خلاص انهرت 😭😭
 

راح اقولكم مشكلتي بختصار شديد صحيح اسمي الانسة سعادة بس والله حياتي خالية منها المهم عشان لا اطيل عليكم
مشكلتي بختصار شديد تحكم اخواني فيني من مثل ما تطلعين ما تلبسين ماتسوين علي مرا امي وابي المهم ابوي شيلوة من الحسبة
لان دورة سلبي لو اطيح قنبلة علي بيتنا ماسوي شي هو مريض نفسي ولاهي بعمرة والوالدة اعذروني علي هالكلمة شرية او نسرة
وكل مو معاي وكل تنتقدني وحتي لمارحنا لي معالج قالها وانا موجودة التربية لازم تيي من شخص واحد مو الام والاخوان والكل ..
المهم..ان انا احس تعبت من القيود اللي تكبلني احس اني مخنوقة والله قاعد اكتبلكم وانا في المطعم وانا قاعد ابجي احس عمري 22 سنة
راح خسارة كلة مشاكل أسرية والباقي أمراض انا ما اكتب عشان استعطف احد بس ابي حل حق مشكلتي لان الدكتور النفسي موعدة بعد
أسبوعين والاستشاري السلوكي بعد 3 شهور وأحس اني محتارة ماذا افعل

انتي وش تشخيصك تبع الدكتور ؟

اكتئاب

الاكتئاب انواع بس اي نوع اللي عندك هو قالك اكتئاب وبس ؟

مشكله لما يهاجمنا الاكتئاب في سن مبكر ماعاد تدري هل الحياه هكذا بائسه ام ان هنالك خلل حقا في ادمغتنا

اكتئاب حاد

نومك كم ساعه شهيتك كيف علاقتك مع الناس كيف

نومي 10 ساعات شهيتي زينة علاقتي مع الناس زينة ايضا

ما أقدر أقول إلا حسبي الله ونعم الوكيل
على كل أم ظالمة وعلى كل أبو ظالم
ما قدروا الأمانة اللي اعطاهم الله اياها
خربوا حياة عيالهم وجابوا لهم الأمراض النفسية بظلمهم وتسلطهم

ما أقدر أفيدك لأني عشت وأعيش وضع أصعب منك
ويبقى الأمل بالله سبحانه
دعواتي لك

مشكور علي ردك اخوي ردك عندي بالدنياء

الموضوع لرفع

الله يعينج اللبس موذاك الاهميه عادي البسي اي شي بس اهم شي تطلعين

مشكور اخوي علي ردك

انا مااخرج من البيت مرا ، لو خرجت تطلع الطلعه زعل ونكد ، فتخيلي اللي وضعها زيي ، حتى اغراضي اللي ابيها ارسلها مع اختي لنو ماافي احد يخرجني ، وطول الوقت فغرفتي ، كانو ف البدايه يقولو منعزله ومدري وش بس خلاص تعودت ساعات احس قعدتي لوحدي احسن ، من اني انخذل واتحطم ، بس تصدقي انا اكثر وحده تسمع لناس لمشاكلها بس يوم احتاج احد ماالقى بس عوافي ، اقول مع الايام بصير اقوا بس اللي لاحظته اني ضعفت .

مشكورين علي ردودكم

سارة تحمليني شوي

أقسم بالله لو تدخلين منتديات ضحك و فرفشة يكون أزين لك من هذا المنتدى

أنتي ربما نفسك تتقمص الأمراض و أنتي ما فيك شي شيلي من راسك أبوك و أمك و سلمي على روسهم بس سلمي على روسهم و الشي الثاني أنتي شخصية هادية و هذا طبع حلو لكن أقولك أتركي المنتدى و روحي منتديات فرفشة و ضحك و أستفيدي من وقتك في المرح و التعلم راح تشوفين نفسك طايرة في العجة

أنتي هنا تتشكين و أحس ما فيك إلا العافية أنا ما أطردك من هنا يا بنتي لكن زورينا و أنتي بأحسن حال

هذا ما كتبته إلا و الله حرصا عليك و حبا فيك

حبيبتي الانسه سعاده اعتبريني اختج الكبيره بسالج اساله وابيج تردي بصراحه وباذن الله ظروفوالصعوبات اللي تمرين فيها بتغير ولا راح تضحكين ع نفسج وتصير من الذكريات بس قبل كل شي تذكري دوام الحال من المحال وع فكره انا من الكويت

مشكور علي ردك ان شا الله بحاول اروح منتدي ثاني

تفضلي

بدش بالموضوع ع طول باسئلج محافظه ع صلاتج بوقتها وتحصنين نفسج بالاذكار الصباح والمساء فالمحافظه ع صلاة وهم التحصينات مهمه بحياة الواحد منا اغلب الامراض النفسيه تكون روحانيه تاثر بنفسيه الواحد وتلخبط حياته وتخليه عيش حياة كلها قلق وتوتر وخوف واكتئاب غير نظرته للحياة كلها تشاؤم وخوف من الموت ،،،، علاجج سهل وبسيط وموجود وانتي تقدرين تعالجين نفسج ,,,,بتقوليلي شلون ?!
انج تحافظين ع صلاتج وتحسنين نفسج بالاذكار ولاستغفار وقيام الليل ركعتين تناجين ربج وبسجودج ودواء العجيب العلاجه فوري وسريع الصدقه سرها عجيب وصدقيني انا اتكلم من واقع شفته حاله اعرفه مشابهه لكثير من الحالات الموجوده بالمنتدى عالجت نفسها بس كانت حالتها صعبه وربي شافاها بعد معاناة سنتين وان شاء الله قولج حالتها في وقت قريب .

صلاتي الامانه دايمة اصليها متاخرة + الأذكار محافظة عليها + الصدقة دائماً اتصدق

اختي علاج الاكتئاب اسهل من الرهاب بألف مره

عندي سؤال
هل استخدمتي زولفت
والله انه قوي على الاكتئاب ومفعوله سريع

ابي اجابة استخدمتيه ولا لا ؟

لا ما اخذة

استخدميه وراح تدعيلي.

لا تطعين إخوانك إذا كانت الطاعة تضرك