حسبي الله ونعم الوكيل
 

انا في مقتبل الشباب وما وصلت ال 25 واحس اني بعمر الخمسين ,, ليش هالمعاناة ؟

حسبي الله ونعم الوكيل ... الشباب في غيري عايشين حياتهم اما انا مكتئب ومنعزل وحاس بالوحدة ومهما حاولت اني اطلع واغير جو احس بحزن بداخلي وبضيقه ما يعلمها الا ربي ..


لجات للطب النفسي وجربت سيبرالكس ما نفعني ., بجرب دوا ثاني بس حاس باحباااااااااااط شديد ... التفكير مرهق ,, حتى لما اضحك على موقف معين في شيء بداخلي يقول اني ما استاهل اضحك او افرح .. احس بحزن وكراهية للناس .



الله المستعان ,,, يا اخوان دلوني على اي شي مفيد دلوني لو حتى ادمن مخدرات بس كيف .. ودي اعيش مستانس ودي ارتاح .

أخوي كيف حالك السلام عليكم أول شي اذكر الله وستعن به وهو خير من يستعان به مشكلتك هينه وترى الي فيك عندنا يمكن وكثر كثير ونمر فيه ومرينا بأكبر منه غيرك فيه اكتئاب وسواس ونوبات هلع وقلق ومخاوف من المرض وصابرين وينتظرون رحمة الكريم .. المهم أنت من كلامك الحين ومواضيعك السابقه اكتئابك ماهو شديد المهم الحين مشاء الله عليك مستخدم علاج واحد وضايق صدرك بقولك شغله اذا ما تعرفها أن مضادات الإكتئاب أنواع كثيره ولي يمشي معك يمكن ما يسوي شي مع غيرك وغير كذا بعض المضادات ما تعطي مفعولها مع شخص لين يتم تدعيم المضاد بمضاد ثاني يبداء يعطي مفعوله المضاد الثاني حتى الطبيب يوم يعطيك سبراليكس يدل على انه حريص عليك بدى بمضاد واحد ومن الأدويه الحديثه المؤمونه بإذن الله رجعتك لطبيب ولما تقوله النتيجه مراح يتضايق من شي لأنه حاط في باله أن مضاد واحد مراح يسوي شي بس عن قولتهم بيبداء معك من أول السلم بادي و حبه حبه ما جاء وجرب عليك خمس أو اربع ادويه من أول الطريق المهم ارجع له وعلمه وضعك أن ما سوى معك شي المضاد ومع الوقت بإذن الله بتطيح في العلاج المناسب لك يمكن يكون دواء واحد يمكن ثنين يمكن ثلاثة وصدقني العلاج أول ما تستخدمه يعطيك أعراض تضيق الصدر بس اصبر أسبوعين وفيها تحس بإن الله بتحسن وتحس أنك بديت ترجع بحاله افضل كثير من أول المهم رح لطبيب ترى الطبيب ما عطاك العلاج وهو حاط في باله أنك بتمشي مع الدواء هذا وبس هو متوقع أن الدواء بالحاله مراح يعطي نتيجه بعدها بيجرب يزيد الجرعه أو بيعطيك مضاد ثاني يدعم المضاد الأول وهكذا لين يصيد التركيبه أو المضاد الي يمشي معك لا تتأخر رح له و نسق مع معالج نفسي عشان يسوي لك علاج معرفي وسلوكي المهم تحرك ترى نفسك يوم تحس انك متجرك هذا بحد ذاته خطوه للأمام بإذن الله في الوصول للعلاج والعافيه .. الله يعافينا ويعافيك و يكتب لنا ولكم السعادة في الدنياء واللآخره .. لا تنسى الأستغفار والدعاء وكل شي قبل ما تسويه أستخر الله وتوكل على الله ومن توكل على الله فهو حسبه

اخي كيف الحال ارجو مراسلتي بالاقتراحات

يا اخوان انا ما اطلع من غرفتي ,, 4 سنين وانا مكتئب انقلبت حياتي من فرح الى تعاسة من عدم تفكير ووناسة الى تفكير وقلق داااائم ...

انا تعباااان عقلي مجهد من التفكير افكر افكر افكر ,, حاس بقلق مع اكتئاب .

الله كريم ,,, والله ما كان فيني شي فجاة صرت بهالحال ,, ماعرف شو السبب ,, الدكتور يقول من كثر الضغوطات ,, وانا ما عندي ضغوطات ولا هم يحزنون والله انه كثير من الناس ودهم يكونون مكاني وانا عارف بهالشي ,, بس الاكتئاب والقلق ما بدا معاي الا من 4 سنين وفجاة !!

يعني معقولة شخص يبتدي ياخذ علاج نفسي وتسوء حالته اكثر ؟؟؟

تبون الصراحة والله حسيت نفسي اذكى من الدكتور النفسي مب فاهم شي ويتثاوب في ويهي وانا شخص عصبي لدرجة اني كنت بنفجر وودي اصفعه لكن هذي المستشفيات الحكومية للاسف ):



انام ولما اصحى اخذ حبتين بندول نايت ولكسوتانيل وارجع انام وهلم جرا ,, هذي حياتي حاليا ,, فقدت 25 كيلو من وزني بسبة الاكتئاب خلال فترة بسيطة لعدم الاكل وللتفكير الدائم .



يا اخوان انا خلاص مقتنع اني مكتئب لكن ابا شي يخلي عقلي مرتاح ما يفكر ,, انا تعبت من التفكير ,, مخي خلاص مجهد .

يا اخوان ,, انا حاليا اخذ سيبرالكس لكن بسبب القلق الدائم قاعد اخذ لسكوتانيل اول كنت اخذ 3 ملجم الحين 6 ملجم وما عاد يفيد صرت اخذ بجرعات اكثر وانا عارف انه هذا بيخليني ادمن على هالامور وعارف انه ممكن يتطور عندي هالشي الا اني ادمن اشيا ثانية اقوى ..


دلوني على علاج اي شي ,,

إذا كان مرضك مو روحي فأنا اقول مرضك مثل مرضي انا خسرت وزن مثلك ونصيحة مني نظم وقت الاكل وكل زيت زيتون عشان إذا استهلك التفكير طاقة يصير ياخذهامن الاكل خل عندك مثلا خمس وجبات في اليوم3 رئيسية انا بس ودي اسألك شيء عند اضطرابات في البطن
وهل عندك ضعف بالتركيز
إذا ما كنت تدرس فبإمكانك تتأقلم مع المرض مو علاج عن طريق تنظيم الوقت وعدم الجلوس بدون اي شيء مثلا روح اشتغل بعدين مثلا نت بعدين مثلا تتطلع مع أصدقائك حبة حبة بعدين راح تلاحظ انك أفضل
إذا كان مرضك مثل مرضي فحتى الآن الأطباء هجزوا عن علاج مثل هذه الحالاتوللأسف إذا لم يفدك الدواء فلا اتوقع انه سيفيد ني مالنا الا الصبر ابعى أسألك شيء ثاني قبل ما يجيك المرض هل صار ضغط او موقف أزعجك مثلا خسرتمال او ظروف
انا بس منزعج من شيء وحد انه ودي ادرس وما اقدر ضعف التركيز والله انقهر من الناس الحمدلله على كل شيء

ما فيني شي روحي ,, انا ارقي نفسي واصلي وادعي ربي والحمد لله ما اؤمن بالرقاة اؤمن انه كل واحد يرقي نفسه .. صحيح انقلب حالي فجأة لكن هذا ما راح يخليني الجأ لبعض الرقاة الي يضحكون على ضعف الناس عشان فلوس حسبي الله عليهم ,, يقصون عالجهلة لكن ما يقصون علي .

ياخوي عبد الله طز بالوزن ما عاد يهمني ,, انا بس ودي ارتاح تعبت من التفكير والله العظيم .

ياخي حاولت اروح واطلع واغير جو واقعد مع الاهل واضحك الخ الخ بس داخليا حزين وافكر طول الوقت .


بالنسبة لسؤالك الاخير , نعم حصل لي حادث قوي وشفت فيه الموت وانظلمت ظلم كبير واتبلوا علي ناس (قصة طويلة ) ومن عقبها انقلب حالي ,, بس انا ما اعتقد هذا هو الموضوع لاني خلاص نسيته وما احس انه ماثر علي حتى ذكرت للطبيب النفسي الموقف هذا قالي ماله علاقة وانا بعد اتفق معاه , ما احس له علاقة .



الله المستعان ..

اخوي هذا الموضوع هو السبب حتى انا صارلي شيء ونسيته وتفاجئت بعدها بكم يوم اني تغيرت حياتي انقلبت المصيبة انه مشكلتي سخيفة مرة شكله كان عندي استعداد لهذي الحالة
اتمنى فقط تجاوب على سؤالي عندك اضطرابات في البطن يعني قولون عصبي قصدي

ماعرف شو هو القولون العصبي ,, لكن بعد ما بحثت في قوقل وقرات اعراضه ,, الاعراض كلها منطبقة علي وبشكل دائم دون مبالغة .

لكن كفحص طبي ما فحصت بالتالي صعب على اجزم اني اعاني من قولون عصبي او لا .


بس ممكن توضح وين العلاقة ؟

اخوي القولون العصبي لا يشخص عن طريق الفحص فقط بالاعراض لا اساسها نفسي
القولون العصبي يعني عندك اضطرابات في الاخراج مع انتفاخ البطن
إذا كان عندك بإمكانك تتأقلم معاه عن طريق تنظيم الاكل 5 وجبات في اليومو

شو هالحياة الكئيبة ,, مرض وتعاسة وعيشة قبيحة ونفس مكتئبة وقلق ودمار نفسي ... يعني ادعي على نفسي ولا انتحر وافك نفسي والعالم من وجودي اللي ماله قيمة ,, والله اني عالة ..


ابي اعيش حياة طبيعية في حياتي ما ضريت حد دايما في حالي ,, ليش ما اعيش مرتاح ليش التعاسة والله اني احاول اطلع واختلط بالناس بس من داخلي حزييييييييييييييييييين . دايم التفكييييييير .


هالشي متعب ومرهق ..


حاسس نهايتي ان ما كانت انتحار , فهي مخدرات ..

اعتقد اخي انا مريت بنفس تجربتك تقريبا بس فيها سجن وما تأثرت الا بعدين يعني بعدها بسنه ونص اعتقد المشكله في العقل الباطن عقلك اصبح دائم التفكير ومشغول بالمشاكل

والحل ؟؟؟؟؟؟؟؟؟؟؟؟

الحجامة منها فايدة ؟؟؟؟؟؟؟ في حالتي ولا اغسل ايدي ؟؟

ابا اجرب اي شي ,, ابا اتحسن بس كيف ,, انا قاعد احاول .

يا اخوان شو احسن دوا للي ما فاده سيبرالكس ,, انا عندي موعد مع الدكتور وابا احط في بالي خيارات بعد البحث عن ادوية تفيدني ..

بس ماعرف ,, يا اهل التجارب اناشدكم عطوني مقترحات يعني في دوا افضل واقوا من سيبرالكس واعراضه خفيفه ؟؟

جزاكم الله خير .

حبيبي كيف الحال ودي انصحك بعلاج فافرين فهو ممتاز صراحه يعني باذن الله انه يساعدك ممتاز للوسواس والاكتئاب والرهاب

طبعا هو اقتراح والراي لك وحاول تسوي كل شي سو حجامه تخليك نشيط ولوتروح عند شيخ يقرا عليك يعني تسوي كل الاسباب لان هذا الي انا ناويه ان شالله

صباح الخير اول شي
اخوي لااتتوقع ان الطبيب النفسي والاخصائي النفسي زي العصا السحريه هم يساعدونك صح بس بنفس الوقت لازم انت بعد تساعد نفسك
الادوية لحالها ماتكفي الادويه من غير جلسات تسكن الجرح بس ماتعقمة العلاج والجلسات كلهم يساعدون بعض خذ لك بأي عياده بالرياض مع طبيب نفسي عندك مركز مطمئنة مثلا يشوف حالتك ويشخصها وبنفس الوقت يحولك لمعالج نفسي وشوي شوي بالتدريج راح تلقى نفسك تغيرت ان شالله

جرب تغير الطبيب او يغيرلك الدواء
انا كنت اعاني مع الاكتئاب وضل الطبيب يغير لي الادوية والجرعات واستمريت عليه والحمد لله شفيت منه تماما
والان لا اخذ اي ادوية من سنتين

اخي الفاضل
سلامتك وماتشوف شر
الله يهديك ليش تروح مستشفى حكومي مارح تستفيد
روح عند طبيب نفسي وأيضا معالج نفسي بعيادات خاصة إن كنت مقتدر ماديا
والاكتئاب مش معقولة يصيبك فجأة أكيد فيه أسباب وتراكمت وخللتك تمرض بالاكتئاب
وواظب على رقية نفسك
وأنصحك تنظف بطنك بمحلول أعشاب من عند شيخ يرقيلأن جربته وبقيت سنة ماأشتكي من القولون.
وسلامتك

اخي كيف الحال
عيش حياتك وطلع واحضر مناسبات وطنش وتجاهل هذي الافكار وبتروح وتتلاشا من نفسها ان شالله

لكل من رد على موضوعي لكم جزيل الشكر والعرفان ,, ردودكم تعني لي الكثير .

الله يشفي كل من يعاني محد يحس بالامراض هذي الا اللي جربها ويعرف مدى الالم والتعب اللي يمر فيه المريض النفسي ..


انا بطبعي كتوم ولا احب ابين ضعفي امام اي شخص في الواقع ,, محد يدري اني اخذ ادوية او اراجع طبيب نفسي في الحياة الواقعية ابدا لانه لا ارضى ان ينظر لي بنظرة شفقة او ضعف .



للاسف واقولها حاليا احس اني ادمنت على لكسوتانيل بجرعات كبيرة في اليوم وصعب استغني عنه .


ومستمر على سيبرالكس 20 ملجم الين ما اشوف الدكتور بعد اسبوعين تقريبا ... لكن مسبب لي خمول وكسل واحس جسمي مكسّر ومنهد حيلي .

سامحوني ما عطيتكم حقكم وقدركم بالرد عليكم واحد واحد .

يا اخوان انا ما كنت منتظم على جرعة سيبرالكس 20 ملجم لانه سببي لي امساك شديد فرجعت لجرعة 15 ملجم ..... حاليا منتظم على الجرعة الجديدة اللي هي 20 ملجم لي اسبوعين تقريبا وحاس بجسمي مكسر ومنهد حيلي عالاخر حتى احس بتعب بمجرد اني اقوم من السرير عشان اروح الحمام او اشرب ماي ... يعني جسمي مكسّر .

تختفي هالاعراض ولا في طريقة معينة ؟

الله يعينا على هالامراض والله انانفس الشي عمري 25 ودايما يقولوكنك بالخمسين حتى لبس صرت ماالبس الابيجامات بعكس اول احب الكشخه وتمر علي 4 شهور مااشوف الشارع هذا غير الامراض اللي هلكتني

اخوي كيف الحال

تصدق بالله العظيم اني كنت ما اقدر اتحرك من السرير من كبر الاكتئاب؟


اقسم لك بالله كنت اشيل هم اني اروح للحمام ( اكرمكم الله ) علشان اغسل وجهي ...كنت كاني شايل جبل على صدري ومشيتي كانت ثقيله جدا جدا



كنت حساس حسااااااااس لابعد درجه لو اشوف احد يكشر او ينظر لي بشفقه كنت احاسب نفسي طول اليوم علشان هالنظره التافهه


المهم رحت وسويت فحص دم ... طلع عندي فيتامين د حوالي 6 بس !!


واعتمدت على رفعه بكبسولات ماكسويل فورت يوميا و علبه كامله اشربها من سائل فيدروب كل اسبوع


بالاضافه الى الاستحمام بالماء البارد فقط ومع علاج عشبه القديسين و ريسكو ريميدي


النتيجه ولله الحمد ذهاب الاكتئاب نهائيا وبديت احس بالفرح والضحك والوناسه وصرت نشيط جدا


والله ما باقي عندي الا ذره بسيطه جدا قلق وان شاء الله تروح


تمنياتي لك بالتوفيق

الحمد لله على شفائك اخوي الدبلوماسي ويارب حالك دايما بخير .



انا افكر اسوي حجامة ... بس احس بكسل كالعادة .





يا اخوان انصحوني بخصوص لكسوتانيل احس اني ادمنت عليه وفي نفس الوقت ما ودي اتركه ,, احس انه مريحني شوي وهالشوي بالنسبة لي شي كثييييييييير ,, عالاقل احس اني مسترخي ... فيها خطر على المدى الطويل ؟

اختي ريم الله يشافيج ويعافيج يارب ... الاكتئاب يخلي الواحد مهمل صحته ومظهره للاسف الحياة ميتة بالنسبة لي ومالها طعم ,, اي شي اسويه ماله قيمة وماله هدف .

بس مالنا الا الصبر ورب العالمين ياجرنا على صبرنا .. الحمد لله على كل حال .

انت شاب روح اعمل رياضة3 ساعات باليوم خالط ناس نفسيتهم حلوة لان بصراحة قعدتك مع ناس اموات طفشانين مكتئبين طول اليوم واللاسبوع والشهر رولايدرون عن هوى دارك راح يزيد همك هم انا مثلك والله يعينك بس اذا ضحكت وحسيت بشي يمنعك من الضحك ترا هذا وسواس لاتلتفت سبحان الله ابليس من خساسته يجي للانسان وهو ضعيف عشان يسيطرعلية بالافكار الي يزرعها بعقله وبقلبه والا ربك جميل ويحب الجمال والفرح الابتسامه صدقة وماجور عليها صحيح وش حادك على القعدة بغرفتك طول اليوم اطلع من غرفتك نصيحة انتبه تقعد على هالوضع انصحك نصيحة اطلع شوف اهلك واطلع لوبمشوار قريب عشان تلهي عقلك وتنفس عن افكارك وكيف الحال بعطيك خلطة للشيخ سعودي اسمه الرويس ناشر خلطة مجانا لوجه الله اعرف ناس جتهم حالات من اذى شيطاني او عين او سحر وتغيروا هذه الخلطة مجرد سبب اكيد


من 250 الى 300
زيت زيتون مقري عليه
من نص الى فنجان حلتيتةتكون جديدة مدقوقة < لاازم مهمه والحلتيته بذور تشبه حبات القهوة التركيةتحصلها عند عطار موثوق فيهومحلات البهارات لاتروح عند الهنود وجذي
من 3 الى 4 ملاعق حبة سوداء جديددة ومطحونة

الطريقة تخلط جميع المقادير وتدفى على النار وتترك حوالي 4 ايام حتى تبان رائحة الحلتيته بقوة
ثم يدهن بها اسفل البطن والظهر والصدر بعد تدفئة الزيت وتسخينة يوميا ماقبل النوم والمدة على حسب حالتك واذا كتب الله ووفقك فيها راح تخرج اوساخ واشياء من الجسم وهذا باذن الله بداية خروج الاذى
بالنسبه للزيت المقري انت ابحث عن ماءمقري عليه ماء زمزم اوعادي اسال امام المسجد او انت تحصل كتاب بالمكتبات اسمه الرقية الشرعية ولونه اخضر مثل كتاب حصن المسلم الاحمر اقرى على روحك واستبشر خير يااخوي

انا جربت كل شيء .. ما خليت شي ما سويته لكن للاسف اكتئابي يزيد مع الايام .. جربت اطلع من الصبح الين فالليل لكن ما في فايدة ,, لعبت رياضة سويت كل شي اقدر اسويه .. لكن التفكير دايم في راسي والقلق والخوف .. حزن ما يعلمه الا ربي .

4 سنين وداخل بالسنة الخامسة على هالحال ,, انزين ليش ؟؟ شو السبب ؟؟؟ احااااااااول بس ليش ما في فايدة ؟؟؟ شو الحل شو فيني بالضبط ؟؟؟ الله كرييييييييييييم .

احس بعصبية وبقهر والله اني مقهور على نفسي ..


انا احاول اتاقلم مع اكتئابي بس مب قادر يعني مب قادر اشتغل او اركز باي شي ثاني لانه عقلي مشغووووووول بالافكار اللي في راسي ... والله تعبت ... يعني ابغي حللللللللللللللللللللللللللل .


مرات اشوف افلام اشوف الممثلين يدخنون حشيش او اي شي ثاني ويحسون بالفرح وينسون همومهم ودي بشي مثل هذا ... جد ما اتمصخر ابا انسى همومي ابا انسى التفكير عقلي مجهد من التفكييييييير .


حتى الصلاة صرت متهاون فيها للاسف انا احب ربي واخافه لكن التعب هذا مخليني يائس.

والله العظيم أن وضعي كان أسوأ منك بمراحل لكن سبحان مغير الأحوال ..

أهم شئ العلاج لاتتهاون فيه وأصبر عليه فقد لايناسبك دواء أو دوائين فتتحطم أنا جربت الأدوية التالية كلها :

ريسبردال

أفيكسور

سيروكويل

فافرين

زيبركسا

أبيليفاي

ريميرون

سيروكسات

بروزاك

لوسترال

والذي أفادني فقط هو اللوسترال والبروزاك !

أهم شئ لاتيأس وحاول وحاول وحاول ..

ولاتعذب نفسك بالشعور بالذنب والخوف أنك مقصر في العبادات

والله العظيم جلست 3 سنوات ماركعت لله ركعة لكن الله لطيف بعباده وأرحم بك من أمك

إن بعد العسر يسراً إن بعد العسر يسرا ..

شافاك الله وعافاك ..

اسال الله يشفيك ويجعل مرضك سبب لدخولك الجنة وكفارة لذنوبك واجر عظيم اصبر اخي ولاتفكر في المخذرات وحاول تتلذذ صبرك من عذابك لانك ماجور عليه
وكل ماشعرت بالحزن قل الحمدالله

اخويا جرب البروزاك مناسب للاكتئاب
اقرا البقرة بشكل يومي
لا تستهون بالعلاج الروحي والرقية والزيت واتوكل على الله دائما وابدا