جهاز ألفا لعلاج القلق والاكتئاب والوسواس باذن الله تعالى
طبعآ كتبت بموضوع سابق عن هالجهاز وتجربتي معاه ولله الحمد نقدر نقول اليوم جلسه رقم 13 ولله الحمد احس براحه وحلو جدا
مع العلم ان ماستخدم ولا علاج فا حبيت اقول ياشباب انتوا عارفين ان قيمته غاليه 5 الاف ريال -وجلسته الوحده ب 150 ريال لدى مشفى الحبيب ومركز مطمئنه واتوقع كذا مشفى بس مو عارفهم المهم اللي من اهل الرياض وحاب يجرب الجهاز لايشتريه ولا يسوي جلسات ولا شي الجهاز عندي واعرف مقياسه وكم يحتاج الانسان له حسب ماعلموني وترى ماله اي اضرار فاللي حاب يجربه حياه الله لوجه الله سبحانه وتعالى يعني بلاش بس دعواته لي بظهر الغيب واني احب لغيري زي ماأحب لنفسي اللي يبي يعلمني يجي ياخذه بس مو بعدها يقفل جواله هههههههههههههههههههههههههههههه وابد لو يبي ل سنه يستخدمه كل يوم ماعندي مشكله -احسن ماتخسرون - اللي يبي اقوله للمره الثانيه يعلمني ولوجه الله سبحانه وتعالى اعطيه يستخدمه ويرجعه لي بشكل يومي عشان انا استخدمه برضوا والله يعافيكم من كل شر يارب |
الله يعافي الكل
|
اخوي محمد انا شريت الجهاز لي شهرين لم استفد ممكن تخبرني طريقة استخدامة كيف ربما انا لم استخدمة بطريقة صحيح ؟ كيف افادك وكيف الطريقة لو سمحت وجزاك الله ربي الجنة.
|
هلا اخيو حياك الله
الجهاز من تاريخ 19/10-يعني قبل مممم 17 يوم استخدمته بشكل يومي بمقدار 3,5 ثلاثه ونص تعرف قصدي اللي نتحكم فيها بالقوه بالجهاز وتكون المده 20 دقيقه امس قالي الدكتور زيد الى 40 دقيقه بشكل يومي -وبنفس المعيار 3,5 ثلاثه ونص والحمدلله الى الان من فضل ربي تمام بس شوف انت يمكن يحتاج ترفع الواط شوي يعني 4 مثلا او 4,5 يعني لاتستخدمه من راسك عشان تعرف نتايجه افضل وهالشي يحدده الدكتور يعني اذا انت حالتك اصعب بشوي يمكن يقولك زيد بالوقت بالاسبوع الاول اعتقد انك انت استخدمته غلط والعلم عند الله بس بفيدك الدكتور قالي بالنسبه لك 20 دقيقه وبمقدار 3,5 كانك تاخذ حبة سيبراليكس 20 |
3،5قصدك عدد الابراج التي تظهر بالشاشة؟؟ يعني هل اضعها هلى 20 دقيقة بقوة 3،5 وذا ماستفدت ازيد الدقائق الى 40 ام ازيد القوة؟؟
|
صحيح الابراج ثلاثه ونص بالضبط
و20 دقيقه لمده 7 ايام بالضبط بعدها نفس الشيء ثلاث ونص مدة 40 دقيقه مدة 10 ايام بعدها باذن الله راح تلاحظ تحسن كمل لاتوقف اذا شفت نفسك اوكي ولاحظت تحسن خلك نفس الشي 3 ونص 40 دقيقه |
شكرا اخي محمد . سوال هل استخدمه باليوم مرتين عادي او لازم مره باليوم وهل يوجد ضرر لو زدت القوة ؟
|
اسف اخوي محمد طولت عليك بالاسئلة جعلها في ميزان حسناتك. بالنسبة لتغيير القطن الداخلي التي توضع بااطراف شحمة الاذن هل تغير كل مره عند الاستخدام او عادي استخدمها كم مره وكذلك هل القطرة اضعها كل مره ؟؟
|
هلا يالغالي
ليش تزيد القوه زيدها بالتدريج بس مو اللحين يعني بعد ماتوصل الاربعين دقيقه القطنه انا اغيرها كل 4 استخدامات عادي تغييرها عشان النظافه فقط |
شوف لما وصلت انا والعياذ بالله من كلمة انا 40 دقيقه
صرت اذا صحيت من النوم 20 دقيقه وقبل النوم 20 دقيقه عادي يعني مرتين باليوم مافي اي مشكله والاضرار ماله اي ضرر باذن الله الا على اللي يستخدمون منظم ضربات القلب يكون استخدامهم له قليل بس بعدين فرقه عن الحبوب ان الحبوب لما تستخدمها لها حسنات وبرضوا لها سيئات اللي هي الخمول والنعاس بداية الاستخدام والسمنه بس الجهاز ليس له اي سلبيات مررررره |
تسلم اخوي محمد امس استخدمته 20 دقيقة وزدت ايضا 20 دقيقة يعني اربعين دقيقة بس اصابني ارق بالليل مانمت هل هو بسببها وهذا دليل فائدة الجهاز؟
|
صحيح ياعزيزي مو ارق يجيك نشاط
بس شف افضل وقت تستخدمه الصباح او الظهر يخليك مروق حيل وبعدين ليش زدته 20 دقيقه هو مايضر عادي بس يمكن انت ينفع معك 20 وش يدريك جرب لو 4 ايام مانفع ارفعه لل 40 بس بالنهار جرب اوكي مو بالليل |
ابغى اشتريه كيف الطريقة ؟
|
وش أخبار الجهاز
|
هل يصلح مع دواء البرستيك 50 ملغ ولا لازم اوقف دواء برستيك واستخدم الجهاز .
|
الساعة الآن 07:06 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا