خوف من العمر
 

جي افككر اقول ليش احس انه اخر عمر حقي هذا 💔💔
جي مثل واحد يقول ما بيطول فالعمر )؛

حتى و انا اكتب خايفه ليش جي اقول
ليش اخبركم
ليش خايفه من عيد ميلادي و خايفه اني بدش 21
و خايفه انه في حد اعرفه مات و هو عمره 21
احسسساسس غريببب اني بموت ف هالعمررر

في حد مثلي

خيتي هذا وسواس ونحن نمر به حاولي ان لاتشغلي نفسك في التفكير واسال الله ان يشفينا جميعا

عادي دايم يجي ببالي ان عمري ماراح يتعدى 30تحصل هذي وساوس من الشيطان عشان يحزنا والموت كلنا بنموت لكن سعيد الحظ اللي يموت على خاتمه حسنه

انا نفسك هذاك اليوم صديقتي تقولين اليوم ميلادك دخلتي ال 23
و انا اصيححح قلت معقوله كبررت بسرعه و بعد كم سنه بصير بالثلاثين
بعدين دريت ان العمر مجرد ارقاااام و الحياه مستمره سوا خفت و لااا لا
عشان كيذا استغلي ايامك بالعبادات عشان لما نكبر ما نتحسف المفروض نستغل قوتنا و نقهر الوسواس الحقير

شوفي ترا هذا شي صدق بعلم النفس
اكثر الوساوس والمخاوف
تجي للأشخاص اللي بالعشرين
لأنها مرحلة تغير كبيرررره جدا
تغير جسدي ونفسي وهرموني وعضوي وعصبي
كله كله يتغير عشان توصلين لمرحلة النضج الحقيقي
فتصير هذي الاشياء
يعتي شي عادي وطبيعي
واغلب الناس لو تسألينهم قد مروا بنفس حالتك
بس في منهم اخف وفي منهم اقوى
بالعكس افرحي وانبسطي انك بالعشرين

اشتري كيكه وحطي شموع عليها وخلي الوساوس على الجنب

أفكار تسلطية من الوسواس

مافيك إلا العافية

فاكرة لما كان يجيك ويقولك انه اخر سنة 2015 لك

تفتكرين ولا لا ..؟

عشتي بتعب وقلق طول شهر 12 ميلاد
والحمدلله انك بخيرررر

يعني شهور واحنا نمشي مع افكار وسواسية لا صحه لها

تاكدي من مشكلة القولون وجرثومه المعده وفيتامين دال

لانها تزيد من حالة التعب النفسي والوسواس

الله يطيل في عمرك يارب

يعني طبيعي اخاف من عمر معيين !!!
يعننني اخاف من هالعمر ماعرف ليشش

اتذكرر حددلي قبل بموت ف عيد ميلادي
و اول ما اكمل 21 بموت !!
عقب قالي لا فلان مات هو عمره 21 فانتي لازم تموتين و عمرج 21
😫😫😫😫😫

اذا عطيتيه وجه بيجيك يقول لك 22 ثم 23 ثم 24


أحسن طريقة لمقابلة الوسواس هو التهكم عليه إنه كل مره يخطيء ... أحيان يجي ونقول ليش هالمره بيكون حقيقي .. صحيح .. لكن حتى هالمرّه مابيكون حقيقي

لذلك دايركت فكري باللي عايشين ميه وميه وعشرين سنه ... الزمي الاذكار والصلوات .. المخاوف تحدين منها بأشياء كثيرة .. اتكلي على الله

إذا تبحثي عن علاج فالأفضل يكون علاج نفسي سلوكي مع أخصائي (معالج) نفسي

اختي والله انا مثلك بالظبط اخاف من المستقبل والموت لكن رحت عند شيخ راقي قرا علي واعطاني زيت وماء زمزم واستخدمها بانتظام والصلاه بوقتها صح تعبت والله اجاهد اني مااقصر بطاعه الله ارتاح سنين ولا اتعب سنين مع هالوسواس والحمدالله اقولك انا الان افضل بكثير يالله لك الحمد نصيحه قوي ايمانك بالله مهما كان جاهدي واصبري لين يجيك الفرج الشيطان ملعون يخوفك لين تصبحين مشغوله باامور الدنيا وينسيك ويخليك تقصرين بالدين فهو هنا يفرح ويقوى عليك انتي خليك عكس بالتمام