تائهه بين الادويه .. ساعدونى بالرد سريعا
 

مريضة باضطراب فالشخصيه وفى بدايه علاجى تناولت سيروكسات وزيبريكسا واوقفت العلاج ورجعت انتكست اول مرة بعدها اخدت ادويه مجابتش معايا فايدة زى لوسترال وسبرالكس وبروزاك واخيرا فادنى باروكستين بديل السيروكسات مع بروثيادين بوصف من الطبيب والان بادئه انتكس تانى وانا طالبه جامعيه وحاليا ففترة امتحانات وحياتى مش متحمله انتكاس واحتاج لعلاج سريع :( انا بستخدم الادويه لوحدى يعنى كنت رفعت قبل كدة جرعه الباروكستين ل3 حبات لما حسيت انى هنتكس تانى وفعلا فادتنى ولكن دلوقتى مش عارفه اعمل ايه جبت بروزاك وزيبريكسا تانى لكن مفادنيش بالعكس زودنى وغيرته لسيروكسات تانى قلت اجرب واخدت منه 2حبه ونص مع نصف حبه زيبريكسا قامت حالتى زادت سوء اكتر واكتر وايدى بقت تعرق كتييير زى الاول وحاسه بعدم تركيز خالص وانقباض كدة فالجسم سببه ضيق فالنفس وضربات قلب سريعه انا تايهه بجد مش عارفه هل اغير العلاج تانى لوحدى واجيب افيكسور مثلا ؟ وهل ضيق التنفس والانقباض الى فجسمى ده ممكن يروح لو اخدت ادويه لضيق التنفس ؟ ومش هعرف اروح للطبيب دلوقتى ارجوكو ساعدونى .. اسفه عالاطاله

ماهو تشخيصك بالضبط؟هل هو اضطراب ثنائي القطب مثلاً اذكري أعراضك بالضبط قبل الدواء .

كانت اعراض شديدة جدا جدا ومؤثرة سلبيا على حياتى كلها كنت مش بقدر اتكلم خالص مع اى حد او ابص فوش حد واركز فكلامه وكان عندى تعرق فالايدى .ووسواس بانى دايما متراقبه وعدم قدرة على فهم الكلام او القراءة (تردد الكلام المسموع او المقروء جوايا ) واحساس بالكأبه وعدم الرغبه بفعل اى شئ

الدكتور شخصنى اضطراب فالشخصيه ... انا تقريبا الاعراض بادئة ترجعلى تانى والسيروكسات مش بقى يجيب نتيجه والزيبريكسا بينيمنى كتييييير جداااااا ولابروزاك ولا لوسترال او سبرالكس وباروكستين كل ده معتش جايب نتيجه معايا 😢

لا انا مش عندى هلاوس انا مرضى فالاول خالص كان جميع اعراض الرهاب وكمان وساوس ولما المرض اشتد اوى فقدت قدرتى على فهم الكلام والقراءة بشكل طبيعى ومباشر يعنى لو حد اتكلم قدامى صوته كلامه بيتردد جوايا واعتقد العرض ده من اعراض مرض الفصام وطبعا ده بيسببلى تشتت وعدم فهم او قدرة عالرد مع اعراض القلق الشديد الى عندى يعنى تقدر تقول عندى خليط بين الرهاب والوسواس والفصام 😟😟 لكن فاول المررض سيروكسات وزيبريكسا اثرو جدا فيا من اول قرص والله .. مع العلم انى بقاوم المرض وليا حياة طبيعيه واصدقاء وبحب الناس جدا والكلام الكتير 😆 وطبعا ده بيسببلى الم اكبر لان مرضى بيمنعنى من كدةة لما بترجعلى الاعراض تانى الى ذكرتها فوق بعد موقفت سيروكسات ب6 شهور حصلى انتكاسه وخفيت عالباروكستين وبقالى سنه بستخدمه لحد مجاتلى دلوقتى انتكاسه تانى وبدور عالدوا المناسب تانى .. والله تعبت حاسه مش هخلص من دوامة الامراض والادويه دى 😢 الدكتور قالى انتى لسه مدخلتيش اوى فالمرض اعتقد انه يكون اضطراب شخصيه فصاميه او فصام نفسه وربنا يستر ويعافينا