تجربتي مع السفر انصح كل مهلوع يقراها 😂
 

السلام عليكم ورحمه الله وبركاته
تجربتي مع السفر طبعا امس سافرت بطياره الي اوروبا بدايه الشعور الذهاب الي المطار خوف توتر قلق وليس نوبات بل خوف توتر وقلق فقط لين وصلت المطار ونفس الشعور وافكار بالاغماء بس اتجاهل الشعور وكذالك عند الجوازات لدرجه نسيت الجنطه الي فيها اغراضي عند التفتيش من الربكه 😂 طبعا تذكرتها ورحت وجبتها ورديت وقفت امام بوابه الطياره شعور توتر وقلق فقط لا غير وعدم توازن بس هم طنشت لين ركبت الطياره وهنا حدث الي ما توقعته طبعا انا متوقع نوبات بجيني وقلق وبسوي اكشن بطياره بس الحمد الله الي ما توقعته صار الا واهو ان ما صار اي شي عادي اشغلت نفسي طياره من واشغلت نفسي من اقلعت الطياره انتهى كل شي اصبح ان الافكار هي الي تسبب القلق انا توقعت افكار سلبيه والحمد الله ما صار شي منها وصلت اوروبا الرحله كانت خمس ساعات ونص وطبعا شايل همها والحمد الله كانت رحله ممتعه وصلت المطار وعاد لي القلق من جديد وانا اقولكم قلق وليس نوبه وهم تجاهلت وطلعت من المطار وخذيت سيارتي ورحت منطقتي الي انا ساكن فيها تبعد بحدود 300 كيلو وكان الطريق زحمه بس الاجواء ممتعه وهم تجاهلت القلق والتعب والارهاق وصلت الساعه 11 الليل ونمت وقمت الساعه 6 مصحصح سويت قهوتي وتقهويت وبعدها رحت لسنتر اتمشى واكتشف المنطقه وتقضيت اغراض لي وحاليا بسكن قاعد فتره راحه وقلت لازم اكتب لكم تجربتي بسفر
ادري كم منكم اجل سفره او متعه كان يستمتع بها في السابق وكم واحد منكم وده ولكن الخوف ما خلاه يسافر وانا قبلكم كان هذا تفكيري لكن قلت لي متي اذا تميت كذا بقعد طول العمر ما راح اسافر ولا اجي بقعد حبيس الافكار قلت لازم اجرب وفعلا جربت وكانت التجربه ناجحه يا جماعه لابد من المغامره لابد من التحدي لابد من الاصار لكي تخطون خطوات جميله وممتعه باذن الله وخلوكم علي يقين لن يصيبكم الا ما كتبه الله لكم
فكرو كيف تعيشون والله التفكير السلبي هو كل همومكم وكثره القراءه والبحث في المنتدى هو الي ما يخلي الشخص يتقدم كثر ما تجاهلون يكون افضل تفائلو بالخير وان شاء الله يتغير الشعور مع العلم لم استخدم حبة دواء واحده
وتذكرو.
التفائل وتعديل الفكره وتقويه المشاعر بالفرح وسرور وباذن الله تكون النتائج مذهله
اسال الله العطيم رب العرش العظيم ان يشفيني ويشفيكم من هذا الوهم
فمان الله

موفق اخوي ما شاء الله عليك

مثلي لا سافرت اشيل هم
و اكيد بتوتر و بخاف و اتخيل شكلي
ولما فعلا اسافر وانحط بالموقف بالبدايه اخاف بعدين عادي
اصلا تحس مشاعرك تتغير بوقت السفر 😅

اجمعين يا الغالي

صحيح والحمد الله تجربه ناجحه وخصوصا من بعد اول نوبه هلع قبل سنه ونص اول مره اسافر بعدها
بس عندي استفسار عن نبضات القلب احس نبضات القلب زايده شوي يعني بحدود 100 الي 110
هل هذا طبيعي

بهنيك اخي ضناني الشوق
على هذا التحدي للنفس
الإنسان اذا ما غامر وخاض التجارب
رح يعيش طول عمره حبيس الجدران والأوهام

وانت كسرت هالحاجز والنتيجة ايجابية
الى الأمام دوما اخي :)

تسلمين واسعدني مرورج اختي حياج الله وفعلا التحدى لازم

مشالله عليك

بس عندي سؤال ؟؟
وش الأعراض اللي فيك ؟؟؟؟؟؟؟؟؟؟؟؟ تختلف نوبات الهلع من شخص لآخر

قصتي طويله مع الهلع قعدتني في البيت اكثر من ست شهور والحمد الله تلاشت كل ما يخطر في بالك
جاني وكاتب قصت الهلع معاي
بس اختي عندي لك نصيحه لوجه الله لا تبحثين عن الاعراض ابحثي كيف تتغلبين عليها
بعطيك مثل بسيط افرضي اني قلت لج الاعراض الي جاتني ومنها عرض ما جاج صدقيني راح توهمين نفسج فيه
نصيحه من اخ ابتعدي عن اعراض اي حاله في المنتدى اهتمى في حالتك وكيف تتغلبين عليها
لا للبحث عن الاعراض
واتمنى لج الشفاء انتي وبقيه الاخوان والاخوات

ماشاء الله ووفقكم لما فيه خير انا كذلك لا أقدر أن أخرج بمفردي لازم يكون معي احد وإذا خرجت أخرج مسرعة وارجع وحالي خوف من الإغماء مع العلم عمري ما اغمي علي لكن اخاف إذا خرجت يجيني هبوط وإغماء والله المستعان

يعطيك العافيه اختي المسلمه وهذا انتي قلتيها ولا مره اغمى عليكي اصبح الي معك خوف كيف تتغلبين عليه بالمواجهه
ان ما واجهنا الخوف عمرنا ما راح انتقدم خطوه للامام

صادق اخوي ضناني الشووق
بس كنت ابغا اعرف اذا نفس أعراضي أو لا

صدقيني يا اختي اليحث ورا الاعراض ما يجيب متيجه ابحثي عن حلول
علي العموم قصتي مع الهلع موجوده في مشاركه لي تقدرين تقرينها بس والله ما انصحك تبحثين عن الاعراض سواء لي او غيري
اهتمي في الاعراض الي معك انتي واعرف شلون تشتغلين عليها

ماشاءالله الى الامام اخوي الله يديمها عليك عادي لاتركز على النبضات لانه مجرد قلق وكل اللي معانا هو مجرد قلق حاول تاخذ نفس عميق وبيهدا وتسوي جلسات استرخاء
انا مثلك اتخطيت ماشاءالله بفضل الله كل الخوف سافرت لقرية قريبة مني ب 100 كيلو وذهبت لسوق ودرت مدينتي كلها وزرت اقاربي بعد انقطاعي
وقريبا باذن الله اذهب للعمرة واسافر مسافة طويلة انت شجعتتي كثير ودايم اذكر محاولاتك واصريت على جميع مخاوفي
فعلا بالبداية القلق وبعدها حيختفي تماما

ما شاء الله تبارك الله اخبار جميله
اهنيك تقدمت وما استسلمت للمخاوف والحمدلله عالسلامه
وانا كمان باقي شوي وراح اسافر وطبعاً لدي خووف لكن اصبحت ارمي بحالي في كل موقف يخيفني خلاص تعبت راح العمر وانا واقفه بمكاني 😔
تفكير ومشاعر سلبيه وهلع وخوف الحمدلله والشكرلله من كلامك زاد عندي التحمس لخوض التجربه من ثاني 😊

الله يسلمك يا الغالي واجمعين نعم هذا هو التحدي وهذا هو التقلب علي الخوف واجهه ما تخاف منه

حياج الله يا اختي العزيزه وانا حبيت انقل لكم التجربه لاني عانيت مثل غيري
عطلت حياتي سنه ونص في اوهام
والحمد الله قضيت عليها
واستمتعي لسفره ورحله

تجربة مميزة
اجزم ان الكثير استفاد منها واولهم انا
هذه الاخبار المتفائلة والجميلة وتجاوز نوبات الهلع بطريقة التحدي يستخدمها علماء النفس في الغرب بشكل مكثف
وبالذات مايسمى بعلم الطاقة او تطوير الذات وتنمية القدرات

اسعد الله مساك اخي طيف الليل ونحن نكفح ويجب المكافحه لان صدقني من غيرها ما راح نتقدم
ونجعل الايجابيه امامنا لكن نتطور من الحاله والحمد الله
اليوم نزلت وتمشيت فوق 8 كيلو رايح ورديت ب 8 كيلو
والحمد الله اشوف المناظر وانشغلت فيها واشوف الناس وكيف يضحكون ومستانسين مما يبث فيك روح التفائل
يجب علينا المواصله وتحدي والجزم ان لن يصيبنا الا ما كتب الله لنا
تاخرنا في المواجهه وسبب في ذالك اقكارنا السلبيه
والحمد الله علي كل حال
وصدقني ابحثو عن القوه الي بداخلكم كل شخص فيه طاقه اظهرها في تحدي الهلع والخوف والخطوات تجي بتدريج
التعب ياتي قجاه لكن الشفاء ياتي بتدريج وليس بيوم وليله

وعليكم السلام و رحمة الله و بركاته

أول شيء الحمدلله على سلامتك ..
ماشاء الله عليك ، شي طيب إنك تقاوم كل الأحاسيس و الأعراض و تواجها .. الله يثبتك

عندي سؤال .. انا من فتره كنت صح اعاني من الخوف و هذا كله لكن كنت احاول اطلع من البيت عادي
حتى لو بداخلي مليون خوف اطلع و اطنش

بس قبل يومين كان عندي اختبار و من شدة الخوف و الافكار اللي كانت تيني و تقول اذا يت نوبة هلع كيف اتصرف و الخ تخيل ما امتحنت :( ندمت و تضايقت
والحين احس مالي خاطر اطلع اي مكان

ماودي .. هو مب خوف كثر ماهو ضيق و كئابه و ان احساس يقول ليش تطلعين ماشي فايده و الخ

شو الحل تحس؟

الي صار وياج لوم النفس وتانيب الضمير وتقولين ليش سويت وليش طلعت الي صار صار لا تفكرين فيه
اطوي صفحتها ولا تلومين نفسج علي شي مضى وهذا دافع قوي علي تحدي خوفج ااي خلاج تطلعين من الاختبار تحديه من جديد في اي خطوه لج بالحياه مثلا قالج لا تقدمين قدمي وخلي الي يصير يصير
قالج لا تروح اي مكان روحي عاندي خليج عنيده مع الخوف
نصيحه لج الي حصل حطيه درس لج بالحياة خوفج اعتبريه عدو حاربي هذا العدو الي يقوله خوفج سوي عكسه وراح تشوفين النتايج
وخروج من الاختبار درس تعلمين منه وحوليه الي شي ايجابي والي دافع قوي بتحديات القادمه
بتوفيق ان شاء الله

تسلم ..

ان شاء الله نتحدى الخوف هذا كلنا و نسترجع حياتنا القديمه مثل ما كانت و أحسن
بارك الله فيك ،،

حياك الله ونعم بتحدى توصل لكل شي تبيه