اكثر عرض يخوف
 

السلام عليكم

بالله وش اكثر عرض يخوفكم كل واحد يكتب العرض اللي صعب يتحمله او يكتب الاعراض بالتدريج

انا بالنسبه لي الخمول هو اكثر عرض مااقدر اتحمله حتى اليوم وانا وايح اصلي الظهر كنت حاس بخول وانا اصلي حسيت بدوران او بقرب اغماء ثمن جاني خفقان ويالله كملت الصلاة بغيت اقطعها بس حاولت اشجع نفسي

نبي نسمع اقوى عرض عندكم

احساس سحب الروح اصعب عرض لان يخليني اخاف واحس خلاص

وضحي بالله وش قصدك بسحب الروح

انا الدوخه اللي جتني بالمسجد خلاص تعبت حتى توقعت انه مو ممديني اروح البيت ثمن قلبي صار يخفق

يعني احس بخفقان قوي وقلبي يرجف

الاحساس بسحب الروح هو اكثر شي يرعبني يجي خفقان وكان روحك جالسه تنسحب من جسدك وبتطلع مع الخلق اصعب شي هذا الاحساس الله يصبرنا بس

يعطيكم العافيه يااخت ساره وام حنين

نبي الباقين

بس انا مااحس بالخفقان الا اذا حسيت بخمول يعني سبب الخفقان الخمول

ليكون اخوي عزوز نقص فتامينات
سويلك رياضه مره تنشط

بالنسبه لاكثر شي يخوفني على حسب قوه العارض لكن في الوقت الحالي الكتمه لانها ترفع الضغط عندي

والله يااخت ام لبنتين هذا الشي اللي مخليني مو مقتنع انه نفسي

مع اني قد سويت تحليل دم ويقول سليم ولله الحمد

اذا الانسان اصابه الذعر من شي تافهه تبدء كل الاعراض بالظهور من خفقان ونشفان بالريق ودوخه وكل شي

الله المستعان

اكثررر عرض يضايقني ماايخوفني هو الدوار وعدم التوازن مليييت ياارب رحمتك اليوم بعد اخوي عزوز وانا اصلي من سجدت جاني خفقان يخووف وحسيت بجسمي صاار حار وانا اطول بالسجده قلت اذا هو الموت خلني اموت وانا ساجده بس من جد شعور يخوف يااارب ترحمنا

تحليل دم لكل شي ولا بس لفقر الدم
ترا عندنا مايسوو تحاليل لكل الفتامينات لازم انت تطلبهاا
غير الغدد تسبب خمول حاول تحللها

والله انا الي ما اقدر اتحمله ولي مزعجني اكثر ، ضربات القلب السريعه ، بعدين الشعور بضيق ، الله يشفينا يارب

انا الخفقان وتسارع نبضات القلب شي مو طبيعي الكتمه اللي تجي معه خلااااااص ما اتحملها الخمول ممكن الواحد يقوم ويتنشط بس القلب وسرعته شي فظييييييع ماتقدر تتحرك الله يشفينا ويعافينا

أكثررررررررررر شي يخوفني الدوار وحسيت اني بطيح على وجهي ....إحساس تتمنى الموت بعده واوصل لحالة اﻻنهيار ابداء أصرخ اكسر

والي يقهرني زوجي كل ما اجي له ابكي يقول هاه بداء معك الواسواس ... يقول بلاء راسك من هالجوال والواتس واﻻنستغرام ...قمة البرود عنده مل مني ومن مرضي... بعدها اطنقرررر عليه

عزوزي انا كنت مثلك احسبه قلق لكن طلع نقص فيتامين د والحمد لله تعالجت منه

اكثر عرض يخوفني هو
ضيق التنفس وصعوبة البلع والخفقان

اكثر شي يخوفني الدووورار والتنميل والضيقه

مسوي تحليل شامل

قالي عندك نقص فيتامين د وعطاني علاج ولا شفت فايده

انا ماانكر ان عندي مرض نفسي يعني تفكيري دائما بجسمي

بس احس ان فيه شي بجسمي فيه نقص واخو اللي جاب لي التعب النفسي

لاني دايم اشعر بخمول ولا اشوف احد بالمنتدى يشعر بخمول الا انا يعني انا مو زيكم

أنا يجيني خمول أحياناً، أعتقد بسبب قلة الحركه..

اكثر شيئ يزعجني الكتمه والخوووووف والكووووره اللي في الحلق،،،،

الحمدلله على كل شيئ،،،ربي يشفينا جميعا شفاءاً لا يغادر سقماً

صراحة سؤال صعب
اتمناها تزول كلها لاانها جات مع بعض فمااعرف ايش اللي يخوف اكثر

الخمول - الخفقان - جفاف الفم - التنميل

عزوزي بخصوص انه طلع عندك نقص فيتامين غريبة يعطيك حبوب

انا مرة كان عندي نقص فيتامين العلاج كان ابرة مركزة كل يوم لمدة اربع ايام
يعني الين يرجع مستواه في الجسم وبعد كذا تحليل ثاني والحبوب

اخوي نواف انت عندك خمول

بعدين على مااعتقد النقص كان مو قوي وكل الناس عندهم نقص فيتامين د يعني الامر طبيعي

نعم عندي خمول واكره الطلعة في النهار صاير زي البومة مااطلع الا الليل النهار اقضيه نوم ولا قدام التلفاز
الليل احس جدا مبسوط وحاب اعمل كل شيء بس تطلع الشمس يجيني خمول وضيق وجفاف الفم وقفت جميع الادوية من فترة واكتفيت بالتطنيش

ايه والله صرت معاد اذلع اذا طلعت اتوتر اخاف يجيني خمول وانا معهم والا دوخه صرت معاد اطلع واذا طلعت من البيت الا انا على اعصابي ومتوتر واراقب نفسي

شباب أبسالكم عن صوت في الراس أو خلف الرقبة او من الاذن مش متاكد من مصدره
الصوت عبارة زي فرقعة الغازات لما تخضها او زي تفاعل الاسيد يجيني احيان ويروح , هل احد مر عليه هالصوت

يا اخوان بالطريقه هذي ما راح تستفيدون طنشو الاعراض الي تجيكم المشكله انكم عارفين انها وساوس
والله مافيكم إلا كل خير وعافيه عيشوا حياتكم بسعاده خلو عنكم وساوس إبليس
وابتعدوا عن النت ابتعدووووووووووو عن كثرة القراءه عن كل عرض نصيحه اقنعو انفسكم انكم بخير

اخوي نواف انا عندي الاصوات ذي احس فيها بس اخر راسي من الخلف بدايه رقبتي

ام شجاع طيب ماعرفتي من ايش
لاانه في النت كاتبين طنين الاذن وهذا مش طنين
ناس تقول الغدة الدرقية وناس تقول غازات
صراحة الصوت مزعج واتمنى من الله يبعده عني