الشعور بالذنب
 

السلام عليكم ورحمة الله


احس كثيييييير بالذنب تجاه اي شي و أي موقف يصير
يضيق صدري مره واجلس متضايقه 😪
حتى لو مثلا بسمع اغنيه او شي احس بالذنب مره
كلنا نخطي وعندنا معاصي بس اجلس اوسوس كثير
الشعور بالذنب من اعراض الاكتئاب يالمكتئبين ؟!
اذكر مره قريت شي مثل كذا بس ماني عارفه صحيح او لا !

انا مثلك اشعر بالذنب كثير على اي شي حتى لو ماني مخطي


مدري هذا من ايش اي شخص يقدر يفيدنا بمعلومه

اي والله العظيم كلنا نفسك انا احس استغفر الله شوي وكفرت الذنب يتعظم عندي كثير

حتى انا كذا والله 😢

اي والله
وفي ناس استغفرالله ترتكب الفواحش ولا يهمها

تماما نفس الشعور لدرجة التعب وكره النفس

طبعا الشعور هذا يزيد ويقل من فترة لفترة على مرضى الوسواس والإكتئاب بعد .. ويدقق الشخص بمنظار على كل أفعاله .. والمشكلة دون أي أثر إيجابي .. يعني هل إحساسك هذا خلاك تقاطعين الأغاني ؟


وهو شعور طبيعي نتيجة الحزن والضيق اللي يعيشه الشخص وحالة من اللوم ولكن بشكل سلبي دون تطور للأفضل


بإمكانك تحاولين تستوعبين بعض الأشياء بأريحية وهو إنك تعانين نفسيا ( مؤقتاً ).. تستحضرين هالشيء في بالك في كل الأمور اللي تتعبك .. وتستحضرين معها حقائق لا تقبل الجدل .. وفي هذا الخصوص بإمكانك تستحضرين إن الله سبحانه وتعالى لو ما نخطيء ونستغفر ونتوب ونخطيء ووو الخ لاستبدلنا وأتى بخلق جديد يخطئون ويتوبون ويستغفرون ويغفر لهم .. وتستحضرين فيما ثبت عن الرسول صلى الله عليه وسلم .. من قال سبحان الله وبحمده مئة مرة حطت خطاياه وإن كانت مثل زبد البحر ... الله رحمن رحيم عفو كريم .. غفور ودود .. أرحم فينا من أمهاتنا .. لذلك لابد نستكين ونثق بالله ونبتسم .. احنا كبشر ننسى أحيانا ويزيد فينا الخوف أكثر من الرجاء .. وأحيانا يطغى الرجاء على خوفنا ..ز ولابد نكون بين هذا وذاك

وتذكروا داااائماً .. إن الشيطان أوقات ضعفنا يحاول ينزع مننا أقوى الأشياء فينا .. لذلك بما إن الإيمان عندك قوي أساساً .. فترة المرض يحاول يشغلك فيه بزيادة عن اللزوم على أمل منه إن الإنسان ييأس ويقنط
لذلك اعتبروها نقطة قوة فيكم يحاول الشيطان يستغل الظروف ويزعجنا فيها ويضعفنا ناحيتها


لذلك متخفوش .. شعور طبيعي مع الضغوط لا تلومون أنفسكم فيه .. واستحضروا دائما مثل الأشياء اللي ذكرت .. عسى الله يزين أحوالنا أجمعين

فعلا انا مو دايما احس بهالشي
فقط في نوبات الاكتئاب
مرات احس اني استحق الفرحه
ومرات ما استمتع بشي
الله يسعدك كلامك مريح جدا 💐

ايوه صح
مثلي مو دايم يجيني هالشعور
بس في نوبات الاكتئاب

عبدالله سلمان .. كفى ووفى ..

وبزيد عليه شي بسيط ..


تانيب الضمير او جلد الذات .. كلاهما وجهين لعمله واحد


الشخصية الحساسه الرهيف التي ليس لديها اكتئاب اساسا هي مرتع خصب ومنااسب لنمو هذا الاحساس وتفاقمه وازدياده..


فمااااا بالكك بشخصية حساسه مصابه باكتئاب ووساوس ..
يعني في نسبه انك تصدرين احاسيس وتوزعين هههههههه


عموما ..

مع كل ذنب بسيط تفعليه تجااهلي الاحاسيس تجااهلي ومهما جتك الفكره والاحساس لا تناقشييه وتحاولي ان تبررين له .. اعتبريه انه شخصيه جنبك تحاورك .. ف لا تردين عليها ولا باي كلمه ..



.....




.
.
.
.
.

غير كذا عباادي ما قصرر .. يالبى