الى اخوي عزيز
 

السلام عليكم ورحمه الله وبركاته
اخوي عزيز حبيت أستشيرك لانه مالي الا الله ثم انت
انا الحين لي 7 شهور على فافرين وانافرانيل عشان الوسواس
تحسنت شوي وخفت حالتي بس بالشهر الأخير جاءتني أعراض منها رجفه بالجسم واليدين مع تعرق شديد بالراس والوجه
استمريت على الدواء قلت يمكن تروح بعدها قلت خلني أوقف الانافرانيل يمكن منه ووقفته بالتدريج وانا لي شهر الان موقفه بس نفس المشكلة موجودة
طبعا مع وجود الوسواس بس مطنشه
ورحت حللت لقيت إنزيمات الكبد مرتفعة شوي من العلاج بس ماني عارف وش اسوي
الحين انا على فافرين 300 فقط وخايف اني ارجع لنقطه الصفر
علمني ي بعدي ارجع الانافرانيل مع الفافرين ولا وش اسوي

علماً اني فحصت فتامين دال ولقيته ناقص واصل 9 عندي والآن أخذ حبوب فتامين مع كالسيوم قلت يمكن منه المرض

ادري الموضوع ملخبط بس الله يعين
ابي شورتك
علماً بأني مدخن ي عزيز بس مو مره
والمشي امشي بالدوام وماجلس
ابي شورك ي بعدي

والرسبريدال وينه !!!!

الريسبدال اخذته خمس ايام وزاد علي الأعراض ووقفه الدكتور احمد منصور
انا الحين استعمل فقط فافرين
بس التعرق والرجفه طفشتني ماني عارف من إِيش
ادري طفشتك بس تحملني

طفشت من كل شي وربي
وش هالحياه ذي قسم بالله تعب وألم واكتئاب
لي سبع شهور والتحسن يوم كويس ويوم سيّء
والله عايش على الأمل
وش هالمرض ذَا
يالله عوضنا بالاخره

والله أخوي ماقدر افتيلك بس خلك على الفافرين لا تتركه
والدكتور هو الي يحدد لك الادوية افضلك خلك مع الدكتور

أنا حاليا اخذ 300 فافرين ورسبريدال 50 والوضع تمام
الرسبريدال أول اسبوع شوية نوم وتخشب خفيف عند النوم بعدين تلاشت الاعراض
واهم شي الابتعاد عن نومة العصر
واراجع عند دكتور في مزكز مطمئنة اسمه طارق الحجي استشاري كويس هو الي وصف لي الرسبريدال
وتحسنت بعد الله عليه

مشكور حبيبي
الله يسعدك ويُبيِّض وجهك

الحمدالله على كل حال
اليوم رجعت الأفكار ورجع البكاء ورجع الاكتئاب
الحمدالله خلاص سلمت أمري لله

انا بسألكم للي عنده علم هل فتامين دال يسوي كذا !!
انا حللت قبل شهر وطلع 9 ناقص نقص حاد
ولي سبوعين على حبوب اخد باليوم 10 آلاف وحده لمدة خمس ايام
هل طريقتي صحيحه لأَنِّي ماحس بتغير أبداً
لأنه أحسه اخر أمل لي

السلام عليكم
اخوي عزيز حبيت اخبرك اني رحت للاستشاري حقك الدكتور طارق وكتب لي دوائين مع الفافرين اللي هي بريسكال واندرال للرجفه
وقالي راح أساعدك الى ما تتحسن
والله انا الحين الأفكار شغاله خاصتاً الجنسيه قسم بالله شي يذبح اه بس
تحسنت كثير مدري وش صار والله اني الحين مهموم
لي الان 7 شهور
على الفافرين
وقبل يومين ضفت الاندرال والبريسكال الله ينفع فيها
وأفكر اطلع أتعالج بالخارج بأي مكان من الوسواس ذَا اللي ذبحنا
هل تنصحني بأي دوله والله لو أخذ قرض