الاخت قطرات ندا والاخ بن دايم ابيكم ضروري وهشام ومتارجح
 

قاعده اقرا عن ادوية مضاد للذهان تخوف هو انا الحمد مرتاحه عليها يعني تنومي واستخدم ادازيو ٢٥ مع سيروسكات ٢٠ ملغ اخاف اطول معاي الاعراض من دوخه وشد الراس القوي لان الي اقراه من ادوية الذهان تخوف اتمنى الرد انا بمكاني اسال دكتور مختص ولكنه دارس وليس ماكل الحبوب يعني اسال مجرب ولا تسال طبيب تكفون لا تخولني لا مقيد ولا مفكوك وبرضو تنصحوني اني ما ادخل واقرا ولا نحط قروب للطاقه الايجابيه ادري ما قصرتوا في النصح كفيتو و وفيتو ولكن تحمولني الي تخلص الاعراض وابشرو بالطاقة الايجابيه

حياك الله مبتلاه
بعطيك افضل حل
وقفي قراءه وبحث وقلق
ركككزي فقط عالعافيه وحاربي الافكار قد ماتقدرين
لين العلاج يبدا يشتغل
بالتوفيق

يعني اخوي بن دايم ادازيو ماله دخل بشد القوي للراس وانه يزيد اعراض مع اعراض السيروسكات وضحلي أكثر الله يجزاك خير

مضادات الاكتئاب في الغالب تسبب اعراض من اسبوعين الى شهر تختلف على حسب الجسم وتقبله للعلاج

تجربتي مع سيروكسات 20 مغ جيدة وبدأته تدريجيا 5 مغ مدة اسبوع و 10 مغ لمدة شهر ثم الان على 20 من حوالي شهرين .
الاعراض بسيطة جدا عسر هضم وشويا قلق وتوتر عند رفع الجرعة لكن اختفت .
بالنسبة للدواء الذي ذكرتيه ليس لي تجربة معه لكن من الافضل سؤال طبيب

اختي قطرات اليوم نفسيتي ماش مره احس اقول هالعلاج ماراح يفيدني لي يوم الاحد الجاي بكمل اسبوعين الدوخه وشد الراس القوي فيني فيني احباط ما ادري ليش واقرا عن العلاج السيروكسات الي يقول يسبب انتحار والي يقول مافاد واقول بقعد طول عمري كذا على العلاجات خوف ترقب ما ادري وش اقول الصراحه ما ادري 😢💔

اختي مبتلاه نصيحه لوجه الله وقفي قراءه وقفي قوقل
القلق ماراح يخليك ايجابيه ابدا
وكل الافكار اللي يجيبها لك سيئه
العلاج لازم ياخذ وقته الكامل وافضل درجات التحسن يكون من الشهر الثاني
الله يشفيك ويعافيك

حبيبتي مبتلاه اسبوعين توووووووك في البدايه اصبري وكملي الشهر وبتشوفين العافيه ان شاء الله .
ادازيو استخدمته فقط اربع ايام لحد ماتحسن نومي وتركته بالتالي ماقدر اعطيك رأيي فيه بس صاحبتي استخدمته سنه كامله ولما تحسنت تركته وامورها عاديه ماصار لها شي يعني مو دواء ادماني ابد .
الشد والدوخه ارجع اقولك من القلق لاتستهينين بالقلق ابد انا سوابي بلاوي والله انا صرت احس فيه موج يلعب براسي واحيانا تيار كهربائي غريب يمشي براسي واحيانا كني امشي على اسفنج لكن الحمدلله كلها اختفت .
انتي مشكلتك قاعده تراقبين وتعدين الايام بالدواء عشان كذا مركزه ع الاعراض .
لاتخافين كملي علاجك وبتشوفين العافيه بحول الله وقوته .
بس مثل ماقال اخوي بن دايم اتركي البحث في قوقل والله اني شفت العافيه يوم تركت البحث بالمواقع

السلام عليكم ورحمة الله وبركاته كيف الحال جميعا ابشركم اني صرت اتحمل واصبر واطننننش الاعراض يالله لك الحمد وشكر اللين ربي يفرجها زي امس جاني الاحساس بالموت فجأة وانا في جامع بن تركي واطنش واطنش الين راح مني الحمدلله وصرت ارقي نفسي وبشكل مكثف والحمدلله انا افضل من اول بكثير ولكن عندي لحدت الان الشد الي فراس و اليوم احس بين كتف وكل العمود الفقري حراره مع الم والدوخه الي زي الموج وكاني بطيح من مكان عالي خفت بس باقي شوي مو زي اول وفي ظاهره جديده من الي جاه في اصبع الابهام رفرفه بقوه مره في اليد اليمين مره الشمال وكان شي يتحرك مره في ساقي مره في ظهري مين جاه زي كذا و هل هذا اعراض القلق بعد 😢

واللحين عرفت ان دعوة الله يقلقك في نفسك انها أقوى دعوه تقولها لعدوك 😢😞

وعندي بعد سوال هل كلكم جاكم الهلع فجأة ولا من بعد صدمه؟

اول مرة جاءني هلع كان في المسجد وعانيت واصبح عندي رهاب يقل ويرجع وتعايشت معه وكانت هذه النوبة منذ مدة طويلة وان لم تخني الذاكرة سنة 1999 .
ثاني نوبة 2018 وكانت بعد اصابتي بدوخة وتعرق وتسارع دقات القلب وعلى الارجح بسبب هبوط السكر لكن لست متأكد وهذه النوبة سببت لي خوف غير طبيعي وعانيت وصبرت حوالي شهرين ثم توجهت للطب النفسي والحمد لله انا افضل واصبحت امارس رياضة واعمل بشكل طبيعي والطبيب نصحني بالرياضة و النوم المبكر .
ايضا نصيحة داومي على القرأن لانه شفاء

انا جتني وانا فالدوام اسولف مع زميلتي طبيعي جدا فجأة حسيت اني بموت وقلبي دق بسرعه ورحت للطورائ وسرعة النبض عندي وصل ١٧٨ دخلت الساعه ١٢ وربع الظهر ما طلعت الا المغرب وقالوا لازم تنويم انا رفضت لانهم دخلوني العنايه وعطوني ابرتين مهدئه للنبضات القلب وحده قويه بغيت اموت منها و وحده بتدريج بالله نزل النبض عندي.

ولكن قبل هذا كله في رمضان بالضبط في تاريخ ٢٤ صليت الفجر ابي انام كذا فجأه جاني تفكير اني بفقد احد من اهلي وجتني نفضه في جسمي وخووووووف قمت و توضيت وصليت ودعيت و بالله نمت من بعدها وهو ملازمني الخوف اللين جتني نوبة الهلع في ذو القعده الي راح والحمدالله على كل حال

تكرما ارجوا الرد لمن عانى خصوصا شد الراس الاخت قطرات متى راح منك

هلا مبتلاه
شد الراس ابتدا يخف يمكن بعد شهرين واعتقد الشد سببها القلق الحاد انا اصلا كنت قلقانه من الدواء لاني اول مره استخدم دواء نفسي لكن ماقدر اقولك بالضبط متى اختفت الاعراض هي تختفي بالتدريج واحيانا تتذبذب الاعراض تختفي كم يوم وترجع دقايق بس وتكون خفيفه مره بس احس اني تحسنت كثير بعد الشهرين الى ثلاثه شهور لكن بقولك شي انا الى الان احس بعض الاوقات بالشد بالذات لما مانام كويس او اتوتر لكني تأقلمت مع الوضع ماصار يخوفني زي اول .
اهم شي مبتلاه حبيبتي الاعراض الكبيره تختفي ومع الايام راح تلاحظين الفرق بس حاول ماتركزي على جسدك خلي تركيزك خارج جسمك وراح تلاحظين الفرق

الرفرفه انا زيك تجيني واطنشها
والهلع جاني فجاءه وانا جالسه اتفرج عالتلفزيون بدون اي موقف

والله لا صدمه ولا شي حياتي كانت من اجمل مايكون قاعده مع صاحباتي مافيني الا العافيه وفجأه ابتدت اعراض مخيفه خفقان بالقلب احس انه بيطير ودوخه وعدم توازن وخوف رهيب

قبل شوي جتني نوبة هلع حسيت فالبدايه زي الكهرب متواصل وخفيف جهة القلب بعدها يدي ورجلي ثقلوا مع اني منسدحه ومرتاحه ما ني متوتره او زعلانه او قلقانه ابد مافيني الا العافيه وبس النوبه خفيفه مره مره مره مو زي قبل الحمدالله بس بدايتها تخوف يوم خلصت جاني تحركات مره فالرجل مره فالظهر شي يتحرك في جسمي ما اخفيكم اني وسوست قلت لا يكون هذا اثر الرقيه ما ادري ليش جت فجأة بس الحمدالله على كل حال

اخت قطرات حبيبتي انت كان اصبعك الابهام يتحرك بقوه

سبحان الله وش هالابتلاء يخوف مره وغريب وعجيب ما تعرفين وش سببه

كل شي فيني يتحرك حتى فروة راسي كن فيها شي يمشي .
لاتخافين ابد .
الدكتور يقولي النوبات هذي لئيمه كل ماسيطرتي على عارض تداهمك بعارض جديد عشان تزعجك وتخوفك وتدور الثغرات عشان تدخل منها وكل ماسيطرتي عليها تتلاشى الى ان تختفي لكن ماسمنع انها تزورك كل فتره بشكل خفيف وانتي طنشي لهي نفسك بأي شي

الله يجزاك خير ويجزا دكتورك خير ياليت تعطيني اسمه اروح له ابي دكتور ما يخليني فيه حيره وتشتت ابي اكون على علم علشان ما اخاف وانا قريت قبل شوي في ملتقى المتعافين للاخ مترجم احاسيس يقول لل تستخدمون الادويه المساعده نهائيها مع مضادات القلق وانا مع هالادازيو ٢٥ ملغ كل ما جاني شي حطيته فيه لاني خايفه منه من قريت انه مضاد للذهان

انت وش رايك اخت قطرات

دكتوري بالشرقيه مبتلاه اذا كنتي بالشرقيه عطيتك اسمه دكتور رائع ومتفهم ومتمكن بصراحه .
والله انا ما استخدمت ادازيو الا اربعه ايام فقط بس ماعتقد يجيب هالاعراض لان صاحبتي استخدمته سنه وماعمل لها اعراض جانبيه .
اللي فيك قلق وتفكير وتركيز على اعراضك بالتالي تزيد وتتضخم اكثر

الله يجزاك خير ابي اسم الدكتور وعيادته ان امكن لان ماحصلت دكتور بالشرقيه

غموض دكتوري اسمه علي جابر السلامه في مركز السلامه الطبي بالدمام تلاقين رقمه بالنت كلميهم وخذي موعد .. هنا ممنوع احط ارقام تلفونات والا من عيوني .