|
دوخه وعدم تركيز مفاجئ ثم وسواس الموت
السلام عليكم ورحمة الله وبركاته قبل شهر وانا جالسه بالسياره وعلى جوالي رفعت راسي اصبت بدوخه وخفقان وعدم تركيز وضعف بالسمع وكتمه واسودت الدنيا بعيوني حسيت باني اغرق وبموت رحت للمستشفى طلع عندي هبوط بالضغط واخذت مغذي وطلعت للبيت واليوم الثاني تعبت ورحت للمستشفى طلع عندي هبوط بالسكر خفت وتوترت وقلت اكيد اني بموت وفكر كيف بموت كيف بقابل ربي وانا لهية بحياتي ومقصره كثير وصرت اعاني من دوخه داخل راسي مو احس الدنيا تدور لا واسهال اكرمك الله فقدت الشهيه موقادره اركز بشي ورجفه وخوف وتوتر ونبض بحلقي وغصه كتمه بصدري ارق انام شوي اصحى من الدوخه والخفقاق توجهت لاكبر مستشفى عملت جميع الفحوصات وعملت تخطيط للقلب وتحليل انزيمات واشعة رنين لراس واشعه لصدر والبطن وكل شي ولله الحمد طلع سليم بس فيتامين دال14 وغازات بالقولون لكن التعب مازال فيني ابكي عند الدكتور اقول لاتكذب علي انا فيني شي اكيد واسبوعين اتنقل من مستشفى لي مستشفى وقال نحولك لدكتور نفسي ورفضت وجلس بالبيت وفكرت مافي اي احد بالدنيا بيمنع عني الموت وتحديت نفسي وقلت خلاص لو مهمها حسيت من الم وتعب نفسي مافي مستشفى ورجعت لربي الحمدالله ربي مادام هو اللي بلاني هو الوحيد اللي قادر بشفائي لكن اول كنت مقصره عمري 21ماسويت شي اقابل ربي فيه خايفه اموت وربي مو راضي عني كيف اعرف ربي تقبل توبتي اولا التفكير تعبني صرت اكره الحياة والدوخه ااه منها كل هذا جاني فجاءه التعب للان مستمر وانتشرت بيدي والساق حسسيه قويه احس بشي كبير يضغط على قلبي اخاف اطلع من البيت اذا طلعت تعبت ادوخ ويثقل راسي وابي ارجع بسرعه اخاف انام لحالي ولا احب الظلام واذا صحيت من النوم الاقي ضربات ع الساق و اخاف افرح لدرجة اقول ليش اكل وانا بموت اشوف اهلي مبسوطين تزيد علي الحاله والدوخه انا بموت واهلي بينسوني محد بيذكرني واذا صليت اخاف اسجد لاني بموت اذا سجدت او تشهدت ويجيني ثقل بجسمي موطبيعي وثقل براسي بس اقاوم واقوي نفسي التزمت بصلاتي والنوافل يوميا اقراء سورة البقرة وتوكلت على ربي واثقه باذن الله انه بيشفيني وخفت بعض الاعراض والله الحمد لكن خوفي من الموت وان ربي ماتقبل توبتي وراح اتعذب بقبري تعبني وعلى اي حال بموت دعواتكم لي ربي يحسن خاتمتي الي قدرت اتغلب عليها الحمدالله هز رجلي اليمين بشكل موطبيعي من اصحى لين انام شي مخيف الكل كان يلحظها الخوف ماصرت اخاف وكبر اي شي احس فيه لاني مع الخوف يزيد علي الخفقان اطرافي تبرد وتصيبني الدوخه النبض الي بالحلق ماصرت افكر فيه واقنعت نفسي لو ما في نبض يعني بموت هههههههههه وراح مني الحمدالله وصرت اكل من بعد مانزلت اربع كيلو خلال اسبوعين لاني لو ما اكلت اكيد بموت مع اني الشهيه ضاربه الدوخه وااااااخ منها اغلب الي قابلتهم قالو ا ذا مافيك شي عضوي الدوخه طبيعيه وتعايشي معها ولايكون تفكيرك عليها اذا جتك هالحاله ابتسم واهدي نفسي وتوكل على ربي وبتروح تدريجيا وفعلا طبقت كلامهم وخفت اليوم احس اني افضل من اول بكثير بس شعور اني بتعب ويرجع لي يضايقني وطول الوقت قلقانه واحس بشي جالس على قلبي |
شي مهم
اذا جانا الموت ماراح ينتظرنا نخاف ونبكي ونوسوس تصدقو بنية الشفا طولو بالسجود وادعوووو وحسنو علاقتكم بربكم وكل من حولكم والله يشافينا ويحسن خواتمنا ward |
بدايتك مع الوسواس والهلع
مثل بدايات اي واحد فينااااااااا كل بداياتنا كذاااا... نخاف من موقف او حاله صحيه .. ويبدا الامر يستمر بالفكرة من وسواس وقلق ........ وافكار بالموت والمستقبل ....الخ نجي نقسمها نشوف هالاسباب وعلاجهاااا وجهة نظري الخاصة انه تقسم الى ثلاث امور 1- الحالة الروحية ... 2- الحالة الصحية ... 3- الحالة اليومية ( الجدول اليومي ) الحالة الروحية : وهيا بصفه عامة ارتباطنا بالله سبحانه وتعالى والالتزام بالصلاة وقراءه القران والصدقة والاكثار من الذكر والاستغفار والصلاة على النبي صل الله عليه واله وسلم الحالة الصحية : وهيا مشاكل القولون ونقص فيتامين دال وجرثومه المعدة ... الجهاز الهظمي بصفه عامه له تاثير كبير على الصحة والحاله النفسيه الحالة اليومية ( او الجدول اليومي ) نراقب انفسنا خلال اليوم .. كيف افكارنا نفكر في شنو كيف الجدول اليومي روتيني ممل او ماذا هل نمارس رياضة المشي هل نقراء كتب مفيده ومحفزة هل نقوم باعمال نستغل فيها وقت فراغنااا هل نشاهد مسلسل او فلم كومدي ... الضحك مفيد جدااا جلوسنا على النت ليه مانلعب ونتفرج ..افظل من انه نقراء مواضيع عن الوسواس والامراض ويزيد عندنا القلق انا احيانا اللعب قيمزر بالرغم انه زمان احلى لكن مازلت بين فترة وفترة اللعب المهم اوقات احاول انه ما اجلس للوسواس وااااسف على الاطاله بس حاولت انه اوجز من وجهة نظري اهم الامور التي تسبب لنا ما نحن فيه |
مشكور اخوي ويعطيك العافيه انا اتجاوزت اشياء كثيره الحمدالله بس الان خوفي هل ربي تقبل توبتي وغفر لي هل ادخل الجنة هالشي متعبني اسال الله الكريم رب العرش العظيم ان يحسن خاتمتي
|
اقتباس:
كيف ما يغفر الله لنا ذنوبنا وهوا وعدنا بغفران الذنون لمن تاب لاتخلين ابليس يصيبك بالياس من الله .. تذكري قوله تعالى (( وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحًا ثُمَّ اهْتَدَىٰ )) وقوله تعالى (( قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ )) وقوله تعالى (( إِلَّا مَنْ تَابَ وَآَمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا ﴾) شوفي يبدل سيئاتهم حسنات .. سبحانك يارب ما اكرمك وغيرها من الايات والاحاديث رحمه الله واسعه ومغفرته واسعه ربي يتقبل منك يارب ويثبتك ويزيدك من فضله |
الحمدلله علي كل حال والحمدلله انك تغلتي علي بعض الامور
ربي غفور رحيم وبنسبه لدوخه ههههههههههههه لا تشكي لي منها وابكي لك والله اني اطلع من العمل وشرد من اخوياي بسببها اذا جاتني بس الحمدلله نفسك سويت كل شي تحاليل وكشوفات كل شي سليم والحمدلله لا تعطي لها بال وخلي ثقتك بالله قويه وراح تشوفي اتغير كيف يوضح عليك ولا عاد تفكري فيها نهائي |
سلام عليكم
كلامك واضح وسواس هذا اذا كل شي سليم هذا وسواس والي جاتك في السياره هذا من فتمين دال وزوتي الاعراض بالقلق والتوتر وزادت عليك بس انسي وفكري في شي يفرحك وتحدي الوسواس يقول لا تطلع اطلع لا تسوي كذا سوي كذا خليه حرب مدت شهر تشوفين كل شي تغير كثير |
اقتباس:
امين وياك يارب الله يجزاك خير |
اقتباس:
الله يشفيني ويشفيك وين تشرد خليك بمكانك وقولهم فيني دوخه وارتاح لو شردت وطحت لحالك وش بتسوي هههههههههههههههه اخاف الحين توسوس نفسي انا لا جتني الحاله الدوخه والضيقه اروح طيران فوق واتواصل مع اهلي واتس اقول تعبانه شوفوني كل ساعه هههههههه انا اشك فينا شي غير الوسواس بس الله يشفينا منه |
اقتباس:
ااااه الي جاني بالسياره شي يخوف مااتمنى احد يحسهه مع انو الدكتور يقول ماله دخل فيتامين دال هو ياثر بالعضام امس عشت برعب كنت لحالي بالبيت وخفت اتعب ومحد ينقذني هههههههه حسبي الله عليه من وسواس اخر شي جلست اضحك بصوت عالي وخف الحين اول ما اصحى من النوم اعاني من الخوف اني بتعب وتذكر تعبي الاول يارببي اشفيني |
الي مخوفني الناس يقولون هالشي بيجلس معك اقل شي 6 اشهر
معقوله ست اشهر تعبانه وقلقانه ومتضايقه وخايفه ياربي زيدني صبر |
اقتباس:
6 شهور اقل اكثر ... ماتدرين من اليوم الله يرزقك الصبر ويفرج همك سجده لله في الثلث الاخيرر تغييير كل شيء اهم شيء قوه ارادتك كثرة الجلوس والفراغ والاسترسال بالتفكيرر تضاعف الامر وتاخر الشفاء والانشغال بالمفيد والاكثار من ذكر الله ومشاهدة افلام او مسلسلات مضحكة واي فكرة سلبيه وسواسية قولي انا موكله امري لله واللي يصير يصيرررر |
اقتباس:
مشكور اخوي على ردودك الي تريح النفس بقولك عن الاعراض الي ماكتبتها انا الحين اعاني من خوف ان قلبي فيه شي مع اني سويت 6 مرات تخطيط ومافيني شي الحمدالله احس ثقيل على قلبي موترني ومابي اروح لدكتور نفسي واهلوس زياده اخاف اسوي اي مجهود وتعب قلبي حتى الاكل اكل شوي اخاف اكثر وتعب قلبي انا سابقا سويت ذنوب كبيره وكنت ما اصلي ولا اهتم بالدين وخايفه اموت وربي موغافر لي لاني لا اشعر بخشوع بصلاتي او دعائي والله العظيم اني ندمانه على كل ذنب سويته وعدت نفسي ابعد عن الاغاني والمسلسلات والافلام اكتب وانا ابكي يارب بغفرلي وش اسوي خايفه والله اقول يارب لك الحمد على هالتعب لاني من بعده رجعت لربي بس موقادره اخشع |
كل ما انام ادعي اني احلم ربي راضي عن بس ابي اعرف بعدها برتاح اااه ياربي احس بضياع
|
اقتباس:
لا ماعليك متعود لي ثلاثه سنوات يعني عادي جدآ الحمدالله علي كل حال |
اقتباس:
على الاقل يسمعني كلام يريح ... والحمدلله على كل حااااااااااال . * بالنسبة لخوفك انه قلبك فيه شيء هذا كمان صار معي ورحت عملت تخطيط وكمان قبل التخطيط لما تكلمت مع الدكتور قالي مافيك شيء لان مريض القلب مو كذا تتكلم معي ووو المهم احاول اطنش وبعدين عرفت انه من من كثرة القلق والوسوسة والتفكير هيا اللي تخليني اشك انه قلبي فيه شيء وايضا مشاكل اضطراب القولون والمعده تعمل نغزات والم بالقلب واضطراب القولون سببه الحاله النفسيه وبعض الماكولات ... فلاتهتم كلها وساوس شيطانيه والحمدلله انك عملتي تخطيط والامور طيبه الحمدلله ** موضوع الذنوب والخوف انه لم يغفر لك ** كانك كاتبه الاسطر عني انا ... سبحان الله ... خليها مستورة الله يغفر لك ولنا ويستر عليناا وبكل تاكيد سببها الشيطان لعنه الله يريد مننا ان نيئس من رحمه الله والله وعدنا بالمغفرة والرحمه لمن تاب والشيطان ما يرد مننا التوبه يبغانا نستمر في الذنوب لكن ما يقولك روحي سوي ذنب لا يعيشك حاله نفسيه سيئه عشان تغفلين عن ذكر الله واالتوبه فلا تهتمي له ... لو اقولك شيء عني ماتصدقي ويمكن نكون متشابهين فيه ..( بس صعب كل شيء يكتب بالمنتدى ) . لكن على الله والحمدلله المهم انك قدر الامكان لا تجلسي لوحدك وتسترسلين بالافكار |
امين يارب الله يشافينا ويغفر لنا
طيب كيف راح منك وكم جلست بهالحاله والي يقهر يوم ارتاح ويوم ترجع لي الحاله بس من صحيت اليوم وهي زايده علي حتى لو عندي ناس الفكره موجوده مسيطره علي كل مره اقوي نفسي واتغلب عليه بس اليوم ماقدرت عليه ضعفت كثيررررر |
اقتباس:
لكن من قبل 6 سنوات بدات فعليه تعبت وتغيبت عن العمل ورحت لناس تقراء عليه ومستشفيات وجلست بينهم الكل يراء من زاوية تخصصه الباطني يقول قولون ومعده ووو اللي يقراؤون والشعبي يقولون لك عين حسد وعليك بماء زمزم عسل زيت وووو الطب النفسي يقولك مافيك شيء بس نفسيا تعبان تحتاج ادوية نفسيه اخرين يقولون لا كلها برمجه نفسيه سيئه لافكارنا وساوس وهي تسبب كل ماتشعر فيه والاخرين يقولون اللي تشعر فيه بسبب النفسيه يعني كل شخص يتبنىء وجهة نظرة لذلك لو تذكرين ذكرت لك انتي او موضوع اخر اسباب المشاكل النفسيه والوساوس من وجهة نظري انها لها ثلاثه امور الجانب الروحي وهوا الارتباط والالتزام والمحافظه على الصلاة وقراءه القران وترك الذنوب الجانب الصحي : الاهتمام بالاكل الصحي والكشف على القولون والمعده وجرثومه المعده وفيتامين دال الجانب الشخصي : الروتين اليومي والانشغال بالمفيد والاستفادة من الوقت وعدم الجلوس في عزله على كل جانب لازم يكون العمل ... انا الحمدلله شعرت بتحسن بعد ان عالجت جرثومه المعده وبعد ان بدات اخرج من البيت واشغل نفسي ماخبي عليك تجيني اوقات حتى قريب جاتني لكن اطلع بقدر الامكان مع قله اصدقائي لكن واحيانا مع الاطفال والاهل والحمدلله بس اقولها لك لا تخافي ان شاء الله بتكوني بالف خيررر وما تحتاجي الطب النفسي الدوائي ان شاء الله |
اقتباس:
يالله 6 سنوات تعاني منه كيف انا لي شهر ويالله اتحمل اللهم لا اعتراض نفسك بالضبط بس انا الي يخليني اشك انه عين قابلت وحده وتعبت ثاني يوم وطلع هبوط بالضغط والمره الثانيه بعد شهر قابلتها ليوم الثاني تعبت هبوط بالضغط وسكر ولا متاكده هل عين ولا نفسيه ولا من فيتامين دال لكن القولون معي بسبب حالتي وخوفي الحمدالله الجانب الروحي ملتزمه فيه والله يتقبلها مني ويغفر لي يارب بس من يومين طالع لي بالساق دوائر حمرا بكل ساق ثنيتن وكلها نفس المكان مادري وش هذا اوسوس الي انا فيه عقاب من ربي الحمدالله متقبله وراضيه بكل شي بس ان شالله ربي غافر لي ومتقبل توبتي دعواتك لي |
احس باليأس استغفرالله العظيم
الي يصاب بالمرض النفسي والوسواس اغلبهم يتعايش معه على حسب الي اقراء من مواضيع الله يزدني صبر ويشافيني هالسنه راح اتخرج وخايفه اموت قبل تخرجي كل شوي يطلع لي بفكره جديده بحاول اصبر واتحمل ومتخوفه نهايتي عند الدكتور النفسي |
الله يوفقك يارب وتتخرجي وتكوني في احسن ماتتمنين
اذا شاكه عين او حسد او .. فالامر بسيط ان شاء الله فقط قراءه سورة البقرة بالاضافه معك جوال او عندك لاب توب حطي سورة البقرة وخليها شغاله 24 ساعه شنو المشكلة ... ايضا استخدام الزيت تدهنيني فيه ويكون مقري فيه احسن وشرب ماء زمزم وانتي اقرائي فيه ومعه عسل وعلى الريق هالامور بسيطه ولا تكلفك شيء وان شاء الله بإذن الله راح تتحسني كثيرررر.. هذا اذا قلنا ان المشكلة عين او حسد واذا قلنا شيء عضوي // سوي تحليل لفيتامين دال وجرثومه المعده وشوفيها لو تمام الحمدلله لو تحتاج علاج خذيه والاهم انه الاستمرار في اشغال النفس وعدم الاسترسال بالافكار والجلوس لوحدك الله يوفقك يارب ويطيل في عمرك |
الحمدلله انا تعافيت من الوسواس
لكن نفس الاعراض اللي حصلت لك حصلت معي حالتي مشابه لحالتك كثيييييييييييييييييير كنت مااصلي ومهمله وسويت ذنووب الله العالم فيها . وبعد الوسواس تبببت ورجعت لربي لكن كانت مشكله الشك بان الله قبل التوبه او لا مجننتني . وتعبت وحااااااسسسسسسه فيك وبتعبك , لذالك بقول لك ايش سويت قمت باخر الليل توضيت وصليت الوتر وباخر سجده استجمعت كل قوتي واخذت نفس عميق وانا بعقلي جالسه اقول واردد راح يستجيب لي الله وبعدها دعيت من قلبي خلاص موهامني وسواس ولاغيره ابغى رضى الله يعني ابغى رضى الله والله العظيم حسيت بقووه وقلت يااااااااااااااااااااارب اعطيني علامه انك راضي عني وريح قلبي . وبعدها وكلت امري الله ونسيت الموضوع وانا واااااثقه . وسبحان الله القى جواب الله يوم بعد يوم والله راحه وطمئنينه . وبعدها رحت اصلي قيام الليل بعد وادعي وانا وااثقه بالله استجمع قوتي كلهااا ولايهمني وسواس ولا شي اركز بس برضى الله وادعي دايم بان الله ينزل سكينته وطمئنينته على قلبي انا اللحين لي 3 اشهر الحمدلله مرتاحه من الوسواس وعايشه طبيعي . الاهم واللي لازم تركزي عليه هو الثقه والايمان قبل تدعين وتشوفين كيف تفرج لان الله قال بالحديث القدسي انا عند حسن ظن عبدي بي .. اما موضوع نبضات قلبك فانا واجهتها والسبب طلع لاني مركزه تفكيري وانتباهي بالنبض , اشغلت عقلي عنه وراح الوسواس بكل بساطه . اهم شي لاتجلسين لوحدك لانك بتكونين معرضه للوسواس اكثر بكثير واذا جلستي لوحدك سوي شي يتطلب تركيز منك وحاولي تتفاعلي معاه وتركزي لان عقلك الباطن مايفرق بين الحقيقي والخيال والسلبي والايجابي اي شي تركزين عقلك فيه يتفاعل معاه على طول . ومعليش على طول الكلام :( |
اقتباس:
لا تشيلي هم وقلت لك قبل ربي غفور رحيم وكلنا نذب مو بس انتي وكل واحد يذنب فينا ماحد خالي من الذنوب والمعاصي الله يتوب علينا نستغفر الله ونصلي ونخافه وان شاءالله يتوب علينا ترا احنا والله العظيم لو تلاحظي اننا مقصرين بحق الله لاكن الله يتوب علينا ويغفر لنا ويهدينا يارب ويسترنا فوق الارض وتحت الارض ويوم العرض ان شاءالله بنسبه ل دوخه والله ان لها يومين معي ولا تجي الا بعد المغرب بس اليوم من صحيت من النوم وهي ماسكتني للحين والله بس احاول اشغل نفسي ولا اعطي لها بال نهائي لاني متاكد 200% انها من القولون |
مشكورييييين على ردوكم اسال الله رب العرش العظيم ان يعافيكم ويمد بعماركم على طاعتة
ابشركم والله الحمد تحسنت بنسبة 90 بالميه بفضل الله ثم الرقية الشرعيه والدعاء لي خمس ايام متواصله اروح لراقي وتبين معي حسد وعين اول جلسة اصارخ وماقدرت اسكت وطلعت كدمات كبيره بساقي والم مباشر ع القلب كاني غازه شي بصدري ومع الرقيه تحسنت كثير الوسواس انتهى الله لايجيبه وان شالله مستمره بالرقيه وببإذن الله ارجع افضل من اول دعواتكم لي ward |
اقتباس:
استمري استمري .. بس ياليت كمان تعملي تحليل لفيتامين دال وجرثومه المعده والقولون افضل وافضل والاهم انه لاتجلسي لوحدك لان الفراغ يزيد الافكار اقرائي كتاااب كيف تتخلص من القلق ل ديل كارنيجي لازم يكون وقتك مليئ باي شيء لان الوسواس يبحث عن الفراغ وان شاء الله نشوووفك من احسن الى احسن يارب فرحت لك ربي يديمها عليييك يارب |
اقتباس:
اممممين وياك يارب خلاص الوسواس مات انتهى الحمدالله والله يشفي كل مريض منه كاتبه من اول عندي نقص فيتامين دال والجرثومه ماعندي الحمدالله ياالله بقى القليل وربي يشافيني منه الم او ضغط ع الصدر الايسر شعور موعارفه اوصفه مشكو اخوي اكثر واحد مهتم لي ويرد علي الله يوفقك ويسعدك يارب ولاتنساني من دعواتك |
اقتباس:
الحمدلله اسال الله العظيم رب العرش الكريم ان يشفينا جميع يارب والله يوفقك يارب استمري وحافظي ع الاذكار صباح ومساء ولا تنسي تدعي لنا بظهر الغيب الله يسعدك |
اممممممممين يارب
|
| الساعة الآن 02:55 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا