اختي الكريمة ام عيالها
فيه اشياء ما ذكرتيها أبغى قبل العشاء اللي اكلتيه في ذاك الوقت حاولي تذكرين من جلستي معه وش اكلتي وشربتي من الصباح إلى وقت العشاء وهل عندكم شغاله او لا ولي رجعه لموضوعك بإذن الله راح اقولك وش فيك ومثل ما اقول لكل شخص الواحد يطول باله علشان التشخيص يكون صحيح بإذن الله

اختي جماااان
انتي مصدقه الكلام اللي يقال لك اعراض اكتئاب هههههه!!!!!!!!!!!!!!!!!!!!!!!!!!!!!!!!! ما ادري وش الاكتئاب هذا اللي ما يجي الناس الا عقب وجبه !!!!!!!! سبحان الله الى الآن الناس مقفله ادمغتها ما تبي تصدق أن اللي فيها مرض جسدي وله اسباب وشوفي من الحين راح ابصم لك أن عندك مشكله جسديه وإذا تحسنتي مية بالمية من العلاج النفسي اطالب إدارة المنتدى تحذف جميع مواضيعي اختي العلاج النفسي مؤقت لكن ابغاك تتركينه أتحداك اذا ما رجعت لك الاعراض تدرين ليه لأن المشكلة اللي فيك الى الآن ما تدرين عنها وأنا عارف وش فيك وحاب اقولك شغله إذا كان الحريم اللي يجيهم بعد الوجبه تسمى اعراض اكتئاب ما بعد الولادة اجل الرجال والبنات اللي ما بعد تزوجن جاهم الشيء هذا بعد وجبه وش يسمى !!!!!!! لكن ما اقول لك الا الله يجزاك خير يا جماان أسال الله العظيم رب العرش الكريم أن يشفيك اللهم آمين .

ما شاء الله عليك ام عيالها
ما ادري انتي فاتحه محل استقدام شغالات اندونيسية وحبشية واثيوبيه
أنا الله يحفظك أبغى أعرف يوم تجيك الحالة هل عندك شغاله او لا هذا سؤالي وابغى بعد استفسر قبل ما تجيك الحالة هذي هل عندك امساك وانتفاخات وهل تستخدمين أي علاجات قبل .

جزاك الله خير ومثل ما قلت طولي بالك معي شوي علشان اعلمك اسباب مشكلتك

طيب أبغى اعرف الحين هل يجيك امساك أو اسهال او انتفاخات بالوقت الحالي

جزاك الله خير
الحين حنا ما شين صح
طيب هل تتأثرين من مشتقات الالبان او لا وبودي اعرف اكلك وشربك الرسمي إذا كان الشيء هذا ما يضايقك وانتي براحك بس يعلم الله ابغى اوصلك للمشكلة اللي فيك وابينها لك .

المشاركة الأصلية كتبت بواسطة ام عيالها (المشاركة 1064094) الالبان والحليب عادي الحمدلله ماتأثر منها او مالاحظت ولادققت اصحى الفجر وافطر بعد ساعه شاي وخبز وجبن او حليب والظهر غداى عادي كبسه وسلطه احيان وفواكه والعصر قهوه وحلى اوفطاير نادرا مودايما والعشى اغلب الايام خفيف هذا نظامي الغذائي مستمر نادرا ما غيره فالويكند يحصل لخبطه اما اكل من برى او متاخر وقته عن المعتاد

ثقي بالله ثم بي راح اقولك وش فيك بالضبط بإذن الله

أنا ما يعني لي ان ما عندك مشاكل بالوزن ابغى اعرف كم نزل من وزنك 10 كيلو 5 كيلو فترة المرض.

الشيء الثاني هل أخذتي علاجات عقب الولادة بالمستشفى حاولي تذكرين العلاجات إذا فيه امكانية اعرفها وهل الوساوس زادت معك عقب ما اخذتي علاج لجرثومة المعده .

وبداية تدرج المشكلة معك كانت نفسية والآن المشكلة عندك جسدية وبإذن الله تقدرين تجاوزينها وحصلت لك على النحو التالي :
1-البعد عن إقامة الصلاة في وقتها
2-وساوس شيطان .
3-عزلة عن الناس
4-سوء تغذية
5-نقص وزن أدى إلى فقد العناصر بالجسم
6-تأثر الجهاز الهضمي لديك وخاصة المعدة والقولون
7-النتيجة: اللتهاب في المعدة وتهيج وتشنج في القولون .


•علشان تفرقين هل اللي فيك عين مع مس او عين فقط بالطريقة هذي

العين بدون مس : ما راح تشعرين إلا ببعض التعب ويزول بالقراءة وتشعرين بقليل من الضيقة مع تثاؤب مستمر أثناء سماعك للقرآن الكريم ، ولا تشوفين أحلام مفزعة .
العين مع مس : تحصل لك مقاومة عند سماع القرآن الكريم من اهتزازات أو عدم رغبة في سماع القرآن الكريم ويجيك تثاؤب مع نفرزة ، واحلام مفزعة ، وسقوط متكرر من أعلى وكثرة الاحلام .

لذلك مثل ما قلت لبعض الاخوات
فيه أمور لازم تسوينها وراح يضعف اللي فيك بالتدريج ايً كان حتى لو كان سحر ومتأكد ما فيك سحر اللي فيك عين ومس ابغاك تجيبين سدر ملئ علبة حليب الاطفال وزيت زيتون وجيكة موية كبيرة وعصفر ملئ علبة حليب الاطفال وتقرين فيهم مع النفث وتكونين على وضوء الآيات التالية :

1-المعوذات ثلاث مرات وآية الكرسي و(آمن الرسول ...) إلى آخر السورة وأول سورة الصافات الأربع آيات الأولى وأول سورة تبارك الاربع آيات الأولى وسورة الدخان العشر الايات الاولى وكذلك (وأتبعوا ما تتلوا الشياطين ...) الآية وكذلك (وأوحينا الى موسى أن الق عصاك ...) الآية وكذلك (وإذ استسقى موسى لقومة ...)الآية وكذلك (بل نقذف بالحق على الباطل ...) الآية وكذلك (وجعلنا من بين ايديهم سداً ...) الآية وكذلك( أم يحسدون الناس ...) الآية وكذلك (ولولا إذ دخلت جنتك قلت ما شاء الله لا قوة إلا بالله…. ) الآية إضافة ً إلى ما تحفظينه من الادعية والأذكار مع النفث على السدر وزيت الزيتون والموية والعصفر.
وحاب اقولك العصفر هذا يستخدمونه الناس للهلع والخوف والروعه ويفيد بعد في حالات اللتهابات المعده وطريقة استخدامه بعد ما تقرين فيه تجيبين الموية اللي انتي قاريه فيها وتصبين موية في الكاس وتحطيبن بأطراف اصابعك من العصفر في الكاس وتخلينه 20 دقيقة وتشربينه .
2- بالنسبة للسدر تاخذين مقدار ثلاث ملاعق وتحطينه في موية وتسبحين فيه لمدة اسبوع وراح يتبين كان فيك شيء او لا
وزيت الزيتون هذا لازم تدهنين نفسك كامل عند النوم لمدة اسبوع وكل ما استمريتي على العلاجات هذي راح ترتاحين اكثر وعلشان ما تتعبين كل ما جت تخلص الاشياء اللي انتي قريتي فيها زاوديها واخلطيها مع بعض مثل زيت الزيتون اذا جاء يخلص ضيفي عليه زيت زيتون آخر علشان ما تضطرين أنك تعيدين القراءة مرة ثانية وكذلك باقي الاشياء
وبإمكانك بعد تستفسرين من اخوي أزهري وراقي بشكل تفصيلي يمكن عنده إضافات ثانية لأنه يعتبر متخصص في هذا المجال وإنسان فاهم ما شاء الله عليه .

وبالنسبة لعلاجك على النحو التالي :


فحص عند دكتور شااااااااااااااااااااطر بالمنظار إذا كنتي بالرياض خوذي عند الاستشاري المفرح او الحربش بس لا ياخذ عينه من المعده راح تلعب في بطنك وتطول ما تطيب انتبهي للمرة المليون احذرك قولي ابغى اشوف فيه اللتهابات او تقرحات ..

اختي ام عيالها بالنسبة للفحوصات اللي بقولك تسويها علشان تطمنين أكثر وانتي براحك واي فحص سويته خلاص ما يحتاج تسوينه فيه مختبرات البرج الطبية في الرياض وجده والقصيم ورقمهم هذا 920004422 اتصلي واقعدي استفسري على راحك منهم عندهم انواع الفحوصات وعندي انهم ارخص مستشفى لجميع التحاليل لو تقارنينه بالمستشفيات الثانية اللي يدبلون السعر عليك .
الفحوصات
فحص الدم cbc اللي الناس معتادين عليه
وهو فحص لعدد الكريات والحمراء والبيضاء wbcوالصفائح الدموية وعد الأنواع المختلفة للكريات البيضاء (الصيغة التفريقية)
وفحوص سيولة الدم PT و PTT وسرعة ترسيب الدم ESR والهيموجلوبين .
فحص حساسية القمح خاص لمرضى القولون والمعده .
وظائف الكبد والكلى والدهون الثلاثية والكوليسترول وسكر الدم صائم وبعد الأكل بساعتين والكالسيوم والبوتاسيم و HbA1C
التهاب الكبد الوبائي Hepatitis b & c
وعوز الحديد .
الغدة الدرقية
فحص جرثومة المعده والاميبا والكانديدا عن طريق الدم او البراز والبعد عن فحص جرثومة المعده عن طريق النفخ هي اللي تسبب اللتهابات بالمعده اقسم بالله انها من ضمن الاسباب اللي إلى الان الاخوان والاخوات يشكون منها وسبحان الله ما شفت احد اخذها الا الى يومك وهو يعاني منها وكم شخص يقول سببت لي اللتهابات بالمعده لذلك احذك لا عمرك تاخذينها بس اذا بغيتي تاخذين فحص عن طريق الدم او البراز فقط لو يقولون لك هذي احسن لك انتبهي نصيحة اخ مسلم يخاف الله وانتي براحك .

وفي النهاية بما ان مشكلك جسديه شوفي وشلون طريقة علاجك لازم تطبقينها وراح يشفيك رب العالمين :

لي طريقتين شخصياً تبين لأي شخص ما إذا كانت المشكله التي يعاني منها مشكلة نفسية أو جسديه وهي على النحو التالي
تكون المشكلة جسدية بالتدرج بهذه الطريقة

البعد عن إقامة الصلاة في وقتها جماعه + وساوس شيطان + عزلة عن الناس + سؤء تغذيه + نقص العناصر التي يحتاجها الجسم ومن ضمنها هرمون السعادة هرمون السيرتونين وأغلبه في جدار الامعاء90% + صرف علاجات نفسية او الإفراط في الأكل الغير سليم او التركيز على أكل معين فقط يفتقرعناصرمهمة للجسم + أدى الى ضعف في المعده والامعاء والقولون ومن ثم حصول اللتهابات وتقرحات مشاكل في الجهاز الهضمي =
أمراض جسديه أثرت على عمل الجسم بشكل كامل وسببت الأعراض التي يشعر بها كل إنسان الآن اكتئاب ودوخه وهلع وسواس الموت وقلق وبكاء وخفقان وانخفاض ونغزات بالقلب الم وحرارة باليد اليسرى او اليمنى وصداع في مؤخرة الرأس ورهاب وانتفاخات وحرارة بالبطن وعدم القدره على المشي وكتمة وضيقة بالصدر الم مابين الكتوف وحرارة بالارجل واواوااووا.

العلاج يكون
توكل + صبر + عزيمة + توبه + الصلاة في وقتها جماعه + قراءة القرآن والاذكار+ علاج مشاكل الجهاز الهضمي + الحمية الغذائية = الشفاء بإذن الله .
وبالنسبة للحمية فيه في الروابط اللي تحت ذكرت بعض الامور لعلك تستفيدين منها

وتكون المشكلة نفسية "وساوس شيطان" بهذه الطريقة :

البعد عن إقامة الصلاة في وقتها جماعه + وساوس شيطان + الفراغ + عدم وجود سؤء تغذيه ومشاكل في الجهاز الهضمي = مرض نفسي وساوس شيطان.

العلاج يكون

توكل + صبر + عزيمة + توبه + الصلاة في وقتها جماعه + قراءة القرآن والاذكار+ القيام بعمل أي هواية لإشغال النفس = الشفاء بإذن الله .

وهذي روابط ردودي على بعض الاخوان والاخوات أتمنى انك تستفيدين منها لالالالالالالالالالالالالازم تشوفينها قبل ما تسوين أي شيء

http://www.nafsany.cc/vb/showthread.php?t=105137

http://www.nafsany.cc/vb/showthread.php?t=105107

http://www.nafsany.cc/vb/showthread.php?t=104705

http://www.nafsany.cc/vb/showthread.php?t=104880

http://www.nafsany.cc/vb/showthread.php?t=104583&page=4

أختي أنا انسان صادق مع الله قبل ما اكون صادق معك يعني وش بحصل تبين اكذب عليك بس يا ويلي من ربي وعذابه وأنا والله منا بعلى استعداد للعذاب هذا .

بالنسبة انتي تسالين هل انا راقي او معالج بالطب النبوي او طبيب اوواواواواوواا من خلال مشاركاتي راح يتبين لك وكل هذا ما يعني لي شيء فقط ابغى دعوه بظهر الغيب وغيره ما ابغى شيء من الناس .
أختي خوذيها مني نصيحة لوجه الله إذا كنتي في الرياض خوذي عند شخص استشاري باطني اسمه محمد المفرح يعلم الله رجل كبير بالسن ويخاف الله او خوذي عند الحربش بعد في الرياض بس لا ياخذون عينه تاخذ وقت ما تطيب وراح توجعك بعد فترة بس قولي ابغاك تشوف فيني اللتهابات او تقرحات تراك اذا تركتي وضعك كذا راح يزيد لابد من فعل الاسباب انا علمتك في الناس هذي وهم ثقه وانتي اذا كنتي تعرفين ناس غيرهم لازم تاخذين بس لازم تبحثين عن دكتور شااااااااااااااااااطر
وبالنسبة للتحاليل يعلم الله علشان خلاص ما عاد تفحصين مره ثانية هذي اهم الفحوصات الرئيسية وتقولين ما عندك غده ما شاء الله عليه وش الدكتور الفاهم من اللي معطيه الشهادة هذا دكتور الفلس يفحص الغده من خلال النظر ههههه اختي إذا حصل في الغده نقص او زيادة راح يأثر عليك ادخلي أي موقع وشوفي اعراض نقص او زيادة الغده تعبت والله من الكتابه راح يطلع لك وسوي باقي الفحصوات اللي ما سويتها .

وأدخلي الروابط راح بعد تستفيدين منها بإذن الله اللي كتبتها لك وطبقي كلامي

أسال الله العظيم رب العرش الكريم أنه يشفيك اللهم آمين

بالنسبة لنقص فيتامين دال كل الناس ناقص عندها وتقولين قبل سنتين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله المستعان يبيلك فحص جديد اختي
ادخلي الروابط اللي ذكرتها لك وبعد ادخلي ملفي الشخصي وحوسي فيه على كيفك راح تلقين ردود على الاخوان والاخوات وتبين بعد تستفيدين
أنا عندي ظروف خاصة وبصراحه راح اترك المنتدى بس فيه اشخاص واعدهم بالرد عليهم راح احاول اتواصل معهم وأن ما قدرت عاد يعذروني
وفي الاخير ما اقول الا لا اله الا الله محمد رسول الله