انا قاعد اصير مجنون؟
 

ياجماعة من امس فجأه صار بمخي كلام غريب
ان شلون الله موجود وشلون في نار وجنة وشنو الدليل ع هالكلام وكل وكل مايصير هالشي بمخي قام اتضايق حييييل ياجماعة انا مافيني وسواس ولكن هذا شنو الشعور الغريب وبعدها حاولت انام طبعاً بعد معاناة ونومي كان متقطع والحين قعدت من النوم ونفس الشعور ونفس التفكير
ياجماعة شنو قام يصير فيني؟ هل هذا مرض ذهاني؟ ام ماذا وهل هالتفكير نهايته جنون؟ وهل نهايته شرك؟
وليش بالاساس هالتفكير صار بمخي ليييش

هلا أخوي كيف حالك
لاتستسلم لهذه الأفكار و الوساوس ، ومبين هالفترة عندك فراغ بحيث تتكاثر هالنوعية من الأفكار والمعتقدات الضلالية
حاليا شنو أدويتك ؟
وكلش هالافكار مالها علاقة بالجنون بعيد الشر عنك ليش تهول وتضخم الأمور

دوائي سامبالتا

الحجامة في الأخدعين والكاهل ، ايام 17 / 19 / 21 من الشهر الهجري ، لا تتردد او تشك ،، توكل على الله واعملها

الجنون هو زوال العقل

وفي الطب هو مرض عقلي يصيب الشخص

فلا يستطيع الإدراك ولا التمييز

وهو نتيجة اختلال في وظائف العقل

منهُ ما يَخلُقُ الله به الشخص ونسميه (مجنون) وهذا ليس له علاج

اما ما جاء نتيجة اختلال مؤقت فهذا يمكن علاجه وأكثرها تشفى

فكثرة الأفكار وكثرة الوساوس لا تؤدي الى الجنون مُطلقاً

فها انتَ تكتُب وتُميِّز بين الحروف والكلمات و اختيار المواضيع

التي تطرحها ، فعقلك كامل ومدرك لكل شيء .

طالما انك متضايق من تسلط ذي الافكار اذن الحمد لله انت غير مجنون

سلامتك من كل شر

هو فقط وسواس بسيط نتيجة الاعراض الجانبية للدواء و ما راح يستمر

ربي يعافينا وياك و يحفظ جميع المسلمين من كل سوء و مكروه

خيتي العلاج من زمان كنت اخذه صارلي اربع اشهر مع السامبالتا
والافكار غريبه قام اشك بكل شي بوجود الخالق وانا بالعكس ايماني والله قوي
والله انا مو جذي والحمدالله ما اترك صلاتي بس شلووون ليش هالشي قام يصير بمخي
وانا اصلا ماعندي وسواوس انا تشخيصي فقط قلق عام

القلق العام يندرج تحته الوسواس والاكتئاب والخمول والخوف ...الخ

والي فيك وسوسه ١٠٠% وهي وسوسه شيطانيه واول ماتجي في بالك علاجها ان تستعيذ بالله من الشيطان الرجيم

وفي الصحيحين قال: قال رسول الله صلى الله عليه وسلم: "يأتي الشيطان أحدكم فيقول: من خلق كذا وكذا، حتى يقول له: من خلق ربك؟ فإذا بلغ ذلك ليستعذ بالله ولينته"

استعذ بالله ثم غير الفكره ولاتبحث عنها لانك اصلا لن تجد الا الشيطان يتمادى بك حتى تصل لمبتغاه ..

اشكرك اخوي ع مشاركتك
ولكن معناة كلامك يزيد الشكوك الي فيني ان الي فيني يمكن يكون شي روحي وليس شي نفسي...

علي الحرام ان الجنون ارحم لنا من حالتنا

استهدي بالله ياخوي
مادري شقولك ولكن حاس فيك مثل ما انت حاس فيني

اخوي ناقش طبيبك في الموضوع

يمكن بسبب زيادة القلق و الاكتئاب صار لك كذا

هذي الوساوس اللي في العقيدة قد طرأت لبعض الصالحين القدماء و الرسول صلى الله عليه و سلم علم المسلمين وش يسوون في الحديث الشريف اللي ذكره الأخ متزوج

و انا متأكدة يمكن بسبب زيادة القلق و الخوف و هذي فرصة الشيطان ما يجي يوسوس الا للقلب العامر بالإيمان ، وش يبي بالقلب والعياذ بالله البعيد عن ربه ، اصلا هو بعيد عن ربه لاه منتهي وش يبي فيه

كل ما جاء لك الشيطان يوسوس ادحره و صل ركعتين و اتحداه اذا يقرب لك ، بالعكس راح يبعد عنك لانه ما يبيك تصلي ذي الركعتين

و ما تشوف شر يارب