نفساني - محاوره بين بلير وبوش....

هذه المحاورة جرت بين الشاعرين /توني بلير و بوش بن بوش حيث جاء بلير إلى أمريكا لحضور المؤتمر الثنائي مع بوش , وعندما دخل على بوش في صالة الاجتماعات بدأ بهذه المحاورة , وقام بوش بالرد عليه فوراً ....
بلير :
الله لا يجزاك بالخير يابوش ***ورطتنا في حرب صدام ورطه
عزمتني وتقول بترول وقروش***بس الحقيقة كل هالحرب غلطه
بوش:خلـــــــــــــــــــوها...
يابلير خذ العلم من بوش بن بوش***الله خلقنا للمقاريد سلطه
وابوي عنده للرجاجيل دنبوش***كم واحد شلنا فلوسه ونفطه
بلير:
أبوك والنعمين مير أنت مربوش***تموت بالبترول وتحب شفطه
صحيح عندك مال وسلاح وجيوش***مير أتوقع لك تدهور وسقطه
بوش:
يابلير كنك خفت يوم إحتمى الهوش***حرام ما تاخذ من النفط نقطه
قبلك ترى شيراك قد راح مكروش***طالع يصرح كل يوم بمحطه
بلير:
وراك ما تعطي لشيراك عرموش***تراه مشغلنا بشيله وحطه
وليا انتهى موضوعنا نرسل إطروش***ونجمع المبلغ من الربع قطه
بوش:
شيراك هذا عنده المخ مرشوش***فرط علي في مجلس الأمن فرطه
يسمع كلام الروس مسكين مغشوش***ومجهز الفيتو لتحقيق شرطه
بلير:
يابوش أنا مرهق وخايف ومدهوش***وأنت تقول الحرب خدعه وخطه
أسراي وأسراك إمتلا منهم الحوش***عز الله إنه صابني منك جلطه
بوش:
ماقلت لك إن فيه إذاعات ودشوش***لاتكشف المعنى وأنا أقول غطه
وإن قالو إنا علوج وأصحابنا إجحوش***ماهمنا الصحاف واللي يحطه