| اللهم اغفرلى |
21-09-2014 03:14 PM |
تجربتى مع السيروكسات .... شاركونى بالرد
السلام عليكم اخوانى
بعد معاناتى من سنتين وبعد مااخدت السيروكسات وشفيت تماما كنت ودعت كل الذكريات الحزينة وكل شئ يخص الامراض النفسية لكن شاء القدر ان اعود مرة اخرى لدوامة المرض النفسى والحمد لله على كل حال
شخصت حالتى انى مصابة باضطراب فالشخصية مصاحب لاعراض رهاب انا كنت بحس بكل اعراض الرهاب وفاول محاولاتى للعلاج كان وصفلى الدكتور بروزاك واولابكس اتحسنت بنسبة قليلة عليه بعد كدة زرت طبيب اخر ووصفلى سيروكسات25 وزيبريكسا لمدة شهر والله انقلبت حياتى راس على عقب وشفيت تماما كانت من اجمل الايام بحياتى كأنى اتولدت من جديد بعد مكنت فقدت الامل فحياتى وهربت مالبيت والقسوة الى شوفتها من اهلى والدجال الى ودونى ليه وكل ده بقى مجرد ذكرى اليمة بالنسبالى لكن مع بداية 2014 بدأت تجيلى الاعراض تانى انا كنت اخدت سيروكسات وزيبريكسا شهر ووقفتهم فجأة بعد الشهر لانى كنت بقيت كويسة واول مجاتلى الاعراض تانى روحت اشتريت السيروكسات واخدته لكن للاسف مجابش نتيجة :( فقررت ازور الطبيب تانى وروحتله ادانى سبرالكس وبردو مفيش تحسن وبعدين غيرهولى للوسترال واولابكس وبردو مفيش واخر مرة ادالى باروكسيتين وباروثيدين ومعاهم اميبريد قالى لمدة شهر ولسه بقالى اسبوع باخد العلاج ومش حاسه بتحسن خالص :( مش عارفة استمر عالعلاج ده ولا اعمل ايه وليه السيروكسات معتش بيجيب نتيجة هل محتاج انى ازود جرعته ولا هو العلاج النفسى بيبطل مفعوله بعد استخدامه ؟؟ ولا ايه يعنى تنصحونى بدوا جديد ولا استمر على علاجى ولا ايه؟
|
