|
أعاني من مرض عضوي + الخوف
السلام عليكم ورحمة الله قبل الكلام أتمنى واحد مختص يبتدي معاي لأني فعلاً أحتاج نصيحة قبل ماأتدهور أكثر مو عارفة كيف أبتدي بس بأعرفكم بنفسي أنا عمري 32 سنة خريجة بكالريوس تربوي وعندي خبرات عمل كمعلمة كنت متفوقة في دراستي كثير وتفوقت لما أستلمت التعليم لفترات مقطوعة وتميزت لكن الآن كنت بصدد وظيفة ولكن تراجعت بعد حالتي اللي بأكتبها لكم تحت نقطة التحول من 14 سنة أتخرجت من الثانوي وببداية أول يوم دوام ماقدرت أدخل الكلية كان السبت اللي يوم الخميس قبله حضرنا زواج وأغمي علي فيه أغمى علي عند باب الكلية بعد في أقل من 48 ساعة مرتين إغماء لفيت لفة طويلة على الشيوخ والأطباء ومابقيت ولا شيء بالأخير بعد سنتين إلا شوي قرروا لي الأطباء مرض اسمه الوهن العضلي Myasthenia gravis ياليت تقرون عنه هنا أو بقوقل كود:
http://knol.google.com/k/%D9%85%D8%B1%D8%B6-%D8%A7%D9%84%D9%88%D9%87%D9%86-%D8%A7%D9%84%D8%B9%D8%B6%D9%84%D9%8A-myasthenia-gravis#المهم هذا المرض يسبب ثقل بالعضل كله بالجسم حتى جفن العين تقريباً أنا بخير وماعندي مشاكل كثير مثل المرضى للهم لك الحمد والله يديمها نعم ويحفظها من الزوال والعلاج اللي بنآخذه عبارة عن بنزين يمشي الجسم وقت الضرورة مو علاج كعلاج لأن المرض نادر وماله علاج شافي هذا المرض مع تجربتي وكلام المرضى عنه عدوه الخوف لما نخاف الرجفة اللي تجي تسبب شلل أكثر وأكبر طوال السنوات وأنا تمام ماعندي مشاكل تذكر حتى ماجاتني نكسة قوية إلا مرة كان سببها نفسي وهي زعل كبير كتمته كتمته وأنفجرت بنكسة أجلستني بالمستشفى أسبوع وتعافيت أهلي واللي حولي مقتنعين إنها عين صابني بعد الزواج وصادفت التفوق والكلية وووو لكن بداخلي حبيت أصدق إنه مرض عضوي عشان ماأتعب وماأتعلق بوهم ومشايخ متشيخة !! قبل أطلع مشوار أخذ حبة وأطلع أروح سوق وأتمشى وأقضي شغلاتي وحياتي مو ناقصها شيء ومو باين إني مريضة أصلاً لأن المرض مايبين بالشكل من ثلاث سنوات زدت الحبة إلى ثنتين لما أطلع مكان برى البيت وأخذ العلبة معاي لو أحتجت << ماأرتاح نفسياً إلا وهي معاي هنا بدت الحكاية بشويش صرت أخاف حتى لما أكون أقدر أمشي لازم أخذ حبة !!!!!! ليه طيب ؟؟ أنا أقدر أمشي !!حاولت أقنع نفسي ومانفع حاليا ومن أربع أشهر صار علينا حادث ماصار لنا شيء الحمد لله لكن ونحنا بنصدم في اللي أمامنا الخوف كله نزل بركبي تشهدت وسألت عن اللي معاي وماكان فيني شيء بس ماقدرت أنزل ومسكت حالي ونزلت وطلعت مع أخوي رجعنا البيت وماقدرت أنام صرت ماأحب أطلع من البيت ليومنا هذا يمكن مرات قليلة طلعت عشان علاج أمي للسكر وبس مارحت السوق ناقضني أغراض وماقدرت أروح خوووووف لما أسمع صوت السيارة برى قلبي يدق بسرعة ولما أطلع أبلع حبوب كثيرة والحبوب الكثيرة تضرني تسبب إسهال وأنتم بكرامة تسبب رد فعل عكسي للمرض ويزيد التعب !! مع معرفتي لهالأمر لكن عجزت أبطلها كنت أقدر أطوف وأسعى عادي ماقدرت من شهر أطوف إلا بكرسي وغصبوني أهلي على مشوار مكة لأنهم شافوني متضايقة كلهم سألوني وش صار فيك وماقدرتِ ؟؟ الصوت العالي يشلني الصراخ يشلني ماأحب حتى أمي تناديني صوتها وأنا تعبانة يشلني لولا خوفي من الله صرخت عليها لكن أكتم ماأبغاها تخاف علي أكثر من خوفها الحالي لاحطوني الصغار أولاد أخوي كنت أطلع أمشي معاهم ونروح الملاهي وماأتعب ومارحت معاهم ولما أمشي شوي لبيتهم أتعب !!!!!!!!! أنا متدينة وأعرف الله وأصلي ومنتظمة ع الأذكار مرتاحة ببيتنا وأشتغل بالبيت وأطبخ وقايمة بأموري كلها ومحبوبة وإجتماعية بشهادة الكل أنا ناجحة ومحط أنظار بكل مكان أكون فيه أمي وأبوي كبار بالعمر معتمدين علي كلياً حتى أروح معاهم لمواعيدهم وأنظم أدويتهم صرت أخاف لما يطلبون مني طلب وماأنفذه أو أقول ماأقدر وأرتجف ويضيق تنفسي أنشلل من الخوف الخوف الخوف الخوف الخوف وبس عارفة مشكلتي ومن لما لاحظت إني لازم أزيد الحبات بديت أطور نفسي وأكتب كلمات أيجابية وأشحن داخلي وأسوي إسترخاء وأهدي نفسي لكن الآن مايفيد عجزت أسيطر على نفسي يمكن أنا شخصت حالتي وحاولت أحلها وللحين ماشية على العلاج النفسي !! إن صح أنتم أهل الخبرة أحاول أهدي نفسي وأطنش وأقرأ وووو لكن بأقول لكم وش أحس يدق قلبي بسرعة أحس أحد يمسكني بقوة ويدفعني لتحت تنفسي يضيق أعرق بكفوفي رجفة ومع الوهن يادوب أوقف !!! أو أطيح لما أطلع الدرج وأنا بهالحالة المعالج اللي امي تجبرني أروح له وعشان خاطرها أروح قال عين ثانية دخلت مع الأولى ومعاهم مس عاشقها ههههه وشغلات مرعبة كثير أحتاج مشورتكم لأني أثق إن حتى الشيء الروحي علاجه نفسي أكيد إني وصلت لحالة متطورة وأملي بربي أن يرفع عني ماأبتليت له شكراً لكم |
مرض الوهن العضلي هو مرض مزمن وكان الله في عونك ولا يوحد له سوى الأدوية التي توفر المادة العصبية اسيتايل كولين والاكثار من هذا الدواء قد يسبب برود عصبي واكتآب وتوتر عضلي انا لا أعتقد ان مشكلتك الحالية هي مرض الوهن وأرى ان الغالب هو الوسواس والمخاوف والتوقعات المحبطة وعدم القدرة على الثقة بالنفس ممكن تستخدمي دواء مثل سيبراليكس بجرعة 10 ملجم يوميا واستمري عليها 6 أشهر وان شاء الله تذهب المخاوف والوساوس وتابعي معي وان شاء الله خير |
^^
أعرف إن الوهن ماله علاقة أنا اللي مخربطة وحساسة من كل شيء اليوم رحت عيادة خاصة سبق ورحت لها من كم سنة لأني تعبت لما 2 من أخواني تمشكلوا مع بعض وتأثرت أنا وكتب لي اليوم السيبراليكس قال لأنك كل مرة تتعبي من القلق وماشريته للحين قلت أستشيركم بأشتريه وأشوف |
شكراً
بأتابع هنا أكيد نسيت أقول بالرغم اليوم إني تعبانة وتوهمت ووو ونزلت لولد أخوي بالسيارة وأنا مختنقة تمنيته يقول مانروح وأرجعي هههه لكن أجبرت عمري ورحت صح تصرفي مو ؟؟ الغريب بالأمر إني بس نزلني وقال مري الطبيب وعندي شغلة أخلصها وأرجع لك بالعادة ماأروح لوحدي أخاف رحت ونسيت وأمشي بالممرات ولا كأني تو كنت أرتجف من جد أحترت هههه |
بأسألك الدواء هذا يزيد الوزن ؟؟ |
ممكن يزيد الوزن وممكن لا
يعني بعض الناس يزيد عندهم الشهية، وبعضهم لا |
آها حسبت مثل الكورتيزون النفخة إجبارية زين ماعليه الشهية مقدور عليها وأهلاً بك في الطائف ديرتنا :D << قريت إعترافك :$ نفسي أكتب كلام كثير أحسه وودي أستشيرك دامك الموجود بالموضوع وأستحيت لاحظت عدد القراء يزيد مين يقرآ !!؟؟ |
مبسوطة كثير!! هههههه 00``00` الحمد لله الحمد لله الحمد لله حمداً كثيراً طيباً مباركاً فيه ساعة وشوي وأنا ألف بالسوق ماتعبت ونسيت التعب وأشيل أكياس وأمسك ولد أختي وأسولف معاهم وأتسيوق !! كان حدي مشوار المستشفى عشان أجلس بالممرات على كراسي الإنتظار وأكمل بعدين يعني هالساعة وشوي إنجاااااز مع حالتي قبل !! صح مو مثلي أول لكن تطوووووور من بعد التعب من زماااااان عن كذا أتسيوق بسوق البلد اللي كله طلعات ودرج يا رب لك الحمد فقدت نفسي ماأدري كيف أحس أني من زمان ماأعرف نفسي ههههههههههه لما قلت لهم أبي السوق أول مرة أخوي مايقول بكرة قال طيب أنزلكم تقدرين ؟؟ قلت إيه بأقدر أحس إني أخف وفعلاً من طلعت من البيت مافكرت حتى وش السيارة اللي بتوصلني بالعادة أطلبهم سيارة نازلة !! طلعت الجيب عادي !!!!!!!! يووووووووه بغيت أبكي من الفرحة هههههههههههههه خلصت السوق ومريت الماركت مونت للبيت بعد من زمان مامونت ههههههه ماأدري ليه كتبت هنا بس فيني شيء تغير فيه شيء خلعته ماأدري وشو بغيت تفسير؟؟ !! وش تغير فيني من العلاج ؟؟ فيني بقايا خفقان وتوتر بس أهون شوي الله يتمها وأكمل كذا يا رب بالمناسبة نومي مخربط ..؟؟ كنت منتظمة صار يجيني أرق !! ليه ؟؟ |
اقتباس:
ولا يهمك أختي،، الموضوع مايطلع عليه الا الادارة والمشرفين والاخصائيين وكلهم أهل ثقة ان شاء الله اقتباس:
ممكن أختي يكون تحسن من الدوا رغم ان الفترة لسه قصيرة وممكن اللي يشتكي من اكتئاب ان يكون معرض لنوبة هوس وهي عكس الاكتئاب ويصبح صاحبها منطلق وسعيد مع توتر وأكثر جرأة وقد يصرف الفلوس بدون حساب ويكثر كلامه وأفكاره ويزيد نشاطه ويقل نومه مهم جدا أختي ان تفرقي بين ذهاب الاكتئاب والخوف وبين حالة الهوس والتي تمتاز بالمبالغة، اي تكوني مطمئنة لدرجة غير طبيعية، جريئة لحد الوقاحة تتكلمي لحد الثرثرة وازعاج الاخرين .. وهكذا فإن كان تحسنك غير مبالغ فيه فالحمد لله واستمري على الدواء أما ان كان مبالغ فيه وتنقديه انتِ او من هم حولك فانتبهي، فقد يكون هذا بداية نوبة هوس. والهوس جميل لولا ان الشخص فيه قد يرتكب حماقات فالمرأة قد تصل الى ان تخلع عباءتها وتخرج تغني في الشارع وقد تصرف كل اموالها بدون فائدة وقد يصاحبه توتر يعكر علاقاتها بأهلها وهو يحتاج ان تأخذي علاج مثبت للمزاج اتمنى ان تردي علي حول الهوس وهل ماتشعرين به مبالغ فيه ام في حدود المعقول |
مرحبا .. لا مو مبالغ فيه عادي جداً !! ماوصلت لشيء أنقد على نفسي به أو ينقدون به أهلي الله لايجيبه يا ربي :( بس صرت أهدى أكثر من قبل يعني بالأول أنا هاديه ومو مزعجة ومو رجة فما لاحظت إني أنرجيت هههههههه هم يعرفون إني الدينمو حق البيت وكل شيء فوق رآسي وتعبي أثر فيهم كثير وأنبسطوا إني طلعت مرتاحة وماتراجعت كانوا مستغربين إني أتعب كثير بس وألغي مشاوير وأشغال -- أنا عندي إكتئاب ؟؟ وش أسبابه بحالتي ؟؟ بحثت الآن عنه وقريت ماعندي الأعراض نفسها !! هههههههههه بس الغريب إني من شهر صرت أستخدم أكليل الجبل عشان شعري ههههههه طلع يعالج الإكتئاب حلوة الصدفة وربي مرة قريت بكتاب أن تغيير الشكل والتجديد بأي شيء يخفف شعور القلق والتوتر بديت جلسات ليزر !! قصيت شعري اليوم !! يا رب يجدد بالنفسية : ) أخذت فستان ناوية بإذن الله أحضر أول حفلة ننعزم عليها على خير -- الشيء اللي بأقوله لأني لما قلته لصاحبتي قالت مجنونة أنتِ وأفكارك بس لما قلت لها حليها ماحصلت حل !! أنا أتعب كثير مو من الوهن بس لأن تعبي يأثر بأمي وأبوي ومن العقوق إني أشكي لهم وأبي برهم وماأشكي !! لكن هم معاي ويلاحظون تعبي !! أتحمل وأقول طيبة وبخير بس خوفهم عليّ يتعبني أكثر ويخوفني أرحم نظرات أمي وقلقها لما أتعب وهي صحتها ماتتحمل عشان تدخل بجو حياتنا لازم أقول لك أنا أخر العنقود جيت بعد أختي بمدة طويلة يعني ببساطة أخذت الدلع كله من أول ولازلت !! بالبيت أنا وأمي وأبوي وشغالتنا بس وحوالينا بيوت أخواني البعض من أخواني مو طيب قاسي شوي على أمي وأبوي الله يهديهم ويردهم رداً جميلاً والبعض الثاني طيب بدرجة إني لو أشكي يشيل وجعي عني باللي يقدر عليه الله يخليهم لي وماأشوف فيهم يوم مو حلو ويحفظهم ويفرحهم بأولادهم يا رب أمي عندها السكر وماتمشي كثير يادوب لدورة المياه وأنت بكرامة وأبوي بالثمانينات ويصلي ويرجع للبيت يفوّت وينسى .. يتضايق لما يشوفني تعبانة أفقدهم لما يغيبون شوي ويفقدوني لو أروح لبيت أختي ساعتين يتخربط نظامهم مايطلعون مكان إلا أنا معاهم أوديهم المستشفى والتماشي وأكل معاهم وأسولف لهم ماأحد يعرف أبرة السكر لأمي إلا أنا .. مايعرفون أماكن الملابس ولا المناشف ولا شيء لما تنتهي علبة المناديل بغرفة أبوي مايروح للشغالة يجي يقول لي ماعندي مناديل !! مع إن المناديل بالمستودع عادي يقول والشغالة بتجيب !! المطبخ مايعرفون فيه شيء لو أضطرت أمي تدخله أصلا نحنا ساكنين جديد لنا تسع أشهر أمي ماشافت المطبخ إلا مرة حتى تعرف درجة تعلقهم بي خذ هالموقف البسيط كنا نآكل وفي السفرة صحون لحم وسلطات وشغلات كثير فأمد لأبوي كل سلطة كل خبز كل كل كل لاحظت ماأكل لحم قلت أبوي خذ لحمة قال ماقلتِ لي !! أختي ضحكت قالت كله دلع ياأبوي مارد عليها بس قالت لي خربتيهم !! أو هم خربوني ماأدري المهم إننا مانستغني عن بعض .. مو متعبتني خدمتهم بالعكس هم دنياي ومبسوطة كثير بهالمكانة الغير عن أخواني وأخواتي وأنا بهالحالة مع المرض !! اللي متعبني خوفهم عليّ وتفكيرهم كله إن الحياة ماتستقيم إلا إني أتزوج ويتطمنون عليّ !! يبوني أتزوج !! وأنا ماأقدر مع تعبي ووضعهم أتزوج !! ماأقدر أخليهم وماأقدر أشرح لأحد وضعي ويقبلني وأقبل فيه !! عشان كذا أمي وأبوي سجلوا البيت اللي نحنا فيه باسمي بتقول وين المشكلة للآن !! صار لي بيت ملك غيري مو لاقيها !! وأمي وأبوي راضين عليّ المشكلة إني خفت أكثر حتى من أخواني لو أحد يتضايق من هالأمر وتجي مشكلة صح كلهم وافقوا لكن فيه كلام !! تأمينهم لحياتي وإحساسهم بشكري بهالشكل يخوفني تعلقهم فيني وأنا بهالوضع وإني الحيطة المايلة وهم ساندين عليّ يرعبني خايفة أعجز عن نفعهم وأفشل برد الجميل اللي طوقوني فيه بتمييزي عن أخواني بكل شيء وكل شيء يعني كل شيء حتى الحب !!.. أنا مريضة وأحتاج أحد يسندني ومو فايدة حالي عشان أفيدهم وأصير كل دنياهم ويسندون عليّ أول تعب لي أضيع أنا وإياهم تنومت مرة نص يوم بس ورجعت وهم مايدرون لما دخلت عليهم فجأة كانوا الأثنين جالسين يبكون !! كسروا خاااطري ليه ياأمي وليه ياأبوي تبكون !!!! أه بس أخواني الطيبين مو مقصرين وأخواتي كويسات بس أمي تقول أنا غير وفعلاً أنا غير بتعبي ماااااااااااااا أقدر أساعدهم وأسعدهم .. يا ربي هالشعور بالضعف يوجعننننننني خوفهم إن تأمين حياتي مادياً وبزوج على حساب أنفسهم هم شغلهم دايم تقول لي أمي نتحمل بس أنتِ بتضيعين من بعدنا أبوي لما يتعب مايوصي إلا بي .. أرحم أمي لما تبرر لكل وحدة تسألنا وش مرضها أو ليه مازوجتوها مافيها عيب ومو ناقصة ووووو يعددون الميزات !! بس هم مايعرفون تعبي !! وأهلي بالعينها وساكتين أحس فيهم حزن على ضعفي !! وتعبهم من هالحزن ينعكس عليّ .. ماحسسوني إني ثقيلة بقد ماحسسوني إني بأضيع بعدهم خوفوني من مستقبل ماأحد يدري عنه غير ربي !! بس حرص منهم الله يجعل يومي قبل يومهم يا رب ماتحسها مشكلة صح ؟؟ لكن والله إنها متعبتني تحت أي مسمى كانت .. أول مرة لغير صاحبتي أشكي هالخوف يمكن أحد بمكاني بيكون مبسوط بس أنا خايفة من ظنون أبوي تصير بعد وفاته الله يطوّل عمره وعمر أمي ماندري مين أطول عمر فينا خايفة أخواني وخايفة الناس ووو ولكن ربي مايخلق نفس ويضيعها هذا اللي أقوله ومؤمنة بقدر ربي ونصيبه لي وودي أريحهم من هالتفكير وأريح حالي معاهم بس ماقدرت كل كلمة وتصرف منهم يوجعني ويشل تفكيري بدل مايسرني !!!.. حتى دعواتهم لي الله يطمني عليك والله ييسر رزقك !! كلها ترجعني لنفس الحكاية .. المرض وحياتي وهم وأنا وماأدري كلامي مخربط !! فيه شيء أنفتح وأنا أكتب ماأدري وشو !! طلع اللي بداخلي ومضايقني !! كم مرة كتبت خايفة وخوف هههههههههههههههههههههههه -- أنا عتيبية ewrdwpjfc أستودع الله كل ماكتبت |
أنعم وأكرم بعتيبة دخلت على سريع أقول لك لاتخافي أختي على نفسك ماشاء الله كلامك متوازن وان شاء الله التحسن اللي عندك هو نهاية الأحزان لا أعتقد من تسلسل كلامك ان عندك هوس او بدايات هوس والحمد لله ولي عودة لمزيد من الكلام معك حول ماتعانين منه او تخافي منه وأعتقد ان حالتك قابلة جدا للتحسن وشخصيتك متماسكة بشكل طيب |
الحمد لله والله يسلمك أنتظر تعقيبك 234M4R32ED |
اقتباس:
|
مرحبا .. أستخدم الإكليل شراب مغلي !! ewrdwpjfc -- أكيد المرض مو عيب الشكر لله والحمد له أفضل من حتى مرضى الوهن اللي أعرفهم بس خوف أهلي على مستقبلي ماأحس إنه مشكلة !! لكن مجبورة مع المجتمع يحسسوني إني أكسر الخاطر وينتقل هالشعور لأهلي أنا مؤمنة بنصيبي وأحس إن الله يخبي كثير من الفرح مو شرط زواج !! \ بس مثل ماقلت لك أرحم أمي وأبوي وتبريراتهم وخوفهم عليّ مو كل الدنيا زواج فيه أمور أهم \ لكن لما وين ماتروح تنسأل والناس اللي يحبونك يبررون ويزيد خوفهم لأنهم مسؤولين عنك بتوفير حياة كريمة لك !! حتى طبيبة أمي ماتشوفني إلا تقول لأمي زوجوها الناس وجيرانا وجماعتنا نفس النغمة \ أنا آخذها بنكتة أقول أبي أحد يسكن معانا أو مافي أحد يستاهلني مثل مايقول أبوي !! وأعدي الموضوع بس أهلي عندهم التأمين للحياة زواج و وظيفة !! والظاهر الوظيفة وأنا بهالحال ماتجي مايصير أكون قدوة وعندي خلل ومضطربة فاقد الشيء لايعطيه ونفسي أطمنهم بأي حل طبعاً مابيكون الحل زواج !! - والله إني متفائلة ومتيقنة ببكرة أحلى على طول لكن هي مرات تفشل كل الإيجابيات اللي أعيشها إنها تتجاوز بي يمكن المرض وظروف أهلي والعمر !! شيبت وبديت أخرف الله يكبرنا في رضاه : ) جات مع بعض وأحبطتني ولاتفكر كلامي هنا إني متضايقة من عيشتي معاهم بالعكس لكن تفكير أهلي وحرصهم عليّ فتح خطوط تفكير أرعبتني -- كيف لايكلف الله نفساً يعني كل ذا متحملته أكبر مني ؟؟ ماأدري بس حياتنا تجبرني ماأفكر بنفسي بس و الوهن !! أمي وأبوي قبل نفسي أنا أروح برى البيت لأي أمر أمي ماتآكل لما أرجع !! ماتحب طبخ أختي ولا زوجات أخواني وأبوي كذلك يمكن ماأنحطوا في وضع يجبرهم إلا بشغلي أنا لكن هم كذا وش أسوي بكبودهم خخخخخخخخ نادراً أجيب من مطعم عشان ماأحبهم يآكلون من المطاعم كثير ولما نضطر يكون السبب عشان أنا تعبانة !! لما نضطر ترسل لنا أختي أو زوجة أخوي فيكون لأني تعبانة !! مايتأثرون ؟؟ مايفكرون في حالهم وحالي ؟؟ وأنا أسمع أمي كل ماأحد سألها تقول لولا الله ثم بنتنا كان ضعنا !! في نفس الوقت نفسهم أتزوج ويتطمنون عليّ !! مع إنهم عارفين إني فاشلة مع أحد مو عاذرني ومدللني مثلهم !! ولابيكون فاهم ومتقبل وضعي ووضعهم !! تعليقهم على أي موضوع يكون الخلل فيه بسبب تعبي يوجعني !! تعليقهم عن مستقبلي وزواجي وكيف بيكون بسبب تعبي يوجعني !! كله أكبر من طاقتي ؟؟ متحملة شيء أكبر بهالحالة ؟؟ يقدرون يعيشون بلاي ؟؟ وأقدر أعيش أنا بدونهم!!؟؟ لكن متحملته !! وإلا لا ؟؟ ماأدري :( ولاتقول عندهم أخوانك لاتهتمين هههههههههههههههه << هذي جملة صاحبتي وبعد جايبة لي فتوى إن البنت ماتكون مسؤولة عن أهلها هههههههههه الشرع واحد أنا بنتهم بعد شوي شوي تطلع لك عقد أكثر ههههههه أستغفر الله ربي أستودع الله كل ماكتبت شكراً لوقتك وأكيد بأتابع يعطيك العافية `111`1` |
ماشاالله عليكي ،، شكلك سريعة بالكتابة ومنطلقة ههههه يبغالي ساعة علشان أر عليكي خخخخ وماشالله سردك للكلام يدل على شخصية طيبة وواعية يابختك في بر والديكي ورضاهم عنك،، والله هذا شي كبيييير يبدو لي من كلامك شغلتين: 1) التحسس من عطف الناس (بمن فيهم أهلك) حول مرضك 2) التحسس من طاري الزواج والمستقبل صحيح أختي مثل ماقلتي ان الزواج والوظيفة مو كل شي لكن هذا مجتمعنا تصدقي اني ماتزوجت الا وعمري 36 سنة وماكنت ناوي اتزوج لكن تزوجت علشان أسكّت الناس واسئلتهم، هذا وانا رجّال كيف لو كنت حرمة؟ لكن مع هذا أقول انتي بحاجة انك ماتنظري لنفسك بأنك تكسري الخاطر حتى لو كان الناس يلمحوا بكلامهم او كلامهم يحمل هالمعنى وبالنسبة للزواج والوظيفة فهي سنة الحياة والآباء يبغو يتطمنوا على اولادهم وبناتهم اللي ماعندهم مشاكل كيف باللي عندهم مشاكل؟ بعدين مانفسك اذا تقدم بك العمر تلقي ابن او بنت تعتني بك؟ الا ادعي الله واطلبيه انك تلقي ابن الحلال عاجلا ليس آجل ويابخت اللي بياخذك،، والله انتي بنت حلال وتستاهلي كل خير ربي يوفقك ويسعدك234M4R32ED |
مرحبا .. هههههههههه عشان من خلف الشاشة لو أنا قدامك مارفعت عيني !! وماأصير منطلقة كلمة ورد غطاها ومن الله خير << عقدة جديدة : ( -- صحيح هي ذي الشغلتين تقهرني !! أختصرت كلامي ماشاء الله عليك يجي ببالك إني أغير الخطط والتنظيم عشان ماأسمعها ههههههه كانت أمي تتابع بالمستشفى العسكري وأغلب المراجعات يعرفون أمي ومن لما ندخل وكل وحدة تجي ماشاء بنتك وليه مازوجتوها !! والله العظيم بعد السلام يجي هذا السؤال ههههههههههه بعدين يجي سمعنا إنها تعبانة وش صار عليكم والشيخ الفلاني والطبيب الفلاني وو هي وش تحس وتعرفين فلانة بنتها عندها ماأدري وشو يمكن مثلكم ههههه جربوا الفلاني روحوا للعلاني يااالطيف معيونة محسودة وخذ كلام حريم !! قلق مو طبيعي الشكوى لله المهم ألغيت المستشفى العسكري وصرنا نتابع بالخاص تبع تأمين آرامكو وأرتحنا شوي ههههه وكثيرة الأمثلة اللي فعلاً آتوقع حرج وألغي وأغير المخطط إحراج لما أحد يسآلني وش مرضك !! مع إنه مو حرام ولاعيب وعادي أشرح لهم علمياً بس هم مايعرفون الوهن ويدخلوني في متاهات أسئلة وأنا ماأحب أسلوب فتح المحاضر الإجباري منهم وماأحب هالنظرة ياحرام كانت متفوقة وحلوة وست بيت ووووو ماأتزوجت !! أحس إني آتدمر بجد كل تميزي يربطونه بياحرام !! ليه طيب !! والله إني عايشة أميرة مع بعض المنغصات تحت حكم ربي ولقد خلقنا الإنسان في كبد .. - زين ماراح أعدل الناس وأعلمهم التعامل كيف أنا ماأتأثر !!؟؟ وماأنوجع من نظرتهم بكسر الخاطر !! أحاول مرات أعدي ومرات لا مثل ماقلت فوق ألغي شغلات عشان ماأنحرج يمكن مع تعبي ذي الفترة رجع الخجل بقوة كرهت إني أتكلم وش متعبني لأهلي مو لغيرهم بفترات سابقة قدرت أتغلب قريت كتب عن إدارة وتطوير الذات ونفعت معاي كثيررر - يابخته ههههههه أمي كل يوم تقول لي حظ الملايح في الأرض طايح لا مو يابخته !! حرام ينربط فيني ظلم وربي .. إذا أخواني يادوب متحمليني وأخاف يجي موقف يختبر غلاي عندهم مع إني عارفة رد فعل البعض لكن البعض الآخر يخوفني ويخوفني بقووة .. ماأظن ولد الناس بيتحملني مع كل عللي وظروفي خصوصاً إنه مر علينا مشاكل كثيرة مع التعالج والأدوية وإحتمال تنعاد وارد جداً آحكيها مرات جايه لو جالها مجال مافيني الآن أتنكد .. -- الله يسلمك واللهم آمين والله يرزقك الذرية الصالحة ويفرحك فيهم يا رب شكراً لك يضايقك لما أنا أتكلم لك كثير ؟؟ |
آمين، ياااارب،، الله يسلمك على هالدعوات والمشاعر الطيبة هههههه لا أختي ، خذي راحتك، بالعكس أحس انك ترتاحي لما تفضفضي وتحكي واحنا كذا شغلنا الأطباء النفسيين، ربي مهيأنا نسمع ومانطفش واللي يطفش أحسن له يتخصص جلدية خخخ لازلت أعتقد انك تتحسسي بزيادة مع ان الشغلة كلها ابتلاء من الله وواقع لازم تعيشيه كنت قبل 6 سنوات شغال في مركز الأمير سلطان لأمراض القلب اللي في العسكري في الرياض وكان مريض عنده مشكله في نبضات القلب ويتوقف قلبه ويغمى عليه وهي حالة خطيرة ممكن يموت فيها في أي لحظة المريض ماكان له علاج الا تركيب صاعق منظم لضربات القلب يعطي كهربا قوية تشغل القلب لما يوقف، وكان أبو الشباب تيجيه الحالة بشكل يومي واحيانا اكثر من مرة في اليوم يشتغل الصاعق قبل مايغمى عليه. وعلى فكرة الصعقة مزعجة جدا وكأن تمسكه كهربا وكنا كلنا تقريبا اللي شغالين في المركز نرأف بحاله ونحزن عليه ونقول يمكن يوقف قلبه ومايشتغل الصاعق ويروح فيها، غير اننا نحزن لما نشوفه وقت الصعقة ونقول كيف يتحمل بينما هو كان وقت الصعقة يبتسم ويتعمد يسلم على اللي حوله وقت الصعقة علشان ينقل لهم كهربا كنوع من المقالب هههههه شوفي كيف حوّل مرضه ومعاناته ومأساته الى مقالب يعملها في الناس ويضحك منها كان معانا واحد أعرج أيام الجامعة في سكن الطلاب وكان يعرج بشكل جيد أقصد يعني انه كان يعاني ويسير بصعوبة وكل اللي حوله تقريبا يرأفوا بحاله وينظروا له انه مسكين في المقابل كان ماخذ الشغله انها نكتة وكان اذا شاف واحد أعرج مثله (وكانوا كثيرين في سكن الجامعة من ذوي الاحتياجات الخاصة) يضحك ويقول: هذا زيي ماشي على الموضة ومرة شاف واحد يعرج على رجل عكس رجله وكان يمشي قدامنا،، راح اخينا في الله اسرع في خطوته علشان يقرب منه ويصير ماشي معاه لكن بشكل متنافر يعني هذا يعرج يمين وذاك يعرج يسار وطالعوا الثنين في بعض وضحكوا متخيلة كيف يتعاملوا مع معاناتهم وماخذين الشغلة فكاهة؟ اعتقد ان عندي حل رائع لكِ وهو ان ترأفي بالناس من حولك لما ينكسر خاطرهم عليكي وتبذلي جهدك في ان تطمئنيهم وتستمعي لأسئلتهم ولقافتهم كأم تستمع لطفلها وأسئلته المضحكة البريئة،، وترغب في ان تجيب عليها على قد فهمه وتحاول مساعدته في إزالة علامات الاستفهام صدقيني لو اتخذتي هذا الاسلوب واتخذتي من معاناتك نوع من الفكاهة ستكوني بأحسن حال وستقل عنكِ الحساسية تعلمي أختي وتدربي على هذه الفكرة وستتقنيها وسوف تصبح لكِ متنفس ممتاز من معاناتك وأنتِ ماشاء الله تبارك الله عندك حس كوميدي جيد بيساعدك كثير لا زلت أقول لك أكتبي لي في أي وقت،، أحس اني أقدر أساعدك بإذن الله |
