اليوم ضيعت سياراتي .. وحزنت على حالي
 

السلام عليكم ورحمة الله

والله يااخوان مثل ماهو مكتوب
طلعت مشوار قريب ل موول قريب مني
طبعاً أي مشوار اطلعه بالسياره ،، انواع المغص والقلق وجفاف الفم وعدم التركيز
وقفت سياراتي واخذت اغراضي وطلعت
طبعاً كان معي توتر عجيب وكالعادة ابي ارجع البيت باسرع وقت
ف وقت خروجي من المول حسيت بدوخة وبدأ عندي اضطراب فالنظر يعني بغيت اصك فباب الخروج واجيب العيد مع ان الباب واضح للعيان لكن ماشفته
ويوم طلعت بغيت اطيح من الدرج ههههه
وجلست ادور على سيارتي ربع ساعه حسيت ان الميموري عندي ضرب
وفالاخير لقيتها
الخلاصه اخواني لاطلعت مشوار اول شي .. أي مشوار فالليل اخاف منه بشكل لاتتخيلونه ودايما اتحاشى الخروج فالليل
ثاني شي يجيني اضطراب فالنظر واحوس الدنيا واضيع يعني عدم تركيز فضيع
ثالث شي .. لاخرجت ابي ارجع للبيت بسرعة الصاروخ
رابع شي .. وهذي والله ما ابالغ فيها .. لا طلعت أي مشوار احس نفسي جاي من كوكب ثاني
واقعد ادقق فالناس ونظراتهم

خامس شي .. هل هذا رهاب والا انا لابسني جني خبل ولا وش السالفه :(

ممكن رهاب مع اللاواقعيه لانك تقول تحس انك جاي من كوكب ثاني وتدقق بالناس
عليك بالرقيه الشرعيه واسال الله لي ولك لجميع المسلمين الشفاء العاجل

فيك رهاب وبدرجة مرتفعه
عليك باكتشااف نفسك وتحليلها, ثم وضع حلول تتناسب مع حياتك وطبيعتها وبنية عدم الاستسلام واليأس ..


انا عندي رهاب طبيعته قريبه منك, لكن بدرجة اقل, ويا اما اضعت سيارتي في الparks ونسيت وين وقفتها ههههههه وبالاخص في الجامعة!!, مرة من المرات بقيت حدود الثلث الساعة ابحث عنها !هههه فعلا شيء مضحك. العقل يتوقف او يصير بطيء جدا في استحضار المعلومات لما تكون في حالة قلق او رهاب, او حتى مريت ببضع ساعات من ضغط الرهاب والحين جاي تبحث عن سيارتك! صعب يتذكر....

افضل حل لما يتكرر هذا الشي, هو تفتح لك نوتس في تلفونك, نزلت من السيارة, اكتب في النوتس وقفتها في المكان الفلاني بوصف دقيق, ولو تقدر صور المكان. وبعدها انطلق الى ما تشاء ولما ترجع بكون عندك كل شي مسجل, ومع مرور الوقت بتتخلى عن التسجيل في النوتس لما تبدأ تحس بالاطمئنان, والاطمئنا سيتأتي من معرفتك انك اساسا تسجل كل شي, بعد كذا مر توقف وتسجل, سيأتي يوم بتشعر انك بغير حاجه لفتح التلفون والنظر للنوتس/الملاحظات, والسر هو انك مطمئن, وبتعرف مكان السيارة بدون مساعدة.

هههههههههههه فيك رهاب الساح اخي مثلي، لكن مستواه بسيط بلذن الله لانك تخرج وتقاوم.... اهم شي لا تضيع مره ثانيه

الله يسعدكم ويشفي كل مريض يارب

الصراحه اخواني انا قبل سنتين تقريبا زرت طبيب واعطاني سبراليكس لمدة سنه
لكن الحقيقة استمريت عليه شهر وتركته لاني ماشفت أي تحسن نهائيا
قاعد افكر حاليا استخدم الفافرين .. هل تنصحوني وهل يعالج الرهاب

اكمل الدواء الي وصفه لك الطبيب، الحكم على الدواء لا يتم الل بعد شهرين من الاستخدام المنتظم

أهلا بك
نصيحة لا تأخذ أدوية من تلقاء نفسك
روح لطبيب نفسي واشرح له حالتك وهو يصرف لك العلاج المناسب

لكن انت عندك رهاب فأبدا العلاج الدوائي غير كافي
وتحتاج تقابل أخصائي معالج نفسي علشان العلاج السلوكي والدعم النفسي

وجرب تمارين التأمل والاسترخاء بتفيدك
وجرب الأعمال التطوعية

اسئل الله ان يشفي مرضى المسلمين
ياخي ياليت تعطيني نبذه عن الرهاب اللي معك
انا للان ماني متصور انه فيه مرض نفسي يسوي كذا

اهلين فيك اخوي ... انا بدت معاي بنوبة هلع مثل أغلب الناس ، لكنه تطور الى وسواس وقلق وخوف .... من بعدها صرت ما اطلع من البيت اخاف تجيني النوبه او وسواس المرض الي عندي .... صحيح خف الان الوسواس والهلع ( خصوصا الهلع بشكل ملحوظ ) لكن ما زلت غير قادر ان اخرج من المنزل. بمجرد اطلع من الباب امشي كم خطوه ادوخ وتزيد نبضات القلب واقلق وراسي يثقل واحس اني بطيح. حاليا انا اتعالج بدواء من صرف الطبيب طبعا واطلع مع اخوي مشاوير خفيفه نوع من السلوك وطبعا مازلت اداوم على هالشئ لين اقهر المرض... وان شاء الله اني بمراحل متقدمه باذن الله

يابعد قلبي اسئل الله بمنه وكرمه ان يعجل بشفائك وشفاء مرضى المسلمين
لكن ودي اسالك اخوي وبجد لاتضحك علي :)
معي خوف رهيب لايوصف من الخروج فالليل
ومعاناتي مع السيارة ومشاويري فالليل
واقسم بالله فيوم بنتي تعبت وكان ضروري تروح مستشفى ،، والله ماقدرت
بس اسمع سيرة خروج ومشوار يجيني خفقان وجفاف فالفم
والنقطة المقرفه ،، هو اضطراب فالنظر
يعني امشي بالسياره والله وكيلك ممكن اصفق فجدار او أي شي قدامي
واضيع الطريق هههههه
معقوله هالاعراض من الرهاب

تسلم يا صديقي

اي نعم رهاب بس انه لن شاء الله بسيط ، ثم الرهاب ما يجي الا من موقف سابق وبحالتي انا الهلع اما انت فلا اعلم.

انا انصحك ترجع للطبيب وخله يوصفلك العلاج واثبت عليه بكورس علاجي ولا تنسى انك تواجه مخاوفك مع العلاج عشان الشفاء الامثل.