فضفضة
 

السلام عليكم ورحمة الله وبركاته

انا مريض فصام، استخدم زيبريكسا ٥مج والحمد لله الوضع هين.
انام نص يومي وهذي نعمة لأني ما أشتغل وما أقدر اشتغل أي شغله لأن عندي ارهاق وما أقدر اركز دماغي ما يتحمل تركيز.
درست في الجامعة ٥ سنوات لكن تدهورت صحتي في آخر فصل وما كملت وأنسحبت في النهاية والحمد لله على كل حال.

أكثر شي أعاني منه ان رغباتي احيانا تكون ضعيفه جدا يعني ما لي نفس اسوي شي وهذا عذاب.
بصراحة مليت من الدنيا ومصايبها اللي ما تخلص.
مرة حلمت ان روحي طلعت من جسدي وحسيت براحة عظيمه وقلت الله راح الإكتآب والقلق والوسواس وكل العلل النفسية!
وبصراحة انا اتمنى هذا الحلم يتحقق يوما ما.
ما لي رغبة في الزواج ولا اريد اولاد. اريد عافية ووظيفه تخلي يومي يمضي بسرعة علشان ما أحس بالملل ويمر يومي بسرعة لين تحين وفاتي.
انتظر اموت اكثر من انتظاري للعافية لأن الدنيا اشوفها بايخه وكريهه وكلها مصايب. انتظر اليوم اللي الله سبحانه ياخذ روحي ويدخلني الجنة برحمته.
نعم اطمع بالجنة اللي الله وعدنا بيها اللي مافيها نكد ووجع. هناك الحياة الحقيقية مو هذي الحياة المملوءة حقد وحسد وركض مايخلص. الموت فرج للمؤمن وخلاص وراحة له لأنه بوابه الى جنان رب العالمين.

الله يثبتنا على دينه ويفرج عنا قريبا ان شاء الله والله يجعلنا من الصابرين ويدخلنا الجنة من غير حساب على صبرنا على مرارة الامراض النفسية.
والحمد على كل حال.

كان المفروض اكتب في " يوميات المكتئبين" بس نسيت

السلام عليكم
اسمك على اسمي الاول نفس اعراضك موجودة فيني بس انا مرضي الاضطراب ثنائي القطبين الله يساعدك و يساعدنا الحياة كذا ماشية ما نقدر نغيرها