مرحبا .. ماشاء الله عليهم الله يعافي كل مريض ويرفع عن كل مكروب يا رب -- مو أتحسس لأني مريضة أتحسس من الفضول والإزعاج من طبعي ماأحب أتدخل بأحد وأحب هالأسلوب معاي زين من أهلي ماعليه أعديها بس اللي من برى لا \ أتضايق - أستحي - اللي هو بس ماأرد لما نكون بإنتظار العيادة وتجي وحدة تسألني ليه عند العصبية وش فيك وليه مريضة ؟؟.. ماأرد أو أرد رد تسليك !! من جد رايقين أسئلة تحقيقية ماأتوقعها وربي أذكياء لأن الي يسأل كذا لماح وفطين هههههه وأنا أشرح وش فيني ووش خطوات مرضي ووش أحس وبنص الكلام يجي سؤال مع هذا التعب تحملين !! أرجع أقول مو متزوجة ياحرام مو ناقصك شيء ماأدري شايفين لوحة على رآسي مكتملة وغير متزوجة !! << هههههه حشا فراشة مو آدمي ههههههه صعب لما أكون رايقة ماعليه يأرد شوي شوي لكن لو إني في وضع مايسمح والله زين اللي أرد على أبوي ههههه الوهن العضلي يزيد بخمسة أيام قبل الدورة وباقي الشهر عادي هو الوقت اللي ينخدعون فيه اللي يشوفوني هههه مجرد ماتجي يخف التعب تدريجياً وأتنشط عشان هرمون الأستروجين أكيد أنتم يالأطباء تعرفون علاقتهم ببعض ... وكذا فيه أيام ماأقدر أتحرك يادوب أصلي وبالبيت بس لو إيه ماأطلع برى بالبداية كانوا حتى أهلي يستغربون وماأشرح لهم ومرة على مرة اللي يدخل معاي للطبيب فالطبيب يشرحها كيف الدورة وكيف التعب وكذا أخواني فهموا بدون ماأتكلم لهم حتى ولد أختي كنت لما أقول له أبي السوق هالأسبوع عشان ماأتعب كان يسأل ليه تتعبين بأوقات وأطنشه مرة سمع الطبيب وخلاص عذرني لما أقول له نروح مشوار يعني نروح خخخخخ بس مرة كنا في مجلس حريم وأنعزمنا على حفلة تخرج أختي قالت أوك وأصرت علي البنت وأمها فقلت نشوف كم التاريخ ؟؟ وقلت طيب أختي فهمت بس الحرمة نشبت لنا ماأنتِ جايه وش فيكم وليه التاريخ ووو أسئلة كثيرة وماشرحت ههههههه ومارحت للحفلة خخخخ بهالحالات اللي كذا شلون أعديها بفكاهة !! وأنا يزيد عليّ التعب بسببها بجد مرات يستوجب أشرح شرح تفسيري ههههه وماأقدر لا الوضع يسمح أتكلم ولا أتريق !! لما أقول تعبانة زوجة أخوي دايم تقول لي كل البنات يتعبون ماعليك << أحس كلمتها علاج وربي لأنها فهمت بدون شرح مطول إن فيه أوقات صعبة وبس مالها داعي الكلام الطويل من كم سنة جاتني نكسة وهن عشان زعلت من مشكلة صارت بين أخواني وضغطت على نفسي ست أشهر وأنفجرت لما قفلت عيني الشمال بالمرة وتنومت نص يوم بس !! قال الطبيب مافيها شيء عضوي والوهن تمام وخرجني طلعنا من المستشفى وأخذني أخوي بالقوة لطبيب نفسي ماأعطاني أدوية بس كلام !! وكم جلسة وخفيت !! كتبت شعوري بدقة في لحظات التعب بمفكرتي لليوم كل ماأقرأ اللي كاتبته ووصفي للحالة اللي مريت فيها أخاف وأعيش نفس الحالة !! أول مرة أحس الموت من لما عرفت الوهن على سيرة التدوين أنا أكتب المحطات اللي تمر بحياتي حلوة أو مرة وأرجع أقراها بين وبين صحي هالتصرف وإلا يتعبني ؟؟ من فترة سألت أخواني بتحتفظون بدفاتري لو أموت !! صح تفاوتت الأجوبة بس كثير أجوبتهم كانت بلسم لاتسألني ليه سألتهم كذا ماأدري \ -- بطاقة الصراف انتهت لها شهر وشوي كل ماأتذكر درج البنك اللي مافيه درابزون وبالهواء كذا بالشارع ههههه يضيق صدري بأحاول هالأسبوع لو لقيت أحد يوديني وأتوكل على الله أروح -- بأرجع طبيعية مثل أول ؟؟ نفسي أرجع ماأفكر بالتعب ولا الوهن يعيقني عن حياتي مثل قبل هالشهور هلكتني مرررة تعطلت أشغالي وصارت مملة حياتي حتى الصغار فقدوني ماصار لي بال عليهم الفترة اللي راحت عمة وش فيك ؟؟ وعمة ماعاد تحبنا !! لما قالتها لي بنت أخوي اللي بأول إبتدائي كرهت نفسي وربي :( ركضنا أمس بالحوش كان الجو حلو مع شوية كتمة وغبار ضحكات بنات أخوي تسوى العمر كله جاني ولد أخوي تروحين الماركت عشان توه يتعلم سواقة وخايف قلت طيب وبسرعة طلعت وماأخذت ميستنون وحاولت أنشغل بالسيارة لعبت بالآيفون عشان ماأفكر آخذها مجرد مانزلت معاهم نسيت !! وماتعبت !! بس هالحالة مو كل مرة تجي أحيان التفكير يغلبني ويشلني بس كثرت كلام !! ههههه شكراً لك جزاك الله خير |
مرحبا .. مررررة قرفانة من نفسي اليوم كان يوم ميلاد غيد بنت أخوي لها كم يوم وهي تحرص عليّ عمة لاتروحين مكان ههه ع بالها عمتها مثل أول ترتبط بمشاوير :( بيتهم خلفنا يمكن 100 متر بس بيننا وبينهم المهم صليت العصر ولبست مافيني شيء وطيبة بس حسيت بتعب فأقنعت نفسي يوصلني ولد أخوي ونروح الماركت أشتري شغلات للصغار عشان يمكن يخف التعب وأنشغل وأنسى أدري إنه تحايل ولكن مانفع ذكاي يشتغل بالعكس ههه آه بس الأولى كنت أكسر الحاجز وأروح مشي وصلت للباب ماقدرت أطلع بابنا الداخلي أمامه ثلاث درجات وسط الحوش بعدين أربعة أو خمسة متر لنوصل باب الشارع ثم بعده درجتين ع الرصيف وصلتها وجلست ماقدرت !! حسيت برجفة وعرقت وماعدت أسمع إلا دقات قلبي + وهن قوي جلست ع الرصيف وعلى طول جاء ولد أخوي زين ماأنتظرت كثير كان طالع من الصلاة حسيت إني خوفته يالله طلعت بسيارته قلت روح للماركت بنشتري ورجعني بيت عمك المهم إن عمتي جات لبيتنا من لما أنا طلعت فأمي أتصلت علي قالت تعالوا هنا وقولي للبنات وأمهم تعالوا قلت طيب أشتري وأجي وجيت والكل تجمع عندنا بس ماكنت مع الناس وأنبسطنا بميلاد القمر حبيبتي المشكلة إني بس نزلت راجعة بيتنا كنت كويسة !!!! وطلعت الدرج نفسه بسهولة صح مالي داعي يوصلني لهالمكان القريب كنت ألف عليهم عشرين مرة !! وأطلع من بيت فلان لبيت فلان بأي وقت وماأتعب كنت أدور المخطط كامل كذا مرة وش صاير فيني ؟؟!! متضايقة ومخنوقة وكل بلاوي الدنيا في داخلي الحين وأنا أكتب لك مخربطة وأحس تنفسي مايخرج مثل الناس نسيت أقول إني اليوم رحت البنك وكنت طيبة مافيني شيء وبكرة كنت ناوية أروح للتخفيضات آخذ شغلات للتنظيف والمطبخ بس شكلها مابتصير :( حاسه بوهن مو طبيعي متضاايقة وربي |
مرحبا .. مانمت زين وأضطريت أقفل النور وكل شيء عشان أمي ماتقلق إني مانمت بالليل قالت لي كلام زاد وضعي كركبة قالت فيك شيء ؟؟ قلت لا قالت شكلك متضايقة قلت لا مافيني شيء قالت بس أنتِ أحسن لك أسبوع تسولفين وتضحكين !! أووف يا ربي محبطة مرة وماأقدر أوقف بطولي مو وقت تعبي ليه أتعب !! ماعاد يفارقني الوهن قبل شوي أبوي يقول لي أبي الطبيب شوفي أي وقت يناسبك ونروح يا ربي مو وقته بالمرة بغيت أبكي وأنا أقول له طيب وين أختفيت يا دكتور ؟؟!! |
اقتباس:
ههههه، ربي يسعدك ياطيبة،، خذي راحتك، أحيانا الواحد يرتاح بمجرد مايتكلم العفو أختي ويجزاكي الف خير مااختفيت أختي لكن والله مشغول متابع كتاباتك أختي، والله يكون بعونك اصبري ولك أجر |
طيب :( الله كريم وتعدي على خير شكراً |
مرحبا .. فيه كثير هنا يتكلمون عن شيوخ مايفيدون بقد الوجع والتكسب بأوجاع الناس !! قريت لوحدة تقول عن العجيب بالطائف !! يا ربي بس نفسي أقول لهم ترى الكل خربطيشن بس قلت لواحد هنا \وكذبني وردت عليه نوفا الله يجزاها خير بالله سبب مقنع إني أدور إشراف !! أنا لي عشر سنوات بالنت هههههههه الله يعلي همتي بس ويزيدني أدب مع الله ومع خلقه اللي يآخذ فلوس مقابل القراية ماينفع لأن القرآن للناس كلها وبيعه لا يجوز !! كيف التعالج بحرام !! -- الناس ماعاد تفهم النصح الكل يسيء الظن مع إن عندي تجربة سابقة !! يعني أقرب للصدق !! حتى المنتدى اللي سويته للوهن كرهته من كثر الظن والخطط والتفكير اللاثقافي وش فيها الناس كلها شر فطري ؟؟ شر يخوف والله يخوف !! ألغوا الفطرة السليمة وحب لأخيك ماتحب لنفسك !! دايم أقول الخير موجود بس كثيرة التصرفات اللي تخوفني من كل الناس وبالغصب يخلونك تسيء الظن وتأثم -- بنفساني هنا أتذكر قبل أربع سنوات سجلت بيوزر نسيته !! يمكن لأن ظرفي كان قوي مرررة والله مو متذكرة لا اليوزر ولا وش كتبت إستشارة ووحدة من المستشارين هنا !! إن ماخاب ظني كانت أخصائية أخذت إيميلي من الإدارة وحولتني على مدرب أو طبيب نصاب !!!!!! أوك أنا فاهمة وكلمه أخوي قبل أكلمه ونروح عيادته حتى أخوي كان يقول تعلمي من القصص بالمنتدى شكله وكلامه مايؤهل يعالج ههههههههه ورغم إنه نصاب وأنكشف لكن ماحبيت تكون هي معاه !! هو يستفيد مادياً هي ليه تضر ؟؟ وتجيب له زباين لا والمشكلة من لما عرفت إنه نصاب صار كل البنات اللي بمنتداه والمستشارين يتهمهم كلهم يبغونه ويحبونه ومسوي معاهم علاقات !! ههههههه كلهم صاروا قليلات أدب وش مجبرهم يتحملونه !! فقط زادني خبرة تعامل مع نصاب وكانت تجربة خرجتني من وضعي بقوة ههههههه أو نسيت سالفتي وجلست أتأمل شر خلق الله هههههه أنا معاي أخوي وماآسوي شيء إلا أقول له البنات اللي تدخل نت وتفتح قلبها وش يصير فيهم ؟؟ ماأحد يفكر بغيره الكل همه نفسي نفسي وويجمع فلوس وبس لكن لازال يمارس نصبه رغم إنه أنكشف وفضيحته بالنت وعيادته تشمعت ولكن مستمر !! الإخصائية هنا أظن نفساني كشفوها إنها نصابة ههههه لأني ماأشوفها تتواجد !! شيء غريب متذكرتها ومو متذكرة وش كان يوزري !! حاولت أتذكر ماقدرت الله يشغلهم عن الناس يا رب -- المحطة النفسية اللي قبل كم سنة ذي بأموت مانسيتها !! الله يسامح أخواني بس مشكلتهم للحين ببالي رغم إني أقول تجاوزت !! كلهم نسيوها لكن حتى وأنا أتذكر أسم الإخصائية قبل شوي جات ببالي تفاصيل مشكلتهم كأنها صارت أمس أدري كلها سوالف مالها قيمة بس حبيت أفرغ الشحنة |
http://altaghieer.com/node/30118#.TzZEswruAXU.twitter سبحان الله إيجابي حتى بوفاته الله يحسن خواتيمنا يوم الجمعة ومحترق يالله يادكتور إبراهيم كبير ومت كبير ضاق صدري أفكاره وكتبه بتبقى شاهد لفائدته للبشرية |
اقتباس:
ولا يهمك أختي،، كلامك صحيح، للأسف الأمانة خربت،، فضفضي وانا باسمع لك |
اللهم ارحمه رحمة واسعة وتقبله عنك شهيدا،، آميــــــــــــن
|
مرحبا .. اليوم مريت بإختبار يمكن هالإختبارات هي أقوى أمر يحسسني بضعفي أو قوتي ماأدري أمي لها كم يوم تعبانة أعلى يدها يألمها كانت من الظهر تقول تحس بألم زيادة المهم إنها تعبت لما صلينا العصر رحنا الطواريء أنا تعبانة وهن وهن وهن وهن يادوب خرجني من بيتنا رفضت أمي أحد غيري يروح معاها وماتبي تروح لوحدها ولكن فضلت تتحمل عشان تعرف إني تعبانة !! فقلت لها أنا طيبة خلينا نروح وحلفتني وحلفت إني طيبة !! << يا رب سامحني رحنا وأوقف وأجلس وأسأل الأطباء وأشرح لهم أدويتها و ساعدتها بالأشعة ووووو زين الطواريء فيها كراسي الحمد لله ههههههه متحملة شيء كبير من عادتي لما أتعب ومطلوب مني أكون قدها أدعي الله بهالصيغة يا رب جملنّي معاهم وأرحم ضعفي وضعفهم صح أتقوى بالله وصح أحس إني أنجز المطلوب وماأفشل \\ لكن بداخلي رعب يتوزع على سكان السعودية ويمكن يزيد !! رجعنا وأمي بخير بس شوية برد مع السكر ألهب المفاصل أبرة ونوع علاج وخفت !! أكتب الحين وهي تتقهوى ومروقة لكن أنا دقات قلبي ماتخليني أسمعهم مخنوقة وأحس كل بيتنا على صدري مبسوطة إنها بخير وخايفة يجي يوم ويعتمدون عليّ وأفشل وماأكفي وأكون قدها مثل مو متوقعينها مني أدري كل شيء بيد الله وهذا علمه غيب أنا مو واثقة بحالي !! ماأبي أأكدها بداخلي بسلبية إني حيطة مايلة وساندين عليّ والوهن بيفشلني لكن وش اللي أحسه ؟؟ وش فيني أنا ؟؟ أنا قوية بالله وأنا أقدر وأقدر أتجاوز يأي وضع << والله كنت مصدقة هالكلام وآتعامل معاه وش اللي جاني وكرهته وماعاد يأثر بي !! بس !! شكراً لوقتك وحياك الله وتشرفني متابعتك |
اقتباس:
العفو أختي والشرف لي أرى انك بحاجة لتدبر الآية ((لايكلف الله نفسا الا وسعها)) وأنتِ أختي تحاولين ان تزيدي عن مابوسعك اعتقد بل ومتأكد ان ماتعانين منه هو الخوف من الوهن واذا أدركتي ان وجود هذا المرض عندك واشتداده عليكِ فإنه يبرر اخفاقك تبريرا صادقا وليس واهيا حسب معلوماتي هو ان هناك انواع من مرض الوهن أحدها له علاقة بالمناعة الذاتية ويدخل في علاجه تناول ادوية الكورتيزون كما انه ايضا حسب معلوماتي فإن تناول جرعة من أدوية ستيجمين (اي نوع) يخفف الوهن ويساعد في ازالته ان كنتي من النوع الذي يكفيه أدوية ستجمين ولا يحتاج للكورتيزون فمشكلتك سهلة اما ان كان مرضك متعلق بالمناعة الذاتية فإن الوضع سيكون اصعب قليلا ولكن لاتحملي نفسك مالاتقدر عليه تخافي من الوهن ان يفشلك؟ هذا كلام غير مفيد بل وسلبي ولايزيد الامور الا تعقيدا من الممكن ان تطلبي من اخوانك الطيبين او اخواتك ان يساعدوكِ في وقت النوبة على رعاية الوالدين، فهذا هو التصرف الصحيح وليس ان تتحدي الوهن، فلا يمكن تحدي المرض الجسدي ولا يؤدي ذلك الا للتعب النفسي المخاوف لها علاج وهو سيبراليكس وسوف تختفي بأمر الله مع المواضبة على العلاج اما الوهن فمثل ماأخبرتك،، وهو في النهاية مرض وابتلاء وليس وصمة عار! |
مرحبا .. لا ماأخذ كورتيزون بس ستيجمين اللي هو تجاري اسمه ميستنون والحل طيب !! كتبت لك متحملة شيء كبير ومو بأيدي !! ليه أخاف تقول لي الحل عندك !! طيب بيخف شوي من القلق اللي فيني مع العلاج ؟؟ وبعدين مابيرجع الخوف والرجفة اللي ترعبني معاه ؟؟ أدري إني كوكتيل مشاكل بس والله أكتب هنا بلا رتوش كل اللي أحسه !! أنت مو فاهم كيف ماتقبل أمي إلا أنا !! كانت تتحمل التعب عشان أنا أروح معاها !! كيف ماأضغط على نفسي وأتحمل ويشوفوني أنا القوية اللي مايخافون عليّ وووووو نفس الحكاية طيب بأحاول شكراً لك |
اقتباس:
|
مرحبا .. فيه نوعين وهن بالوجه بس اسمه mgo ووهن بكل عضلة بالجسم اسمه mg هذا اللي أعرفه !! أنا سويت عملية إزالة لغدة الثايموما بعام 2000 فتح صدر :( وماأدري وش أسم الفحص والله وماأعرف إلا إنهم سووا تخطيط كهربائي للعضل وتحليل الإستيل كولين وراح لألمانيا لأن المختبر الوحيد بالعالم هناك ومنه جاء التشخيص والميستنون ماشي معاي وماقد جاني نكسة قوية مررررة وإن جات تكون نفسية ههههههه يكون قبلها ضغط وزعل !! الوهن يتأثر كذا وأطيح عليهم يمكن مرتين أو ثلاث خلال 14 سنة الحمد لله مو كثير الله يديمها نعم ويرفع عني عاجلاً غير آجل يا رب .. -- فيه شغلات كثيررر تمنع أمي تعتمد على غيري يمكن أولها خوفها يتضايقون منها ويزعلون مثل غيرهم هذا سبب وأنا وتعاملي معاها سبب يعني نحنا نكون كلنا متواجدين أنا اللي أنتبه لكل شيء منهم !! في حين أخواني متواجدين طيب ليه مايكون بالهم مع والديني ؟؟ !! هذا البرود في التعامل مخلي أمي وأبوي مايمونون عليهم لما أقول لها نروح مكان تقول لا نثقل عليهم لا مشغولين لا ولا ولا !! مع إن أخواني اللي معانا كويسين مررة مادياً ومعنوياً ومايرفضون لها طلب لوجينا للحق الله يخليهم ويهديهم يمكن يجي ببالك إن أمي وأبوي ظلمة أو تعاملهم مو تمام مع أخواني عشان كذا فيه كم واحد زعلانين لا والله الله يجزاهم الجنة أكرمونا وربونا في وقت كانت أحوال أبوي صعبة مرة لكن اللئيم يتمرد وولو شعلوا له أصابعهم برضو ملامين ولو تعرف نوعية مشاكلنا أقل ماأسميها لعب أطفال مافي عاقل بتشغله لكن أبليس حاضر الله يهديهم ويردهم لنا بخير ناجحين بأعمالهم وعوايلهم وحياتهم مريحة على قول أمي حتى ماصاعوا مثل الشباب هههههههه عشان يخربون علينا ههههههههههههه الله يخليها لي أحيان تتريق من وجعها ،، ونجاح أخواني وأخواتي بحياتهم دليل تربية صحيحة وإلا لا ؟؟ لكن الفشل في تعاملهم مع الوالدين وهي أكبر مصيبة .. دائماً أعزي أمي وأبوي إن كل واحد بالدنيا يقوم بالدور اللي ربي خلقه عشانه الأم والأب بواجبهم وفي المقابل الأولاد يعطونهم حقهم لكن فيه خلل الله أعلم وينه .. من كم يوم كنت أتريق أقول بنآخذ البرفيسور طارق الحبيب أخونا لمدة سنة ههههه قال لي أخوي والله ليعجز يحل مشاكلنا هههههه بيطلع مجنون من عندنا -- اقتباس:
لاتلومني ماأقدر كلهم متعودين مني ماقد قلت لا لهم أو لأخواني كل اللي يبونه أسويه شعور غريب يجبرني أنفذ حتى لو ضد رغباتي .. ولادتي غريبة ووضعي معاهم غريب والرزق اللي أنفتح على أبوي ورفعهم من الفقر إلى المتوسط بعد ولادتي !! كان غريب مرضي غريب وتوقيت مرضي أغرب ظروف المرض والتعالج والناس اللي أقابلهم كلها غريبة أحلامي وتخطيطي مع أخوي الغالي لمشاريعنا وشغلنا غريبة مابأقول إني ملاك ومنزلة لا !! بس فيه شيء غريب ماأعرفه .. يمكن ماتصدقني بس والله العظيم فيه شيء ماأقدر أشرحه وأنا أرتحت هنا وأنا أتكلم عشان كذا قلت هالشعور يتريقون عليّ إني مخاوية هههههههههه لأني أقول شغلات وتصير و أتوقع أمر ويحصل مو مخاوية ههه بس بداخلي أحاسيس كثيرة تخربطني أحيان كثيرة أضطر أكتبها وأفجرها بالورق عشان أعرف ماأحد بيصدقني لو أقولها !! قلت لهم مرة شغلة ببالي أخذوني طقطقة لدرجة ولد أختي سماني بالجوال بهالأسم !! أقسم لك بالله إني أشوف أول خطواتها الحين تصير !! من فترة لما قلت لأختي متخيلة تتم !! قالت لي بديت أصدقك !!<< تو الناس هههههههه ماأقدر أقولها ههههه عشان ماتتريق عليّ بعد وأعصب عليك << :D -- متأكدة يإذن الله إني بأشفى وهالشعور يزيد بقوة كل يوم حتى وأنا تعبانة رغم إني أعرف إن الوهن مايشفى منه لكن متأملة بالله خير كبير وبيكون لي عند ظني به تعالى لايعجزه أمر .. أعرف إن لي مستقبل حلو كثير ومتأكدة بتكون ذي كلها ذكرى بس أبي أتجاوزها وماتأثر بي وماتعيقني -- كالعادة أنفكيت ههههههه مع إن ودي أكتب بعد بس أنت تعبان :( .. شكراً لوقتك \ جزاك الله الجنة ومعافى يا رب أستودع الله كل ماكتبت .. |
ولا يهمك أختي أكتبي في أي وقت وخذي راحتك، أهم شي ترتاحين مع الكلام وأنا متابع معك |
^^ مرعب الرد كذا :( تسلم ع المتابعة .. أول مايجي ببالي بأكتب .. |
ليه مرعب أختي ؟ أنا قصدت العكس، وابغاكي تطمئني ع الآخر يمكن قصدك انك قلتي كلام كثير وكنتي تنتظري اني أعلق عليه بينما ردي جاء مختصر وغير مفيد خخخخ فعلا أنا لاحظت هذا لكن بصراحة كنت مشغول ولا لقيت شي عاجل أقوله طيب الحين نمسك الكلام حبة حبة: اقتباس:
آمين ربي يجزاكي الفردوس الأعلى يالله ان شاالله مايصير ردي الحين مرعب وان شاالله ترتاحي وتكتبي *_^ |
مرحبا .. هههههههههههه عادي والله حبيت أمزح خخخ << كل شيء يرعبني ههههه أنا قلت لك أنت مشغول وأنا أسولف كثير !! طيب ممكن تعطيني أنواع الوهن لأن حتى الشعب بالتجمع هناك مايعرفونها !! -- الله يسلمك والله يجعل عدوي مايجربها لهالعملية .. -- أمي وأبوي .. عيالي الأيتام اللي برقبتي ههههه كذا أسميهم الله يخليهم لي .. والله العظيم إني من ضمن الخيارات أقول نتصل على فلان تروح معاك الشغالة لوحدكم وأخوي أختي وولدها أخوي وبنته شفت !! وربي محاولة والله العظيم والله العظيم .. ومو مرة مرات عديدة .. يمكن يأست !! ولاحظته أنت بأسلوبي .. على فكرة قلت لك يبوني أتزوج بس من لما أرفض أمي يطيح عن صدرها حمل لدرجة إننا لما نتشاور تقول لي بكيفك !! ماتعطيني رآي بس لما أرفض تجي تقول لي ليه ماوافقتِ ؟؟ مستقبلك وأطفال وووو وماتدري أنا فاهمتها !! في حين هي تبرر للناس بكسرة الخاطر اللي سبق وقلت لك عنها واللي توجعني لأني عارفة شيء غير !! ولأن وضعي معاهم غير لا بمرضي ولا بحالتهم فالأسباب كثيرة !! أضفها على الوجع الأول !! نظرات الناس وأهلي .. وعلى قولهم ماتحرق النار إلا واطيها .. بس نبي واحد متفرغ لنا و يسكن معانا عشان هم يتطمنون وأقدر أراعيهم ههههههههه -- ننجي للغرابة بغض النظر عن كل اللي سبق وقلته والله ماعمري فكرت إنها تميز !! ومن مدة بطلت أخلي أحد يلاحظ مو لأنهم يتريقون !! عشان ماأحد يشك بعقلي مثل مثالك على منيرة الآن !! إلا قلق إنك تحس باللي قدامك كذاب واللي قدامك وش يفكر فيه ووش ناوي عليه من كلمتين أو من حركة !! تحس برعب من موقف ويصير !! تفكر بأمر وفجأة يجي شريط بكل شيء قدامك !! حتى لما أقول الله كريم وبتتعدل الأمور بكرة .. يستغربون وش تحسين ؟؟ خخخخ حتى تفاؤلي اللي هو مطلب ديني يخوفهم خخخخخ كنت لما تحمل وحدة من زوجات أخواني أقول لهم أحس بتجيب كذا ويجي !! مؤمنة تماماً بما يعلم مافي الأرحام إلا الله !! وبطلت أخمن الحين ههههه لما كنت طالبة كنت متفوقة مررررررررة كنت أقول للبنات أحس كذا وكذا بيجينا ويجينا !! كانوا يقولون لي من توقعاتك تحلين كويس وإلا ماتذاكرين هههه والله كنت أذاكر وماأعتمد التخمين ههههه يآخذون كتبي المحددة يذاكرونها هههههههه وش يجيني ؟؟ وش اسمه ذا ؟؟ شعور مرعب ومقلق ويوتر ويسوي كل شيء مو حلو ههههههههههه أحس براكين متفجرة بداخلي وزحمة أفكار تتصادم بفكري كلام كثير أكتبه لو ماأكتبه بيتريقون عليّ بماإني بأقوله خخخخ جدتي كانت تعالج وهم ناسبيني لها عشان كذا !! لما يبكي طفل وأحضنه وأقرآ عليه يسكت !! حتى لو موجوع وينام !! على طول يجيبون سيرتها الله يرحمها !! كانت مع عيال أخواني بس يمكن لأني أحبهم ويقولون شعور الحب ينتقل بالحضن بإنتظار المستشفى صارت لطفلين يجون ركض عليّ وماأعرفهم ويسكتون !! لدرجة عجوز قالت لأمي اللي يحبونه الصغار قلبه أبيض وسخي !! ويحبه ربه !! من لما قالتها لي يمكن من وقت طويل وأنا أفكر بكلمتها !! أسبق كلامي دايماً بأحس كذا \ بداخلي كذا عشان ماأحد يظن ههههههه ومع ذلك يتريقون وأخذ الشغلة مزح أصلاً والله مافكرت إنها شيء بيكون له دور بحياتي !! لو بأحلم وبأتخيل هههههههههههه رحت وطي .. لو بأحلم وماأكون واقعية كان تناسيت الوهن وماأتعبتني حساسيتي من المشاكل بهالشكل .. يقولون دارس الرياضيات ذا خيال واسع ههههه يمكن يكون له دور مخي --- تبي تطقطق !! طيب أقول السالفة من قبل كم سنة كنت أقرآ رقم ثروة أحد ما بالمجلة فقلت لهم بيوم ما بتصير ثروتي وقلت رقم من خيالي !! كلهم ضحكوا من وين !! الصدفة كان بحسابي مثلها بس بالعشرات ههههههههههههههههههههههههه سماني ولد أختي بالرقم ذاته هههه اللي قلته لهم .. فرق بين حسابي ذيك السنة والحين !! يمكن ماوصلت للي قلته بس مع أخ مثل الغالي بتوصل أحلامي للواقع بإذن الكريم .. بيجي يوم إن شاء الله وأسوي مركز أبحاث للوهن !! وأشخّص وأعالج المرضى اللي مايقدرون وبأحاول ماأحد يمر بالمرمطة اللي مرينا بها أنا وأهلي بديتها بمنتدى يجمعنا من كل الوطن العربي !! يمكن أموت ماكملت وماوصلت والدنيا تخوني بس بداخلي حلم كبير من هالناحية ماأسعى له لأني ماأقدر لكن قانون جذب ههههه بيجيبه ربي إن شاء الله عش أحلامك تتحقق !! الأمل بالله هو الشعور الحلو اللي حتى بتعبي يقويني !! بس هالخوف والرعبة تفكني وأنا بخير !! الخوف من المسؤولية !! والخوف من إني أفشل ماأوفي هالمسؤولية بس .. -- هههههه أنفكيت !! أنت تعطي ثقة شكراً لك .. ربي يسعدك .. |
مرحبا .. أمس كنت أقول لأختي الدكتور رعد يقول في نوعين وهن وأنا ماأعرفها هههه قالت غريبة كل شيء تعرفينه أول ماعرفت طبيبي من 8 سنوات سألني وش دراستي ؟؟ قلت تربية قال حسبتك زميل ههههههه من كثر معلوماتي عن الوهن الغريب إن حتى أعراضي مختلفة عن مرضى كثير عرفتهم أحتاج أعرف النوعين وكيف تأثيرهم لو سمحت .. \ أو أنا بجد غير بالمرض وأعراضه والسبب زمزم والحبة السوداء أنا من 14 سنة ومن أول يوم مرضت ماأشرب إلا زمزم ولو شربت غيره بطني يألمني لما نطلع مكان وأشرب ماء صحي ماأنام من بطني لو يجي بالشاهي ماقلت لا هههههههه أحيان أشربه روقان بس مو عطش مثل القهوة والعصير حتى أحبه أكثر منها ^^ ماأدري ليه قلت المعلومة ههههه بس عشان تعرف سبب من أسباب تفاؤلي -- ممكن أعرف وش تحليلك لكل كلامي !! وش أعاني منه ؟؟ وش شخصيتي وش المشكلة ؟؟ ماأدري وش معناها علمياً بس أبي ملاحظاتك عن كل شيء .. -- شكراً لك |
لي عودة أخت سارة الحين دايخ ومو مركز،، سأجيبك عن قريب ان شاء الله |
http://www.nafsany.cc/vb/showthread.php?t=74753 ردودي بهالموضوع نوعية من اللي أقول حاسة تخليني أحس شيء غريب !! حتي مع الصغار لما بنت أخوي تسرد شغلة صارت معاها وأناقشها وأصيدها !! مخربة شيء وإلا مسوية جريمة خخخخخ أحيان أهاوشها أو أعدي لأن أمها أحيان تزعل عليّ لما أتدخل بالتربية خخخ وكثيرة المواقف اللي أما أناقش وأكبرها أو أعديها !! مع أخواني أو عيالهم أو صاحباتي .. استنتاجاتي ذي وش ؟؟ فطنة !! ولغة جسد خخخخخ أقسم بالله هالإستنتاجات تتعبني وربي تتعبني -- لما كنت بالكلية أستاذة علم النفس درستني 3 كورسات علم نفس مرة سوت لنا إختبار ولما رجعت لنا الورقة كانت كاتبه على كل ورقة صفة تتميز بها الطالبة كانت كاتبه على ورقتي الهاديه .. أنا ماأسجل بالمنتديات إلا بهالأسم وحقوق التصاميم كلها كذا يمكن لامستني وعرفت طبعي بس أحب هالصفة فيني رغم كل الإزعاج اللي أشوف حالي فيه هههههه -- انتظر عودتك أكيد وأبي تحليل لكل الصفحات مين أنا ؟؟ مين ساره ؟؟ وش خلفه هدوئي ؟؟ |
مرحبا .. نفسي أتكلم عن اليوم .. أنهديت حاسه بخيبة أمل كبيرة بس أخاف أكثر عليك أبي أشوف كلامك أول .. |
حاضر أختي
الآن أنا متفرغ للتعليق على كتاباتك وأعتذر على التأخير اللي صار |
| الساعة الآن 01:02 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا