كريمه روحي بكره سيتي سنتر عامل تخفيضات حلوه يا ستي حتى لو بس تلفي فيه سلي وقتك هوا بعيد شويه بس يستاهل المشوار.

ملاهي المعموره عملوا عليها تعديلات و تجديدات صارت احلى
عندك خيارات كتير وقت تحسي بالخنقه اخرجي ولاتستسلمي
يا ستي امشي على استانلي من فوق
انا كان نفسي احضر الاونطجي لمحمد نجم بس ما امداني.
احنا قلبنا الموضوع مصر للسياحه هههههه

الله يفرج عنك و يمتعك بالصحه و الرضى و الامن و الامان

ههههههههه نفسي اخرج والله بس للاسف صعب اني اخرج بأستمرار
وملاهي المعمورة روحتها مرة كان يوم بشع ههههههه بترعب انا من الحاجات دي ومن يومها وانا قولت لا
ربنا يسعدك والله انتي خرجتيني من الجو الي انا كنت فيه

عشان الصراخ في ناس تطلع الالعاب عشان تصرخ بس بتطلع الكبت اللي جواها و في ناس تستمتع هههههههه انا اتفرج بس
الحمدلله حبيبتي والله هذا كل ما اتمناه ربي يجبر خاطرك.

هههههههه انا طلعت مرة وصرخت كنت هموت من الرعب وبعدين بقيت لما اشوف حد يصرخ وخايف ابكي لهم ههههههه بيصعبوا عليا والله مش عارفة ليه بيعذبوا نفسهم
ربنا يسعدك ياااااااااارب وجزاك الله كل خير علي الترفيه :) شعرت اني لفيت اسكندرية وانا قاعدة في البيت

انا عشت في اسكندرية سنتين واحب مكان عندي الاحياء القديمة راس الطين والكبده الاسكندراني والمكرونة بشميل

واحب التسوق من خلال جريدة نسيت اسمها مخصصة بيع اي شيء