خوف شديد جاني وانا اصلي الفجر 😭😭😭😰😰
 

السلام عليكم
قبل ربع ساعه وانا اصلي الفجر حسيت بيدي تعورني وبعدها جاني خوف وبروده. وحزن شديد. وقلق.
يارب اشكو بثي وحزني إليك يارب الطف بي يالطيف.
والله أني اكتب هذا الرساله وانا متملكني الخوف والتوتر ودي اصرخ. ساعدوني الله يستر عليكم

عزيزتي انت لازم تساعدين نفسك أولا بتجاهل هذه الأعراض، الخوف اللي حصل لك من الشيطان عشان تنشغلين ع الصلاة ويلهيك عنها وتحسين بالخوف تجاهلي وكملي صلاتك حتى لو حسيت بخوف وهلع ربنا كريم عالم بأحوالنا ورح يتقبلها مننا

لا تقلق زي كل مرة نوبه وتعدي

سم بالله واقراء اذكار النوم وتقوم وانت مافيك الا العافيه

لا تعطي اهميه لكل نوبه طنشها وبكذا كل مارجعت تكون اخف من اللي قبلها ان شاء الله

الله يجزيكم خير. بس أنا اول مايجيني هذا الخوف علي طول تنقلب حياتي الي تعاسه. والأفكار السوداء تحضر علي طول. وأكثر مايسيطر علي وسواس المرض. هذي مشكلتي. اي شي احس فيه يجيني هذا التفكير السلبي وخاصه وسواس المرض.

اعتقد اللي فيني عيوووون او سحر. يقلبنا فوق تحت. وش رأيكم ممكن يكون كذا

شكلي ابحط لي غنم وسَرِّح فيها في البر. وعيش حياتك.

واعزمنا عندك غنمك نطلع البر نوسع صدورنا .... مافيك الا العافيه هذا تخويف من الشيطان ودايم كان يجيني حنا مركزين على جسمنا زياده عشان كذا اي شي يصير نفسره ونخوف حالنا توكل ع ربك

قلم حبر انت الى الان مااكلت علاج ومتوقع انه سحر او عين ؟!

بنصحك نصيحه ولازم تطبقها لازم وبينفك عنك هذا الخوف باذن الله وتطيب
كل ما جتك الحاله ، كـثر من قول ، لا اله الا الله وحده لاشريك له ، له الملك وله الحمد يحيي ويميت و هو على كل شي قدير ، كثثر منها حتى لو توصل الف وحتى لو زاد التعب كثر من هذا الدعاء كل ماجتك الحاله كثر وراح ينفك باذن الله اللي فيك

واجه الخوف وراح تهزمة وراح تكون أقوى منه عن تجربة اي من الاعراض يجيك خلك قوي لايهمك مجرد شعور ماراح يصير الا الخير لو فيك مرض عضوي من زمان كان طايح بالمستشفى بعيد الشر عنك كل الي نحس فية مجرد شعور

جزاكم الله خير والله يعافيكم.

والله العظيم قد مر علي وقت من قوة الخوف ارجف من البرد وانتفض واتغطى بالبطانية وارجف وكنت احط السماعات باذني على الرقية الشرعية للسدحان

وانام 10 دقايق واقوم مفزوووعة وعلى ذا الحال اكثر من اسبوووعين وبعدها خفت الحالة والحمدلله على كل حال