البروزاك او السبراليكس محتارة؟؟
 

السلام عليكم ورحمة الله
هذي أول مشاركة لي واتمنى أكون خفيفة عليكم..
في البداية انا لي شهرين استخدم سبراليكس 10 ومرررررة مرتاحة له
وشال عني الاكتئاب والضيقة وخلاني مرووووقة ع الاخر
حتى الوسواس القهري خف معه بشكل كبير
الا انه مع الاسف سبب لي كسل وخمووووول وهالشي نرفزني
وابغى أغيره للبروزاك بس ما ادري هل هو يعطي نفس النتيجة
من ناحية الراحة والانشراح والاستقرار النفسي
انا سبق وجربت البروزاك قبل سنتين ونسيت كيف كان مفعوله

موعدي مع الدكتور بعد يومين تتوقعون كم جرعة البروزاك اللي تناسب حالتي؟؟
وايضا ناوية استخدم ريميرون معه عشان مايجيني أرق من البروزاك

نصيحتي لك لاتغيري علاجك دامه مريحك بتدخلين بدوامه انتي بغنى عنها
وسؤال لك معليش متى حسيتي بتحسن مع السبرالكس كم يوم وخفيتي؟

والله شسوي وانا اختك مضطرة وراي بيت ومسؤولية والسبراليكس مخدرني مايخليني
أقوم بواجباتي عشان كذا بغيره للبروزاك عل وعسى يجيب نفس النتيجة
بس بشرط يخليني نشيطة وبكامل نشاطي

بالنسبة لسؤالك عن السبراليكس أنا حسيت بنتيجته خلال أسبوع ماشاءالله
ومن بداية اليوم الثالث بدأ مفعوله تدريجيا الى أسبوع وأصبحت تمام ولله الحمد

السيروكسات يسبب خمول أكثر من السبرالكس, والبروزاك فعلا على العكس يسوي أرق ويقظة.

طالما السبرالكس مناسب وارتحتي له لدرجة كبيرة فهذا دليل انسجام الدواء معك, أنصحك تستمري عليه وبالنسبة للخمول مارسي رياضة ونظمي وقتك وراح تنحل .. تغيير الدواء ممكن يسبب لخبطة بحياتك ومو أكيد اذا كان الدواء الثاني بيجيب مفعول مثل السيبرالكس وهذا يخليك ترجعي للبرالكس وتهدري وقت وجهد انتي في غنى عنه.

البروزاك مايعطيك الراحه والانشراح الي تحسين فيها مع السيبرالكس يختلف جذرياً مفعوله عموماً اذا كان تشخيص مرضك قلق فقط انصحك ماتغيرين السيبرالكس أما اذا كان اكتئاب من دون قلق عادي تحولين للبروزاك بدون تدرج والبروزاك مشكلته انه بطىء المفعول يبي له اقل شي شهرين علشان يشتغل بس مادامك تاخذين سيبرالكس بيعمل معك اسرع وبالنسبه للجرعه للبروزاك على حسب درجة اكتئابك اذا كان شديد تتدرجي بالجرعه حتى 60مل اما اذا كان اكتئابك بسيط اعتقد 40 مل تكون كافيه البروزاك مايسبب ارق يسبب قلق في البدايه ومايحتاج تاخذين ريميرون مع البروزاك افضل علاج داعم ومساند للبروزاك هو ريسبردال 1 مل

البروزاك لي تجربه معه سابقا ثلاث سنوات ممتاز
وحاليا رجعت من شهرين له واضاف الدكتور للارق ريميرون لاكن تعبني ووقفه واضاف تربتزول لاكن جرعه١٠ ورفض يرفعها ووقفه واللحين اضاف سيروكيل وهذا اول اسبوع والله يكتب اللي فيه خير

اذا شخص ياخذ بروزاك صباح هل راح يجيه ارق في الليل؟
وهل له اعراض انسحابية و اثار جانبية ؟

مارست رياضة والله لكن الخموووول متمكن مني بشدددة
انا خلاص استخرت وأحس اني أميل للبروزاك وأشوف رأي الدكتور
بكرة ان شاءالله

تبين نشاط وانشراح ومفعول زي السبرالكس ولا يسبب نوم وخمول ولا كسل
ان شاء الله يناسبك بعد استشارة دكتورك عليك بدواء برنتلكس هو احدث دواء بالعالم للاكتئاب وهو سبرالكس مطور ونفس الشركة واخف بالسمنة واغلب الناس ماتسمن عليه زي سبرالكس ، اما البروزاك انا مافادني سبب لي ارق واكتئاب خفيف وسعر برنتلكس جرعة 10
147 ريال شامل الضربية المضافة
وسعر برنتلكس جرعة 20
246 ريال
وحياك الله يالجديدة بين اخوانك وخواتك

أنا معي اكتئاب وهو اللي مسيطر أكثر من القلق
ودام انه البروزاك يعالج الاكتئاب بتوكل على الله واستخدمه
بعد رأي الطبيب طبعا

التربتزول للاسف مو موجود بالمستشفى والا كان أجربه
أنا سبق وجربت ريميرون لمدة سنة وجدا رااااائع
وان شاءالله بطلبه من الدكتور

بالله عليك نفس مفعول السبراليكس ومنشط؟؟؟!!!!
بكلم الدكتور بكرة ان شاءالله واسأله عن هالعلاج
الله لايحرمك من الجنة ياااارب
ويارب يكون متوفر عندهم يااااارب

البروزاك ماله اعراض انسحابية حتى تقدر تتركة على طول لاكن يفضل بالتدريج على شان الاكتئاب مايرجع اما اعراض جانبية ماله وهو اسلم دواء لاكن للاكتئاب والقلق والرهاب ضعيف معي وغيرته بدون تدريج اللي له اعراض مزعجة السيروكسات معي ومع غيري البروزاك يناسب ناس وناس لا مثل اي علاج ثاني الاجسام تختلف

والله اطلق منه بعد نومك ست ساعات فل وهو اخو السبرالكس لاكن اطلق منه الف مره واقوى منه بعد نشاط اكثر من حتى من البروزاك وهو مصنوع من نفس الشركة اللي صانعة دواء السبرالكس

لاكن اول ايامه يسبب غثيان اول اسبوع ويروح وبعضهم يسبب لهم حكة اول 10 ايام انا سبب لي غثيان خفيف اول ثلاث ايام وحكة ماسبب لي وانا متاكد مليون مرة مدام ناسبك السبرالكس راح يناسبك البرنتلكس لانه نفس المفعول ولاكن بدون اعراض جانبية مزعجة كسل سمنة مفرطة خمول ارق نوم وان شاء الله يناسبك الدواء وترا مايوجد الا بالصيدليات الكبيرة اول نزولة للسعودية عام 2017 هو دواء حديث لاكن بالعالم نازل عام 2013

ايه قرأت عنه قبل شوي وأشوف الدكتور محمد عبدالعليم بموقع اسلام ويب
مايمدحه كثير يقول اللي جربوه أعدادهم محدودة شي غريب والله؟؟!!

بس انا متخوفة من ناحية الحكة لاني سبق وجربت لامكتال وسبب لي حكة شديدة وتركته
ع العموم بسأل الدكتور بكرة وأشوف وش رأيه والله يكتب اللي فيه خير

مشكووووور يا اخوي سلطان ماقصرت والله

اعدادهم قليلة لان الدواء جديد السبرالكس والبروزاك مصنوعات عام 1988 ميلادي وذا الدواء دخل الخليج عام 2017 دواء جديد يعني قليل جداً اللي يستخدمة واستشيري دكتورك ، وانا على الدواء ومرتاح معه ولله الحمد ، العفو خيتي كلنا هنا نساعد بعض ونقل تجاربنا مع الادوية لبعض والاجسام تختلف يمكن اللي يناسبني مايناسبك والعكس صحيح

نصيحتي لاتبهذلين نفسك دامك مرتاحه نصييييحه لاتحوسين نفسك والحبه خوذيها المغرب

كلامك عين العقل والله بس الخمووول تعبني مررررة
وحتى الدكتور نصحني استمر عليه وأخذه بالليل
لكني رفضت لانه الخمول معي ليل ونهار مرة متعب هالخمووول
وأصريت وطلبت منه أغيره للبروزاك مع اني كنت ابغى
أجرب برنتليكس لانه نفس السبراليكس منشط ومايسبب خمول
الا انه مامدحه كثير وقال انه تجاري واللي جربوه اعدادهم محدودة
فاعطاني بروزاك 40 ويااااارب يارب يطلع نفس السبراليكس يااارب

أيوووووه نفس كلام الدكتور قال انه جديد واللي يستخدمونه
القلة القليلة ومامدحه يقول عليه تجاري فنصحني استمر عالسبراليكس
وانا رفضت وغيره للبروزاك وان شاءالله يارب يطلع نفس مفعول السبراليكس
من ناحية الراحة والانشراح ومايسبب خموووول ياااارب

ان شاء الله يفيدك البروزاك ، ويناسبك ، والله الشافي واحرصي ياخيتي على قراءة القران والرقية الشرعية اسئل الله ان يشفيني ويشافيك ويشفي جميع مرضى المسلمين

ان شاءالله أحرص عليها والله يشافينا واياك وكل مرضى المسلمين

نفس حالتي بالضبط
خممممول مو طبيعي هلكني على سيبرالكس 20
واليوم الدكتور قال بحولك عالبروزاك لاكني متخوفه باقي