اتمنى اللي عنده خبره عن هالادويه يفيدني
 

السلام عليكم
بدون مقدمات ابي مشورتكم
الاغلب يعرف وضعي مع الهلع اللي رافقه قلق
واعراض نفسوجسديه
طبعا اللي اعاني منه الان نغزات بالصدر وبالظهر
والم بالذراع الايسر مزعج ، وقد ماقدر اتجاهل
اللي اتعبني اكثر دائما فترة العصر لين المغرب كذا
احس بحراره بجسمي وخوف وخدر ،
عارض جدا متعب ،
عموما انا كنت اخذ السبرالكس 10 م
والدوقماتيل 50 ، مره واحده
وتركتهم من خمس شهور
حاليا انا بالاردن ورحت لدكتور محترم وله اسمه
كتب لي ادويه وابي رايكم فيها طبعا حط لي شروط
للعلاج وقالي بس تخلف شرط بستبعدك من عندي
ومن ضمن الشروط

*عدم الذهاب للمستشفى للفحوصات ، لانه اليوم سوى لي جميع الفحوصات من دم وضغط وبول وانتم بكرامه وكل شي
* الابتعاد التام عن جميع المنبهات من ضمنها الشاي والقهوه والارقيله والدخان :( وانا بحاول اخفف منهم قد ماقدر
* المشي والرياضه يوميا
* وبرضو عدم القراءه بالنت عن الادويه ( يارب مايشوف الموضوع ويكشفني ) هههههه

الادويه هي :
دينكست
زيلاكس
ليكسوبام

اللي عنده خبره عن هالادويه يعطينا رايه فيها عن مفعولها واثارها
انا لو جت علي ما ابي هالادويه ولكن بنفس الوقت ما ابي اعيش بقلق واعراض جسديه تعكر يومي وتمنعني عن بعض الطلعات
حاليا متشتت بين اخذ وما اخذ
عموما استقبل ارائكم بصدر رحب
وجزاكم الله خير مقدما :)

حياك الله اخوي
وصفة الدكتوره ممتازه واذا انت من السعوديه ماكان فيه داعي
تسافر لان الهلع والقلق الزبده في العلاج
المهم
نصائح الدكتور انا معه تماما ودايم انصح فيها
العلاج انا مع الزيلاكس اللي هو قريب السيبرالكس
الليكسوبام زي الزانكس وهو مهدئ لو فيك هلع يزيله تماما
لكنه مؤقت
وانصحك تاخذ الليكسوبام وقت الضروره وتلتزم بالمضاد
التزام تام
وارجوا انك تعطي العلاج وقته الكامل والمحاربه
بالتوفيق

هلا بالشيخ ،
اشكرك على الرد يابن دايم وانت من الناس اللي اخذ بكلامها
الله يجزاك خير ويطول عمرك ،
طلع بتحاليلي نقص حاد فينامين د
ونقص فيتامين ب12
مع العلم اني بالاردن عشان مراجعات لاخوي
وقلت اطلع اتمشى ولما قريت عن الدكتور رحت له
المهم انا اتخذت قرار
اشتري الادويه واخليها على جنب..

واخذ مكمل فيتامين د اللي صرفه لي الدكتور
مع ابر فيتامين ب12 وارتب جدول اكلي والمشي
وامور كثيره ارتبها
واصبر لفتره معينه ان كان فيها تحسن كان بها
ماصار فيه تحسن لاسمح الله باخذ الادويه وان شاء الله خير

انتظر ردك يابن دايم ، توافقني بهالقرار ولا؟

زود عليهم سورة البقره كل يوم
واذا قررت تاخذ العلاج لاتشيل هم لك اخوان هنا يوقفون معك

حبيبي الله يرفع قدرك
لا خلا ولا عدم ربي يطول بعمرك