هذا ما اشعره بعد تناول حبوب السبرالكس لمدة 26 يوم
 

السلام عليكم في الواقع اتناول حبوب اليبونكس + رسبردال ابر 50
اشتكيت على الطبيب من الهلع والوسواس و الاكتئاب
ووصف لي علاج السبرالكس بعد 26 يوم شعرت وكاني طالب في الصف الاول ابتدائي ولدينا حفظ القران وكاأن عمري 7 سنوات
مع العلم اني لا اشعر في تغير بخصوص وسواس المراقبه والتصوير بالجوال
يعني انا اخاف من التصوير بالجوال و اتلثم

رائيكم في حالتي

غريبه السيبرلكس من افضل ادويه الوسواس والقلق والفصام عطه اسبوع وراح ترا النتيجه

وبعدين ماشاءالله عليك مواضيعك وردودك مرتب ومحنك لايبان انك مريض

هلا اخوي عبدالله
ان ااتعالج فعليا من عام 2011
ان شاء الله اموري تتحسن مع اني احس مافيني شئ
فقط اصوات وخوف من التصوير
اسلوبي وكلامي مافيه شئ وانا لا امدح نفسي لكن الناس مايلاحضون شئ

وش تبي اكثر من كذا طالب باول ابتدائي وعندك حفظ قران وعمرك 7 سنوات الي خلاك تشعر بهالشعور هو ان السيبرالكس ازال القلق الي عندك ارى انك تستمر عليه علاج نظيف وماله اعراض جانبيه وياما حتى تشوف من المشاعر مع السيبرالكس الصراحه انه علاج دقيق ومتعوب عليه ومتخصص بعلاج القلق النفسي اكثر من الاكتئاب وبالنسبه لوسواس المراقبه والخوف من التصوير هذا وسواس قهري وماله داعي انك تاخذ ليبوكس ورسبيردال ماعندك ذهان وعلاج وسواس المراقبه والتصوير هو انك تضيف انافرانيل مع السيبرالكس يعني تبدا بــ25 مل وتدرج بالجرعه حتى 100 مل ورايح تشفى وتتعافى من كل المشاكل الي عندك واترك عنك ليبونكس ورسيبردال مابك الا العافيه كل الي عندك عصاب وسواس وعلاجه الي قلت لك

تبغا نصيحه انا اعاني ماتعانيه لكن خف كثير بعد ان (توظفت)

شفلك عمل وختلط مع الناس وخلك مع العلاج صدقني راح تشفاء 100 %

العزله مرض

طيب اخوي عبدالله انا دورت ولا لقيت وبصراحه لو اطلع را الديره امي ماتصبر يضيق صدرها
مع اني مستفيد ضمان و تاهيل ويجيني خير وانا نايم

اخوي رعد انا عندي اصوات ولازم اخذ ليبونكس و ابر رسبردال

هلا اخوي كيف حالك انا زميلك في الفصام ولعلمك تفائل خير يقولون اللي اعراضه سماع اصوات اسهل استجابه للعلاج من الانواع الاخرى
حبيت اسالك كم يعطونك الضمان والتأهيل انا اليوم مقدم على طلب دعم وعطوني مجموعة طلبات اجيبه لهم وهل اذا قبلت بالضمان ينزل تاهيل ولا لازم اقدم على التاهيل واجراءات اخرى ؟

هلا اخوي اندريه
الضمان تاخذ خطاب منهم و تترجمه وتوديه لهم مع صورة لك و فاتورة الكهرب انت راجع المكتب الضمان يعلمونك و الاعانه 1500 ريال
انا يعطوني سنتين ثم بعدها اجدد واخذ سنتين ثانيه
التاهيل تاخذ تقرير طبي عربي اكيد و تدخله في موقع التاهيل
طبعا فيه اعاقه مؤقته هذي مايعطونك فيها اعانه سنويه و الاعاقه الائمه يعطونك 10 الف او تزيد شوي والتاهيل 833 ريال كل شهر
سجل في حساب المواطن يعطونك 382 ريال كل شهر
اذا عندك سؤال وان اعرفه راح اقولك

خطاب = تقرير

لازم اول شئ تاخذ خطاب توديه للعياده ويعطونك تقرير للتاهيل
اما الضمان على طول تاخذ تقرير وتترجمه ثم تحضر لجنة مقابله شخصيه يعني

الله يعطيك العافيه ما يحتاج اسأل سؤال ثاني جاوبت انت على كل الاسئله اللي في بالي مشكور والله يشفيك ويعافيك

هلا اخوي كيف حالك اليوم رحت اسلم الاوراق اللي طلبوها مني قالوا لازم تروح للصحه النفسية عشان تنعرض على لجنة
كيف لجنة وش يسالوني عنه وهل ممكن يرفضون الطلب ؟

وينك بكرا جلستي

اندريه ادخل اليوميات ولا عليك امر