استفسارات
 

السلام عليكم ورحمة الله وبركاته


عندي كم استفسار


انا من خمس شهور وانا ماني طبيعي
من قلق وخوف وتوتر وسواس اكتئاب
قبلها مافيني شي


صدمتي بمرض اختي له دور لكن اعتقد انه في أسباب اخرى


لان بدت الحالة عندي بعد مرض اختي بشهر
يومها

كنت قاعد وتقهويت علطول ومع حلى اكلت يمكن علبة كاملة ماكنتوش الكبير
مع دله قهوة الحالها وبعدها بعشر دقايق تغديت لحم

رحت اباخذ لي غفوة بعد العشاء حسّيت اني تعبان

مانمت يمكن عشر دقائق قعدة بطني ينبض بشدة
انرعبت أحسبه نبض قلبي واخاف وضيق تنفس واختلال توازن وغباش بالرؤية

من يومها وانا اعاني الى الان


طبعا اليوم طلعت نتائج الأشعة والفحوصات


فيتامين د 5

ونقص ببعض المعادن الموهمة

وكسل بسيط بالغدة


والتهاب مزمن بالقولون التقرحي مع تقرحات



هل ماذكر أعلاه تسبب الأعراض اما لا

هل اذا عالجتها تختفي النفسية

اخوي وش مرض اختك ؟ يعني بينكم شهر

اسباب نقص الفيتامينات هي الجرثومه
لازم تسوي فحص للجرثومه
وبعدين كيف عرفت ان عندك تقرحات بالقالون ..
وهل سويت منضار للمعده

وريح راسك التهاب القالون سبب اكتئاب و وسواس
حتا لو تروح تبحث من اهم اعراض التهاب القالون النفسيه

اخوي كل الاشياء اللي ذكرت سبب قوي للاعراض اللي تحس فيها
عالج كل مرض لحاله وحبه حبه راح تكون باحسن حال
واتوقع التخبيص بالاكل واللي صار قبل النوم هو اللي فجر المشكله اتاكد من المعده مثل ماقالك اخونا كامري وان شاء الله خير

مرض اختي

كهرباء زائدة بالدماغ تجيها تشنجات صرع



لا سويت أشعة صبغية للمعدة والقولون

رايك لو اخذ علاج التهاب تختفي الأعراض


الله يشرح صدرك يارب

الله يشفيكم يارب ،، بس كيف تم تشخيص اختك بالكهرباء الزايده ؟؟

يعني لو التزم بالعلاج

تختفي الأعراض


قالي التهاب المزمن سوالك تقرحات بالمعدة

يعني تقرحات بالمعدة والأمعاء الغليظة كذلك

الله يسعدك ويشرح لك صدرك ياختي

ما عليك يا اخوي بسيطه
بس لازم نعرف سبب الالتهاب ،، ماقالو لك السبب
الغالب جرثومه ، او ديدان

تخطيط للمخ

اللهم امين جزاك الله خير

فعلا اعاني من الجرثومة من ثلاث سنوات ولم تختفي


لم يذكر لي شئ عن الديدان

اخوي ترى حتى كسل الغده ونقص فيتامين د يسبب اعراض نفسيه وانت فيتامين د ناقص بشكل كبير عشان كذا توكل على الله وابدى بعلاج كسل الغده وفيتامين د وعالج سبب الالتهاب بالمعده والامعاء وان شاء الله تشوف العافيه

اهم شي طول بالك وكمل كورسات العلاج لا تمل او تستعجل
والله يفرح قلبك بالشفاء لك ولاختك

اي فحص تستخدمه للجرثومه ؟ الدم ولا البراز
وقبل 5 شهور كنت تعاني من شي ؟ وكيف عرفت اول عن الجرثومه وانت مالك 5 شهور ..

اهم شي حميه غذائيه والابتعاد عن المنبهات مع الدواء
وسو لك حجامه على مناطق القالون تفيدك

اللهم امين جزاك الله خير


الله يشرح صدرك ويسعدك يارب ياختي