|
زعلانه كثير
السلام عليكم و رحمة الله
زعلانه و محبطه و مكتئبه من نفسي ومن وضعي كل مره أقول تحسنت يجي موقف يبين لي اني أضعف من قبل ماعرف أنبسط وأضحك و أستانس مثل الناس كل شي يزعلني و أبكي منه واخاف منه حتى التعليقات البسيطه تبكيني الطلعات و العزايم أخاف و أتوتر منها و أكون قلقه مررره وكل مره أوعد نفسي أكون أقوى من قبل بس تجي مواقف فجأه أخاااف و أتوتر من لا شي حفلة أختي جات وما أنبسطت من التعب والقلق والتفكير العزايم و الطلعات أخاف أروح لها لأني أخاف تجيني نوبه أو شي لا سمح الله 😪 و أصير مقهووووره من نفسي ليه كنت كذا ضعيفه ! ليه استسلمت للخوف وانا وعدت نفسي أكون أقوى و انبسط مثل الباقيين انقهر من نفسي لدرجة ابكي ومابغى اقابل احد صايره أتنرفز من أي شي لأني ما أرتاح بشي و ادنى حركه تخوفني وتخليني أوسوس كلمت معالجي يقول لي مافيك شي انتي بس تدورين في حلقه مفرغه اختي مره شافتني و عيوني فيها دموع جلست تهاوش انتي اللي عيشتي نفسك كذا ومحد يتحمل هالشي الا انتي وهذا كله بسبب افكارك و تضخيمك للأمور و استسلامك للخوف والكل يقول نقص فيتامين د ، أوكي هو ناقص عندي مره بس هل فعلا يسوي كذا ؟ |
متزعليش هل تعتقدي انك الوحيده التي تعرضت لمثل هذه الحاله هنا وهناك الكل يعاني ونحن متفهمين تمامآ ما تشعرين به نعم لأننا مرضي مثلك فأنا عانيت من الوسواس القهري والإكتئاب الحاد الذي مات معه الشعور بالخوف نعم هذا ما انعم به الإكتئاب علي فالخوف يبقي من الله وحده فهو الضار النافع اما الناس مثلي ومثلك وشوش بتحاول تداري خوفها فلا للخوف طالما هناك اله يخشي منه سبحانه وتعالي فيطمئن قلبك وفيما يتعلق بفيتامين د فمعظم المكتئبين يعانون من نقصه فهم اشخاص منعزلين والمصدر الطبيعي الذي يمد اجسادنا هو الشمس وتساعده علي امتصاصه ونقص فيتامين د يعني اكتئاب وخوف وتوتر.
|
اقتباس:
بس انا اشتغل على نفسي كثييير و يتعبني التقلب اللي أمر فيه نفسيتي تتعب من تقلبات مزاجي ومن خوفي اللي ماله مبرر صاير كل ما جاني خوف أقول طيب ؟ من ايش ؟ ما ألقى اجابه طبعا غير الآلام الجسديه مثل الدوخه و الدوار و الخمول وألم القولون |
طيب يا اختي المرض النفسي طبيعي يستنفذ كامل طاقة الجسد وبالتالي الشعور بالتعب والإرهاق وما يتبع ذلك من امراض عضويه نعم انت تعلمين هذا لأنك تعيشين هذا الحاله كل يوم انا اعتمدت في القضاء على مخاوفي بأسلوب التفكير والإقناع فما هي مخاوفي واحد اثنان ثلاثه هل هي منطقيه ام ليست كذلك مع تحليلك لهذه المخاوف بإستخدام العقل والمنطق تستطيعين بإذن الله التغلب عليها اما خوفك الغير مبرر نتاج شخصيتك الحساسه زياده عن اللزوم فكم منا ربط الضحك بمصيبه ما حدثت له في الماضي فعندما يضحك حينها يقول ربنا يستر خير اللهم اجعله خير وهكذا فعيشي حياتك ولا تكدير نفسك فكل شئ مقدر ومكتوب وإنا لله وإنا اليه راجعون وارجو ان تكون وصلتك الفكره اختي استمتعي بحياتك وابحثي عن شخص مقرب اليك تستأنسين فيه واخرجي من هذه الحاله.
|
ممكن يكون فيتامين د خوذي جرعات من الصيدليه واستخدميها بحلول شهر باذن الله يرتفع الفيتامين عندك
|
الله يشفيك
تقولين: "كلمت معالجي يقول لي مافيك شي انتي بس تدورين في حلقه مفرغه" وأقول لها المعالج! لا والله! صدق! وشو فايدتك انت؟؟؟؟؟ ليش ما تخرجها حضرتك من الحلقة المفرغة؟؟؟؟ قول ما أعرف أو اجلس في بيتك أحسن للناس المبتلين فيك!!!! قال حلقة مفرغة واحد جا عند دكتور قال له راسي يعورني. رد عليه: انت ما فيك شيء بس هذا صداع وضغطك مرتفع وما فيك إلا العافية. ههههههه |
اقتباس:
الله يسعدك شكرا لك 💐 |
اقتباس:
و مين يطلع بهالحر والشمس عشان ينشوي |
اقتباس:
لأن مو قاعد يجيب فايده وكل شي يقول انتي تبالغين انتي تكبرين المواضيع انتي حساسه انتي انتي انتي ..... !!! على انه يعرف ظروفي بالبيت و الدوام وظروفي الشخصيه ولا حط نفسه بموقفي كله بس كلام كلام كلام و مافي مجال للخطأ او الانتكاسه ولما حسيت ان العلاج مايجيب فايده وأخذ منحى آخر تركته على العلم اني كنت بحاجة الكورس مره بس لما تحس كرامتك قاعده تنهان لازم توقف كل شي وتبعد عن التمنن و المذله |
هذا حالنا المرضى النفسين واصحاب الوساوس لكن المشتكى لله
|
نصيحتي لك شوفي لك شيخ دين يقرا عليك واخذي حبوب لجميع الفيتامينات وعالجي نفسك بكل وسيله وقاومي
سلامتك اتمنى لك ولنفسي وللاعضاء الشفاء |
اقتباس:
|
اقتباس:
|
اقتباس:
والحمدلله اقرا الاذكار بس نفس الوضع كنت اخذ سيروكسات و وقفته |
السلام عليكم ورحمة الله وبركاته
بالنسبة لفيتامين دال لو تاخذين إبر أفضل لك من الادوية ... غير انك تعرضين جسمك لأشعة الشمس الصباح بدري قبل حرارة الشمس ويا أختي دام معك قولون متهيج وضغوط نفسية من حولك الأشياء اللي تمر عليك طبيعي تشعرين فيها ولا تتوقعين من شخص متعافي يتفهّم هالشيء إلا بالناااادر جدا السؤال هو كالتالي .... هل راعيتي هالمسألة إنه عندك قولون مسبب لك مشاكل نفسية ووسواس ؟ هل إلتزمتي بأكلك للتخفيف من هالشيء ؟ لابد تتفهمين إن القولون يسبب بلاااااوي نفسية متلتلة إذا الشخص ما تفهمه وتعايش معه هل الضغوطات من حولك قاهرة وشديدة سواءا في المنزل أو العمل ؟ أو إن التوتر والضيق والوسواس اللي تمرين فيه مخلي هالظروف أشد مما هي عليه ؟ كلام اخوي بحر الحياة جميييييل جدا ... وأيضاً المعالج السلوكي المفروض يساعدك تتفهمين الوضع اللي أنتي فيه وتخرجين منه .. بس شكله مو فاضي يتعب مخه شوي معك ويخلص في عمله .. |
شباب وشابات لا احد ياخذ فيتامين د قبل ما يفحص لانه احنا ماناقصين
و يقال ان زيادته تسبب تسمم عافانا الله |
اهلللن انعكاسات .. http://www.kuwaityiat.com/images/ico...con%20(30).gif .. اعجبتني فيك الاراده والقوه .. وانك تحاوري نفسك انا لازم ما اكون ضعيفه! , وتنقهري اذا مشيتي صح وقلقتي لا شعوريا ومن غير اراده وترجع تعيدي الكره! ، ونفسك ما ترضي انك توكني خوافه وما ترضي انك تكوني ناقصه عن الباقين . . . هذآ شي جميل جميل جداا http://www.tran33m.com/uploadcenter/...1368173493.gif.. وانا متفائل انك راح تحلي جميع مشاكلك .. وفعلا هذا هو الشي الوحيد الي ينقص عند الكثير من المرضى النفسسين ، لانهم مستسلمين للمرض والخوف والقلق ..وهذا يضاعف الموضوع اما في حالتك ما شاء الله راح تحصلي ان حالتك صارت محصوره ، وفيها سيطره جزئية للمرض .. لكن بقولك شي واحد لازم في شي يساندكك لفتره ماهي طويله .. حتى تقدري تسيطري اكثر واقرب واقوى شي يساندك هو العلاج النفسي ولفتره ليست طويل ابدا .. لان العلاج هنا وش يسوي راح يوقف القلق ولخوف المفاجئ واللاسببي وبكذا راح تكون فيك حاجتين ( انك قوية اراده وما ترضين لنفسك الضعف وانك مسيطرة + استبعاد ما يعكر صفوة هذه السيطرة ويهزهآ ) .. ما اتكلم من فرآغ هذآ مجرب ي صديقتي .. http://www.kuwaityiat.com/images/ico...con%20(30).gif |
اقتباس:
|
هذا ملف أحتفظ فيه من سنوات طويلة .. رفعته لكم وأتمنى الجميع يطلع عليه أكثر من مره ويحاول يستوعب اللي فيه بهدوء
http://up.top4top.net/downloadf-2073h1s1-pps.html |
اقتباس:
كل شي يهيجه كل شي ومو معقول بعيش بس على السلطه والرز 😐 الواحد لازم ينوع بالأكل عشان الفايده حاولت انتظم بس نحفني زياده النظام ذا وانا مو ناقصه معالجي يبغاني انا افهم كل شي بدون توضيح وتبسيط منه بعطيك مثال ، كنت اخاف من اختلال الانيه اقرا عنه و احس فيه بس مدري هو مرض والا عارض وكيف وليه وايش كان بس يقول كلمه وحده : لا تركزين عليه كلمته ذي خلتني اركز عليه اكثر و اتخوف منه اكثر ولما اجيب سيرة الاختلال يسكت ما يشرحه لي واخاف زياده بعدين لما فهمني اياه وشرحه لي ارتحت و خوفي قل عن اول |
اقتباس:
|
اقتباس:
أبو بدر وينك لك وحشه 😢💜 الله يسعدك كلامك قريته كم مره شكرا لتشجيعك و كلامك الايجابي عارف ليه انقهر ؟ لأني اشتغل على نفسي واضغط على نفسي كثير و العلاج السلوكي كان لفتره مو قصيره تعبت فيها كثير و حاولت لين تخلى عني كل الناس حتى معالجي فصرت اتحمل المسؤوليه لحالي صح اتعب وابكي كثير والظروف من حولي قاهره اني اشوف الناس تنبسط وتضحك وتستانس وانا لا ؟ وانا ماعرف ايش فيني وهو مجرد قلق نفسي واكتئاب ويارب تصير ارادتي قويه مثل ماتقول لأني اضعف مما تتصور |
اقتباس:
وكلمت الدكتور و وقفهم لي |
اقتباس:
الله يشفيك ويعافيك هو دور المعالج السلوكي يرتب معك كثير من الأشياء ويشرحها لك ويساندك وطبيعي انك ما ترتبين أمور القولون دائما .. ولكن المهم تتفهمينه وتتفهمين نفسك والأشياء اللي تصير من حولك وطاقتك في التحمل والتعامل معها لما نصير بوسط المعمعه والضيق ما نقدر نتعامل مع ضغوطات مختلفة ومن كل جانب في نفس الوقت ... على الأقل إذا ما فيه أحد حولنا يتفهمنا ويساعدنا يجي دور المعالج السلوكي بتوجيهاته وتطميناته ويرسم لك الإستراتيجيات اللي تمشين عليها صدقيني مو ضعف اللي تعانين منه .. ولكنه شيء متراكم لذلك يصير أقوى منك .. وأضرب لك مثال بسيط ... لو أطلب منك تشيلين كيلو من البرتقال بكل سهولة بتحملينه معك ... ولكن لما أعطيك كرتونين فوق بعضهم وأحمّلك الأمانة بينهد حيلك ... لذلك لابد إنك تنزلين من الأعباء النفسية والضغوطات المتراكمة عليك وتنقلينها حبه حبه ... كيلو كيلو وتتعاملين معها ... مو على طول شايلتها معك وين ما رحتي ما ألومك لأننا في وسط المعمعه نفقد التركيز ونحس بقلة الحيلة ... ومن الخوف نحاول ما تتفلت الأمور من بين ايدينا وتصير الهموم أضعاف والأحمال تتراكم .. ولما نلتفت للناس نضيق أكثر انه ما فيه احد يشيل هالأشياء معنا ويساعدنا لو انها أشياء مرأيه كان ممكن أحد يساعدنا ويشيل معنا واحد من الكراتين ههههه ... ولكنها أشياء ما تنشاف هموم وأفكار ووساوس وآلام قولون ما عرف لها الطب علاج ... لذلك اللي حوالينا ماراح يتفهمون هالشيء ابدا ... لذلك أول خطوة هي انك لا تتعبين نفسك وتشرهين على انسان متعافي .. لا تنتظرين ولا تعتمدين على أحد ما يعرف أبعاد معاناتك والخطوة الثانية تكون في محاولة التقليل من آثار القولون النفسية عليك لفترة معينة ... من شان تقدرين تاخذين نفس وتركزين على مشكلة ثالثة وتتعاملين معها وتتفهمينها وبالترتيب والهدوء راح تكتشفين انك كل فترة تعاملتي مع شيء وتفهمتيه وخففتي منه .... لا تنتظرين مرحلة الإستسلام والإنطواء وإغلاق الباب على الحياة كلها ابحثي عن معالج سلوكي محترم يرتب ويتابع معك ويعطيك التطمينات الكافية والفهم الكافي لكل أمورك .... هي في النهاية أغلبها حرب فكرية أنا نحفت حيل ... ولكن من تترتب أمورنا إن شاء الله نضرب بالعسل والحلبة والمرقوق والحلويات لين ما ننطج .. |
اقتباس:
انا جربت بروزاك ساليباكس فلوزاك سيروكسات باروكسات فافرين ميرزاجين ريميرون سامبيلتا افيكسور لوسترال انفرانيل فكسال ليركا نيرفاكس ويلبوترين سوليان فلوناكسول موتيفال انفيجا ايبيليفاي دوجماتيل هالدول زانكس ريفوتريل فاليوم لوكستنيل اعتقد اني جربت كل الادويه النفسيه وقعدت سنتين في دوامة الاكتئاب والادويه النفسيه لكن قررت اغير افكاري السلبيه والحمدلله نفسيتي الان افضل من اول..صح انه يوم ازعل واحس كل شي ماله معنى في الحياه بس بالدواء افضل بكثييييير عن بدونه....الحياه قدامك وانتي لسا شابه اعتقد لاتضعفي وحاولي قد ماتقدري ماتستسلمي للمرض وقاوميه بكل قوه |
اقتباس:
كان وكلت أحد يشيلهم بدالي وش لي بالثقل والتعب كلامك جدا مريح شكرا لك 💐 |
اقتباس:
جسمي ما يتحمل الحمدلله في كثير افكار تغيرت عندي بس مشكلتي أضعف من أول عارض يصر علي وهذا اللي يخليني انتكس و اتحطم |
اقتباس:
ماسكلك ايش ياحبيبي عفوا انا ماودي اقولها لكن انا اكتب في منتدى يخصك؟ انا انصح العامه وجبريل رقى الرسول مافيها شي ان يرقيني شيخ في ناس مرضى ماتستطيع الرقيه والي يقدر يرقي نفسه ايش مزعلك بالموضوع |
اقتباس:
اذا تشوفين انه المعالج هذا مو مرتاحتله غيريه |
اقتباس:
|
فيه شائعات عن خرافة فيتامين دال ...أحد قرأها؟ ...منتشرة بحسابات الانستقرام وأن العلاج بمصل الحليب والتين طبعا فيه علاجات أخرى لكن هذي أسهل المتوفرين
متصدر الذين ينتسبون هذه المعلومة أخصائية اسمها ريم العنزي موجودة بالانستقرام ذكرت أن عدم توازن المعادن يسبب الأمراض وقالت أن الدم غير صحيح أن يبين محتوى الجسم الصحيح من المعادن وأنها تتركز في أماكن أخرى منها العظام لكن الشعر يظهرها بشكل صحيح.. وذكرت أن الحليب حينما تغليها وتضيف الخل ينفصل المصل عن الجبن.. الجبن متوفر في الكالسيوم بشكل أعلى والمصل المغنيسيوم بشكل أعلى.. وبسبب كثرة تناولنا للجبن ارتفع الكالسيوم وهذا هو سبب نقص فيتامين دال ارتفاع الكالسيوم بالجسم ...وبالحقيقة شيء منطقي ما تدعيه خصوصا أن أكثر الشعوب أكلا للجبن والحليب ومشتقاته وكذلك ربي خلق كل شيء بشكل موزون ..وطريقة التحليل للشعر يأخذون وصلة من شعرك ويقومون بتحليل المعادن بمراكز في أمريكا لا أعلم ...ومن خلال النتائج يظهر الزيادة والنقصان ...ربما لديك خلل في معادن أخرى ثم تعطيك نظام عذائي علاجي ما رأيكم يا إخوان ! أعتذر على ركاكة الشرح والأسلوب لا أعلم مابي هذه الأيام |
هذه الأخصائية من الكويت
|
اقتباس:
اولا اين المقارنه انا اقول يجوز للشخص يستعين بانسان يقرء عليه ثانيا وصلتني للشرك بكيفك؟ اهتم في عيوب نفسك ياغالي ومن ثم صحح للناس |
اقتباس:
وجربت التين وما جاب فايده تذكر اللي اذكره كان يسد نفسي عن الاكل 😅 اللي فعلا كانت فايدته زينه الشمس وما اتحمل الحر اجلس اوسوس بضربة الشمس |
اقتباس:
|
اقتباس:
يعني من يقرء علي. مثلا مطرب؟ ابكم واضح انه دمك خفيف وواضح انه اعراض المرض عليك بسيطه ماعانيت معاناه شديده احمدالله عالعافيه اذا كنت تملكها ودائما قول الخير في ناس واجد تعبانه ماتقدر تقرا لكن انت ماتفهم هالامور |
اقتباس:
أنت وراه منطلقٍ رباطك الليلة ؟ شرك وتعلق بغير الله .. وتكذب تقول انه اشترط انه ما يرقي إلا مطوع وتنكت تبي أجيب لك من السنة إنه من الصحابة من رقوا غيرهم عشان تسكت وتختفي !!؟ جاي طاير ومناشب من أمس خربت أم الموضوع وأنت ما عندك علم |
اقتباس:
|
اقتباس:
|
اقتباس:
وإن لم يجد من يهتم به و يرقيه ؟ ولم يستطع رقية نفسه لأي سبب كان ؟ كلامك فارغ ... يجوز أن ترقي نفسك أو أن يرقيك أحد بعيد كان أو قريب .. وأما المقابل المادي ففيه إختلاف .. أما المقابل للماء والعسل والزيت المقروء عليه فلا حرج فيه كما يذكر البعض عن أبي سعيد الخدري - رضي الله عنه - قال : انطلق نفر من أصحاب النبي صلى الله عليه وسلم في سفرة سافروها حتى نزلوا على حي من أحياء العرب ، فاستضافوهم ، فأبوا أن يضيفوهم ، فلدغ سيد ذلك الحي ، فسعوا له بكل شئ لا ينفعه شيء ، فقال بعضهم : لو أتيتم هؤلاء الرهط الذين نزلوا لعلهم أن يكون عند بعضهم شيء ، فأتوهم ، فقالوا : يا أيها الرهط ! إن سيدنا لدغ ، وسعينا له بكل شيء لا ينفعه ، فهل عند أحد منكم من شيء ؟ فقال بعضهم : نعم والله إني لأرقي ،ولكن استضفناكم، فلم تضيفونا، فما أنا براق حتى تجعلوا لنا جعلا، فصالحوهم على قطيعمن الغنم ، فانطلق يتفل عليه، ويقرأ : الحمد لله رب العالمين ، فكأنما أنشط من عقال، فانطلق يمشي وما به قلبة ، قال : فأوفوهم جعلهم الذي صالحوهم عليه ، فقال بعضهم : اقتسموا ، فقال الذي رقى : لا تفعلوا حتى نأتي رسول الله صلى الله عليه وسلم ،فنذكر له الذي كان ، فننظر ما يأمرنا ، فقدموا على رسول الله صلى الله عليه وسلم فذكروا له ذلك ، فقال وما يدريك أنها رقية ؟ ) ، ثم قال قد أصبتم ، اقسموا واضربوالي معكم سهما ) ( متفق عليه ) أنت إنسان متحمس جداً .. ولكن بدون علم ... من جنبها بإختصار ... وصلت لكلام خطير شرك وتعلق بغير الله وتدليس وتنكيت وكأنك جايب الذيب من ديلوو إرجع لعقلك ويكفي إنك شطحت وخربت أم أم الموضوع بدخلاتك العرض ... لذلك إنتهى ردي عليك من شان موضوع الأخت إنعكاسات ... |
| الساعة الآن 01:57 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا