|
تكفون من مر عليه زي حالتي
صباح الورد
بدون مقدمات راح أبدا بقصتي أنا جامعية ولله الحمد كنت دائماً مرحة وأحب انبسط وأضحك زيي زي أي بنت تفكر تتزوج وتكون أسرة وكنت أحب أتصفح المواقع والمواضيع الخاصة بالفاشن وتجهيز العرائس لدرجة إن خواتي كانوا يضحكون علي يقولون اللي يشوفك يقول ما بقى على زواجها شي حتى بشرتي كنت مهتمه فيها . ومن 3 شهور توفت وحدة من معارفنا الكل انفجع عليها ومن يومها صرت أخاف على أميز إخواني يصير لهم شي ومرة كنت جالسة أفكر وكأن فيه شي داخلي يقول ليش خائفة عليهم يعني انتي ضامنة نفسك ماراح تموتين مو شرط تموتين بحادث أو مرض يمكن تموتين وانتي نائمة فجأة . طبعاً أنا من رمضان الحمد لله محافظة عالوتر وأردد سبحان الله وبحمده 100 مرة في الصباح و100 مرة في المساء ولا إله إلا الله وحده لا شريك له له الملك وله الحمد وهو على كل شئ قدير 100 مرة في الصباح والمساء وأستغفر ألف مرة بعد الوتر ومحافظة على أذكار الصباح والمساء . وبعد ما جتني فكرة الموت وفي يوم من الايام كنت بصلي الوتر وكنت أقول بنفسي بدعي الله يحفظني أنا وأهلي في الصلاة وأول ما كبرت حسيت برجفة برجولي وخوف وهواء حار على وجهي وزي الضباب على عيوني خفت وقلت أكيد هذا الموت كملت صلاتي بسرعة وأول ما خلصت رحت أشرب مويه بس حسيت إني مو قادرة أبلعها جلست أستغفر وأنا خائفه لحد ما أذن الفجر صليت الفجر وجاني نفس الإحساس بس أخف . ما نمت جلست صاحية لحد الساعة 8 الصباح صليت الضحى ونمت وأنا أقول أكيد ماراح أصحى . الحمد لله صحيت الظهر بس كنت مرة تعبانه أحس جسمي تعبان وأحس بضيقه واكتئاب وضباب على عيوني ومرة من المرات حلمت بقريبتنا اللي توفت وزاد الخوف لانهم يقولون مو زين الحلم بالميت وجلست كم يوم خائفه ومهمومه لحد ما قررت أفسره ، أرسلت الحلم لشيخ وطلع التفسير خير لها إن شاء الله الحمدلله ارتحت لأني طول الفترة اللي راحت كنت أقول أكيد بموت أكيد يومي قرب خصوصاً إنهم كانوا يقولون إنها كانت حاسه فيومها وكنت أقول أكيد اللي فيني نفس الإحساس اللي حسته بس الحمدلله بعد تفسير الحلم ارتحت وصرت أبحث في المواقع عن الأعراض اللي صارت لي وعرفت أنها أعراض نوبات الهلع وأنها في الغالب تصاحب مرضى وسواس الموت . وارتاحت نفسيتي كثير وقررت إني أتجنب الحكي عن الميتين ومرة كنت جالسة مع أهلي وكنا ناكل بدوا يسولفون عن قريبتنا الله يرحمها قالت أمي فيه وحدة تصير لها حلمت بقريبتنا قبل لا تموت ان أمها المتوفية جاية تأخذها قالت أختي حتى أنا حلمت فيها نفس الحلم . وهنا حسيت بشي كبت على صدري وخوف جلست أفكر أخاف أحلم زي هالحلم ولا أحد يحلم فيني زيه أعوذ بالله . رجع لي الخوف والضيقة بس هالمرة من الأحلام ومرة كنت جالسة لحالي بالليل وأفكر بالأحلام وحاولت أوخر هالفكرة من راسي وأقول بنفسي أنا إن شاء الله طويلة عمر وبتزوج إن شاء الله وبنبسط شوي قلت بنفسي أخاف أحلم حلم مو زين فيني والا فيه / شوفوا التفكير بدا الخوف من الاحلام يخف وصارت تجيلي أفكار ثانية أناظر في أخواني وأمي وأقول من بيموت قبل الثاني وأفكر بالموت وسكرات الموت والقبر وشوي شوي لحد ما رجع لي الوسواس وصرت أحس إني بموت قريب ومن الخوف ما أنام الا الساعة 9 الصباح ونوم مقطع . وصرت أحس بنغزات بكتفي الأيسر على قلبي وآلام بيدي اليسار هالآلام تجيلي أحيانا إذا قلقت من شي وصار نومي مو كويس بس هالمرة خفت ورحت أبحث بالمواقع عن أعراض السكتة القلبية والذبحة الصدرية وأمراض القلب . تغيرت 180 درجة ما صرت أضحك من قلب زي قبل ما انبسط بشي شهيتي مسدودة عن الاكل لا أكل زي الناس ولا نوم زي الناس طول الوقت متوترة وخايفة غير الضيقة اللي أحسها كأنها شي يضغط على صدري إذا حولت أسولف وأمزح مع أخواني أتخيلهم وهم يبكون علي ويقولون كانت تسولف وتضحك ما فيها شي وأحيانا إذا مريت من مجلس الرجال أتخيل عزاي استغفر الله وصرت أحس إني غريبة في الدنيا ما باقي لي فيها الأكم يوم حتى إخواني صرت أحس إني غريبة عنهم كلها كم يوم وأتركهم كل شي كرهته كل شي صار ماله طعم عندي . وفي يوم من الايام كتبت حالتي في أحد المنتديات لأني كنت خائفة وأقول بنفسي مستحيل يكون وسواس بس الحمد لله ريحوني وقالوا هذا وسواس وأكثرهم مرت عليهم نفس الأعراض ارتحت كثير وبدت نفسيتي صح انه كانت تجيني أفكار خلاص انتي مريضة نفسيا بتجلسين طول عمرك كذا بس كنت أحاول أطنشها . وبعد ماتحسنت حلمت حلم يخوف صحيت من النوم خايفه وتعوذت من الشيطان ورحت أبحث بالنت عن تفسيرها طلع التفسير عند ابن سيرين : من رأي .... فقد دنا أجله خفت ونزلت لقيت أهلي يتقهوون وكنت أناظر أمي وأحس قلبي بيتقطع ، راحت أختي الكبيرة للغرفة لحقتها وقلت لها عن الحلم وتفسيره هاوشتني وقالت مو كل شي تحلمين فيه تفسرينه الاحلام كلها من الشيطان وكلنا بنموت . ارتحت شوي لحكيها بس بعدين رجعت لي الضيقة والخوف وكل شي رحت وأرسلت لحلم لمفسر أحلام والحمدلله طلع التفسير: يدل على هم أو مشكلة وتعب تعانين منها والله تعالى أعلم . قلت الحمدلله وارتحت قلت هذي وساوس وبتروح بإذن الله. بعدين جلست أفكر وتذكرت وحدة في أحد المنتديات تقول إن المفسرين إذا كان تفسير الحلم شين ما يعلمون بالتفسير الصحيح وبعدها رجعت لي الأفكار والآلام الي بكتفي اليسار بس هالمرة غير صرت أحس بألم بصدري كأنه جمرة يمتد لحد مايضغط على الفكين والرقبه والمشكلة إن هذي من أعراض الذبحة الصدري وللعلم أنا معاي حساسية بصدري من بداية الشتاء. زاد خوفي أكثر واللي بيجنني إن الفترة الأخيرة أحلامي كلها بالموت والميتين خاصة الاسبوع الي فات كل ما حاولت انبسط جاني حلم يزيد همي . وكل ما قلت لاختي تقول هذي من الشيطان لأنك تفكرين بهالشي طيب وشلون من الشيطان وأنا أقرى أذكار النوم وأدعية الرقية قبل لا أنام. مشكلتي صار لها شهرين واسبوع وزني كل ماله ينزل حتى أهلي ملاحظين هالشي وأمي من كم يوم كانت معصبة تبغاني أرتب نومي تقول لي وشفيك وجهك راح ومتغيرة منتي بنتي اللي أعرفها وش أسوي ما أقدر أعلمها ما أبغاهاتشيل عمي . أحياناً أقول خلاص بصير آكل فواكه واهتم بصحتي بس على أطول أتذكر الاحلام اللي تجيني وأقول هذي مو وساوس يمكن هذا تنبيه من الله ان يومي قرب أكيد كل الميتين يصير لهم زيي . حتى المنتديات اللي مشاركة فيها كرهتها صرت أتخيلهم أستغفر الله حاطين خبر انتقلت إلي رحمة الله العضوة. تكفون من صار له زيي خاصةً الاحلام اللي كل يوم وكلها عن الموت مع أني أقرأ الاذكار. |
حالتك تقريبا زي سرت اكره النوم والأحلام كنت على طول فرفوشه دحين وزني نزل وشهيتي مسدوده وبس افكر وكارهه كل شي وكل شويه افتكر احلامي بس على مايفسره يعني يقولك استعيذي من شره اتوقع والي هنا بيفيدونا ان شاءالله والله يشافينا يااااااااارب
|
اختي لاتخافين انا مثل حالتك وربي ,تدرين ليش تحلمين في الميتين لانك انفجعتي من وفاة قريبتك وصرتي بكل وقت تفكرين فيها وتخافين ولمن تنامين تفكرين فهذ1 يتخزن بالعقل الباطن وعشان كذ1 تحلمين فيها لان العقل الباطن اي شي يشغل تفكيرك يخليك تحلمين فيه وانا مثلك احلم في الميتين وكنت اخاف بعدين اختي جاها هالوسواس وكانت تفكر في وحده قريبتنا توفت وصارت تحلم فيها وانا بعدها ارتحت الحمدلله .لكن وسواس الموت لي وبعدين مافي انسان يحس بيومه الا اللي جرحه شديد او مرضه شديد.اساليني انا مجرد سمعة مقوله من وحده ان الانسان يحس بيومه قبل اربعين يوم وجلست ادور بالنت وهو الاي تعبني النت ولكن لمن رجعت لتفسير ايه لابن باز والعثيمين والطنطاوي معنى الايه (وماتدري نفس ماذ1 تكسب غدا,وماتدري نفس بأي ارض تموت)وطلع تفسير الايه ان الله هو العالم بيوم الانسان لان وساعة موته ,وخف علي لكن الشيطان يوسوسلي لا انتي غير شوفي الناس حسو ولاا حاسبه يوم الاربعين بتاريخ معين وساعه معينه.لكن جالسه احاول اطنش الفكره واستغفر وارقي نفسي لكن الخوف مسيطر علي انتظر هاليوم واعد الايام والساعات ,لكن ثقي بالله اختي وتوكلي عليه ,للاسف هالمقوله منتشره بين الناس وهي مالها اي دليل صحيح او من القران يثبتها.ودعواتي لي ولكي وللجميع بالشفاء العاجل.تعالي نضع ايدينا في ايدي بعض ونسيطر على اوهامنا ونتوكل على الحي القيوم.
|
يااختي هذا مرض نفسي اسمة نوبات الهلع روحي طبيب نفسي ويعطيكي دواء وترتاحين ان شاء الله ان جاتني مثل حالتك بالضبط وكانت حياتي جحيم وصرت مثل المجنونة وبعدين رحت طبيبة نفسية وارتحت الحمد لله واستخدم حبوب نفسية من 13 سنة احسن من عذاب الافكار
|
اقتباس:
أكيد ما راح أصحى ولا أكيد بحلم بحلم شين ونفس الشي الاكل مالي نفس فيه أقول بنفسي ليش آكل وأنا ما باقي لي الاكم يوم وش بينفعني هالاكل وكل ما ارتحت شوي وقلت هذي وساوس وإن شاء الله بتروح تذكرت أحلامي وقلت مستحيل تكون وساوس هذا أكيد تنبيه من الله ان يومي قرب . وآمين الله يشفينا ويعافينا شكرًا حبيبتي |
زي حالتي كارهه كل شي وفي البدايه بس راميه نفسي واسالهم عن الاحلام واقول زيك يمكن تنبيه واشوف احلاام مرا بس تحسي مالك نفس باالاكل ولااكلتي تحسي شي مضايقك ؟؟
|
لؤلؤة جدة
ياقلبي أنا عارفة إن محد يدري متى يومه وقريت فتاوى عن هالموضوع بس كل ما أتذكر أحلامي والنغزات اللي بقلبي وألم صدري أقول أكيد بموت وصرت أحيانا أناظر يديني وأشوف أصابعي زرقاء وأروح أسأل خواتي يقولون مافيها شي تتخيلين والمشكلة إني قريت ان من أسباب السكتة القلبية الضغوطات النفسية وأقول أكيد بتجيني سكتة بسبب هالهم اللي فيني |
اقتباس:
لأهلي أمي تعبانة وما أبيها تشيل همي |
اقتباس:
فيه حتى لو كنت جوعانه حتى عالاكل بس أفكر بالموت |
الله يشافينااا ياااااارب
|
اختي مو لازم امك تدري خلي احد من اخوانك يوديك الدكتور
|
اقتباس:
مريض ويعافي كل مبتلى |
اقتباس:
الله يكون بعونك والله نفس حالتي بالضبط بس انا فيه فرق ان بداية حالتي نوبات هلع وبعدها راح ثم جتني الوسوسه بالامراض وبعدها الاحلام وللحين انا والاحلام والكوابيس في مشاكل كل يوم احلم كوابيس تخوف في ناس اموات وارقام وتواريخ والله حاله صعبه لاكن انا اقتنع من شي واحد ان هذي كلها من الشيطان لاني ع هالحاله خمس سنين جربت ادويه وجلسات وكل شي وماشفت افضل من قراءه سورة البقرة يوميا انصحك تقرأ البقره يوميا وتدهن جسمك بزيت زيتون مقروء فيه قبل النوم وان شاء الله ماتشوفين شر |
اقتباس:
أمي وبنفس الوقت ما أبغى أحد من أخواني يعرف باللي فيني |
أخوي شلهوم
جزاك الله خير عالرد بس بغيت أسألك سورة البقرة أقراها كاملة بوقت واحد والا عادي أجزئها يعني مثلا بعد كل فرض أقرأ منها كم صفحة والله يشفينا يارب |
اقتباس:
ايه الافضل قراءة بجلسه واحد ترى ماتطول كلها نص ساعه وجيبي كوب ماء اذا خلصتي انفثي فيه واشربي منه وامسحي ما استطعتي من جسمك والله الشافي |
سحر شوفي كل من يعاني من وسواس الموت يحس بنفس اعراضك نغزات وضغوط نفسيه.شوفي بقولك قصتي برمضان هذ1 الي فات كان عندي دوخه وعدم توازن ورحت كذ1 مستشفى ماطلع بالتحاليل شي كله ولله الحمد سليم .والدكتور الباطني سمع دقات قلبي بالسماعه قال دقات قلبك سريعه من التوتر والله العظيم جلست شهرين وانا يدي بس على قلبي احس نبضات سريعه ولا لا ؟وبس خايفه اني اموت بسبب نبضات قلبي ولا قلبي يتعب ويتوقف ولا جلطه ولا....الخ .بعدين زرت دكتوره هي تبع نساء وولاده وجلست احكيلها قصتي قالت لاتفكرين ان نبضاتك سريعه كلنا نمر بهالشي وفتره وتعدي لكن طنشي ولاتفكرين فيه عيشي يومك واذا عالموت كلنا حنموت انتي توكلي على الله وارضي وتقربي منه وهذ1 ابتلاء وربي اصطفاك لانه احبك وابتلاك بهالمرض وكله تخفيف ذنوب والحمدلله شوي شوي راحت عني فكرة الخوف من نبضات قلبي اخر شي بعد تعب المستشفيات ولله الحمد طلع عدم التوازن من اذني.لكن الخوف من الموت مازال معي ولكن نقول توكلنا على الله الحي القيوم....
|
أخوي شلهوم
الله يوفقك ويجزاك خير ويعافيك مشكور أخوي |
اقتباس:
الله يجزاك خير والله يشفينا يارب |
العفو اختي..
|
صباح الورد والفل والياسمين أختي الغالية
أسأل الله العظيم رب العرش العظيم أن يشفيكِ ويعافيكِ ويطيل في عمرك على طاعته وحسن عبادته ويرزقك السعادة التي تتمنيناها أنتِ وجميع الأعضاء وجميع المسلمين والمسلمات .. آآآآآآآآآآآآآمين يارب العالمين. غاليتي : روحي لموضوع أختي الغالية لولو جدة ( ؤسواس الموت بعد أربعين يوم تعبني ) واقرآي الموضوع وحواراتي معها كاملة وطبقيها بشكل رائع ومنتظم. فهي نصائح رااااااااائعة جداً ومجربة ونتائجها سوف تذهلك لكن الشرط الأساسي هو الاستمرار وعدم استعجال النتيجة .. وبإذن الله بعد 6 أشهر سوف ترين فرقاً عجيباً يسعد قلبك. ولا تنسي تطمنينا عليكِ يالغالية |
الله يكون في عونك
انا اكمان عندي نفس حالتك تقريبا و الام الصدر و القلب مستمرة معي طول اليوم لا اعرف الراحة الله يكون في عوننا |
السلام عليكم
اختي سحر الرسول عليه الصلاة ةالسلام علمنا شي نسويه قبل النوم ؟؟؟؟؟ وهو انك تتوضين وتصلين ركعتين واهم شي كان الرسول الله عليه الصلاة والسلام كان يسويه اذا جاء النوم يجمع كفيه ويقراء سورة الاخلاص والفلق والناس وينفث ثم يمسح راسه وباقي جسمه ويكرر هذا الشي 3 مرات ولا تنسين قراءة (ايه الكرسي) وايه( امن الرسول) الله يشفينا ياااااااااااااااااااااكريم امين |
السلام عليكم
العتيبيه انا مثلك تعبانه لي 12 سنه بس تعبت من علاجات النفسيه لانها ماجبت نتيجه |
العتيبيه
ايش فيك؟ انا قصة طويله جتني حاله بعد ولادتي دوووخه شديده وبعدها جتني حاله من الخوف والقلق هذي حالتي بختصار |
انتظر الرد
|
؟؟؟؟؟؟؟؟؟؟؟؟؟؟؟
|
فلة العمر
جزاك الله خير ياقلبي قريت الموضوع وإن شاء الله بستفيد منه |
اقتباس:
طيب ياقلبي ما رحتي المستشفى تسوين تخطيط أنا ودي أسوي تخطيط بس إذا قلت لأهلي عن النغزات قالوا مافيك شي القلب مو كذا القلب يجيب دوخة وإغماء |
اقتباس:
وأقرى أذكار النوم وأنام . شاكرة لك حبيبتي مرورك والله يشفينا يارب |
الله يشفيك ياقلبي
والله حااسه فيك بس اذا سويتي الي قلت لك رح بأذن الله تنامين بالليل وبدون احلام مزعجه |
اقتباس:
والله يشفينا كلنا يارب |
كل اللي ردوا علي جزاكم الله خير
والله يحفظكم من كل شر الحمدلله نفسيتي بدت تتحسن شوي من ردودكم بس كل ما تذكرت الاحلام خفت وفكرت اليوم أفسرها عند المفسر فهد العصيمي خصوصا إن الحلم نفسه تكرر مرتين ورى بعض مع اختلاف بسيط وخايفة من هالشي تنصحوني أفسره والا لا |
نصيحه لاتتعمقي مع الأحلام والله هيه الي تعبتني كل يوم أصحى متضايقه وأفكر في الحلم راح تتعبي اكثر حاولي تنسيها وتطنشي
|
السلام عليكم
شلونك اختي سحر؟ والله ياقلبي كلنا معنا نفس اعراضك وساوس وافكار لليل مخيفه واوهام ولانقتنع بشي عموما مريض الوسواس لو يقرا شي يريحه لابد من يبعد عن قرائته للشي الي ريحه يرجعه الوسواس يقوله لا انت غير وهالمره غير وافكار مخيفه شوفي والله انا لي 8 شهور اعاني منه يوم اقول الساعه 6 بموت واجلس انتظر الساعه 6 وانا الله لايوريك وربي حالتي حاله الين تمر ويوم اقول الفجر اليوم الثاني ماراح اكون موجوده ويوم اقول يمكن مااصحى واخر فكره هذي هي لمن سمعت ان الميت يحس قبل اربيعين يوم وهذ1 انا انتظر مع اني اقرا عن ناس صار لهم مثلي لكن زي ماقلتلك مريض الوسواس مايقتنع الين الفكره تعدي ..لاتخااااااااااااااافين والله العظيم ان كلا بهمه لكن في رب كبيـــــــــــــــــــــــــــــــــــــــــر وقال ادعوني استجب لكم؟عليك بالدعاء بكل صلاه والاستغفار والي قالته اختنا فله الله يجزاها كل خير والله يشفينا يارب. |
جنون أنثى
لؤلؤ جدة جزاكم الله كل خير أنا الحمدلله بعد كلامكم تطمنت بس اللي بيجنني هالاحلام اللي اللي تتكرر معاي وكلها عن الموت والمشكلة كل ما ارتاحت نفسيتي وقلت ما فيني الا وساوس وبتروح جاني حلم وعفسني وآخرها اليوم حلمت بحلم الحلم كان عادي بس أول ما صحيت من النوم تذكرت إن تفسيره عند ابن سيرين مو زين ورحت أبحث بتفسير ابن سيرين وطلع التفسير من رأى .... فإنه يموت وأنا الحين مرة متضايقة المشكلة إني أقرى أذكار النوم |
الله يشفيكِ ياارب
ممكن تستخدمي السدر مع الشبه والملح نفس الخلطه الي ذكرهاا الشيخ الرومي سبع اياام مع ماء زمزم أن وجد او ماء مقري مع قراءة سورة البقره ثلاث اياام ان استطعتي والله يشفيكِ ويشفيني ياارب |
غاليتي
أنصحكككككككككككككككككككككككككككككككككككككككككككككك ككككككك بعدم البحث عن تفسير للأحلام لأني قعدت 3 شهور في حالة ما يعلم بها سوى الله بسبة تفسير النت العجيب والمفزع للأحلام وأقول كل مرة هدا تفسيره أكيد الموت .. وخف عليا بحمد الله بعد الرقية والدعاء الحار لله تعالى والحرية النفسية وتطنيش الفكرة وعدم القراءة عن الأحلام تماماً. وعبارة الإثبات : بالرغم من أنني أعاني من وسواس الأحلام إلاَّ أنني أتقل نفسي بعمق وأحبها .. هدي ليست الحقيقة .. هدا الشيطان يريد أن يخرب عيا حياتي. عبارة التذكير:وسواس الأحلام |
اقتباس:
والله يشفينا يارب |
فلة العمر
شكرًا حبيبتي على الرد قبل شوي كنت أفكر وأقول بنفسي الموت والاجل من علم الغيب ومستحيل أحد يتنبئ أو يعرف أن يومه قرب من حلم وشوي قلت بنفسي بس أنا مو حلم واحد كذا حلم والحلم اللي حلمته اليوم هذا ثالث حلم يطلع تفسيره الموت عند ابن سيرين غير الاحلام اللي تكررت معاي عن الموت . والله تعبت من التفكير اليوم كنت مبسوطة الحمدلله بس كل شوي أتذكر أحلامي وأناظر أهلي وأقول بنفسي ما باقي الا كم يوم وأترككم ( أستغفر الله) |
| الساعة الآن 04:52 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا