الخفقان والحمل
 

السلام عليكم ورحمة الله وبركاته

كيف حالكم جميعاً إن شاء الله بخير🌹

اذا تذكروني قبل ثلاث سنين تقريبا كنت مصابه بالهلع
ووسواس الموت والامراض القلبيه
والحمدلله من سنه ونص وانا في تشافي
ربي لك الحمد علاجي كان سلوكي +ودوائي+ورقية وسورة البقرة
المهم
ان الله من علي بالحمل وكنت متخوفه من هالموضوع سابقا لاني اخاف:(
من علمت بهذا الامر كانه بدت ترجع لي الوساوس
واصابتني كم مره نوبه هلع فجائيه ولكن اقدر الحمدلله امسك نفسي بالنوبه لاني كاشفتها
المهم انه من حملت وانا يجيني خفقان اثناء النوم واقوم مفزوعه منه
رغم انه ماكان يجيني قبل وانا نائمه كنت قبل لاخفت او جتني نوبه
أو النغرات اللي بالصدر وكلكم عارفينها
مخوفني هالموضوع مره وصرت اوسوس وارجع افكر بتفكيراتي ووساوسي القديمه
انه ممكن نوبه قلبيه لاقدر الله او شىء في قلبي !

ولاودي اروح للمستشفى واطمن على قلبي لاني قطعت هالسالفه نهائي
مابقى شىء ماسويته قبل وكل شىء كان مطمئن
وحاليا أتجااهل واقول مافيني الا كل خير ان شاء الله 🌹
بس ارجع افكرر واقول اكيد فيه سبب


طمنوني الله يسعدكم ♥💭

لا ما فيك نوبة قلبيه وترا الحمل له دور والخوف فيك اصلا حبيبتي الله يسهلها عليك يارب انت روقي وهدي بالك واقري على نفسك قبل النوم وصلي ركعتين وادعي يارب هدي قلبي والي في خاطرك وطنشي🌹♥️

وترا الحمل تغير فالهرمونات وفي النفسيه وفي كل شي الله يعيينك يارب بس انت هدي نفسك وقولي ما فيني شي هذا من الحمل عادي طبيعي عرفتي شوية تفأول ويارب حياتك كلها تفأول مو شوي

وعليكم السلام

أهلا بك أختي ماشاء الله ولاحول ولاقوة إلا بالله ربي يديم العافية
دعواتنا لك يسهل مرحلة الحمل عليك ويزيل همك ويسعدك
كلام الأخت مبتلاه بالهلع في القلب ومايحتاج نزيد عليه لكن
لاتكتمين نفسك بالبيت طلعي وشمي هوا وأمشي حبه حبه
وأنتي الآن بتصيرن أم إن شاء الله والجنة تحت أقدام الأمهات
شيلي الهم من على قلبك وأسمعي سورة الشرح زينة جدااا
وأيضا لاتخافين هذة وسواس أنتي بس فكري بالأشياء الأيجابية
وممكن تشغلي وقتك بالقراءة أو الخياطة على الخفيف

اختي كيف تشافيتي من الخفقان

صادقه الخوف والهرمونات تلعب فالنفسيه
وانا عارفه هالشىء
بس مرتاحه واتجاهل الافكار بس استغرب يجي الخفقان وانا نايمه شىء جديد بالنسبه لي
واللهم آميين يعين الله ♥

حبيبتي شاكره لك وحياتك يارب كلها تفاؤل وسعادة🌹

اللهم آمييين 🙏🏻
جزاك الله خيراً ، شكراً عالكلام الطيب
الله يسعدك يارب ♥🌹

قبل يجيني الخفقان لما كانت تجيني نوبه هلع
او الم بالصدر وابدى اخاف
واحيانا كذا بس اكون صاحيه مونايمه مثل اللحين!

كنت قبل لاجاء اركض للمستشفى وتحاليل واشعه
بس عرفت انه لاهديت وجلست بمكاني راح يخف تدريجيا
ونجحت معي هالطريقه استرخي واهدى واجلس بمكاني استغفر
لين يهدى مااقوم واركض واصيح كذا راح تزيدينه
وشوي شوي بيخف عليك ان شاء الله 👌🏻🌹

حاولت مره يارب يروح ويختفي
طيب كان يجي معك وقت الجهد؟؟؟ وبعد الاكل وتجيك خوارج ولا لا

عاد ذَا الخفقان من اعراض الحمل جدا طبيعي

ترا مرة مايكفي يا أختي زودي المرات
وسبحي سبحان الله وبحمده سبحان الله وبحمده .... لاحول ولاقوة إلا الله
وأمسكي بأيدك على مكان الخفقان وقولي " بسم الذي لايضر مع أسمه شيء في الأرض ولافي السماء "
وبيروح منك إن شاء الله ودايما دايما كرري بسم الله بسم الله بسم الله " بسم الذي لايضر مع أسمه شيء في الأرض ولافي السماء "
كرري قدر مقدرتك وهدي أعصابك وإن شاء الله يروح ومايزعجك

شوية تفائل حابه أتواصل معك ضروري ضروري ردي علي

أهلاً تفضلي 💗

متى تدخلين اَي وقت عشان بعطيك الانستا وبعدين ‏نحذف

وينك اختي اختفيتي