|
شي يكسر الخاطر
والله قهر
السلام عليكم ورحمة الله وبركاته احس فيني حرة وحرارة لازم اطلعها وكتبت الموضوع با ادخل بالسالوفه على طول قبل شوي طالع بروح اشتري لي بيره هولستن فراولة ^ ناوي اخربها < المهم ودخلت السوبرماركت واخذت البيره ووقفت سرى مع الناس الي بيحاسبون وهذا بزر يلعب هو واخته منحاش بالعربيه ومدري الا العربيه << موب القناه << يامصلك : الا العربيه خاشه بظهري الله لا يعيدها من بيره المهم ويوم وصل لي السرى وجيت باحاسب وافتح المحفظه طلع مافيه الا ريال شوفي وجهي بين الناس المهم واطلع من محفظتي بطاقة الصراف واعطيها المحاسب قام يطالعني بنص عين ابو هنود ولسان حاله يقول شكله توه مطلع بطاقة صراف والناس وراي تطلع فيني يققولون وش يبي ذا بيره وبريلين ومسوي زحمه المهم ماضبطت العمليه كل شوي العمليه غير مقبوله كالعاده المهم قال لي الهندي صديق في صراف برى روخ سوي صرف مشين ( machine )خراب عاد انا قلت مشين خراب مشين خراب نروح نصرف بس ماراح اوقف سرى المهم رحت اصرف وانا اصرف طلعت حسابي الا كان بحسابي ......................... رقما ما وبهذه اللحظه جلست افكر بالمستقبل تذكرت على طول اخوي ..... اخوي زواجه انشالله يوم السبت حياكم الله كلكم يوم السبت هناك الساعه 9 بعدد العشاء لا حد يتاخر ومالكم عذر المهم بدخل بالمهم والي يرفع الضغط تصدقون يا ناس اخوي وباقي الشباب السعودي والخليجي بشكل عام عشان يتزوج يكلفه زواجه حوالي 180 الف او اكثر ليش يا ناس والله لو تفكرون بعقل في ناس بيقولون عادي والله ما تكلف وانا اقولهم الا تكلف ونص اذا انا الحين لي متوظف حوالي كم سنه ماقدرت اجمع المبلغ بلله عليكم متى بيتزوج الشاب السعودي ؟ اذا كان الشاب السعودي بشكل عام اول مايتخرج من وظيفته اول مايفكر بعد مايتوظف وشلون يشتري سياره يروح يداوم عليها انا هنا اتكلم عن الطبقه العظمى من المجتمع في ناس اوكيه الله منعم عليهم وتلاقي الواحد ابوه يتكفل فيه الين يتزوج انا لا والله لا ابوي بيقولي خلاص توظفت انت مسئول عن نفسك عندي غيرك 10 بيقول لي الي علي درستك وربيتك وعلمتك والحين جاء الباقي تكمل طريقك بنفسك معه حق كثر الله خيره الي وصلني الى نص المشوار المهم بعد السياره هذا اذا اشتراها كاش والغالب تقسيط اذا خلص التقسيط بعد سنتين وبداء يجمع للزواج بالله كم يبي له عشان يجمع حق الزواج انا باقول مثال قريب مني واشوفه الان قدام عيني اخوي يوم جاء يخطب دفع مهر 70 الف ريال حلو القصر وماني عارف ايش كلف حوالي 35 الف ريال حتى الان 105 الف شقه ايجار شبكه حوالي 30 الف ^ شبكها الله بكهرب 220 عشان تعرف ان الله حق استغفر الله مو زوجة اخوي اي بنت تبي شبكه كم وصلنا حوالي 135 الف حلو تاثيث الشقه حوالي لو قلنا اضعف الايمان لا يقل عن 20 الف وصلنا لـــ 155 الف شهر بصل حوالي 15 الف 170 الف غير الصباحيه انا لو اني محله اصبحها بــــــــ بالعقال غير الكماليات واشيياء ماذكرتها سقطت سهوا ايه لا تنسون الطقاقات الظاهر بحوالي 8000 ريال البطاقات بـــ 4000 ريال انا عارف فيه اشياء بتقولون مو محدود يسوي بذا السعر فيه اشياء ارخص بس برضوا الناس الي جاي تخطب بنتهم لازم ترضيهم مو بنت ما خذها من الشارع صح ان البنت ودها مثل باقي البنات بس المساله معقده بجد معقده بالله ياناس وش تتوقعون حياة واحد تزوج وبداء حياته بالدين وش الحل شباب نجلس عزاب ونستمر بالنت ولا نتزوج من برى ارخص ومو احلى بس ارخص ^ اكره شيء عند البنات هالسالفه ولا ليش مو البنات يشاركون بالمهر عليه الثلاجه والغساله وعلينا الشئه مثل المصريين مانقول مثل الهنود ادفعوا مهور لنا بس نبي مثل المصاريا مو انتم تبون تسوقون وتبون المساواة مع الرجل شباب صبايا والله الموضوع جد المهور غاليه غاليه غاليه و الحياة صعبه و مزاجك بالعربي وش الحل ^ استخفيت V V V على فكره انسدت نفسي وما شريت البيره ملطووش لطشه محترمه منقول للنقاش |
وش اقول وش اعلق معاناة الطفش اللي في السوبر ماركة والا العربية اللي دخلت في ظهرك والاالزواج اللي يكلف 180 الف ريال
بس تصدق فيه ناس يزوجون والمهر عشرة الاف ريال يدورون الرجل يبغون الستر لناتهم اللي يزوج بمهر بسيط سبحان الله توفق بنته الله يعينك |
بالنسبة لنا احنا المهر 15 الف قد يصل الى 20 حسب الرغبه لكن المتفق 15 بس
بس حتى ولو عندك الف مليون شغله غير المهر الا وهي السياره وما ادراك الشئه ايه تكاليف الزواج اتوقع المشكله في الرواتب ما تتناسب ابدا مع الوضع المعيشي في السعوديه بالنسبة للبيره ليش ما تجرب التفاح احسن |
ماشالله المهر 70 الف <<<<<< ياليت كان شريت بس ب 10 الف اغراضي والباقي حطيتهم مصروف في البنك خخخخخخ ،، يمكن افتح مشروع صغير والا احطهم حق الترقيعات تبع سيارته او ازمات الحياة !
اقوووووووووووول لاتلف يمين ولايسار تزوج من الاحساءءء ارخص >>>> هذا ان عطوك بعد ههههه!! كلها 20 الف مهر ،، والشبكة 5 الاف ريال ،،، وبس والفاتحه الى روحك وروحهااااا ؛؛ الشقه لابد منهاا ؛؛ [ كلها غرفتين وحمام ومطبخ ويش لك بالقصر وحمام السباحه تضيع فيه ] اما اذا طلبت 30 مهرا ؛؛؛ مالها شبكه ولا شقه << حسب الشروط والعادة اللي معنا [ مو رخصا في البنت بس تسهيل للزواج ] وايه قبل ماانسى ويش لك بالبيرة اشتر لك عصارة برتقال واعمله جاهز مع كوب فيه ثلج واشربه << اصفى وانفع |
صباح الخير :
أما عن رأي أنا فأقول كل ما قرأته بخصوص الزواج مبالغ فيه إلى حد كبير ... هو يمكن هالحركات تكون عند أهل الشمال و الوسطى ( بذخ والعياذ بالله ) و لا المهر 70 ألف قوية بس تدري فيه ناس يعطون مهر لأم العروس هههههههههههههههه ( بتنتحر ) ... المهر حده 40 ألف و بارك الله فيمن سهل وييسر ... أما قصر العرس الحين فيه إستراحات أحسن من القصور على 5000 ... الشقة غصب ولا بتنامون في الشارع و خذلك ما يتسرلك 16 ألف و كل 3 شهور مو صعبة ، شهر العسل 15 ألف ليش وين بتروح .... مالك إلا مكة و جدة و إذا بتسوي فيها روح ماليزيا رخيص جداً ((( كأني رحت لها ألحين ))) الطقاقات 8000 وين عايشين نفسي أعرف حدهم 1500 - 200 ما يزيدون ، البطاقات 4000 ليش مكتوبة بالذهب الله يهديك بس ... اقتباس:
اقتباس:
أخي سعودي أنتم تصعبون الأمور على أنفسكم بتحليلك هذا ظننت أن كل العائلات هكذا و ربك كريم بيده تيسير الأمر عليكم المهم إنسى عقالك وقت ما تتزوج بنات الناس مو للعقال .... والبيرة ما أحبها و لا أدري عنها .... تحياتي : سمية القحطاني ... |
سعودى عسل
ولا يهونون الباقين انا كلف زواجى 1000ريال مهر 600ريال غداء من بكره بالبيت عندنا والزوجه االغاليه حفظتها بعيونى لان اهلها اكرمونى وما انسى اسبوع بمكه وكان السكن هديه من احد اصدقائى تكفل به ونا ياخت سميه من اهل الوسطى |
صباح الخير :
أخوي أبو حفصة اقتباس:
في موضوع أخوي سعودي ... أخوي أدري أن الناس مو مثل بعض ( أصابع اليد ماتتسواوى ) ... لكن فيه ناس تحب تفاخر بالمهور و هذا من صوب البنات عندي زميلاتي من الوسطى يتفاخرون بمهورهم و لو جيت للحق نص كلامهم خرطي مو صحيح .... ولكن برضوه أرجع و أقولك الأكثرية في هالمناطق شمال - الوسطى ... تحياتي : سمية القحطاني .... |
والله ما اقول الا الله يعيـــــــــــــــــــــنكم يا شباب جد تعب انا بعد زواج اخوانى حسيت بالمعاناه
والله لو انا ولد كان ماتزوجت الحين تقولن هذي حليله ماطلبت من الرجال شي >>>>>>والله انى كسرت ظهره خخخخخخ |
اخوي سعودي صدقت بكل كلمة قلتها بس صدقني
(( بعض ))الشباب مايعرفون قيمة الشي الا اذا تعبوا فيه لان الي يجيهم بالساهل يرمونه بالساهل مثل السياره اذا شراها الوالد تلاقيهم ما يخلون شارع الا يحطون بصماتهم فيه (نطلات وعقد ) بس اذا شراها هو والله انها بالكراج مقفل عليها وينادي اخوياه يجون ياخذونه بس بصراااااااحه المهر بحد ذاته في السعودية تعجيز بمعنى الكلمة اما عن عاداتنا وتقاليدنا فهي غريبه نوعا ما و مكلفة بشكل لايطاق اولا يوم الشوفة _لازم العريس يجيب هديه بعدين الخطوبة اقل شي بإستراحة وذبايح ومعازيم ولاتنسون الشبكة الي من مستحيل اطلبها عشان ما انشبك 220بــ والملكة لازم يذبحون مره ثانية واخيرا الزواج هذا الي يطلع عيون الرجال ويخليه يدفع الي قدامه والي وراه ولكن المهر اذا كان ستين الف مايسوي للبنات حاجه هالايام اشوف اخواتي يفقرونا يخلصون المهر وتزيد عليه الوالده الله يحفظها اخوي سعودي مع خالص شكري للنقل الرائع النادرة(اختلاف الرأي لا يفسد............... وعلى فكرة هولستن المانجو افضل نوع جرب واعطنا رايك |
انا ماراح اعمم لكن في عوائل كذا تطلب المستحيل وفيه عوائل ما تطلب المستحيل
وانا اعرف ناس كثير مقتدرين مادياً زوجوا بناتهم بأبسط الامكانات اللي يقدر الزوج انه يعملها وبعدين انا امن يومين شفت مقابله للداعيه الاسلاميه ملكه الزرار على احدى القنوات الفضائيه واعجبني وصفها بأن البنت حصن منيع لا يدخل اليه الا من استطاع ان يجتاز كل الشروط الموضوعه لدخول هذا ????? ومن ضمن هذه الشروط ان يتعب حتى يوفر لها المتطلبات الاساسيه في اي بيت زوجيه وما جاك بالساهل يروح بالساهل تحياتي .. اختك نسرين الرياض |
انكسر خاطري ما ابي ارد
|
اول شي اشكركم جميعأ على هذا النقاش والصراحه
بس ياخواني هذي ليلة العمر وهذا اول عش زوجي تسكنه يعني لازم يكون فايف ستار وين اللي يطلبون مهر عشر الالف العشره وش تسوي للبنت نكون واقعيا العوايل اللي عندهم ثلاث بنات كم يدفع الوالد كل عيد ويعني البنت بترضى ان زميلتها تكون اكشخ منها او افضل منها بأي شي سوى هي من الجنوب او الغربيه او الوسطى او الشمال يمكن اللي يطلب مهر قليل يكون ولد عمها او تكون هي مقتدره ماديا وتقدر توفر الاعراض لنفسها من جهه اخرى ام عد اسألي ابو عبد الله كم كلفه الزواج كله بيقولك فوق الميه الف ابو حفصه ليه ماتذكر الذهب والقصر والشقه ومصاريفك من بطاقات او او او والله لو ابي اعدد لبكرى ما اخلص اخت سميه يعني لو قلنا اربعين الف بتكفي لك ونفرض انها كفة يعني قليل والله حتى الاربعين كثير الفاتن كسرتي ظهره اللي كل مايروح الصرافه ويشوف الراتب مخصوم منه يشوف صورتك قدامه ههههههههههههههههههههه الحمدللله في بنات حسوا بالمعاناه يتيم ياحبي لك عايش معاناتي فديتك طول عمرك حنون النادره ياويلي ماقواني انا يطلع عيونهم هاه جربيه بالفراوله احلى من المانجو عن اذنكم بروح مستعجل لي رجعه لكم البيره تعجبيكم جربوها مشكورين على النقاش والمرور مستعجل ارجع لكم |
فوق المية الف <<<<<< ايه يسطفل !!!
المفروض استاهل اكتر من كذا كمان ؛؛؛ بصراحه انا صحيح تنازلت عن اشياء واشياء اخرى حسيتها واجب اساسي والا الفرحه تطلع بلا طعمه 1_ حفلة الخطبة تجمع مع " حفلة الشبكة " : انا شرطت شرط انه يكون موجود بعد العقد <<<< لك بدي اشوف عضلاته وكيف شكله ! ؛؛؛؛؛ واللي هي فشخره بس بالكلام اتضح لي انه متوزان في الشخصيه وهادىء جدا وخجول نوعا ما ؛؛ اما انا لاحظت بعض الغبار بعيني مما ادى لبكائي خخخخ <<< بمزح يعني جد بكيت من الفرحه ؛؛؛؛؛ وخصوصا بعد تقبيله بالجبهه [ قبلة التكريم للزوجين ] ؛؛ حسيت اني خلص اهلي مالهم شغل فيه وراح ارحل ؛؛؛؛ ويمكن بقيت اسبوعين بحالة هادئه وبراقب جدران البيت وغرفتي وصوري وكلشي له علاقه باهلي ؛؛؛ لدرجة انو اخواني تعمدو تصويري بشكل يومي كرمال يراقبووووو تصرفاتي 2_ حفلة ة" الزواج " شيء مهم ؛؛؛؛؛ لو انا مثلا اتزوجت [ خباز او فلاح ] مابعمل عزيمة كبيرة " بيكفي " مرطبات خفيفه وخلص بسافر لمزرعته خخخ اقصد بيته بهدوء [ بس المهم انه تم الاعلان والاشهار بالزواج حتى لو كان بسيط ؛؛؛؛؛ بس الحمدلله هو موظف ومادق صدره للزوج الا معبىء صندوقه فلوووووس ؛؛ فاكيد صارت عزيمه كبيرة وفرحت وانبسطت وهيصت ؛؛؛ 3_ الصباحيه [ الفطور مع وجبة الغدى ] <<<<< احس انها مالها لزمه ؛؛؛؛؛؛ خلص تقعد الزوجه تعمل الفطور او هو يشتري من بره ! يعني تخيل الزوجين مو نايمين للصبح وكل واحد مثل السكران يدور المخده وين يبي يحط راسه ويتفاجىء انه لازم يرتب اموره عشان البركة وتقديم التهاني من بعد مافطروه ذاك الفطور الدسم ؛؛؛؛؛ وشوي يجي الغدى وحاله متبهدل يبي سيارة تصدمه عشان يدور له عذر انه يطلع ويروح لعروسته او ينام ؛؛؛؛؛ او يتمنى انه في الغدى سم خفيف عشان يؤثر فيه ويرقد بالمستشفى من بعد الارهاق ! 4_ طبعا تتواصل التهاني والعزائم لمدة اسبوع ؛؛؛؛ ولكن انا عن نفسي لم تحصل الا فترة اليوم الاول واليوم السابع كما جرت العادة ؛؛؛ <<<< شيء حلو انه الانسان يقدر ويكتفي لك العالم فرحانه بتاكل بالاسبوع مجانااااااا ؛؛ واهل العريس مساكين بيطلمو على الصدر من الخساير هههههه << في ناس عادي الوضع معهم وماتوصل لهدرجه بس كنا بنمزح 5 _ بعد اسبوعين من الزواج تطلع موضه السفر للخارج [ شهر عسل ] ؛؛؛ طبعا امكانيات ابو العبد لاتتحمل بس مع السنين واذا توفرت الظروف راح يصير نصيب لينا من السفر وفعلااااا الحمدلله 6_ بعد مضي شهررررررر ؛؛ البعض بيعمل عزيمة لنهاية شهر العسل [ ولبزوغ فجر جديد ] ؛؛؛؛؛ 7 _ اخيرا المعرس لاياخذ اجازة اكثر من اسبوعين بس ولايتورط بالطلبات [ من اهل العريس او العروس او العروس نفسهااااا ] << بعد طاح الحطب تقعد تتغلى ! وعذرا للثرثرة <<<<<< |
الله يصبرنا ياشباب
والله معاناة من جد بخصوص الزواج ومن وين لي اتزوج اذا كان هذي تكاليفه من البدايه لكن نتوكل على الله وهونها وتهون باذن الله ويسهل ربك اذا عزمت على الزواج وصدقني بتتسهل ويتبارك الزواج واموره انا عزابي وخايس من جد في الاحساء من اهل الرياض وانواع المعاناة في السفر كل اسبوع للرياض وانواع الطفش في الاكل من المطاعم كل يوم وانواع تأديب النوم و النت ليل ونهار وهذا احلى حل واسهل طريقة وشكرا لك ياعسل وخل عنك البيره واشرب سيزر مانجو |
مساء الخير : اقتباس:
الزواج يبغاله رجال مقتدر و قد إنه يدفع هذا هو الزواج اليوم ، و بعدين مو كل الناس سوى إنت لا جيت بتخطب عند ناس ما بتروح عندهم ما تدرين عنهم و عن أطباعهم و كرمهم وطمعهم . و بعدين لا تنسى إذا طولت أيام الملكة ( الخطوبة - كتب الكتاب على قولت أخوانا المصريين ) الهدايا في كل زيارة و العيدين و إذاكانت طالبة و نجحت لازم هدية ( و أنت على قولت لازم يكون كل شيء فايف ستار يا الله أنت ما شاء الله عليك كريم فايف ستار .... على طاري الفايف ستار إذا تعودت البنت على الفايق ستار قبل الزواج خصب عنك تعيشها فايف ستار بعد الزواج .... ألف ألف مبروك مقدماً .... تحياتي : سمية القحطاني ... |
الحالة نفسها ...بالشام وبمصر..وبالسعودية .. وحلها اذا بتحلها ...
على كل الله كريم ... ادعي والدعاء باذن الله هو المفتاح ... و ما بتعرف .. شو الله مخبيلك ... بس ...عفوا.. ..بييرة .. بالسعودية..؟؟؟!!!!!!!!!!!!!!!!!!!!!!!!! |
مراحب :
اقتباس:
الله يجي أحد الشباب و يوضح لك هي عصير و مفيدة بعد للأصحاب ألإلتهاب الكلوي ... بس ما أشربها .... تحياتي : سمية القحطاني ... |
أختي سمية ...مية هلا ...
يمكن البيرة اللي قصدك ..هي عصير الشعير ...غالبا لانه هو المفيد للالتهاب الكلوي ...مدربولي هلأ نحنا عنا شي اسمه عصير الشعير . ..بس أهل الدين ما أحلوه لانه ...من أحد الاسباب: أن عبوته نفس عبوة الخمرة ...تقريبا .... يعني فيها شبهة حرام ..وشكل المسلم وهو يحملها بيده ...ما بعرف ماذا أقول عنه ... اما اذا كانوا يسمونها خمرة بدون كحول ..فهي الاسوأ .. ... والرسول صلى الله عليه وسلم ..قال :"..يأتي زمان ..................يشربون الخمرة ويسمونها بغير اسمها .."... هذا شيء استطاع اعداء الاسلام أن يدسوه فينا ..بمكر ... .....لأنه من حام حول الحمى يوشك أن يرتع فيه ... فما معنى أن يكون هذا المشروب في عبوة ...من هذا المنظر ...وعفوا من الجميع... لكن..ما هو شعورك اذا رآك الرسول تشرب من نفس زجاجة الخمر .. لنقل حليب .. ؟؟؟ عمر بن الخطاب أول ما حرمت الخمر حطم كل آنية الخمر التي لديه ..ولم يستعملها لشيء آخر..حتى لا تراوده نفسه ..وحتى لا تذكره ... على كل .. كل السوائل والعصائر مفيدة للالتهاب الكلوي ...واذا بدك الانفع الانفع هي نبتة الخلة "نبتة على شكل مكنسة صغيرة "يستعملها الناس ..لتسليك الاسنان .. هذه النبتة يستخرج منها ..مادة الخلين المفيدة كمضاد للتشنج الكلوي ...اما المدرات الطبيعية فما اكترها .. من البابونج وحتى اليانسون ... كل شكري ...لك ومساك أحلى من العسل .. .. |
لا البيره الي بالسعوديه تجي من الخارج خاليه من الكحول ولله الحمد
تحياتي لك النادرة |
صباح الخير :
أختي daise أشكر إهتمامك لموضوع الإلتهاب الكلوي أنا لي 12سنة أعاني من الكلى بس المسألة عندنا وراثة أخرتها عمتي ماتت بالفشل الكلوي ... الله يجيرك و يحميك و الجميع منه .و بصراحة أنا ما في فايدة مني أتعب أروح للمستشفى أجبرهم يعطون إبر مهدأه و تنتهي سالفتي و أروح البيت حتى الدواء ما أصرفة من الصيدلية ... بالنسبة للبيرة و الله الحق معك بس ما أدري يقولون خالية من الكحول أشوف أخوي يشربها من وقت لثاني عادي طبيعي ... و الله معدنا ندري إلي نستوردة صح ولا خطاء الله الحافظ أختي ... تحياتي : سمية القحطاني ... |
اما بالنسبه لي واشوفه افضل مادام اني مريض نفسيا خلك عزززوبي تعيش مرتاح
|
أختي سمية :ان شاء الله ما على قلبك شر...
احتسبي لاجر عند الله .. أشكر لك ردك |
اقتباس:
|
قلبتوها طب شعبي
|
اقتباس:
|
اقتباس:
هذي حالي وحالك بس انا غير بعيد ماقدر اروح كل اسبوع يعني انت اهون مني تحمد ربك سيزر ياخي ماهضمته هههههههههه مادخل مزاجي مشكور على مرورك |
اقتباس:
اختي سميه يعني المقصد من اولها يشيلو قلبه يصفقونه بمبلغ يجرح جبهة امه هههههههههه اكيد بدلعها فترة الخطوبه وفترة الزواج ان شاء الله والحمدلله انا مقتدر بس انا قلت اكثر الشباب وانتي يعني شفتي الردود بالمنتدى تلاحظي كثير يعانون منها ويعني اذا رجال موفر مبلغ عنده خلاص لازم يحطه على الزواج ييتزوج ويسوي مشروع صغير يبدا فيه الله يكون بعون الجميع مشكوره اختي على مرورك وان شاء الله فايف ستار على طول الزمان مو بس بعد الزواج |
كلامك صح ان المهور وتكاليف الزواج تسد النفس
لكن وش ذنب البنت تبي تلبس تبي شهر عسل وتبي زواج بعد هذي ليلة العمر ولاتحصل الا مرة وحدة ولازم ماتخطي الخطوة هذي الا انت حاسبها وقدها مرة ثانية خذ هولستن سادة |
والله هولستين بالفراوله او تدري بالليمون اذا في بهدي اعصابي عشان اعرف اجمع تكاليف زواجي ههههههههه
مشكوره اختي يحق لها تدلع وتدلع بس كل شي بالعقل مو تصلخه صلخ (لا تطخه لاتطلع مخه ) ياتتزوج وتندين ياماتتزوج بالمره طول عمرك منسدح بالصاله هههههههههه مشكوره اختي على فكره في دعوى اسمع الكثير يقولونها وانا بعد اقولها اللي هي ( يالله ياكريم ترخص الحريم ) واكثر اللي يقولونها الشياب ههههههههههه |
اقتباس:
أخوي الكريم سعودي : يجرح جبهت أمه يجرح جبهت أبوه هذي مشكلته أهو يبغى يتزوج هذا الموجود ... و ما دمت أخوي مقتدر الله يزيدك من نعيمه إن شاء الله فخلك بنفسك ولا تفتح الأبواب لغيرك مشكلتهم ويحلونها و العزوبية أصرف لهم ... ( يالله ياكريم ترخص الحريم ) الحريم غاليين وغلاهم يزيد ما يرخص أبد إنتوا تتزوجون و تتاجرون ... اقتباس:
تحياتي : سمية القحطانية |
اخي سعودي من قريت موضوعك وانا افكر بكلامك
وققرت اتبرع لجمعية اعانة الشباب على الزواج وهذي فرصة اني اطلب من كل قادر لدعم هذة الجمعيات |
اقتباس:
مشكوره على دعوتك اختي |
اقتباس:
|
| الساعة الآن 07:10 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا