|
يارب ارحمني وخفف عني .. النوبات نكدت علي العيد :(
مرحبا للكل
كل عام وانتم بخييييييييير وتقبل الله منا ومنكم ومن الحجاج يارب اسمحولي ودي افضفض شوي احس اني مخنوقة ومحد في الدنيا كلههههههههها يحس فيني غيركم !! مهما حكيت وشرحت كلهم استهتروا بمشاعري وحسوا اني دلوعة وأبالغ :( اليوم جتني نوبة قوية جدا واللي سبقتها كانت قبلها بـ10 ايام وطبعا تخلل هذه الفتره نوبات على خفيييييف جدا أتغلب عليها اليوم هذه شي موطبيعي الدنيا سوووووودت وصرت اشوف الناس غبااااااش المشكلة اني بعزيمة وتوترت وبان علي وقطعت عشاي وتوجهت الأنظار لي حتى الملعقة ماقدرت اسيطر عليها صارت تطيح مني وتطيش بوسط الصحن !!! سامحوني عورت راسكم بالأعراض اللي نصكم عارفها بس بسأل هل أحد جته في هالوقت بزيادة يعني اللي يدخل يقول من دخل شهر الحج هل تحس زادت ولالا ؟ او خلينا نقول من دخل الشتاء مثلا ؟ عشان نعرف هل لها مواسم تكثر فيه لأن انا بدت معي مع بداية الشتاء العام قبل الماضي وخفت في الصيف شوي انتظر ردوكم واسأل الله لي ولكم الشفاء ياااااااااارب |
اسئل الله رب العرش العظيم اختى تهانى0
لاتخافى زيك انا بدت الاعراض من بدايه دخول الشتاء حتى كنت احسبها العام قبل العام آخر شوال وبدايه ذو القعده تجينى كثير وتزيد وسرت اقارنها بالاعوام السابقه والله العظيم نفس التوقيت تقريبا0 سئلت بعضهم قالوا الابراج مدرى الفصول مدرى تجدد السحر ومدرى ايش انا بنفسى معرفت التفسير الحمدلله0 اختى وانا اكتب والله انى تعبان مثلا يخلص الخوف تجينى افكار تروح الافكار يجينى اكتئاب وتخيلى انا موظف والله خايف افقد وظيفتى كيف ادوام وووو مثلا انا جالس مع اهلى اقول من انا شوى يجينى تفكير انى ازعق او صرخ وشوى اقول انا بسير مجنون او انجنت شوى واقول يمكن ارعراض الفصام ووووو اخاف والله اخرج مجرد ماخرج من البيت برجع بسرعه وتخيلوا انى ادور على الالابتوب عشان اخس بسرعه واقعد افضفض لانه احس انى لى عالم هنا فاهمنى وكلنا نمشى بعض وكمان طوالى اخش على المنتدى لانه احس براحتنا فيه الحمدلله والله واشياء كثيره الحمدلله يار ب يارب يارب اشفينا وصبرنا شى مهم احس الاعراض او الاشياء الى جاتنى احسها مو زى كل عام احسها السنه هذى قويه والله هل انتوا تحسوا نفس الشى ومدرى اش اقول بس الحمدلله يارب على حالنا ويار ويارب ويارب اشفنا وصبرنا |
الله يصبركم ياارب :( شخبار العلاج معاج ؟؟ |
اقتباس:
والله يااتهاني انا هاليومييييين مرررره زايده النوبات عندي والخوف من الفصام او الانهيار هذا ملازم لي :( ياااااااااارب تصبرنا شفتي ردي سبحان الله بمووضوعي نفسك انا اشتكي وانتي كمان يلا الحمدلله |
دائما قولوا الحمدلله الذي عافانا مما ابتلى به مرضى الجنون والفصام وفضلنا
على كثير ممن خلق تفضيلا. وان شاءالله مارح يصيبكم بإذن رب العالمين شي. أيضاً لاتنسوا أذكار الصباح والمساء وركزو على " اللهم عافني في بدني ، اللهم عافني في سمعي ، اللهم عافني في بصري ، لا إله إلا أنت . اللهم إني أعوذ بك من الكفر ، و الفقر ، و أعوذ بك من عذاب القبر ، لا إله إلا أنت - ( ثلاث مرات ) ". وعلى " بسم الله الذي لا يضر مع اسمه شئ في الأرض و لا في السماء وهو السميع العليم - ( ثلاث مرات ) ". وعلى اللهم إني أسألك العفو و العافية في الدنيا و الأخره ، اللهم إني أسألك العفو و العافية ، في ديني و دنياي و أهلي ، و مالي ، اللهم استر عوراتي ، و آمن روعاتي ، اللهم احفظني من بين يدي ، و من خلفي ، و عن يميني ، و عن شمالي ، و من فوقي ، و أعوذ بعظمتك إن أغتال من تحتي ". |
اخت تهاني اعانكِ الله
اختي الكريمة افعلي الاسباب لابد من جلسات مكثفة مع طبيبة او اخصائية هي مجرد افكار وطريقة تفكير ليش بالذات ماجت النوبة الا في العزيمة لانك انتِ استدعيتها بطول التفكير من الخوف منها اسأل الله لك الشفاء العاجل |
اقتباس:
حاول تروح طبيب والله لواني رجال لأروح ولا افكر بس مشكلتي مين يوديني !!!!! يارب رحمتك بس ولاتخلي هالنوبات تفقدك وظيفتك الله يسهل عليك يارب |
اقتباس:
لا استخدم اي علاج مدري شي سلبي او ايجابي الله يفرج علي اختي الدنيا حلوة انتي تستخدمين شي؟ قولي لنا |
يارب ارجوك اشكرك على مرورك
الله يبعد عنا يارب الفصااااااااام :( سليلة الورد الله يذكرك بالشهاده ذكرتيني بأدعية كنت غافلة عنها اخوي ساهر اقدر لك مرورك وان شاء الله بروح طبيبة نفسية قريب باذنه تعالى |
ياتهاني حتى انامع دخول الشتاءاحس بدت معي ااعراض نوبات الهلع مدري ياختي اتوقع لان الجسم يصيربارد والاقدم بارده يحس الواحدان اعصابه مشدوده ولايقدر الواحديحرك اطرافه ولايقدريصيطرعلى نفسه بعكس الصيف تحسين اعصابك مرتخيه وتتحركين بطلاقه بعدين الشتاءيغلب عليه الكابه والهدوء فعلاانااحس ان نوبات الهلع تزيدبالشتاء بعدين ليه ماتقدرين تروحين لدكتور محدابديدري عن الحاله اللي تجيك من اقاربك يتفهم الوضع ويوديك؟
|
انا من دخل فصل الشتاء وانا وربي تعبانه حدي
وعلى طول خايفه واكره الاجتماعات وابكي واصرخ بس كنت افتكر اني بس انا الوحيده اللي اعاني و يوم سألت لقيت الكل اللي يعاني الحمدلله على كل حال يارب يشفينا جميعا ويخلصنا من معانتنا ويكون مرضنا تكفير لذنوبنا |
اقتباس:
ان شاءالله اذا قلتو هالادعية مارح يضركم شي بإذن الله :) |
اختي اتعبني القلق
أنا اعتقد مثلك تماما .. البرد له دور كبير وبالنسبة للذهاب للدكتور ان شاء الله اقتنع زوجي وبيوديني اختي همس انثى الله يشفيك ياغاليتي بس لاتتركين القران والاذكار اليومية وتحاشي البكاء والصراخ ترا يزيد الحاله اختي سليلة الورد شرفني ردك |
اختي تهاني
ابسئلك اذانتي صمتي العشر او كنتي تنوين تصومين |
سلام اخباركم كل عام وانتم بخير
تصدقون صار لها سنة وزيادة ماتجيني لاأخذت دواء ولارحت طبيب طبي الله وربي الله لكن لها يومين رجعت لي لأن حالتي النفسية تعبت .. وفعلا اكتشفت ان التفكير العميق يثيرها وايضا الوساوس والغضب والإستسلام لها يزيدها اكثر . المسألة تبي تحدي .. |
اقتباس:
ماصمت بس كنت ناوية عذر شرعي وربي بس صمت عرفه |
لحن الاماني
اعطيني طريقتك اذا امكن |
الله يشفي الجميع ويشفيك يا تهاني انا قصتي مع الهلع قبل سنه استعمل علاج سيبرالكس حبتين والحال احسن من اول ولي عودة مفصلة ان شاء الله
|
اعاني من قبضة قوية في القلب أقل من الثانية كل عدة ايام مره بعدذلك تعرق ما تفسير ذلك وتفكير دائم بالموت وتحاشي سماعه ؟؟؟؟؟؟؟؟؟؟؟؟؟؟
|
اللهم اشفنا جميعا
حتى اانا اول مااشتدت مع بداية الشتاء العام الى هذا اليوم لكن ربنا رحيم وانا انصحكم باللجوء لله عزوجل اولا واخيرا وكذلك انصحكم بضروررة الذهاب للدكتور ويجب استخدام العلاج وبكل شجاعه وقول ((بسم الله الذي لايضر مع اسمه شيء في الارض ولا في السماء وهو السميع العليم)) وقول(( والله خير حافظا وهوارحم الراحمين)) وقول ((بسم الله الشافي المعافي)) عند استخدام العلاج ويجب اتباع كلام الطبيب بدقه |
اقتباس:
هذا اسمه خفقان وهو ناتج عن اجهاد الجسم بالتفكير المستمر لان الواحد اذا استمر بالافكار المخيفه يظل جسمه مشدود وتتضاعف حركة الدوره الدمويه ممايزيد من خفقات القلب هذا الاعراض جاتني وقالت لي الدكتوره هذا اكلام وعطتني علاج طبيعي على مااتذكر في اسمه كلمة ((جنسينك)) حبوب خضراء بس قبل اي شي هل استخدمتي شي لعلاج حالة الهلع؟؟؟؟ ويااختي تهاني لازم تروحين للدكتور واذا ماقدرتي مالك بعد الله سبحانه الا انك تكتبين كل شي يمر بك وكل شي يزعجك واياك والعزله انتبهي لاتعتزلين الناس ولا تنطوين الحاله الي جاتك تبي تقطعك من العالم الخارجي عشان تستفدر بك انا كذا سويت وزادت حالتي سوء وماتحسنت الا يوم اختلطت بالناس ولاتفكرين كثير بالحاله الي فيك واذا ماقدرتي حاولي توجهينها توجيه ايجابي مثلا تقولين ((الله بلاني بهذي الحاله لانه يحبني وعشان يكفر عني سيئاتي وباذن الله اني بتشافى بدعي ربي يشفيني والله قادر على كل شي وحالتي ولا شي قدام قدرت الله)) وصدقيني كلنا مثلك وباذن الله عزوجل بنكون يد وحده ضد هذا المرض اللعين ونحن الاقوى نحن اقوى من هذا المرض لانه مجرد وهم تافه يسيطر على الانسان في لحظة ضعف والله قادر عليه وتوكلنا كله واعتمادنا كله عليه تبارك وتعالى |
اختي تهاني سئلتك هألسؤال عشان ابي اعرف انا نفس الاعراض تجيئني لانك قلتي يوم دخل شهر الحج ياخوان وياخوات انا الاحظ ان اعراضنا تزيد عند كل مايجي ايام فضيله ونكون نوينا نتقرب فيه الي الله شفتن هذا يدل عل ايش انها افكار شيطانيه عشان كذا لازم نكثف القراءه والاستغفار والورد اليومي ومانخلي لعدو الله وعدونا اي سيطره فى حياتنا يحبطنا عن العمل ومثل ماقلتي ياختي تهاني انتي كنتي فى مناسبه فى العيد مع الاهل انا مرت عي هذي الحاله ولو طاوعت نفسي اعتزلت عن الناس والاهل والاقارب لكن (معصي)للشيطان اعوذب الله منه لاتستسلمين ولا انصحك ياختي بالادويه انتي الدواء عندك (بالقران +الدعاء+التقرب من الله بالطاعات +الصدقه )وان شاء الله بتشوفين التحسن (فرج الله قريب)
|
اختي الغالية تهاني ممكن نتواصل على الإيميل
أو ي وحده من الأاخوات الغاليات .. لإني فعلا محتاجة اتكلم اكثر وبوضوح .. مضاااايقة كثير والحمدلله رب العالمين |
اختي لحن الاماني انتي موجوده ردي
|
مثل ماقالت اختي لحن الاماني
حنا محتاجين نتواصل فى الايميل بس شلون الاداره ترفض وضع الايميلات انا مستعده اتواصل معكم ياخوات بس ابي موافقه من الاداره |
مساء الورد...
اخواتي الغاليات ممنوع وضع الايميلات فنرجو الالتزام.. موفقات يابعدي.. |
اي موجودة
شلو نتواصل |
ابعرف ليش الخاص مقفل
|
اخواني واخواتي الكرام ،،،
كثر في الآونه الأخيره اللغط والخطأ والخوض في أمور مفروغ منها ويجب أن نترفع عنها ، كوننا أناس بالغون راشدون لا نحتاج الى وصايه ،،، واسمحو لي ايها السادة أن اضع بعض النقاط هنا ، والتي اتمنى الإلتزام بها ،،، 1- ممنوع وضع الروابط التي تدل على مواقع بغرض الدعايه ، وعليه فإن أي موضوع يحتاج العضو لوضع رابط من خلاله فعليه أن يأخذ الإذن من الإداره بذلك ، وليس عليه غير أن يقوم بإرسال رساله لنا من خلال ايقونة ( اتصل بنا ) ، وسوف نعطيه الحق بنشر الرابط او لا ،، أما بالنسبة لروابط المنتديات فهي ممنوعه منعا تاما لأي سبب .... 2- ممنوع وضع روابط فيها أغاني ، أو صور غير مناسبه . 3- للمشرف الحق بحذف أي موضوع يراه مكررا دون الرجوع الى صاحبه ، وما على صاحب الموضوع غير أن يعترض من خلال ملتقى الشكاوي ، وسوف أرى انا الموضوع وأقرر حذفه نهائيا من عدمه . 4- ستقوم الإداره آسفه بإستبعاد أي عضو يقوم بخلق المشاكل في الموقع ، ذلك حفاظا على الهدوء في نفساني . 5- كل من ينال 3 إنذارات خلال الشهر الواحد سيقوم الموقع بإستبعاده فورا من نفساني وبصورة اوتوماتيكيه . 6- أي خطأ يتم توجيهه للمشرفين سيستحق العضو انذارا عليه ، وأي إثارة للمشاكل خارج ملتقى الإقتراحات والشكاوي ، سيستحق العضو ايضا انذارا عليه . 7- ممنوع وضع الإيميلات في نفساني ، وأي عضو يضع إيميل سيتم استبعاده فورا من نفساني . 8- للإداره الحق بتعديل أو حذف أي موضوع يرونه مكررا او بغير مكانه ، أو لا يليق بالموقع . نرجو أن يتم العمل بهذا الموضوع ابتداءا من نشره في الملتقى العام ،،،،، موفقات يابعدي.. |
موافقات يالغالية ..طيب شلون نتواصل ..
افتحو الخاص نبي نرسل |
حبيبتي انتي..
الرسايل الخاصه مقفله وهاذي من قوانين المنتدى.. |
اختي نجلاء الهاجري
حنا فى السمع والطاعه لكن نبي منكم التعاون طيب شلون نتواصل صدقيني حنا محتاجين لبعض وخاصه حنا الحريم لازم نتواصل في اشياء مانقدر نتكلم فيها الا مع بعض طيب عندي اقتراح ليش ماتضعون لنا قسم خاص لنا انا فى منتدي اسلامي واضعين لنا قسم للنساء فقط وبكذا يكون لنا خصوصيتنا مشكور ه ياقلبي وارجو منكم التعاون لان حنا بمنتدي نفساني نحس اننا بعالمنا الخاص اللي يعرف عنا الا مايعرفه اقرب الناس لنا الله يدومه ومن الافضل للافضل ويجزئالله كل من قام عل تاسيسه ويجعله فى موازين حسناته |
اقتباس:
الله يجزيس الجنة يالغلااا ابشري ابرفع طلبس للاستاذ الحوراني |
اختي نجلاء
فعلا احنا محتاجين لبعض واللي يبي قلة الحياء والمسخره مب مدورها هنا عند المرضى النفسيين وأنا وحده منهم يروح يدورله وحده صاحية !!!!حنا محتاجين لبعض ونتعرف على بعض وممكن تنزاور كمان انتم حارمينا من وضع ايملاتنا وآمنا بالله قلنا طيب لكن رسايل خاصة ممنوعة بعد ليش؟ مو قد منتدى لاتفتحونه !!! من جد والله يمكن كلامي قاسي لكن هذا الصح كل منتديات العالم تخلي الرسايل الخاصة وقلت لك اللي يبي الاستهبال مب مدوره هنا على العموم اعتذر لو غلطت بكلمة ولاشي على احد لكن ياليت يوصل صوتي للاداره لانه مافيه شي نتعاون خصوصا احنا النساء بين 4 جدارن وقدام هالشاشه ندور فيها علاج اماالرجال يركب سيارته ويروح اقرب عياده ولا حتى لأخوياه يفك عن نفسه الحمد لله على كل حال بس :( |
خواتي الغاليات الله يهون علينا جميعاً
اليوم ضاقت علي الأرض بما رحبت لأسباب كثيرة سبحان الله اكتشفت أن النوبات والهلع مايجي دون سبب حتى لو سويت نفسي مومضايقة والوضع طبيعي عندي يكون داخلي مادري الا جايتني النوبة ودريت وقتها ..استعنت بالله واستغفرت وغيرت المكان .. |
يو الله صادقه اختي تهاني
طيب خلاص انتم يالاداره اعطونا ايميلات بعض بموافقتنا طبعا انا موافقه انكم ترسلون ايميلي للاخت تهاني وكل الاخوات اللي يبون فقط اخوات يليت تتعاونون معنا لان بالفعل محتاجين لبعض وووووووووووووووشكرا |
اختي منى اشكرك..... نعم استخدم سيبرالكس عشر شهور متواصلة لكن اللي تقولين خفقان لا اللي صاير يجيني كأن واحد يعصر قلبي مه او مرتين ثم تعرق شديد خاصة في الصيف اما قولك المرض اللعين اتوقع ما يجوز هذا الكلام ولك وللجميع تحياتي وتقديري
|
حتى أنا اتشرف بك يااختي فرج الله قريب
وكيف اوصلك ايميلي اتكنى من الاداره مساعدتنا وارسال رساله خاصه لي بالطريقة |
تهاني انتي موجوده
اش رايك نكتب ايميلاتنا الحين هههههههههههههههههههه الاداره نايمه امزح,>>>>>>واحده خوافه |
السلام عليكم
نوبات الهلع مثل باقى الامراض النفسيه تاتى نتيجة الضغوط انا بالنسبه لى مش مرتبطه اوى بالمواسم ولكن مرتبطه باوقات معينه وعلى العموم مش انتى لوحدك الى ما استمعتيش بالعيد انا كمان وللاسف نوبات الهلع جاءت لى فى العيد على شكل انى مريض بمرض قاتل الايدز رغم انىلم امارس الفاحشه ابدا تخيلى كانت ايه حالتى وعلى العموم انا شايف ان مافيهاش حاجه انك تراجعى دكتور وانه مش شطاره منك انك مابترحيش لدكتور ليه تعانى لوحد من غير تستعينى بحاجه تخفف عنك وبالنسبه لعدم شعور حد بمعانتك ده شىء طبيعى انا باعانى من الموضوع للاسف احنا فى مجتمع بيعانى من جهل نفسي فظيع المرض النفسي مجرد دلع او وسوسة شيطان بس احنا كلنا جنبك وبنساندك وادعوا الله العظيم رب العرش العظيم ان يشفيك
|
| الساعة الآن 01:15 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا