|
اللي تخلص من وسواس الأمراض يدخل
السلام عليكم كيفكم يارب تكونوا بخير
ياجماعة ايش الموضوع؟؟ بدأت بهلع وتغلبت عليه الحمدلله وبعدها وسواس موت وتغلبت عليه الحمدلله جاني رهاب الساح اخاف اخرج واجي وتغلبت عليه الحمدلله ودحين وسواس أمراض معلق معاية اول كنت اي شي احس فيه اروح للدكاترة دحين صار عندي فوبيا اروح دكتور ؟!!! بالله ايش الموضوع ايش الحل والله شي جدا جدا مرهق تعبت يومين تمام ويوم لا اسمع اخبار يتعكر مزاجي امانة ايش الحل؟! ايش دا الرابط العجيب |
محد صاحي؟؟ تعالو
|
هلا اختي لوليتا اش اخبارك والله مثلك لي اسبوع واكثر بدوامه ماعم تخلص
|
اقتباس:
وعليكم السلام أهلاً أختي , زمان عنك يالوليتا شوفي أسمك جميل أختي وشخصيتك جميلة والناس الجميلين مثل النسمة مايستاهلون التعب ليه تتعبين نفسك أولاً الوسواس دائرة , يعني وين تقفلين عليها طريق تفتح لك من طريق ثاني فالحل هو الخروج من الدائرة وأرميها بالحيط أشغلي نفسك بحاجة أو هدف تحبينه لاتحاولين تفهمين نفسك أنك مجبرة لا لازم تحبي الحاجة اللي بتشغلك ولو بنسبة 50% المسألة فيها بعض الخوف في البداية لأنه طبيعي الواحد يخاف من الأمراض وغيره , فالخوف هو غريزة البقاء ولو الأنسان ماخاف من القوارض والأمراض والحيوانات المتوحشة كيف كان بينجو وبيبتكر الأسلحة لحمايته وكيف بيطور العلم بفضل الله لكن حاولي ماتضخمي شعورك بالخوف , فحتى الموز فاكهة جداً ممتازة وفيها بروتين جيد لكن الأكثار من الشيء ولو كان جيد قد يضر وكذا المشاعر سواء الخوف والمحبة وغيره , لاتعطي مشاعرك أكثر من حجها الطبيعي فتستحوذ على إهتمامك وتحولها مسرح ومهرجان لاداعي له أيضا التسامح مع النفس مطلوب , لاتلومين نفسك , لاترعبينها , طمأني نفسك أنتي وأذكريلها الحاجات الجيدة في نفسك و لاتحملين نفسك فوق طاقتها |
السلام عليكم اخت لوليتا
احب اخبرك انا بعد نفس الشئ بس عجزت اتغلب ولاعلى واحد منها ودينموها الاساسي هو وسواس الموت انا يجيني خوف فجاءه من ايش مدري حتى وانا جالسه وكل يوم يجيني وسواس شكل اني بموت الحين ويوم يجيني اكيد فيني مرض كايد وبموت ويوم يجيني اكيد قلبي بيوقف الحين وبموت ويوم يجيني انو بتجيني جلطه وغيره وغيره عجزت اتغلب عليه عجزت انا تعبانه مره والله تعبت ماعاد صرت اروح او اجي بسببه خلاص كرهت التجمعات الزواجات الاسواق كل شئ واي الم افسره على انه مرض خبيث وانها نهايتي واصحى وانام وعلى ذا الدوامه كل ثانيه كل دقيقه يارب اشفينا جميعا يارب😔😔😔 |
السلام عليكم أختنا لوليتا أنا كنت أتفحص أضلاع صدري وألمس بطني وأبحث عن أي ورم محتمل ! وأراقب شكل جلد يدي خوفا من حدوث مرض خطير فيه ! وأخاف أكثر وأروح أبحث على النت والمواقع فيها بعض الهراء والمبالغة فأصير مرعوب ! وأنبهك أن 90% من الكلام الطبي على النت فيه أخطاء طبية ومبالغة (أنا طالب طب) الحل ببساطة هو إيقاف الاستجابة .... تجاهل فكرة المرض تجاهل تام 1/ لاتقومي بأي فعل للتحقق أو التأكد من سلامتك 2/ البحث على النت عن الأمراض ممنوع تماما 3/ اشغلي حالك بأعمال ونشاطات وهوايات حتى تخرجي من دوامة الوسواس 4/ واظبي على الصلاة والأذكار والدعاء واقرئي ورد يومي من القرآن (ولو صفحات قليلة) ربنا يشفيك ويشفينا جميعا |
اقتباس:
يارب متكون خت ادويه وتدينا نصايحك |
الله يعينا والله
اليوم رحت الصيدلية وأهدت فيتامين د كجرعة وقائية كل يوم باخد حبة يمكن منه كان نفسي اروح احلل بس حاليا عندي فوبيا مو قادرة اروح ورهابي شجاع بالله قلنا كيف تخلصت من دا التفكير وهل دحين تحس انه كان شي تافه ؟! |
السلام عليكم أختنا أم محمد .... أنا لم آخذ أدوية لذلك لا يمكنني نصحك فيما يخص الأدوية لكن أنصحك جدا بالدواء لأنه راح يساعدك كثيرا أختنا لوليتا .... التطبيق والإصرار هو أساس التغلب على الوساوس و عدم الإكتفاء بالتطمين هنا في المنتدى أنتي الآن لازم تعملين على الخروج من دوامة الوسواس تدريجيا ربنا يشفينا جميعا |
اقتباس:
|
اقتباس:
|
اي يروح مع الوقت ومع الادويه لكن اول ٣ شهور
راح تتعبين كثير وبعدها راح تحسين بالراحه وترجعين طبيعيه زي زمان بس لازم عشان تبداين بالعلاج تروحين عند اقرب دكتور نفسي وتشرحين حالتك ويعطيك الدواء المناسب ضروري تروحين عند دكتور |
اقتباس:
|
اقتباس:
المفروض اخذتيه وبداتي فيه وبعد ما يخلص ارجعي عشان يشوف حالتك الله يبعدك عن الشر يا رب |
اقتباس:
|
| الساعة الآن 04:09 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا