هذا الي حصلي
 

السلام عليكم ورحمة الله وبركاته
العزيز انا جاي وكلي امل من بعد الله سبحانه انكم راح تعطوني الجواب الشافي بأذن الله تعالى
انا حصلي حادث قبل قرابة الثلاث سنوات وبعدها عانيت من تعب شديد وقلق لمدة شهرين وبعد مارحت لدكتور نفسي شرحة له الحاله عطاني علاج سيروكسات وقالي استمر عليه لمدة من 6 شهور الى سنتين انا جلست عليه مدة سنه وشهرين تقريبا والحمدالله بعزيمه من نفسي تركته ورجعت حالتي الطبيعيه زي اول واحسن ولله الحمد لكن قبل قرابة اربع شهور صارلي حادث ثاني وجت الضربه براسي وبعدها دخت مدة لاتتجاوز خمس دقايق وصحيت ورحت للمستشفى والحمدالله سليم مافيني شي لكن بعدها بديت احس بصداع اليم ماقدر ارتاح منه جلس فيني قرابة الثلاث شهور وسويت كل شي حتى الاشاعه المقطعيه سويتها المهم الحمدالله كل شي سليم لكن عندي مشكله بالاذان دايم تطلع اصوات لكن كشفت عليها ولام اجد شي فيها والحمدالله وبعدين قررت الذهاب للدكتور النفسي طبعا رحت لنفس المستشفى لكن ماحصلت الدكتور الي انا عالاجت عنده سابقا ودخلت عند واحد ثاني وشاف ملفي وعرف كل شي وسألي بعض الاسئله وقالي عندك هلع انت واخبرته اني ماقدر اشتغل اخاف اخاف اشتغل واتركه بعدين لاني قلق مادري ليه احس اني لمن اتوظف بدوخ او يصير لي شي لاسمح الله المهم الدكتور عطاني علاجات وهي xanax قالي هذا جرعه بالصباح وجرعتين بالليل مدة عشرة ايام وبعدين جرعه بالصباح وجرعه بالليل ثم تتوقف عنه والان انا متوقف عنه الحمدالله خلاصت المده والثانيات هم salipax و cymbalta قالي استمر مدة ست شهور عليهم ثم تدريجين تتركهم يعني بعد ست شهور يوم وراء يوم اول شهر وبعدين ثاني شهر يومين ثم تستعلمه وهكذا
لكن المشكله الان لي قرابة ال28 يوم ولمن اجد اي تحسن ومن الاعراض الي حصلت لي صار عند امساك اليم بطني مره الايام هذي احسه مو لي
ولا ادري مالاسباب ارجو انك تعطوني الجواب الشافي لاني كل يوم احس بالموت احس انه لمن اصحى الصباح ماراح اعيش لليل وهذي حالتي علمن بان الدكتور وصف لي العلاج بعد العشاء وانا من يوم اصحى وانا حالتي حاله من الاكتئاب والقلق واحيانا ضيق تنفس وعلى فكره كد ارتفع ضغطي وصل 178 على 120 طبعا هذي قبل لاروح للدكتور النفسي المره الثانيه بأيام قليله

وعليكم السلام ورحمة الله وبركاته ...

سلامات وما تشوف شر اخوي الغالي ابراهيم ....

ربي يشفينا ويشفيك وجميع المسلمين ....

اخوي اللي فيك فينا وربي يشافينا...وتصدق نفس الحاله ..نادوني للوظيفه وماادري شلون بداوم ...يا اخي والله خاصة هاليومين احس في شي غلط بقلبي ..استغفر الله العظيم ...وطبعا سياره ما اقدر اسوق بس هاليومين قاعد احاول اروح اماكن قريبه ومعاي احد مو بروحي...المشكله ان دوامي يتطلب اني اطلع بره الاداره يعني عمل خارجي مو داخلي فالتعب يكون مضاعف ...للعلم انا توني مبلش من اقل من شهر تقريبا بالسيروكسات سي ار ...وما خذيت مهدئ الا مره وحده وهاليومين ودي اخذ من هالاعراض الخفيفه ...بس مادري ليش خايف من الزانكس او اللوكستانيل مابيهم يدخلون جسمي بكميات كبيره ....ياخوي تأكد ان اللي فيك فينا ...وكلنا نعاني ..لازم نوقف وقفه جاده بالموضوع الا وهي علاج مكثف لمدة 3 شهور .... دوا ويفضل سيروكسات او سيبرالكس ...+ علاج سلوكي معرفي + رقيه شرعيه وتقرب من الله ....وان شاء الله نتشافا ونخف...آمييين يارب العالمين ...

وبعد ال 3 شهور تخفيف العلاج ...

بس نبي حل لمشكلة الدوام ...يعني تتوقع لازم يكون مريض الهلع بطالي ..!!

هلا أخي ابراهيم الله يشفيك ان شاء الله
بالنسبة لحالتك فهي زي ما قاللك الاخ ممكن ارجع الله يجزاه كل خير يعني الي فيك فينا (الأكتئاب )ربي يرحمنا منه
وبالنسبة للادوية الي تستعملها فهي جيدة ومهدئة بس بدها مدة حتى ياخد عليه الجسم وتستفيد
أنا صارلي حوالي السنة بستعمل السيبرالكس 10غرام ومن شهر ساءت حالتي لدرجة فكرت بالانتحار راجعت الطبيب وزادلي الجرعة الى 20غرام لمدة تسع شهور مبدئيآ دون انقطاع
والحمدلله صارلي يوميين حالتي مستقرة نوعآما وطبعآعندي هلع من جديد بس الحمد لله على كل شيء
أنصحك بالاستمرار على أخذ الدواء بإنتظام وإن شاء الله بستفيد
ربي يشفيك ويشفينا وجميع المسلمين
وأتمنى أني أفدتك

الله يعطيك الف عافيه وان شاء الله كلنا مانشوف شر يارب
لكن عيون غريبه انا مافهمت قصدك يعني قصدك اني بعد 9 شهور راح تتحسن الحاله ولا كيف
انا حاليا لي شهر على العلاج ولمن اشوف التحسن كل الي اشوفه انتكاسه ماشفت التحسن حتى اني اكل العلاج
وماله اي اثار علي وعلى فكره السيروكسات انا تاركه اكثر من سنه الان والدكتور وصف لي علاج ثاني غيره اروجو ان تكون الصوره وضحت لكم

لاأخي ابراهيم أنا قلت الدكتور وصفلي ياه لمدة تسع شهور يعني ممكن يزيد المدة أذا شاف ما في تحسن أويغير الدوا والسيبرالكس المفروض يعطي نتيجة بعد استعماله باسبوعين وله آثار جانبية مثل العصبية الزائدة وغثيان وزيادة في ساعات النوم أوأرق حسب كل جسم
يعني إذا صارلك شهر بستعملو وما استفدت فلازم تراجع الطبيب أما اذاصارلك اقل من شهر فإصبر شوي يمكن تستفيد لما ياخد جسمك عليه
وربي يشفيك ان شاء الله

كل الاعراض الي تقوله انت جاتني بالعكس يعني قل نوم قل غضب والاهم من ذالك كله الامساك الشديد :(
الان لي شهر بالضبط استعمله ولا صار شي

أنصحك بمراجعة طبيبك
والله يشفيك ان شاء الله

الله يعين يارب يعني انت مجرب هالعلاج salipax و cymbalta هذا ونفع معاك الحمدالله

أخي ابراهيم نعم أنا الآن أستعمل السيبرالكس والحمدلله شفت فائدة عليه بس لما أنسى جرعة واحدة أرجع أسواااااأ من الاول
على فكرة أنا أنثى

أخي إبراهيم لماذا تريد أن تقارن حالتك مع الآخرين ؟ طيب إذا أنت لم ينجح معك الدواء وهم نجح معهم ، هل ستستسلم ؟ الإكتئاب والأمراض النفسية عالم واسع . المهم إن لم يفلح علاجك مع طبيب ، راجع طبيبا آخر.ليس من الممكن أن تبني حالتك على حالات مرضى آخرين ، قد يكون تطابق في الأعراض لكن إختلاف في كيفية العلاج ،كل حسب حالته والظروف المحيطة به ، لكن لا تيأس لأنك إذا فعلت ذلك فستغذي مرضك أكثر وأكثر، ثم ليكن رجاؤك في الله وأن الدنيا دار إبتلاء ولم يسلم من ذلك حتى الأنبياء. شافاك الله وعافاك.

انا لم اقارن اختي الولافي
طيب ياختي عيون غريبه رايك اغير الدكتور ولا ارجع له ؟

أخي إبراهيم أنا أولا ذكر ثم أنا أريدك أن تتصور معي إنك إقتنعت أن حالتك مثل شخص ما وعرفت الدواء الذي يأخذ وقال لك هذا الشخص أنا أحس بتحسن كبير، فذهبت عند طبيبك وقلت له إوصف لي الدواء الفلاني لأن فلانا تحسن به، هل تعتقد أنه سيوافق ؟ لا بالطبع. لكن أنا أخذت بنصيحة طبيبي الأخير وهو أن الدواء إذا لم يشعرك بتحسن بعض مضي شهر أو كانت أعراضه الجانبية لا تخف تدريجيا ، يجب أن تطلب من طبيبك تغييره فإن لم تكن نتيجة غير الطبيب وابحث عمن هو أوثق وأكثر خبرة منه.

مشكور اخوي ولافي وهذا الي يبي يصير ان شاء الله

معليش اخوي واخوتي اللي رديتوم عليه ..اتعالج ايه وراجع دكتورك اذا انت ارتحت له

تمام ..بس ابقلك شئ..والله في مصلحتك ..وممكن تتحمل كلامي ..شوف

اخوي ..اكيد بتضل تعبان وقلق حتى لو اتعالجت عند دكتور !اقلك ليش

لانك ..اعذرني ..لانك متعب نفسك صح يمكن مو بإرادتك انا معاك فهالشئ بس كمان

لاتحمل نفسك الغم والهم وانك توسوس انا بموت انا مراح امسي ..؟توكل على الله

وريح راسك من التفكير في المستقبل والله لو نركن للتفكير والرحيل والموت راح

نجن واكيد ماافي واحد مايفكر بس خفف على نفسك اشغل نفسك ..اتعبها جسديا

حتى ترتاح فكريا ..صدقني ..لاتقول لانكم مو تعبانين والله محد مرتاح كلنا تعبانين ..الا

اننا لازم ..نحاول نصمد نعاند الهم ..نتقوى عليه ..معليش تحمل كلامي لانه في مصلحتك ..

خلي تفكيرك اجابي انا بإذن الله عمري طويل على طاعة ربي تزود بالاعمال

الصالحه ..اقرا قران اقرا الاذكاار ..الزم الاستغفار ..قم الليل ..اخرج ..لاتنتظر الالم ولا

تتحسس وجوده طنش ..وقل انا متوكل على الله

عمري بيدالله ..حاول ..وكلنا والله بس نحاول حاول تعيش بسعاده ..


الله يشفيك ويرفع عنك ويبدل همك سرور وغمك راحه وحيرتك صمود

وتفاؤل ..ويسعد ويشفي كل من رد عليك ..آمـــــــــــــــــــــين ..

والله يا أخت خلجات نفس كلنا نريد أن نفعل ما تقولين ..لكن لا أعرف كيف سأفسر العجز الذي يصيبني، لا أستطيع أن أذهب حتى إلى السوق لقضاء مشتريات البيت ، ألا في الضرورة القصوى ، أطلب ذلك من مستخدمي في العمل ، أحس بالأغلال عندما أريد الخروج وملل رهيب قاتل . بالله عليك هل هناك عاقل في الدنيا يرى مقاولته مديونة ويتركها كذلك ؟! مع أني أعلم أنه بقليل من المجهود والنشاط ومتابعة العمل ستتحسن الأمور. أريد أن أشتري تلك الرغبة دلوني على سوقها أريد النشاط ، أريد أن أخرج لمقابلة الناس وعقد صفقات ، متابعة أشغالي ، زيارة الأصدقاء ، التواصل الإجتماعي. حينما كنت أضغط على نفسي للخروج في بعض الأيام منأجل العمل أحس بحريق يسري في عروقي و تعب إعياء كأنني حفرت جبلا وملل قاتل ، وأنتظر بفارغ الصبر أن أعود للمكتب. أرجو أختي إن كنت من الذين عانوا من هذا المرض وشفوا أن تفيدينا بتجربتك. وجزاك الله خيرا

اخوي ولافي ..

شوف اخوي ..انا بدلك على شئ اكيدانت خذالعلاج بس ..ادعي ربك يشفيك صلي في اخر الليل ..
فالله قريب مجيب ..للذي يدعوه ..واذا كنت ماتقدر ..حاول افرش السجاده وادعي وابكي يارب انت ملاذي يارب انت تعلم بحالي ..يارب خذ بيدي يارب اشفيني وعافيني ..والبسني ثياب العافيه واي دعوه ناجي ربك وادعي ..كل واحد مننا فيه شئ اكتئياب هم مرض ..خوف المهم ..نتوكل على الله ونيقن بالاجابه ..

سؤال انت تقدر تصلي والا تتعب ..اذا تقدر تتهجد ..فالليل فهذا خير عظيم بس صلي وادعي ..اعرف احيان الكلام هين مو زي التطبيق بس لازم الانسان يقوي نفسه ..ترى محد مرتاح الكل يعاني لكن الفرق في نوع المعناة

حاول تمارس اشغالك بنفسك ومعك احد مثلا ..عادي الناس من تراب وش عليك منهم ..اعرف مو بكيف الانسان

بس انت قول كذا انا بحسس نفسي انهم ولاشئ ..اذا حملت همهم وانهم كل شئ بعدالله اذا احتاجوني واحتجتهم ..

حاول اخوي ..

قوي علاقتك بالله وخلي خوفك منه وصلتك به ...

الله يشفي كل مريض ويلبسه ثياب العافيه ..اللهم آمــــــــــــــين

صحيح كما قالت الاخت خلجات الدعااء مع اليقين والثقة بالله يفرج كل هم وكرب وكذلك لزوم الاستغفار .. فالله لايعجزه شئ وقادر على ان يقول للشئ كن فيكون ..

فالدعاء مخ العبادة، وقمة الإيمان، وسرّ المناجاة بين العبد وربه، والدعاء سهم من سهام الله، ودعاء السحر سهام القدر، فإذا انطلق من قلوب ناظرة إلى ربها، راغبة فيما عنده، لم يكن لها دون عرش الله مكان.

وقد كان يقول عمر بن الخطاب رضي الله عنه: أنا لا أحمل همَّ الإجابة، وإنما أحمل همّّ الدعاء فإذا أُلهمت الدعاء كانت الإجابة معه.

وصدق الله العظيم إذ يقول: وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون (186) (البقرة: 186).

فقط اصبروا واستمروا على ذلك وسترون النتائج التي ترضيكم باذن الله ..

الله يشفييك اللهم امي

شكرا أختي خلجات نفس وأخت أم عمر.. نعم ما تنصحوني به . مسألة الدعاء والتعلق بالله والتوكل عليه مبدأ من مبادئ المسلم يعيش عليه ويموت عليه ،، أنا أعرف أن صلتنا بالله ضعيفة ،وربما نجني ثمار خطايانا ، وحتى إن لم يكتب لنا الشفاء فنحن عباد لله يفعل بنا ما يشاء ، ونقر يقينا أن ما أصابنا لم يكن ليخطئنا وما أخطئنا لم يكن ليصيبنا .لكن يا أخت خلجات نفس لا بد أن تعرفي أن المكتئب ليس هو من إختار التقوقع أو الوساوس أو التفكير السلبي أو الإنعزال ، هذا مرض قدر عليه لا بد له من علاج ، مثله مثل أي مرض ، لايمكن أن تقولي لمن أصيب بكسر في رجله وهو يتألم ، قم أترك الأفكار السلبية وادع الله أن يشفيك.. لأنك تعرفين أنه لا بد له من علاج ، لأن الأمر سيصبح تواكلا ; لأنه معروف أن الأخذ بالأسباب من التوكل. الأمراض النفسية لا زالت غامضة على الكثير ، بل هناك من لا يؤمن بها البتة.. أنا كنت منهم.ولازلت أسألك هل مر بك الإكتئاب من قبل؟

الله يشفيك وانصحك ب30 دقيقه هروله يوميا

الله يعطيكم الف عافيه يارب ويكثر خيركم وان شاء الله بسوي الي تقولون وعسى الله يعطيني الحيل اسويها :(

اخوي الله يشفيكم ويعطيكم العافيه ..انا لم اقل لك لاتتناول العلاج ولم اذكر ان المكتئب ليس بمريض فقط قلت تقوية العلاقه بالله في اي مرض تساعدعلى الشفاء لانه وحده هو من يستطيع تفريج مانحن فيه ..

الله يشفيكم ويلبسكم ثياب العافيه

اكيد طبعا الشفا من الله وحده سبحانه