المشاركة الأصلية كتبت بواسطة سعادة منسية (المشاركة 1279047)

انا بعاني من وسواس الموت من وانا صغيرة كان دايما يجيلي علي فترات مع نوبات هلع وبعدين الموضوع يخف وارجع طبيعية بس اللي هو كان بيجيلي الوسواس كنت بطنشه مثلا اركب أتوبيس أنزل الشارع يجيلي الوسواس بس كان عادي بيعدي ..
من 6 شهور كدة حلمت حلم وحد قالي انتي محسدوة فقررت أحافظ علي قراءة البقرة يوميا واصلي بليل ركعتين وكنت بدعي ربنا بحاجة معينة كان يقيني بربنا عالي جدا وقتها ..كان بيجيلي الشيطان مثلا كنت هسافر يقولي هيحصل حاجة ومرة تحديت الشيطان وفعلا سافرت ومحصلش حاجة ..
جه عليا من فترة قريبة عدد من الوفيات كنت بشوفها ع النت مكنتش بريح نفسي وكنت ادخل علي صفحهم الاقي نفس البوستات اللي بنزلها اقول صدفة لحد مالقيت وحدة كانوا كاتبين عنها ف النت دخلت علي صفحتها لقيت كانت بتنصح الناس انهم يقروا البقرة ويدعو وكانت بتاعي ربنا أن يحصل حاجة حلوة بس كانت بتحس انها هيجرلها. حاجة
المهم دماغي بقي من يوميها وجالي حاجة بتقولي أن ربنا كان بيقربني ليه عشان هيحصل كدة حاولت اطنش واضغط علي نفسي اكتر لحد ما الحاجة اللي كنت مستنياها محصلتش وحاسة أن في لغبطة ف شغلي وكل حاجة بتبوظ من يوميها وانا جايلي إحساس الموت والإحساس دا جايبلي خنقة وعايزة اعيط ومش عارف اقتنع انه وسواس كل ما أقول وسواس ارجع افتكر مستقبلي اللي مبقاش ليه ملامح والمرادي حاسة أن بجد وكل ما انسي افتكر البنت وأقول ما هي كانت حاسة ارجع اقول صدفة يجيلي طب ما انا ممكن برضو ابقي صدفة ..انا بحاول والله أقرب من ربنا ومستسلمش
بس الإحساس بيروح شوية ويرجع ولو قررت أن مش هفكر ف الاحساس يروح حصلي حاجة ف دماغي غريبة مش ببقي مركزة مع اللي حوليا واقعد اقول انا مالي اكييد في حاجة
انا بدخل اقرأ كلامكو. برتاح بس برجع تاني بقالي أسبوعين ع الحال دا
ليه بيجيلي الإحساس دا ؟
بحاول الاقي حاجة أتفاءل. . بيها مش لاقية
جالي اكتر وزاد الإحساس بعد ما حاسة أن كل حاجة بتبوظ
بقعد ادعي ربنا برتاح شوية وارجع تاني هو الموضوع مش معاه نوبات هلع بس بيبقي جوايا حزن وضيق وحاجة جوايا تقولي انت خدتي نصيبك خلاص
اجي أكلم صحبتي ع الماسنجر اقعد اقول انا بقولها الكلام دا ليه
أنزل ع الفيس حاجو دينية اشمعنا بنزله دلوقتي مع إن كل بوستاتي كانت دينية
لو قريت خبر وحش اتوتر
حاسة أن المستقبل غريب
مرة حد قالي انتي من الناس النادرة اللي فيها صفات حلوة الكلمة دى خوفتني واكتئبت لأن بيقعدوا يقولوا الناس الحلوة اللي بتروح
اما بنزل الكلام ومش عايزة انزله
انا نفسي اقعد اتكلم كتير واحكيلكوا ماما دايما شايفاني أن دا شيطان وهيا جالها الوسواس دا قبل كدة وبيبقي مش عايزاني احكي واطنش عشان مزدش

المشاركة الأصلية كتبت بواسطة سعادة منسية (المشاركة 1279058)

طب هو ليه حاسة أن المرة دي الإحساس مختلف عن كل مرة
مش حابة أدخل ف العلاج بحاول اعالج بالذكر والرقية والقراءن انا نفسيتي بتبقي احسن بس برجع تاني اقول طب كنت بحس بكدة ليه

المشاركة الأصلية كتبت بواسطة أبو عبادي (المشاركة 1279059)

طبيعي ياختي والله حسيت بكدة كثير انه فعلاً شعور مختلف عن كل مرة وحقيقي خالص بس تعوذي من الشيطان وإستمري عالرقية وسورة البقرة والدعاء وإن شاء الله خير لك بإذن الله تعالى ولاتنسينا من دعائك

المشاركة الأصلية كتبت بواسطة سعادة منسية (المشاركة 1279114)

تعرفي انا لما كنت بدعي ربنا بيقين ومكنتش بخاف من حاجة دلوقتي لما بدعي ببقي مهزوزة والشيطان بيوسوسلي يعني اللي حصلهم حاجة مكنوش بيدعو.استغفر الله العظيم نفسي ادعي بيقين تاني وميبقاش خايفة
ربنا يطمن قلبك يااارب

المشاركة الأصلية كتبت بواسطة أم محمد حكيم (المشاركة 1279208)

يا حبيبتي انا كل مره أحس اقول المرادي غير كل مره ربما يكون المرادي حقيقه مش وسواس زي كل مره.
بس عزة أسألك هي البنت الي حكيتي عنها كانت حاسة بأية .كانت بتاعني زينا ولا قصدك ايه

المشاركة الأصلية كتبت بواسطة أبو عبادي (المشاركة 1279239)

صحيح ياسعادة وهديلو فعلاً كلنا لازم نكون مررنا بهاي التجربة اللي ممكن اسميها بشعة 😭 بسبب البحث عن الاعراض والله كان خوف شديد ومتعب وتنغيص وقلق مستمر استغفر الله العظيم ربي اشفينا جميعاً وطول بعمرنا على طاعتك آمين يارب 🌹

المشاركة الأصلية كتبت بواسطة سعادة منسية (المشاركة 1279228)

لا مكنتش بتعاني زينا خالص بس انتي عارفة لما حد يقولك كان حاسس قبلها فالوسواس اشتغل من النقطة دي عارفة إنتي لما حد ينزل بوست ويقولك كان حاسس
تحسي أن بنمسك ف اى حاجة ونقعد نربط الأحداث مبنصدق
انتي بدأ معاكي ازاي؟