|
د.رعد الغامدي ودي باستفسار منك
دكتور رعد ودي اناقشك بحوارج الانقباض ممكن اولا لو سمحت
|
أبشري ياأخت غموض انثى بأي نقاش ولكن لاأدري ماهي حوارج الانقباض؟؟ ربما لو أعطيتيني الكلمة بالانجليزي أو شرحتي ماهي يكون أفضل |
طيب يادكتور الضربة الاضافيه يعني احس قلبي وقف لحظه وبعدين ارجع بنبضه قوية بالحلق اعتقد اسمها اكسيت سيستل االخارجة عن نظام نوع من انواع الخفقان وهي سببت لي الهلع بجنوووووووووون
|
أها اسمها اكسترا سيستول يعني خفق إضافية تأتي وسط الخفقات المنتظمة وتكون قوية ويتبعها توقف بسيط ثم استمرار الإيقاع وقد تتكرر لفترة نصف ساعة أو أكثر وقد تستمر يوم كامل أو أكثر وتذهب وتأتي لوحدها أختي الكريمة هذه حالة غير مخيفة طبيا رغم انها مزعجة ومخيفة لصاحبها لأنه يشعر بانقطاع النفس وغصة بالحلق أو شهقة خفيفة ويصبح يخاف من توقف القلب أو تسارع ضرباته سببها هو القهوة أو الشاي أو الكولا (مادة الكافيين) أو الإجهاد والتوتر والقلق وقلة النوم وربما بدون سبب ولا تحتاج علاج سوى الطمأنة وقبل الطمأنة يفضل عمل تخطيط مدة 24 ساعة للقلب وهو المعروف بجهاز هولتر للتأكد من التشخيص وهو متوفر في أغلب عيادات القلب والمسألة بسيطة ان شاء الله |
اخوي رعد اشكرك كثيرا الله يوفقك بعطيك معلومات
انا رحت لاستشاري قلب برياض بمستشفى مركز التخصصي الطبي بطريق الملك فهد وعمل تخطيط وايكو وهولتر وتحاليل ويقول القلب سليم لكن سليمة وحميدة وماتموت هل كلامة صحيح ورحت لاستشاري كهربا وقال لاتحتاج علاج دكتور عبدالمحسن المساعد ومعي هالضربات من اربع سنوات هل تضر الحمل والولادة ااو لا وشكرا ربي يوفقك يادكتور رعد وانت تخصصك ايش بالطب وبسال هل ي ضعف بالقلب او نشاط وهل ستبقى معي هالضربات طول العمر |
اختي الكريمة انا تخصصي عام وفي الطريق لاختصاص النفسية بالنسبة لحالتك لا تخافي ماتأثر على الحمل ولا يأثر عليها الحمل لكن بسبب انها استمرت 4 سنوات وسببت لك ازعاج فأنا أنصحك تعملي دراسة كهربية للقلب وهي مثل القسطرة وان شاء الله آمنة واذا وجدو عندك نشاط لبعض الأعصاب في القلب ووجدو انه نشاط زائد وغير مفيد فإنهم يعملوا له كي وتختفي هذه الضربات لكن أنصحك تعمليها في مركز الأمير سلطان لأمراض وجراحة القلب في العسكري هناك 3 أطباء ممتازين فيها وهم الدكتور أيمن الخضرا والدكتور حباب والدكتور أحمد الفقيه ونظاما يحق لأي مواطن سعودي العلاج في مركز القلب وليس فقط العسكريين خذي تقرير طبي يثبت ان الحالة مزمنة (لها 4 سنوات) وان الكي يفيد معها واذهبي لمركز القلب لقسم أهلية العلاج وان شاء الله يقبلونك وتتعالجي وترتاحي |
دكتور ممكن سؤال
اول شى مساك الله بالخير |
دكتور رعد انا الى يتعبنى التوتر والقلق اقعد افرك ايدى وقلق عام عندى وهالشى اذا بدأ عندى دكتور اتضايق وابدى اهوجس وانا اساسا عندى توهم مرضى يعنى اذا كحيت بس واويلاه او اى تعب اضخم الامور بشكل غريب
|
الله يمسيك بالنور أخوي
أنا أشوف ان عندك وسواس أكثر من الهلع أو يمكن الاثنين مع بعض هل تاخذ أي أدوية؟ وكم الجرعات؟ |
صح دكتور انا وسواس اكثر من الهلع وخصوصا انى فاضى ماعندى شغل وقاعد حق نفسى مسوى تنمنيتر على جسمى انا اراجع عند دكتور نفسى وقالى ان الظروف الى انا امر فيها اهى الى مسببه هالشى وقالى حالتك ماتحتاج دواء وانا مرتاح انى ما اخذ دواء
بس دكتور هل التوتر والقلق يؤدى الى اشياء خطيره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
أكيد أخوي الكريم
التوتر والقلق الزائد والمستمر يسبب الضغط والسكر والقلب غير الامراض النفسية المشكلة هي ان الحياة كلها توتر في توتر لكن اذا الواحد مسيطر على التوتر وقادر يتعايش معاه بهدوء فلا مشكلة واذا قادر يتعايش بدون دوا كان بها واذا ماقدر لابد من الدواء |
الله يبشرك بالخير يادكتور
شكرا الحين اعتفست زياده |
هههههههههههههه
ماكان قصدي والله بس أبيك تبتعد عن التوتر وتروق المانجه يعني أكذب عليك واقول التوتر حلو؟ |
لا يادكتور انا قاعد اقولك عندى توهم مرضى وانت دكتور مو عضو عادى وكلامك ثقه فلما تقول هالكلام يعنى خلاص تمسك بالراس واقعد افكر بهالكلام على طوووول وعقلى يودى ويجيب انا اقولك الحاله بالظبط نا تجينى اوقات اتوتر فرك الادين والتفكير السلبى بكل هدوء ماتحرك ولا اطلع من مكان الى مكان اجلس مكانى اذا توترت دكتور انا على حسب الظروف الى فينى لانى ظروفى مو زينه والتوتر ولله الحمد قل وعرفت اتعامل معاه افضل من قبل يعنى هالكلام الى تفضلت فيه لو قايله لى قبل شهرين كان تلقانى طفيت الكمبيوتر ورحت المستشفى افحص بس انا تقبلت كلامك وحاولت اهدى نفسى واقنعت نفسى ان لن يصيبنا الا ماكتب الله لنا والتوتر الحمدالله مازاد معاى الحين وانا الصراحه مستغرب من الهدوء الى انا فيه يعنى قبل كنت 24 ساعه توتر وقلق اما الحين تجينى فترات قليله فاليوم ومو كل يوم وماتجينى مثل قبل بس
|
بالنسبة للضربة الزايدة دي يا دكتور رعد انا تجيني كل فترة يعني كل حين ومين زي ما بيقولو بس احس انها تزيد لما تزيد حساسية الجيوب الانفية عندي حيث اني اعاني من حساسية جيوب انفية مزمنة و تالها حساسية خفيفة في الصدر ولله الحمد فهل في علاقة بين الضربة الزايدة هذة والحساسية الانفية
|
أخي افرجها يارب:
لاتوجد علاقة بين الضربة الزائدة وحساسية الأنف وحسب وصفك مايحتاج انك تقلق انا تيجيني هذه الخفقة ولا اهتم لها. أما انت ياأخي رجل ضد الهلع فإني أهنئك على ماحققته من تقدم في محاربة التوتر ولكن ياأخي الفاضل انا طبيب ودوري هو أن أوعي الناس بالمخاطر الحقيقية واساعدهم في الاطمئنان في حالات الفهم الخاطئ فأخبرهم بأن هذا الخطر حقيقي وذاك الخطر وهمي ولكن ليس دوري ان أثبت لك كلامي أو اطمئنك فاليقين والطمأنينة هي مسؤليتك انت ولا يحققها لك طبيب أو خلافه وانما انت من تطمئن نفسك تمنياتي لك بالتوفيق |
شكرا دكتور رعد صح كلامك محد يطمنك الا نفسك انا بيدى كل شى بعد الله سبحانه
انزين ممكن تعطينا طرق للخروج من التوتر مع انى عارفها كلها هههههههههههههههه |
هههههههههه
الظاهر انك تعرفها أكثر مني والله ياخي الحبيب ان الطبيب انسان وحاله مثل حالكم وماهو أحسن منكم الله يفرجها علينا وعليكم آمين |
الله يعطيك العافيه يادكتور
بس انت تدرى الوسواس وشلون يلعب بالانسان الواحد يحتاج تطمين بس لا اكثر مشكور على اهتمامك يادكتور |
ولله يا دكتور رعد خوفني كلامك بخصوص انه القلق يسبب ضغط وسكر
خصوصا انه عندي اكتئاب ويمكن رهاب وممكن فوقهم ضغط وسكر يعني اصير كامل الاوصاف !!! اصير طول اليوم ابلع ادويه !!!!!!!!!!!!!!!!!!!!!!!!!!!!!!!!!!!! |
ههههههههههههه رونالدو انا قبلك بس دقيت على الدكتور النفسى الى اعالج عنده وقالى مو شرط وهالحالات نادر ماتكون وزفنى قالى لاتسمع اى كلمه واطبقها عليك
واهم شى قل لن يصيبنا الا ماكتب الله لنا |
ههههههه...........منو هالدكتور؟؟
والله مرات تلاقي واحد خذها يومين ويقولك عفست مخي ومرات تلاقي واحد يقولك اخذت الادويه 30 سنه وما فيني الا العافيه شي يحيررررر |
اخوي دكتور رعد طلبت من الطبيب قسطرة ورااااااااااافض نهائيا حاولت في بشتى الطرق وبكيت عند دون جدوى قلت له يادكتور سو لي القسطرة قال لامولحالتك القسطرة لغيرك وانا متفهمة يادكتور رعد واخذت عنها دروس وانا ابي اسوي قسطرة رحت للحرس استشاري كهربا دكتورر عبدالمحسن
ويقول مستحيييييييييييييل تعبت والله ياليتك تتوسط لي عند طبيب ممتاز الله يوسعها عليك دنيا واخرة |
أختي غموض انثى
أحتاج اشوف تقرير طبي لك سواء من المركز التخصصي أو من الحرس أو غيره وأقدر ان شاء الله اساعدك بإمكانك تاخذي تقرير وتروحي لأي مركز طباعة يعمل له مسح ضوئي ويحفظه كملف صورة وتنسخيه في ذاكرة فلاش وتشطبي على اسمك وترفعيه على احد مواقع الرفع وترسلي لي الرابط أو ارسلي أحد بالتقرير لمجمع الأمل بالرياض لمدير الأقسام النفسية واكتبي عليه عناية الدكتور رعد الغامدي وابشري ان شاء الله اساعدك |
اخوي رعد ممكن اوريك نتية الهولتر وتقولي شنو موجود فيا بكتبها لك هنا والمسح الضوئي ابشر بسويهاعندي مسح ضوئي عند حماتي ينفع اسويا اولا
|
أوكيه ممكن
لكن هذا مايكفي عن التقرير لأني راح أعرضه لطبيب في مركز القلب وعلى أساسه راح يقرر القسطرة وأهميتها ومدى فائدتها فلو كانت مهمة أو مفيدة لحالتك فسوف يعملوها ولو كان خطرها أكبر من فايدتها أو ما منها فايدة فلن يعملوها مهما حاولنا لأن الممارسة الطبية تحرص على الابتعاد عن كل ماهو خطير بلا فائدة أو غير مفيد أصلا انا بانتظار نتيجة الهولتر والتقرير |
| الساعة الآن 10:29 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا