|
الي يعرف بالادويه لو شيء بسيط يدخل يساعدني حاله مستعصيه
السلام عليكم ورحمه الله ابي اسأل عن فعالية ادويه الرهاب مع حالة طفله بعمر العشر سنوات تعاني من رهاب من الناس شديد سواء سوق او منتزه او مطار او مستشفى إلا حديقه حيوانات او العاب اطفال لذالك فيه امل ان شاء الله تتخلص منه قبل لا اوديها دكتور حبيت استشير اي نوع من الادويه يفيد ويهدي الحركه مع الشعور بالخوف بالرغم مافيه دكتور نفسي حق اطفال بمدينتي قالو مسافر وما اعرف متى يجي لذالك استشيركم الي له خبره باأدوية الرهاب وكم تستمر الادويه المهدئه كم ساعه ؟ لان استخدمت معها ريسبوريدال لتوحد لان فيها توحد ان ماكنت غلطانه باسم العلاج ولا هجدها ابد ظلت تصارخ ثم تنام ثم تقوم تبكي طبعا مو في البيت في رحله في الطائره لذالك اسأل عن مفعول الادويه كم يستمر وهل هي مثل ريسبوريدال ؟ هذا الفيديو يبين حالتها بالتمام https://www.youtube.com/watch?v=rlNCz-SF-5I ايضا لما تمرض باي مرض نعاني بشكل فضيع لدخولها المستشفى اهم شيء الصراخ الي بدون سبب ابيها تتخلص منه وربي حالتها سببتلي جنون جزيتم خيرا افيدوني |
اختي الكريمة انصحك ما تتصرفي من تلقاء نفسك الأدوية مو لعبة...وتأثيراتها خطيرة بدون استشارة طبيب شوفي طبيب آخر..اسألي اختي ما تستني حدا وربي يشفيها ويعافيها مُحزن جدا حال الأطفال..ربي يلطف بحالهم وبحال كل مريض الف سلامة عليها :) |
مثل ما قالت أختي ظل امرأة
لا تعطيها أدوية نفسية من تلقاء نفسك فيه أدوية كثيرة لا تصلح للأطفال لازم توديها لطبيب نفسي متخصص وأيضا لأخصائي\ة معالج\ة نفسي\ة علشان العلاج السلوكي وانتم أيضا بحاجة لتثقيف أنفسكم عن الطريقة المناسبة للتعامل معها وكيف ممكن تساعدوها ولو لغتكم الإنجليزية كويسة استفيدوا من المواقع الإنجليزية وتقدروا تشتروا كتب مساعدة لكم من أمازون بعدين مشكلة التوحد تختلف عن الرهاب لو عندها توحد فبتحتاج لمركز متخصص لمرضى التوحد |
الاعراض اللي عندها بسبب التوحد وليس رهاب يعني لابد من مركز متخصص لعلاج التوحد
اسال الله العظيم ان يشفيها ويشفي ابن اختي وكل مصاب بالتوحد مرض صعب جدآ على الطفل واصعب على الاهل كان الله في عونهم |
شكرا على الردود هي فعلا فيها رهاب اجتماعي من الناس بعد كل ماتنجرح نوديها المستشفى ونمسكها بقوه ويخيطونها 3 مرات خيطو وجهها
قبل ماكانت كذا علما اخوها مثل حالاتها فيه توحد لكن مافيه رهاب لذالك هي الوحيده الي تصارخ وتبكي هذا مو كلامي كلام دكتورها حق التوحد قال هي فيها رهاب اجتماعي من الاماكن العامه تحسها خطر على نفسها وكتب لها مهدئ بس قال لازم دكتور نفسي طيب لو اروح لدكتور النفسي وهي تبكي تتوقعون ماراح يستقبل حالتها ولا كيف ؟ الحين اتركو التوحد ع جنب وكلموني عن رهاب الاطفال كيف نتخلص منه و يا اخ وائل تتوقع العلاج النفسي ينفع معها تتوقع يهديئها ولا يخليها تخاف بالنسبه للغتي مو مره كويسه بس متشبعه من اليوتيوب وتجارب الامهات والخ ايضا حبيت اسألك مع حالتها ينفع المواجهه يعني عشان تتعود ع المكان كل يوم اجيبها له ولا ماينفع ويزيدها ؟ تكفى شور علي امي كل مابكت اعطتها ريسبريدال الما رميته بدون ماتدري لان تعطيها بأي وقت واحس هالشي غلط وبيزيدها |
اتمنى ترقونها باستمرار ترى الرقيه تهدي بعض الاحيان اكثر من الادوية
الله يشفيها ويكتب لكم الاجر |
شكرا لك ام سما الله يسعدك وصدقتي بنصيحتك
|
نصيحة مني لكم لوجه الله لا تعطي اختك او اخوك اي علاج نفسي سواء كان مضاد اكتئاب او مضاد ذهان لان الادوية النفسية لا تعطى دون من هم اقل من عمر 18 سنة
ولو استخدم الادوية النفسية اي انسان عمره اقل من 18 سنة راح يكون مصيره الانتحار!! وانا بهذا الكلام لا اريد تخويفك ولكن هذا هو الواقع فهناك الكثير من الاطفال تم صرف لهم ادوية مضادة للذهان مثل الزبريكسا والريسبريدال وغيرها وقد انتهت حياتهم بالانتحار فالادوية النفسية لا تصلح لمن هم دون سن 18 لان جهازهم العصبي لم يكتمل نموه بعد وهناك الكثير من الدعاوى القضائية ضد شركات الادوية بسبب هذه المشكلة!! فأولا انصحكم بالرقية الشرعية على اختك اخوك وثانيا ابحثوا له عن معالج سلوكي للاطفال واذا صرفت لكم ادوية نفسية فلا تعطونهم الادوية لانها جريمة كبيرة في حق الاطفال ولا تصدقي كلام الطبيب اذا صرف لكم علاج لانهم دجالين وعملاء لشركات الادوية ولا تهمهم حياة البشر.. وراجعي هذا الموضوع في الرابط ادناه وباذن الله راح يفيد اختك بدون الحاجة الى استخدام ادوية نفسية http://www.nafsany.cc/vb/showthread.php?t=108965 |
اقتباس:
العلاج السلوكي ممكن يفيد خصوصا لو أخصائي النفسي عنده خبرة في التوحد وهو ممكن يفيدكم شنو تسوون لكن لو وديتوها لمركز متخصص بالتوحد ممكن يساعدها هالشي في التعامل مع الناس لأن في كثير مرضى بالتوحد ما بيكونوا اجتماعيين وما يتحملوا أحد يلمسهم |
حسبي الله ونعم الوكيل حسبي الله ونعم الوكيل اكتب وانا ابكي منهاره وش اسوي اول معتمده ع الله ثم العلاج انا صغيره ما اعرف وش اسوي معها حسبي الله ونعم الوكيل اجل تسبب انتحار وليش ياجعلهم الموت يكتبونها للاطفال اجل ارتكب جريمه بطفل ماله ذنب طيب انا من المدينه احد يعرف معالج سلوكي تكفون دلوني انا مدري وش اسوي لما تبكي ابكي معها اشكرك من كل قلبي اخوي الضاحك المستبشر على المعلومه المهمه الله ينقذك من كل مرض مثل ما انقذتني لكن تتوقع العشبه تفيد معها كمان بسأل وش يسوي المعالج السلوكي ؟؟؟
طيب المدرسه ماتفيد طيب وش اسوي ؟؟ حسبي الله ونعم الوكيل حسبي الله ونعم الوكيل صرت اخاف اطلع معها بأي مكان بسبب هواش الناس لها الكل يبيها تسكت اخر شيء بدا الرهاب يجي لي انا حسبي الله على المجتمع الي مايتعاون مع المرضى |
اقتباس:
احنا ما نقدر نعرف ايش الدواء المناسب لكن كثير من الأدوية اللي يستخدمها الكبار ما تناسب الأطفال فبالتالي الطبيب النفسي بيكون على معرفة بالدواء المسموح صرفه للأطفال والجرعة المناسبة له تقدري تروحي مستشفى الأمل فعندهم أطباء نفسيين ومعالجين نفسيين وتقدري تسألي في المستشفيات الخاصة الكبيرة لكن مثل ما نصحتك من قبل ابحثي عن مركز متخصص في التوحد لكن لو رحتي لمستشفى الأمل ممكن يحولونك ويرشدونك لمركز متخصص في التوحد |
في المدينه اتوقع ان التاهيل الشامل فتحوا صفوف لاطفال التوحد اذا ماخاب ضني ياليت تسالي
اختي كانت تراجع بولدها في الصحه النفسيه صرفوا له ادوية ماعرف وش هي لكن امي رفضت انه ياخذها الله يشفيهم ويلطف بحالهم والله يصبرك ويكتب اجرك |
اقتباس:
يا اختي لا تخافين مرض التوحد هذا ماهو مرض خطير ابدا وانا كان احد اقاربي مصاب بالتوحد وهو صغير ولكن بعد ما كبر ووصل عمره حوالي 24 سنة بدأ يزول منه المرض بشكل تدريجي الين ما رجع انسان طبيعي مثله مثل باقي البشر.. وبعدين العشبة اللي كتبتها لك في الرابط انا متأكد باذن الله انها راح تستفيد منها وحتى انتي اذا عندك مشكلة نفسية اشربي منها وراح تحسين بتحسن كبير جد يمكن يوصل حدود 80% والكلام هذا على مسؤوليتي باذن الله.. واما الادوية النفسية فأنا احذرك من اعطائهم اي دواء نفسي للاطفال مهما كانت جرعته ومهما كانت شهادة الطبيب النفسي الذي كتب له العلاج انشاء الله انه يكون برفسور في الطب النفسي اذا كتبلكم اي ادوية ارميها في الزبالة ولا تعطينهم.. وحاب افيدك بمعلومة ثانية ايضا انه الى الآن لا يوجد اي علاج نفسي مخصص لعلاج التوحد.. فالادوية النفسية لا تعالج الا الاكتئاب والفصام العقلي فقط لا غير.. واما بعض الامراض مثل التوحد والتخلف العقلي فهذي الامراض لا يوجد لها عقار مخصص في السوق لعلاجها والادوية التي يصرفونها للتوحد هي مضادات ذهان وليست اصلا مضادات توحد وافضل شي للتوحد هو العلاج السلوكي ومحاولة تعويد الاطفال بشكل تدريجي على الاحتكاك بالعالم الخارجي او انه يجلس مع احد غير اهله وباذن الله بعد فترة يصير انسان اجتماعي ولا يخاف من الناس |
ونسيت يا اختي انبهك انتبهك تنبيه شديد!!
انتبهي على اخوانك الصغار من القنوات في التلفزيون وخاصة قناة الاطفال CN وقناة MBC3 لان هذي القنوات فيها افلام كرتون تثير الرعب والخوف في قلوب الاطفال وانا اولاد اختي كلهم خوافين الواحد منهم ما يقدر يدخل النطبخ لحاله ولا يقدر حتى ينام في الغرفة لحاله ولازم ينام والنور مولع والباب مفتوح!! واجهزة الايباد هذي والجولات جابتلهم عمى البصر والبصيرة وفيها العاب عنيفة ومرعبة وانصحك بمراقبتهم ومراقبة الالعاب اللي يلعبون فيها وقنوات التلفزيون اللي يتفرجون فيها.. وانصحك بحذف جميع القنوات من التلفزيون ولا تتركي لهم غير قناة الجزيرة للاطفال وقناة أجيال ونتبهي عليهم من القنوات الباقية لانها ما جابتلهم البلاوي والامراض النفسية غير هي |
اقتباس:
يا سلام على هذي الام اللي عقلها يوزن بلد واحسن شي سوته انها ما اعطت ولدها الادوية النفسية.. وشركات الادوية النفسية هي اصلا كاتبة تحذير على كل ادويتها انها لا تعطى لمن هم دون سن 18 سنة حتى تتجنب الدعاوي القضائية التي رفعت عليها من الكثير من المرضى |
اقتباس:
وحده من اخواتي اثنين من اطفالها كانوا اذكياء كانت اعمارهم 5و3سنوات قام ابوهم اشترى تلفزيون وركبه في غرفتهم اخوهم الكبير كان اجتماعي وماتعلق بالتلفزيون البنت والولد الاصغر منه ينامون ويصحون على قناة Mbc3وقناةCNبالعربيه صاروا ينعزلون واختي مبسوطه لانها ارتاحت من ازعاجهم لكن بعد فترة الكل صار يلاحظ التغيير اللي حصلهم البنت صارت هاديه وتسهر بالليل عند التلفزيون وطوال الليل تدور وتنط وحتى صار مشيها نطنطه وصارت لما احد يتكلم معاها ماتنتبه او ماتعبر اللي يكلمها الحين الحمدلله بعد مابعدت فتره عن التلفزيون تحسنت كثير اخوها كان مايخرج من الغرفه لدرجة لما يبغوا يطلعوا برى البيت لازم معركه معاه واحيانا يطلعون ويخلونه بالبيت وامي واخواتي يطلون عليه وكبر ولاحظوا عليه كثير التصفيق والتنطيط والصراخ واصدار اصوات مزعجه ومتاخر كثير بالدراسه بعد ماكان ذكي هو الى الان يتابع هالقنوات واذا جيت عندهم اطفي التلفزيون يزعل زعل ماهو طبيعي وحتى لو مايجلس عنده بس يبغاه مايطفى واحيانا كانه متوتر او خايف مادري من ايش لكن الان كانه احسن من اول لكن مشكلته بالدراسه والله مجنون من يخلي اطفاله فريسه لهالقنوات اللي لعبا بعقول اطفالنا انا اطفالي من كانوا صغار مايحبون افلام كرتون نهائي الان لما كبروا صاروا يتفرجوا كثير لاحظت بنتي مع ان عمرها9يجيها اوقات تخاف وماترضى تنام والنور طافي وماتروح دورة المياه لوحدها والحين كثيرة النسيان مع اننا نحاول مانخليها على طول عند التلفزيون والله اني متاكده ان اغلب مشاكل اطفالنا بسبب القنوات هذي واعرف ناس كثير لاحظوا على اطفالهم التغيير بعد جلوسهم وقت طويل على هالقنوات وقنوات الاناشيد مثل طيور الجنه وكراميش وغيرها |
| الساعة الآن 02:41 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا