احس راسي بينفجر هل العلاج السبب
 

السلام عليكم ورحمة الله وبركاته
اخواني انا جتني حاله جديده علي من 12سنه مع العلاج ماقد جات قبل شهر خففت جرعة السيبراليكس من 15الي10
يوم رحت المول وطلعت من الدرج تقريبا 10درجات ووصلت الدور الا وتنسد اذاني وراسي احسه كله هوا ومضغووووط واسمع صوت التكييف يقطع ويرجع المهم شي غريب وحتى السيارات الي تمشي بالشارع اسمعها زي الموج اخذت هالحاله خمس دقايق وراحت
وبعدها باسبوع رحت بعد مطعم وكان فيه طلوع درج واول ماوصلت جاتني وجلست لين راحت
وكنت رابطتها بطلوع الدرج او تغيير في ضغط الجسم مع الطلوع
قبل يوم جاتني وانا جالسه انسدت اذوني واسمع المكيف يقطع
مااادري والله وش ذي الحاله بعد مع اني الحين ماشيه على جرعة 5غرام من اسبوع وان شاء الله بتكون هاذي جرعتي الوقائيه وبتحمل لاكن الي سمع عن هاذا الي صار الله يسعدكم لايبخل علي.
وهل ممكن يكون مشكله في الاذن بس ليش الراس يتضغط

لا شأن للرأس بهذا الامر ، الاذن نعم و قد يكون ضغط دم مرتفع

اغلب الظن انه عارضي لا اكثر ولكن لانك شخص قلق اساسا فقد اخذ تفكيرك منحنى اخر واصبحت هذه الاعراض تأتيك بشكل اكثر لانك بتفكيرك و انضغاطك وخوفك يتأثر الضغط

الله يسعدك بحاول اكشف عالاذن باذن الله

شيكي على الظغط والسكر والاذن ممكن التهاب اذا سليم ممكن هواء يالراس جربي تعطسي عن تجربه يخف

بسبب التوتر والاجهاد والقلق تطمني مع الوقت تختفي

يااارب الله يسمع منك

اليوم كشفت وطلع كله سليم الحمدلله .ان شاء الله انه مو شي خطير ياارب

الحمدلله ع سلامتك.. هذا شي مطمن، مهما كانت الأعراض مزعجة ومؤلمة راح تختفي مع الوقت اذا حاولتي تتجاهليها.

ي اخت اميرة العرض هذا حسيته من فترة بسيطة وكأنه تتقفل الإذن، واللي خلاني اشك ان الدواء ممكن يكون له علاقة بحكم إستخدامي للسيبراليكس جرعة ٢٠ الله يشفينا ويعافينا يارب بإذن الله تعالى طبيعي

الله يسلمك يارب

والله العلاج لعب فينا لعب الله المستعان

وش نسوي ي اختي 😔، مو أحسن من العذاب اللي لقيناه من الوسواس والأفكار السلبية المستمرة أستغفر الله العظيم، ربي يفرج همك وهمنا ويشفينا آمين يارب

ايه والله صدقت
اللهم اميين