|
فبل يومين اخذت سيارة امى ورحت الجمعية واللة يا اخوى حسيييت بموت خفقااان شديد وضيق وكانة بيغمى على بسيارة احس انى مقيدة ما اقدر اتحرك00
|
تدرين ليه كذا السبب الوحيد لانك كنتي تفكرين بالنوبه وانتي بالسياره ماكنتي تقولين عادي خليني اسوق السياره والنوبه فيني يعني المشكله احنا للحين نبي الشي يروح بسرعه وهذا اكبر غلط لان اذا فكرنا فيه متى يروح معناتها ما راح يروح ويبقى معانا يعني السالفه يبيلها صبر ويبيلها جهد وطاقه مو سهله
|
انا الحين اكلمك من الدوام وبروح الحين لجتماع وبقول كلمه تخيلي تجيني نوبات الهلع وين المشكله خليها تجي عادي المهم انها ما توقفني
المهم بروح وبجي وبحصلك ان شاء الله احسن اوكيييييييي؟؟ |
تكفى قولى شنو اسوى 00لما كنت مع اهلى بسيارة قبل واللة خليتهم ينزلونى بشارع ومارتحت لين ودونى المستشفى وعطونى مهدى والدكتور خرعنى خلانى بملاحظة لين خف الخفقان00اخاف تردلى الحالة وبطريييق مافى مستشفيات
|
يعطيك العافية تعبنك معاااى اخوى ابو الهلع
|
أختي ليان صدقيني انك تسيرين نحو الأفضل، ولكن عندك مشكلتين رئيستين لو حليتهم بتنتهي كل مشاكلك الأولى هي : ترك الدواء ذكرتي في قصتك انك لما تستخدميه تتحسني وتتعبي لما توقفيه أختي ثبت ان المرض النفسي له اساس عضوي والنواقل العصبية الضعيفة مالها حل الا بالأدوية وأنا أمامك طبيب نفسي وأستخدم بروزاك 60 ملجم وكل ماأحاول أخففه (مو أنقصه) أشوف الدنيا سوداء ويجيني انواع الخفقان والضيق بالصدر والانطواء والقلق الثانية هي : فهمك للمرض النفسي وراح تقولي هذا مو فهمي.. هذا فهم المجتمع والناس لا ياأختي الكريمة انتي أكثر واحدة تحتاجي تعرفي ان المرض مو عيب المجتمع صعب نشرح له ونقنعه.. لكن نقدر نقنع أنفسنا ونقدر نخبي على المجتمع اذا مافي مجال يتركنا في حالنا هذه هي كل مشاكلك ولو حليتيها بيتحسن حالك 180 درجة لي مقالين اتمنى تقرأيهم واحد عن وصمة المرض النفسي قد يساعدك في الاطمئنان الى مسمى المرض النفسي وهو موضوع مثبت في قسم المقالات والبحوث والآخر في نفس القسم بعنوان "ركأئز الطمأنينة" وهو قد يساعدك في تحقيق الطمأنينة التي تفتقدينها خاصة وأن العلاج الدوائي يحتاج فترة لكي يظهر مفعوله وربنا يشافيكي ويعافيكي ويكتب لك الأجر والمثوبة آآآمييين |
واللو الحين اقتنعت بمرضى وصار مايهمنى كلام الناس000طيب قبل اسبوع صرفلى دكتور القلب سيروكسات وخايفة استعملة00
|
مشكووور ويعطييك العافية طبيب ماقصرت وان شاء اللة بقراة 00
|
يا اخت ليان 000000
لا يوجد الم في القلب يخليك تمشين طبيعي ---ابدا ابدا ابدا - القلب اذا صار فيه لو تعب بسيط جدا جدا ماتقدرين توقفين على حيلك --- اللي فيك مش قلب اطلاقا 0وتأكدي بنفسك 0وجع القلب يا اختي صعب جدا يكاد يوقفك عن الحركة - اختي - اذا انك تعانين من امساك او اسهال ولو فترات متقطعه وتجيك وخزات بكتوفك 0بالاضافة للخفقان وضيق التنفس 000 فحاولي تتأكدي من قولونك 0-000القولون قريب من نوبات الهلع جدا بل هو اقرب مرض لها 0 اتمنى تكوني بصحه زينه 0000 وتذكري اغنية خالتي قماشة --وش علينا من الناس وش على الناس منا 0 وضعيها جدام عينك 0وابتسمي للحياة 0 ولا تضيع ايامك بدون ما تضحكي فيها 00 الفرنسيين يقولو 00اضيع الايام تلك التي لانضحك فيها اخوكم بداية مشرقة |
لياااااااان رجعت لك هاه شخبارك اعتقد الاعضاء ماقصرو معك تبين نصيحتي استخدمي الوقت الحالي العلاج الدوائي والله بترتاحين انا الحين استخدم بروزاك وحمدلله احس بتحسن كثير
|
أختي ليان كثير من الاطباء يجهلون أهمية الاستمرار على الدواء مدى الحياة صحيح ان الدوا ينعطى أصلا كورسات 6 شهور وسنة وسنتين وممكن يتوقف بعدها اذا حصل الشفاء ولكن لابد من الحذر عند ملاحظة بداية عودة الأعراض ولا بد من العودة للدوااااااء ولو تكرر لدى الشخص نفسه عودة الأعراض أكثر من مرتين رغم أنه أخذ أكثر من كورسين كاملين فالأفضل له ان يستمر على الدواء مدى الحياة ايش مخوفك من الدواء؟ ضرر ومافيه ان شاء الله أعراض جانبية بسيطة وبتخف مع الوقت كلام الناس وطز في كلام الناس اللي يوصلك منه كلمة تجرح ادعي قدامه ان الله يبتليه بمثل مابتلاكي هذا ابتلاء ياأختي ماهو لعب ودلع وغصبا على أهلك ومجتمعك وكل الناس انهم يفهموا طبيعة المرض النفسي ونقاء المصابين به وحسن أخلاقهم لا احنا منحرفين ولا مجانين واللي مايفهم عساه لا فهم أصلا ماهو كفو انه يفهم ارجعي للدواء في أقرب فرصة اليوم سيروكسات أو سيبراليكس 20 وربنا يكتب لك السلامة والاطمئنان آآآمييين |
انا من الناس الي قالي دكتوري لازم تستمرين عليه طول الحياه
لان شخصيتي قلقه ورجعت لي الحاله كم مره بعد ترك العلاج |
دكتور رعد تعرف الدكتور عبدالله الشرقي ؟
|
دكتور معروف وممتاز ومن الكفاءات الممتازة بالرياض كان عندنا بمجمع الأمل وخسرنا خروجه ولا أدري بالضبط أين يعمل الآن |
اقتباس:
|
| الساعة الآن 09:53 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا