ياجماعه الحقوني
 

السلام عليكم ورحمة الله وبركاته
ياجماعه الخير لا اعلم مابي انا قبل سنه تقريبا جاتني اول نوبة هلع باجازه الصيف ولكن من بعدها وانا مو طبيعية كيف اتخلص من الي فيني ،، والله ي جماعه وقت دوام الجامعي والامتحانات اكون طبيعية ولا فيني شي ولله الحمد بس غصة بالحلق. الحين اجزت مرا ثانية جاتني بيوم دوخه بدون سبب وخفت بعدها والحين صرت عايشة بخوف اني اموت او انه فيني شي 😭😭😭😭😭،، ودايما عندي صداعع شديد لدرجه ماقدر ارفع حواجبي وكتمة ومرات تجيني دقات غريبه بالقلب و غصة قوية بالحلق والم بالرقبه 😭😭<<هاي اعراض التوتر والقلق النفسي؟
مع العلم الي معي مو حاسس بالي فيني لاني امثل انه مافيني شي ولكن انا طول الوقت مخي شغاااااااااااال. يفكررر بالاعراض الغريبه الي فيني😭😭😭😭

اختي من الاخر..؟ ماراح تموتين ولا راح يوقف قلبج ولا راح يصير اي شي من الي بمخج
فقط روحي عند دكتور نفسي ... دام الحاله توها مبلشه معاج يعني علاجها اسهل من السهل

لو تقرين اغلب المواضيع الجديده والقديمه
راح تلاحظين ان كثير مثل حالتك
بالفعل هذا هو القلق النفسي
اعرضي نفسك على دكتور وخذي علاج ووقفي معاناتك

كما قالو لك الاخوان راجعي طبيب نفسي لكي يصرف لك علاج وسوف تتحسني مع الوقت

انتي نفس وضعي بالضبط كانك تتكلمين عني بالحرف الواحد..
لدرجه اني ندمت مااخذت صيفي بالاجازه عشان اشغل نفسي وتختفي الاعراض!
لكن نصيحتي لك لا تدخلين في دوامه الادويه ولا الطبيب عالجي نفسك بنفسك
صح راح تكون فتره طويله ويمكن تمرين بصعوبات بس مافيه احسن من العلاج الطبيعي خصوصا
اذا كان ذاتي وبقناعه! لان اذا اقتنعنا بتفاهه هذي الافكار من نفسنا كذا عالجنا نفسنا باحسن طريقه
مو بادويه الي ممكن باي لحظه ترجعلك الاعراض او حتى تتعبك اعراضها!
وانتي حره لكن هذا رايي انا لي سنوات بالمنتدى وماانكر اني للحين لكن مستحيل استعين بادويه ولا طبيب نفسي
احنا نقدر نعالج نفسنا بنفسنا مو اطفال :)

هذا هو الحل فعلا

خيتي ... عزيمتج قويه وتعجبني حيل واهنيج عليها ... ولكن؟ مو حرام الي قام تسوينه بنفسج؟ انج تقولين سنين عايشه بهالخوف والقلق العام؟ انا مع الادويه وهم فيني قلق عن المستقبل واحيانا هلع وشوي شوي قام احاول اتغلب عليه ... ولكن من غير علاج ومع ضغوط الحياة اتوقع الاكتئاب راح يسيطر على وضعج وبعدها بدال مابس تعالجين القلق بتحاولين تعالجين حتى الاكتئاب ... الله يوفقج واتمنالج الخير

يا اخوان كل من يصاب بنوبات هلع يستعيذ من شيطان الحسد. 200 مره
يقول
اعوذ بكلمات الله التامات من شيطان الحسد
جرب لا تخسر شُي

الاستغفار وذكر الله وكل امور الدين هيي اكيد تشافي وتعافي كل مريض ... ولكن هذا لابأس بأنها تذهب لدكتور نفسي
وصدقني ياخوي التعب النفسي معقد اكثر من المرض نفسه ( يدخلنا بمتاهات كاذبه ولكن للأسف نقع فيها )

الحين خليتي الادوية دوامة ؟؟

طيب والمرض والتعب مو دوامه ؟؟

الله يعينكم

اي طبعا هذي نوبه ومو شرط تجيك كامله بااعراضها لكن علاجها التطنيش حاولي بقدر الاستطاعه تطنشين

وفعلا نصيحتي انا بعد لاتدخلين ف دوامة الادوية عليك بالرقيه الرقيه انا ناويه اسحب الدواء تدريجيا واتعالج بالرقيه ص

الله يعينك على نفسك فعلا لان الخوف واصل عندك لدرجه متعلق بادويه

راح تجيك اعراض ممكن يجيك غثيان او ممكن ترجع
اذا جتك الأعراض انا أقولك وش تسوي

ايش يسوي ماعليك امر
ياليت تعلمنا وش طريقتك الله يعافيك

انتي مضحكة فعلا الحين ماهو الذي يجعلك انتي والكثير تخافو من الادوية ؟؟

الادوية تساهم في راحتك وعلاجك لماذا لاتريدي استخدامها

انا تحسنت حالتي واصبحت بخير الحمدلله

فعلا الله يعينك لى تفكيرك وخوفك من الادوية وبهذه الطريقة انتي تضيعي وقتك ولن تتحسني بدون دواء

عندك خلل في مخك ويحتاج لتدخل دوائي ولابد من الدواء ولازلتي مصره ب انك لاتريدي الدواء

فعلا كان الله في عونك

الحمدلله الذي عافانا مما ابتلاهم وفضلنا على كثير من خلقه تفضيلا..
لو انك متعافي بالادويه مادخلت المنتدى وترد على الناس
الخوف عندك انت انا مو خايفه من الادويه وولا قلت اني خايفه
ماابي اضرر جسمي بمواد كيميائيه
انا للحين تجيني اعراض وكل مره ادخل المنتدى واحصل على الدعم والعلاج السلوكي وهذا يريحني
ولو طال الوقت انا مقتنعه ان هذي الطريقه الصح
وانت خلك مع الادويه وادخل المنتدى

ثانيا لا تتدخل بالاعضاء رجاءا هذا منتدى وكل واحد يكتب رايه ومشاركته
فلا تقعد تقتبس مشاركاتي وترد انا كلامي لصاحبه الموضوع مو لك
راح اترفع بالرد عنك

انا ادخل لأساعد الناس فقط وليس لحاجتي للمنتدى

انا لم اخطأ بحقك لكي تقولي اترفع عنك ولكن يبدو انك تفهمي كلامي بشكل خاطئ

لك الحق في التكلم عن نفسك ولكن لاتتكلمي عن غيرك من الاعضاء

عموما اذا لاتريدي استخدام الادوية فهذا شيء يرجعلك لم يجبرك احد على الدواء

افعلي ماتشائي

مافي داعي للزعل

الله المستعان

انا ادعم كلام الوردة البنفسجية
انا مو حاطه ببالي ابدا اني استخدم الادوية لان الشفاء بابدينا
انا حالتي كانت اسوء من جي بالراحةة ولكني توكلت على وقل لن يصيبنا الا ما كتبه الله لنا ودعمكم والتطنيشش هو الي حسن من حالتي بدون ادوة ولا دكتور نفسي اصلا كنت اتواصل مع دكتور نفسي وما ااستفدت ولا اتحسنت حالتي ابدا
وبحكم طبيعه دراستي التغذيه العلاجيه فاني شايله موضوع الادويه من راسي نهائيا لاني نفس ما قالت اختي الوردة البنفسجية ما ابي مواد كمياءيه تدش جسمي.
انا الاعراض الي اعاني منها احاول اطنشها
وكتبت هالموضوع عشان الاقي الدعم منكم لان والله كلامكم يريحني ويطممني كثير.

حطي بمخج شي واحد ان كل الافكار الي تييج ماراح تصير يعني كل الخرف الي اييج مجرد وهم ... واذا ماكنتي حابه تاخذين دواء على الاقل روحي حق معالج نفسي شاطر عشان فعلاً تتقلبين على الاعراض قبل لاتزيد وادخلج بحالة اكتئاب

هلا اخوي
هل جتك اعراض معينه