|
^^ حسبي الله على من يحط فديوهات عن الموت
السلام عليكم وكالعادة
انا لزوم ابحث عن الموت ^^ اوكيه انا ما عاد عندي وسواس بس عادي خوف طبيعي الزبده وانا اتفرج فتحت فديو عن اليوم الاول في القبر والثاني والثالث ولين يتحلل جسم الميت الزبده خفت ') ودي ما يدفنوني أهلي ههههه والله أتكلم جد انا ما احب الأماكن الضيقه يأخي والله اني مؤمنه بس ذيك ألحفره يالله مو مستوعبتها ابدا انا مو خايفه منها انا ما خاف الا من الله بس الرسول مات وهو نبي !! والأقوام الي قبل ماتو وأحنا نحسب انا ينخلد بذا الدنيا لعب ولهو ووما كان فيه موت ^^ لقيت على شيخ مره قلت له انا أخاف من الموت قال هذا من الشيطان وكيذا وقال وش عندس بعد قلت انا مابي انحط في قبر جلس يضحك يقول نحطك في عماره اجل ') صراحه حقدت عليه وما عاد رحت له ولا دققت عليه ^^ !! الزبده ودي اعرف ماذا بعد الموت ودي جد أنسأن عنده علم يقولي مو يخوفني رجاء ذا الفئه لا تقرب صوبي عندي كتب كتابها هنود تتحدث عن ما بعد الموت وخرابيط واجد بس شركيات ابي شي في الاسلام صحيح يعني وانا في القبر ادري ربي رحيم بي وغفور وراح يستبدل لي أهل غير أهلي بس كيف طبيعة الحياه هناك شلون هو أكون كاني نايمه ليوم القيامه !! أو يعني اعيش في القبر وروح أسير على القبور الثانيه وكيذا !! ولا شلون طبيعه هناك ^^ يالله رحمتك يالله رحمتك بس |
والله يا اختي العلم عند الله
وما اقدر افتي لاني ما عرف |
ايوا ،، وشو شفتي ؟
يعني شو كان باليوم بالأول ؟ وشو كان باليوم الثاني ؟ ياريت تخبرينا ،، معلش حاب اسمع ،،، |
شفت اول شي وجه الميت عادي
وفمه مفتوح يمه يخوف عشان الروح شكل لا قدها تطلع يصير كيذا فم الانسان '( وعيونه مو مفتحها عادي لا يعني نص ونص لا صراحه مابي أقولك حرام أخاف توسوس قدك شايب الله يطول بعمرك ولا بقول بس لا تخاف اول شي يصير وجه الميت كان عليه زي صحالب وزي خشمه وفمه تبدأ مدري شلون يكون الجلد بس شكله مو حلو ثم يبدأ صير كنه ينتفخ ،( أعوذ بالله أكيد عشان ذا النمل الي يأكله الزبده وعاد وقفت الفيديو وش عاد أشوف أشوف النمل وهو يأكله يا بري حالي زبده احس ودي اجرب الموت عشان أشوف يرتاح هناك بذاك القبر ولا لا اذا ارتحت خلاص بعيش حياتي مستأنسة بس ماش ما اقدر اموت وارجع اعيش زبده كني بديت أخاف ^^ !! أصلان انا زي شاب نشاء في طاعت الله وربي راح يظلني بظله يوم القيامه وراح أتصدق صدقه ما تعلم بها شمالي عشان يوم القيامه ما تجيني الشمس يأخي ليه يصير لنا كيذا في ذا الحياه ليه ذا دنيا كيذا موت وحياة وقبر ومحشر انا استغفر ربي عن كلامي بس جد ليه كيذا ابي اعرف الحكمة يأخي ادري ربي راح ييسر موتي مثل ما يسر حياتي بس الخوف من ذا الشي شي طبيعي زبده خلاص |
هههههههههههههههههههههههههه
نفسي اعرف مين اللي صور هذا الفيديو ،، ما شاءالله ،، شوي وينزلو يعيشو مع الميت عشان يقولو وش يصير معه ،،، انا لا تخافي علي ، لا اوسوس ولا اكتئب ولا اصاب بنوبة هلع ولا شي ،، سنواتي الطويله هنا ولله الحمد كانت لكم ليست لي ،، فأنا ولله الحمد معافى لا اعاني شيء ،،،، ولكن ما يحيرني هو بعض المشايخ ، وكيف يتحدثون عن الموت والقيامه ، وكأنهم يصورون فيلم رعب للناس ،،، احد المشايخ ، خطيب الجمعه ،،،، في صلاة الجمعه ،، ماذا قال ؟ والله اني احسست بالرعب ، فما بالكم بكبار السن الجالسين يسمعون ،،، قال الخطيب ، يتوعد المؤمنين والمسلمين والجالسين في المسجد يحضرون الصلاة ،،، قال : اتقو ليلة صبحها يوم القيامه ،،، ثم أخذ يصور كيف الأهل يرحلون من عند القبر ، وكيف وكيف وكيف ، والميت يبكي والأهل يبكون ،،، ( يعني الأخ مات قبل هيك ورجع يكلمنا ) ،، فيلم رعب بكل صدق ،،،، فهل هذا إمام وخطيب ؟ أين وعد الله للمؤمنين ، الجنة وانهار العسل ، (لبنة ذهب ولبنة فضة، وملاطها المسك، وحصباؤها اللؤلؤ والياقوت، وترابها الزعفران، من يدخلها ينعم لا يبأس، ويخلد لا يموت، لا تبلى ثيابه، ولا يفنى شبابه) ،، لماذا المشايخ يحاولون دائما تصوير القيامه بفيلم رعب يصيب الجميع ؟ لماذا لا نقول للكافر أن يؤمن لكي ينال الجزاء الحسن ، لا أن نهدده إن بقي على كفره بأنواع من العذاب ،،،، نحبب الناس بالإيمان ، لا أن نخيفهم من الله كل هذا الخوف ،،،، |
اقتباس:
انت لا تضحك بعدين ربي يعاقبك وكيذا انا قبل كنت اضحك عليهم وصرت أخاف ذلحين '( يا عزتي لي الا تعال يا عم حوراني ذلحين انت ما تخاف وكيذا ليه اجل حطيت ذا الموقع !؟! يعني ليه يعني الواحد يحس بالي مرو فيه لكن انت مراح تحس لأنك مو زينا ! مو كيذا مره أصلان مشايخ ما غير يخوفونا قلبي تشقق من كثر الخوف قبل حسيت بنجلط من الخوف والزيادة على ذا أهلي نفس كلام المشايخ حتى أخواني قبل كاني إنسانه فأجره هففف بس ذلحين لا صارو يحبوني لآني صرت ملتزمه طيب ليه ما عند مجتمعنا وذا المشايخ أسلوب أحسن من ذا قصم لوعو تسبدي حتى الأشياء الي احبها تركتها من زود الخلعه والخوف '( لكن ذلحين لا الحمد الله أحسن بشوي بس جد لا احد يخوفني ذاك اليوم انا وولد اختي العب معه بصاله جاء اخوي يقول صلي تراك بأحاسبين وذا بيحاسب بعد قصم جاتني البكيه يقصد ولد اختي هو عمره اربع سنين شلون يحاسب اجل انا وش بيسوي فيني الله بيحرقني أتوقع ^^ يأخي توني مستوعبه الدين الصحيح بس لسه أخاف انا إنسانه وسط احب ربي احاول اطيعه قد ماقدر بس لسه ذا المجتمع مآثر على هففف ') |
يا اخت ونة خفوق الله يهديكي ويهدي الجميع يارب الإنسان لما يموت الروح بتطلع عند خالقها والجسد بتحلل عادي والميت ما يحس والله سبحانه وتعالى يكرّم المؤمن ويجزيه خير جزاء في كل مراحل الموت من الإحتضار وحتى نسل الروح حتى انه يرى آخرته ومكانته في الجنة بإذن الله لماذا تتركون البحث عن نعيم الجنة وورياض القبور..وتلجؤون دائماً الى البحث عن العذاب والجحيم...الى آخره النار والعذاب للكفار والمرتدين عن الدين والقتّلة وغيرهم .. والنعيم والجنة للمؤمن المصلي المستغفر الذي يقوم بواجباته وفرائضه على اكمل وجه لِما كل هذا الخوف؟ لِما تفسحون المجال لأنفسكم بالإتطلاع على ما يُسيئ نفسياتكم وترك ما يُسعدها ويطمئنها؟ لِما تجلبون لأنفسكم القلق والتوتر والخوف بلا داعي... الانسان المؤمن لا يخشى شيئاً الاا الله سبحانه وتعالى طمئني قلبك أختي..وبتمنى تقرئي عن الجنة ونعيمها وكيف يكافئ الله المؤمنون :) ودمتي بخير يا طيبة :) |
ترى جد القيامه فلم مرعب لكن مره مره مرعب تصير كنك سكران وتقول نفسي نفسي
انا صراحه مو زعلانه الا على أمي وابوي ورى يجيبوني بلاساس ') ليه يتزوجون أصلان استغفر الله بس |
طيب ذا جسمي حقي ليه تأكله ذي الأشياء الصغيرة !!! مابي احد يأكلني انا ابي جسمي يجلس مثل مأهو
وش دراك يمكن نحس وحنا بالقبر ما تدرين انتي ') زبده الله يأخذ عمره من وسواس تافهه وحقير لوع كبدي كله موت موت خلاصصصصصصصصصصصصصصصصصصصص مخي أجعني من ذا الأشياء هففف ^^ انا مؤمنه بس ذا القرين التافهه لا لزوم نشوف عن الموت نأخذ فكره يا دلول ^^ !!! وآخر شي اشاهق من الغبنه والخوف |
اقتباس:
|
ولايعلم مايحصل بعد الموت الا الله عز وجل هذا شي بعلم الغيب
|
اقتباس:
يعني بأذن الله راح تتقبله بصدر رحب بعكس البقيه انا اجاوبك عن استفسارك النفس سبحان الله لما تعاندك وتبداء بالخروج عن المسار ماليجمها ويخليها على قولتنا بالعاميه تركد الا حاجه وحده ( الموت ) تذكر الموت من أفضل الوسائل الفعالة على حمل النفس على طاعة الله لذلك قال النبي عليه الصلاة والسلام: (( أكثروا من ذكر هادم اللذات ـ مفرق الأحباب ـ مشتت الجماعات )) (( عش ما شئت فإنك ميت، وأحبب من شئت فإنك مفارقه، واعمل ما شئت فإنك مجزي به )) بالنسبة للي تقول تخاف من الدود ياكلها عادي لو خايفه احفظي كتاب الله كااامل ماراح ياكلك الدود بالقبر سعت القبر وسعادته هاذي حسب ايمانك بلله وأعمالك وقت حياتك تذكرو ( العاقل ) من أعدّ لساعة الفراق و أكثر من ذكر الموت |
اقتباس:
تخيلي بعد أهلي اليوم جايبين خروفين ذابحينهم '( تخيلي انعدمت ألرحمه بقلوبهم ليه ما يخافون يموتون زي ذا الخروف والله انا تمام أموري صرت اقدر أنام بس أخاف وش اسوي موب بيدي أمين بس بعد ابي أهلي يا يجلسون معي بالقبر ولا يحطون لي قزاز يحنطوني فيه والله ذيك ألحفره ما ابيها ما ابيها او يخلون الوحوش تأكلني بس مابي حفره مابي مابي |
اقتباس:
حمل النفس على طاعه صحيح بس خوف يقرقع القلب ولا عليك تستانسين ليه ذا الخوف مو زين ابد بالنسبة للي تقول الدود يأكلها أتوقع لي اسم !!! مو تكلم حشره عندك اوكيه ؟؟؟؟؟ مسوي فيها الكامل الي ما مثله اجد ترى مشيت لك واجد واجد واجد وبالله اذا تكرهني مره انا أكرهك مليون وأكره أمثالك اوك ' نرجع لموضوعنا يعني اذا حفظته خلاص ما يأكلني دود !؟! طيب القبر صغير مره انا ابي قبر كبير كنه غرفه وكيذا وأبي لمبه فيه بعد ما ظلام وأبي يحطوني مع أبوي وأبي أمي تموت بعد وتجي معي مو تتركني لحالي وأبي خواتي معي مابي لحالي مابي يتركوني بحفره لوحدي طيب ملك الموت كيف وجهه !!! وهو كبير مره يخوف ولا شلون قائل ؟!! |
تبين بعد نحطلك انترنت ولابتوب بالقبر عشان وانتي بالقبر تدخلين منتدى نفساني !!
|
ياليت صراحه بس ما يصير لآني ميته
|
اقتباس:
|
اقتباس:
هههههههههههههههههههههههههه آآهه يـآربي |
اقتباس:
اخوي محمد ، الله يسعدك يارب ،،، انا عن نفسي لا افكر بالموت ولا اخاف الحمدلله ،، لكل اجل مسمى ،،، لكن اعتراضي على طريقة التصوير من بعض المشايخ ،،،، قلت لك حضرت خطبة جمعه ،، الإمام والله يارجل عمل فيلم رعب للمصلين ،، كبار سن يتباكون ليس خوفا من القبر ولا عذابه ولا الموت بحد ذاته ،،، يتباكون كيف سيبفارقون احبابهم واولادهم ،، طريقة الإمام كانت سيئه للغايه ،، على قولتكم بالعاميه مال امها داعي ،،،، |
انا اقول احسن لك ماتبحثين عن هالاشياء وتتعمقين فيها لانها بعلم الغيب
وفي شي اسمه الحياة البرزخيه هذي الحياة بالقبر اقري عنها يمكن تلقين جواب لاسألتك |
السلام عليكم ورحمة الله وبركاتة
اخي الحوراني لدي تعليق على رفضك اسلوب بعض المشايخ من وصف الموت والاخرة بشكل مخيف واتمنى ان لايضايقك وان تتقبله بصدر رحب ياخي الفاضل البعض من الناس يكون غافل عن الاخرة والموت ويسرف في الذنوب ويتساهل فيحتاج الى من يوقظه من هذه الغلفة ويذكرة بالموت والعذاب لانه قد يصل بالبعض الى الامن من مكر الله عز وجل ،ولكن لايعني ذالك ان نبتعد عن ذكر ايات الرحمة ولكن لابد من التنويع والذي الاحظه في زماننا هذا كثرت الغفلة والاسراف بأرتكاب المعاصي والتخويف من اساليب التربية في القرآن فالبعض من الناس يتأثر اكثر بالتخويف والبعض يتأثر بالترغيب والبعض بهما جميعاً ولا ننكرعلى المشايخ استخدام ذالك. اختي الغالية ونة خفوق انتي انسانة مؤمنة وان شاء الله تكونين من اهل الجنة وهل تعلمين ماذا اعد الله للمؤمنين في قبورهم يوسع لهم مد بصرهم ويفرش لهم من الجنة ويفتح لهم باب من الجنة ويأتيهم من نعيم اهل الجنة وتتنزل عليهم الملائكة قال الله تعالى في المؤمنين: {إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلائِكَةُ أَلاَّ تَخَافُوا وَلا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ} [فصلت:30] هذا في القبر ،وان الانسان المؤمن تأتيه اعماله على شكل رجل صالح نظيف الثياب وشكله مريح وكذالك ملك الموت يكون شكله مريح لشخص ومطمئن له يأتيه بكفن وحنوط من الجنة وكثير مانسمع عن قصاص لاناس صالحين يبتسمون وقت قبض الروح لانه راى نعيم الجنة وقد جاء في الحديث بما معناه (يؤتى بأبأس أهل الأرض في الدنيا من أهل الجنة، فيغمس في الجنة غمسة واحدة، فيقال له: هل رأيت بؤساً قط، هل ذقت بؤساً قط؟، فيقول: لا، والله، ما ذقت بؤساً قط) تخيلي يالغالية انه يأتي اتعس انسان على هذه الارض ذاق من العذاب وآلم والحزن في الدنيا مالله به عليم فيدخل للجنة ويغمس غمسه واحدة فقط سريعة فينسى كل هذا آلآلآم والاحزن ويشعر بأنه سعيد لماذا ؟! لانه رأى السعادة الحقيقية والابدية .والحديث في نعيم القبر والجنة يطول . ولكن عليك بالتقرب الى الله عزوجل وطاعته والتسليم لامرة دون النقاش فيما يخص امر الدين ونصيحتي لك ابتعدي عن مشاهدة وقراءة هذه الامور التي لاتزيدك الاخوف وابشري بالخير لوان القبور ليس فيها سوء العذاب لما ادخل نبينا محمد صلى الله علية وسلم القبر. واعتذر عن الاطالة |
اختي ليش تتعبي حالك وتدوري واصلا كل الاسئلة اللي بتقوليها الان لانك تركت مجال للشيطان يوسوس لك ويلعب بافكارك فيصير تسالي اسئلة اصلا ماخطرت على بالك وانت طبيعية اي(غير موسوسة) وهذا من مداخل الشيطان , لا تسرسلي ورا هذه الافكار ,عقلك ان لم تشغليه بالايجاب شغلك بالسلب ,هذه قاعدة هامة , وها يرسل لك هذه الوساوس والافكار المزعجة والملحة , ادعي الله دوما ان يرزقك العيش الرغيد والعمر المديد في طاعته وان يرزقك وايانا حسن الختام ويرزقنا الفردوس الاعلى بلا حساب ولاعذاب
ويحشرنا مع زمرة الحبيب صلى الله عليه وسلم اختي اشربي ماء بارد مثلج وداومي على الاستغفار تذهب عنك هذه الافكار بإذن الله موفقة لك تحياتي سبحان الله العظيم وبحمده |
اقتباس:
وإذا أتَتْكَ مَذَمّتي من نَاقِصٍ فَهيَ الشّهادَةُ لي بأنّي كامِلُ' والكمال لله سبحانه بصراحه ماتعودنا احد يكلمنا بالأسلوب الهمجي هذا الله يهديك سواء هنا او غيره |
السلام عليكم و رحمة الله و بركاته
اختي لا تشغلي نفسك بهدذه الامور الغيبية التي لانعلم منها الا ما اخبرنا به القرآن و السنة النبوية الشريفة و هذا لرحمة الله بنا و قدرتنا المحدودة فلنعمل لاخرتنا و نحسن الظن بربنا فهو الغفور الرحيم ثم ان هناك من يريد الدعوة الى الله عن طريق التخويف بدل من ذكر رحمة الرب و نعيم الجنة اذا اطاع العبد ربه اللهم امنن علينا بالشفاء جميعا و احفظنا يا رب |
لقد سبق وان جاوبت على اسئلتك بشكل تفصيلي وهنا اقتباس لما جاوبتك عليه في السابق :
اذا للإنسان قريب ميت يقدر يشوفنا هو احنا ذلحين عايشين!! اذكر وانا صغيره ماما تقول يشوفنا في زي التلفزيون ويحزن لا حزنا وكيذا !؟ هو صحيح لا غير صحيح فالميت ما يقدر يشوف احد ولا يسمع احد ولا عنده زي التلفزيون ومع احترامي لامك فهذي عقيدة قديمة كان يؤمن بها الهنود واليونانيين وكهنة شمال اوروبا قبل 3000سنة وبعد بعد الموت الأموات وش يسون هناك في القبر !؟ وما يسوون ولا شي هم اموات تماما مثلما كانوا عليه قبل الولادة فكل انسان لا يشعر بنفسه قبل ان يولد وبعد القبر يكون مثل ما دفن به يعني ضيق وظلام ولا كيف !! يعني اذا كنت مؤمنه وصالحه كيف يكون!! مايكون ضيق او ظلام ولا يشعر به نهائيا لانه حتى ولو مات غرقا في البحر او حرقا في حادث مروري نفس الشيء لن يختلف فبمجرد موته يشعر انه لبث ساعة من النهار ثم بعث تماما مثل غفوة النهار.. واما ان كان الميت شهيدا ومن الصالحين فان شعوره بالموت متصلا بيوم بعثه وكانه لم يمت مطلقا وكذالك الظالمين يشعرون بنفس الشعور فشعورهم بالموت متصلا مباشرة بيوم بعثهم وعقابهم دون ان يشعرون بموتهم وذلك حسب نسبية شعورهم الحسي بالزمن وبعد الموت هل يؤلم وقت طلعت الروح للمؤمن !؟ [COLOR="rgb(255, 140, 0)"]هذا السؤال حير كل العلماء فلا احد يستطيع ان يعرف ماهو الشعور الذي يشعر به الانسان قبل طلوع نفسه من جسده لان اجابة هذا السؤال تقتضي ان نعيد انسانا فارق الحياة الى الحياة من جديد ثم نسأله ماذا كان يشعر به اثناء خروج نفسه من جسده وهذا مستحيل!! واما الروح ما تطلع من جسد احد لان الروح ليست مسؤولة عن الحياة المسؤول عن الحياة هي النفس وليست الروح فعند ذكر الموت قال هالله في القرآن (أخرجوا أنفسكم اليوم تجزون عذاب الهون) ولم يقل أخرجوا أرواحكم[/COLOR] |
صحيح انا نفسك أخاف من الموت و القبر و الاشياء هذي
وربي احيانا أتمنى ما انولدت و اقول ل امي ليه نولد مدام احنا لنموت بس اسمحيلي انتي كيذا كأنك تعترضين على شي ربي كاتبه و كأنك تعاتبينه ربي خلق هالحفره و اكيد له حكمه ربي ارحمم علينا من كل البشر |
| الساعة الآن 10:39 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا