المشاركة الأصلية كتبت بواسطة سلطان الحربي (المشاركة 1398231)

سلام عليكم أخت جواهر فاقد صبري رهابي الله يوفقكم تجاربكم مع برنتلكس 10

المشاركة الأصلية كتبت بواسطة جواهرر (المشاركة 1398282)

مساء الخير للجميع

وش الحل مع مريض الفصام الذي يرفض العلاج نهائي
اخو صديقتي طلع مصاب بالفصام وللأسف توهم يكتشفونه وصل لمراحل مره صعبه
تقول انه يضرب الجدار يعتقد انه فيه تجسس عليه
وأحد بيراقبه وبيسرقه وفيه كاميرات بالبيت ،

ويعتقد أنه حرمه وجاب عيال وكان حامل ويعتقد انه مسحور وانه يسولف مع الجن 😢

المشكله صديقتي تشكي لي ماتدري اني مريضه فصام مثله 😂
بس صراحه مدري وش اقول لها لان وضعه مختلف وواضح انه وصل لمرحله مره صعبه الله يشفيه صراحه حزنت عليه وودي يتعالج لكنه يرفض العلاج لدرجة جاء الدكتور مع العسكر للبيت عشان ياخذونه ورفض رفض شوي وينهبل. عاد صارو يحطون له الدواء مع الشاهي ويشرب لحاله مايثق بأهله وصار يكره ابوه وامه

ويعتقد ان اخوانه هم عياله هو الي جابهم. 🙂💔


انا نصحتها تستشير الدكتور لو يقدر يجي للبيت ويعطيه إبر لكن مادري هل صح الي قلته لها او لا ؟
وهل فيه طريقه تقدر تقنع اخوها يتعالج لانه فصل من دوامه وهو متزوج وعنده عيال كبار ويعتقد ان عياله مو منه 💔💔💔

المشاركة الأصلية كتبت بواسطة جيداء معن (المشاركة 1398038)

الله يسلمك يارب
والله الانسان يضعف ويحزن غصب وبحكم اني اقرب وحده له ماقدرت اتحلمل تعبت مرره بعد مرضه بس جالسه احاول اساعده قد مااقدر
لكن كله قضاء وقدر رؤوف رحيم وربي ارحم فيه مني وقادر ع شفاءه
بس والله لما شفت تجمعكم هذا وقريت كلامكم تفائلت الحمدالله انكم طيبين وفاهمين مرضكم وكل شي ماشي طبيعي
وفعلا افكار اخوي بالبدايه مثلك كان يقول انتي تفكرين فيني صح ودايم يفول انه فلان جالس يفكر فيني بس اغلبها غلط يتوهم لكم مااااايقتتع ابد انه يتوهم
بس اللي مخوفني انه اكثر منكم اعراض ووصل مرحلة مره فصل عن الواقع مع الابر بس مادري وش نوع الابره اللي عطوه وصحي وصار يتكلم وش كان يشوف ويحس
بس الدكتور قال لا هذي لو عطيناه دايم يدمن عليها مع انها مررره طلعته من جوه وكان مبسووووط وطاير من الفرحه انه طاب بس ماطول مفعولها
المهم بالله جواهر لاتقطعين هالتجمع كلامك يعطيني امل واحسك فاهمه ماشاءالله ربي يشيل عنكم كل مرض وحزن يارب
في شغله مادري احس هالمرض له علاقه بالمس والجن لانه اغلب المرضى يبعدون عن الدين وتجيهم اوهام اقرب للاشياء السيئه والنجسه ومن هالكلام طبعا مو الكل لكن كثير قريت نفس الشي
اوتجيه وساوس تكرههم باهلهم والناس اللي تحبهم
وش رايك انتي !

المشاركة الأصلية كتبت بواسطة جواهرر (المشاركة 1398099)

حبيبتي ربي يسعدك 💕

لا ماله علاقه لا مس ولا جن هذا مرض عضوي اساسا وليس نفسي .

المشاركة الأصلية كتبت بواسطة حاذقة (المشاركة 1398299)

هلا أختي جواهر مساء النور ..

حبيبتي جواهر .. أنا جدا مستمتعة من ردودك .. وأشوف ماشاء الله عندك نظرة ثاقبة للأمور الله يبارك ..

ولكن نصيحة مني أختي الغالية ، لا تقولي لأحد عن مرضك ؛ لأن الناس فاكرة إن المريض يعني بدون عقل !

وانتي ماشاء الله والله يبارك وضعك مختلف تماما .. وأنا متفائلة إنك في يوم من الأيام راح تعيشين سوية من غير دواء بإذن الواحد الأحد .. لأن في فئة من المرضى عندهم فصام مؤقت .. وانتي منهم بإذن الله.


بالنسبة لأخو صديقتك ، لازم يعطى ابرة اجبارية (غصب عنه) ..
وهذا لا يكون إلا بالاتصال بالمستشفى وطلب المساعدة منهم.

لايوجد حل آخر.. فالرجل ليس بعقله .. كيف يناقش وكيف يقتنع؟!

خلاص .. لايوجد اصتبصار تماما ... فلا حيلة إلا بالاستعانة برجال المستشفى .

والله يشفي جميع المسلمين.

المشاركة الأصلية كتبت بواسطة حاذقة (المشاركة 1398303)

حتى مع الأمراض العضوية ،قد يكون منشألها حسد أو سحر.

ولهذا يجب على كل مصاب التداوي بكتاب الله والأدعية النبوية.

المشاركة الأصلية كتبت بواسطة جواهرر (المشاركة 1398311)

صحيح كلامك بس الاغلب يربطون اي مرض نفسي بالعين والحسد والسحر وهذا أكبر غلط


حصول المرض النفسي او ادراكي لديك(إكتئاب،قلق ،فصام أو غيرة)هو إبتلاء ورفعة من الله لك
‏وأسأل الله أن يكفر بة خطاياك ويعينك على بذل أسباب الشفاء❤
‏لا يعني أن إيمانك ضعيف!
‏لا يعني أنك غير صبور!
‏لا يعني أن في شخصيتك نقص!
‏لا يعني أنك لم تقاوم بما فية الكفاية!
‏لا يعني أنك سمحت للشيطان يلعب بك!


كله مجرد ابتلاء وهذا شيء مُقدر لازم تعترف فيه وتؤمن فيه لأنه جزء منك لايتجزأ وتعيش حياتك وهو جواتك وتكيفه على مزاجك لا تخليه هو يكيفك ويلعب فيك لا هو مجرد جزء بسيط ف أنت سيطر عليه. والحمدلله على كل شيء

المشاركة الأصلية كتبت بواسطة توكلت عليك يارب (المشاركة 1398320)

تسلم يدك الي كتبت الكلام هذا فعلاً كثيييير ناس تخلط بين الامراض الروحية والنفسية حتى هنا اشوف مواضيع نفس الشي البعض مايبي يقتنع انه فيه مرض نفسي وعادي يقتنع او يقنع نفسه ان فيه عين او حسد او مس او سحر ماشاء الله عليك اهنيك على تفكيرك الايجابي وروحك الحلوه استمري انتي مبدعه ماشاء الله واتوقع لك مستقبل جداً جميل الله يوفقك ويشفيك ويشفينا جميعاً يارب

المشاركة الأصلية كتبت بواسطة حاذقة (المشاركة 1398302)

أنا عن نفسي ، أرى أن غالب الأمراض النفسية مرجعها إما حسد أو سحر .. ولكن الأكيد أن ليس كلها .. أقول غالبها .. والله أعلم.

المشاركة الأصلية كتبت بواسطة رهاابي (المشاركة 1398412)

هلا حاذقه

قبل سبب لك كيمادرين 10

جفاف في الفم و عطش ؟

المشاركة الأصلية كتبت بواسطة جـودي (المشاركة 1398522)

السلام عليكم
انا عندي مشكلة بالرغم اني اخذ دواء اولانزابين 10 والله مافادني في شي وغيرت الدواء ولااستفدت ورجعت مره ثانية للأولانزابين عندي هلاوس سمعية وسواس الموت ووسواس الامراض كل فكرة تجيني انشغل طول وقتي معها واجلس امشي في البيت انا تعبت وتعبت اهلي معي ماادري وش اسوي

المشاركة الأصلية كتبت بواسطة رهاابي (المشاركة 1398554)

فاقد
جواهر

وينكم ...