|
بس تعبت مافاني اصبر
ياجماعة وربي ان الدكتور يقول تشخيصي قلق عام؟ انزين دام بس قلق عام ليش كل هالافكار بمخي
تشافيت بالبدايه بس الحين بعد انتكاستي احس ان خلاص مستحيل ارجع اتشافى لان بس احس اني فهمت السالفة ان يا انك تاخذ الحبوب وتعيش مسبه او انك اذا فكرت تقطع الحبوب بعدين وحتى لو الدكتور قالك اقطعهم راح ترجع تنتكس .... تكفه احد يفهمني هذيل الي قام يفكرون بالإنتحار هذيل بس عندهم قلق عام؟ ولا شنو؟ لان حيل خايف اقول يمكن اصير نفسهم وانتحر مادري اذا هذي تعتبر افكار انتحاريه ولا مجرد قلق ابي اعيييش طبيعي مليت من الي انا فييي قام اخسر علاقاتي كلها اصلاً خسرتها وخلصت ماني قادر اعيش طبيعي وانا ادري ان في انتكاسات راح تصير بحياتي والله حرام الي قام يصير فيني عمري 22 ومن عمري 18 طحت هالطيحه ليش جذي اقلب الي بعمري مستانسين وعايشين وفوق هذا اهما عندهم بلاوي انا عمري ماسويتها نفسهم ( الي يشرب خمر والي يحشش والي ياخذ مخدرات ) واهما عايشين مستانسين وانا الي ماعمري خذيت هالشغلات جذي يصير فيني واشوف مستقبلي قام يضيع جدام عيني ومابيدي شي اسوي!!! تعبت دخيلك يارب 😔💔 احس لمن اروح عند الدكتور ودي ابوس راسة واقوله تكفه عالجني اذا في علاج مضمون من كثر ما انا بس تعبت |
اخي الفاضل اذا كنت قابل للقلق فعليك العيش معه
نعم نحن نحتاح الى ادويه حتى نحاول مواكبة الحياه وهذه حياتنا اللهم لا اعتراض هذا انا اعيش بشكل شبه جيد بالادويه لذا لا تخاف وخذ ادويتك واكمل حياتك |
اقتباس:
واحس ان بس كافي ماقدر اتحمل يصيرلي شي اكثر لان احس اذا صار شي اكثر حالتي راح تتدهور وتزيد ويصير فيني شي اكثر من القلق |
اقتباس:
انا مثلا شخص مستعد للامراض النفسيه وها انا تعالجت و تركت الادويه و رجعت لها اخي الفاضل لا تلوم نفسك فقط اكمل حياتك ولو كنت انا مثل الاغلب هنا يندب حظه لرأيتني اشكي طوال الوقت ولكني فهمت اني ما دمت مرضت بالمرض النفسي فأنا معرض له اكثر من غيري ولهذا تراني رجعت للادويه واعيش حياتي الحياه واحده لا تكن اسير التذمر كما الاغلب هنا |
اقتباس:
|
اقتباس:
|
كلام الأخ ماندوزا من ذهب لأن تشريح الواقع و اختصاره في كلمات قليلة ليس بالأمر السهل أبدا. استفدت من كلماتك أخي فشكرا لك.
|
اقتباس:
لأني انا كنت حيل خايف ان تشخيصي من قلق يصير مرض اخر مثل الامراض الذهانيه او الانفصام؟ هل تقصد ان نحن معرضين لي هالأمراض؟ 😐 وللعلم سألت دكتوري ان اذا القلق لم يتعالج ماذا يحدث؟ قال لايحدث شيء سوى ان يزداد قلقك |
جاسم انا ماراح اجاملك انت حيل مستسلم
كنك تقول ياقلق راضي فيك بس لاتحول ل ذهان انت قاعد تتكلم عن مرض مو موجود فيك وناسي مرضك الحقيقي اللي هو القلق فكر انك شلون تهزم القلق او تقلل من حدته |
والله باجاسم لو خيروني بين الذهان او حالتك هذي ل اختار الذهان لانه ارحم من خوفك مليون مره
|
لا تبحث عن هذه الامور وتوسوس
ارحم نفسك ..الخوف من الامراض الذهانيه هو بسبب القلق فقط لا تتعب نفسك ويلعب عليك الشيطان |
حتى انا تشخيصي قلق حاد وعندي افكار ووساوس عادي
لكن لاتخاف الي فيهم قلق دايم يخافون من الموت ماينتحرون تأكد انك ماراح تنتحر الي ينتحرون هذولا الي فيهم اكتئاب قوي وانت مافيك حاول تاخذ علاج سلوكي عشان اذا جتك الافكار تقدر تطردها بس دور لك دكتور سلوكي شاطر |
اقتباس:
|
انا تشخيص مرضي قلق عام واكتئتاب ... واذا شد علي القلق خلاص افكر اني راح اكون مجنونه او اصير مثل اللي عندهم فصام بعيد الشر عننا ... ولذالك بحكم خبرتي للمرض أكتشفت ان القلق الشديد يجعلنا نوسوس ان ممكن ننجن ممكن تجينا امراض اخرى ممكن نتحر يووو يالانتحار دايم اذا سمعت احد مات طبيعي بدون انتحار اقول ياحظه مات بدون انتحار ...وقبل كم يوم صرت احس بداخلي زي الصراخ ... يعني تطمن اخوي انت فقط قلق وجاب لك وسوسه ... لاتفكر بالانفصام والذهان هذي امراض اخرى ممكن الانفصام والذهان يجي معاه قلق لكن مااتوقع قلق يجي معاه انفصام فهمتني ... وانصحك نصيحة اخت روح العطار وخذ لك قسط هندي وكلها لمده ٣ اسابيع ملعقة صغيرة اول ماتقوم ويوم تجي تنام ... تخفف القلق باذن الله وتحمل طعمها ... سفها بمويه
|
اقتباس:
ملاحظة: ترا الاداره ماعطتني رقمك |
اقتباس:
اخت سارة من متى معاج القلق؟ ولمن يزيد يصير معاج اكتئاب؟ |
اقتباس:
وانتي الاكتئاب الي عندج من سبب القلق ؟ |
حزنت من اجلك
انت ماذا فيك بالضبط ؟ مكتئب؟؟؟ لماذا مكتئب ؟ ماالفكرة السوداء التي في راسك ؟ الله يشفيك وكل مريض . |
اقتباس:
احس لامعنى لي وجودي لان خلاص راح اتم جذي خايف طول عمري وافكر ... ( تعبان ) والله اني ماترك صلاتي ومحافظ عليها يارب انني صبرت اربع سنوات 💔😔 |
الله يفرج همك اخوي جاسم
مو بدري عليك .. العمر له دور .. طالما انت في العشرينات .. فأنت عموما في عمر القلق و الحيرة و لكن الصبر مع الخبرة و التجارب بتشوف انه ما ضرك شي .. و هذا انت عايش و راضي باللي ربي قسمه لك الدواء انت محتاجه .. و طالما فيه احتياج له عشان تمارس حياتك .. خذه و مارس حياتك اهم شي مارس حياتك ! مو تأخذه و تركن بعيد عن الحياة و الناس و العمل و الدين و التجارب مثل ما قالك مندوزا العمر واحد عيشه كل يوم بيومه و ان شاء الله تذكر كلامي هذا و انت في الثلاثين و شوف كيف انك بتمارس الحياة بأريحية اكثر و برضا الله يقوي ايمانك و بتعدي هالمرحله ان شاء الله و الله يحفظلك الوالد و من تحب |
اقتباس:
وايد قام ابحث بالمنتدى عن ناس كانو مشاركين من سنة 2009 ولحد الان يكتبون ان معاهم قلق واكتئاب فـ هالشي قام يحبطني ... وكل ماشوف ناس نفسج انتي ان الحمدالله قادرين يعيشون من غير الحبوب اقول مادري هذي مشالله قوة منهم ولا ضعف مني... ابي استانس بشبابي ابي ارجع حق ربعي وعلاقاتي الاجتماعية ((((( ياجمااااااعة وربي ان شخصيتي مو جذي انا انسان من اول ماوعيت وانا شخصيتي مرحه ونوعي من الي اهوا الي يسوي اجواء بين الناس ويضحكهم ويونسهم ))))) ابي اضحك مع اخواني وابوي وامي اشتقتلهم اشتقت اضحكهم اشتقت اضايقهم بتصرفاتي السفيها واهما يقولولي خلاص يالشيطان... انا فعلاً تعبان نفسياً... دمعات أهلي من وراي قام تعذبني ادري انهم قام يبجون من وراي 💔😔 |
اخوي يمكن فيك حسد وعين لان من اعراضها تغير الاحوال للاسواء وعلاجها القران والرقيه الشرعيه
|
قاعدة التغيير الاولى للافضل بإذن الله
هي تقبل الواقع و الرضا و العيش وفق المعطيات لو عندك بيت انت قاعد تبنيه و وقع في نفسك انه مو عاجبك و تطالع في بيوت العالم و يعجبك هذا و يعجبك هذاك و الثالث على شارعين يعني هو احلى و موقعه اجمل و كل اللي انت بتسكنه بيتك .. و كل اللي محتاجه هذا البيت اللي يؤويك لكن انت مو مقدرة ... تكسره و تبي تغيره و لا تحرص عليه صاير بيتك خرابه و بيوت الناس بتبفى مثل ماهي .. كل ما اهتموا بيها اصحابها تعمر و تتجمل للناظر و تكون مريحة اكثر لسكانها انت تقبل بيتك هو كينونتك و خصوصيتك و ميزتك حط فيه اقوى امكانياتك بقولك شي التعافي ما يعني ابدا الخلاص و النجاه من صراعات النفس و لكن يعني عدم الاستسلام لها المتعافي قد يكون من هو في طور اخذ الادوية حسب حاجته لانه هنا ما استسلم انت متعافي مو مريض انت متعافي و انا متعافيه بفضل الله لاني ليومك هذا في صراع انا ما استسلم له و انت ما استسلمت و انت قوي و ركز على بيتك ! |
اقتباس:
|
اقتباس:
شوف انا قلت لك اساس لانك لو بتكره شي ما بتتعامل معاه ابدا انت لو تحب نفسك لو راضي بمرضك بتتمكن من استخدام الوسائل الممكنه اللي تحت يدك من علاج نفسي و رياضه و تلاوة قرآن و تتعلم كل شي يفيدك و يريحك انت تشوف التفكير يتعبك و هذا اللي قاعد تسويه ليل نهار !! |
قلق علي ايش؟
انت عاطل ? |
اقتباس:
بداية طيحتي ماكنت عاطل ... بعدين اصبحت عاطل وبعد ماتعالجت ردت حياتي طبيعية وقمت اسافر واستانس ولمن صار الوقت الي لازم اقطع في العلاج انتكست ... وحاليا رديت اخذ علاج ولكن علاج ثاني غير الي قبل لان مافادني بعد انتكاستي ... وحاليا طلع قبولي للوظيفه وصارلي اسبوع اداوم وانا حاس ان راح اي يوم وراح اتوقف عن العمل لان ادري ماراح اقدر اكمل وانا بهالحاله + وللعلم وظيفتي هذي كنت ناطرها من سنتين واهوا بمكان حيل فخم ولكن على كثر مانطرته على كثر ما انا الحين حاس اني ماراح اقدر اكمل فيه |
طب كويس
نص الحل جاء بالطريق الا وهو الوظيفه انتظر ل تتوظف وشوف .. احتمال كبير من مايعاودك القلق بنفس الحجم +دور شي يشغلك يوميا اي شغله وراح تقلص القلق الحالي يعني شغل مخك وجسمك لا يشتغلك |
ياعمي احمد ربك الحبه تجيب معاك نتيجه.
اغلب الناس لاتأتي معهم بنتيجه بسألك اشكناني منو الاطباء اللي راجعتهم سواء اطباء سلوكيين او اطباء يصفون الحبوب |
اقتباس:
|
من صجك انت رايحله
هههههههههههههههه |
الله يشفيك يا جاسم ويشفي كل مريض يارب
|
اقتباس:
|
مع احترامي الشديد له يحبط للاسف ولما تتكلم معاه كأنك تتعلم مع شخص عادي.
اذهب لعصام الانصاري العبقري والرهيب وراح تدعيلي صديقي المقرب يراجع عندهم ولاقا. فرق شاسع بينهما عصام الانصاري امام حديقة الشعب بجانب صيدلية ياكو. |
اقتباس:
|
عندي غثيان شديد ولوعه
واستخدم دواء جاناتون مضاد للحموضه ومرتاح عليه تشخيصي مشاكل المعده |
اقتباس:
|
لااكتئاب ولا رهاب ولا وسواس
لكنن اكتشفت ان عندي جرثومه بالمعده والتهاب وانازالان متواصل على العلاج ومرتاج جدا |
اقتباس:
دام مشكلتك بالمعده ليش تراجع دكتور نفسي |
ومن قالك اني اراجع
لكن سبق استخدمت ادوية بدون استشاره ضنا ان ما اعانيه اكتئاب وهو مجرد التهاب بالمعده مع جرثومة صديقي يراجع ومنه اعرف الاطباء عن طريقه |
| الساعة الآن 09:09 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا