من يعرف علاج للمعدة العصبية
 

السلام عليكم ورحمة الله وبركاته
طبعا علاج سيروكسات سي ار 50
وكذلك علاج منوم

عندي المعده متاثره من القلق هل احد منكم جرب علاج
يهدي المعده

ليبراكس

هلا باخي الغالي هل موجود بالحبيب

اعتقد موجود

كلمتهم والله اليوم للاسف مب موجود

اخي الغالي هل عندك علم من اي مستشفى اجده

تحصله عند صيدلية الحبيب او عند المستشفى النفسي

تسلم وجزاك الله خير

اخوي رعد الله يجزاك خير سالت عن العلاج بالنفسيه وبالحبيب مايتوفر

هل تفديني وين القى العلاج هذا

كيف يهدي المعدة هل عندك حموضة دائمه او ارتجاع ؟
او انك تحس بحرقان او الم في فم المعده مثلا ؟
هل تحس بألم في حلقك اوقات بدون سبب و تتحمم كثير ؟
المعدة دنيا ثانية و علاجاتها كثيره لازم تحدد ايش التعب اللي تشتكي منه معدتك بالضبط و لازم دكتور يفحصك لا تهملها و لازم نظام غذائي الى جانب العلاج و النوم الكافي .

بالنسبه لدوا ليبراكس كنت زمان اجيبه من مصر و استخدمه للقولون ما كان عندنا بالسعوديه استخدمته فتره بسيطه و القولون تعود عليه و ما عاد يعمل مفعوله اللي الاول بطلت منه و له بدائل كثيره بس زي ما قلت لك لازم تحدد نوع التعب اللي في معدتك .

هلا والله بالغاليه والاخت الكريمه

انا تعب المعده بس التوتر عندي يعني اعصاب المعدة اخذت دجماتيل والامور الحين
مستقرة نوعن ما

اهلين الله يسعدك
يصير انت عارف العلاج اذا عارف السبب حاول تبعد عن التوتر قد ما تقدر اشغل نفسك العب رياضه النوادي فتحت انا لي قريب القلق عامل له عمايل بس من يوم انتظم بالنادي و صار يشغل وقته و عمل حميه صاير حاله افضل و اهدأ .
حاول يا ماجد و لا تتكاسل بدل ما تاخذ ادويه توهمك انها تصلح شي بشكل مؤقت و هي تأذيك في جهه ثانيه الادويه ما جابت خير الله يكفيك شرها و يغنيك عنها يارب .
سلامتك والله

الله يسلمك سمي ان شاء الله
امارس رياضة يوميا
بس احيانا القلق يكون غصبن علي 💔
الله يسعدك ويحفظك

وقت تحس بالقلق اندمج مع الناس اشغل نفسك يا ماجد
انا اكلمك هالكلام لاني طبقته على احد افراد اسرتي
كان ما ينام و يرتفع الضغط عليه تخيل رجوله الله يكرمك تنتفخ ما يقدر يمشي و ظهره يتشنج و يصير عنده تشتت اوقات اجلس ابكي عليه اطيب من قلبه مافي فكل ما اشوفه يادوب حيبدأ يدخل نوبه القلق اقوله اخرج من البيت اتصل باصحابك اعزمهم و انا اعملكم عشا احاول اشغله ارسله يشتري اغراض اخليه يفرفر طلبات الين يجي دايخ البيت و ينام غصبن عنه 😀
معليش يا ماجد المؤمن مبتلى و كلنا في جهاد مع النفس
انا والله اعتبرك اخوي عشان كذا انصحك
حلو انك تسوي رياضه كمان جنبها نظام غذائي ابعد عن الحاجات الثقيله على المعده و اللي فيها كافيين تزود القلق و اللي تسبب غازات كمان دوامه القولون مالها اخر
اعمل جدول لنفسك والله اني امسكه الدفتر و القلم و اقوله اكتب جدولك و مهامك اليوم و بكره كمان شجعته يكتب خواطر و كسرات و ما شاء الله عليه نادر جدا يجيه القلق لانه زاحم نفسه او بالاصح احنا زاحمينه .
انا شفت ناس القلق عندهم بالوراثه ماعليهم غير يتكيفو
بس لابد من تغيير نمط الحياه و كسر الروتين من وقت للثاني
و الاندماج مع الناس جميل . الفضاوه و القعده و الوحده يجيبو المرض .
ادري طولت عليك 🌷

الله يسلمك يارب وسمي ان شاء الله
الله يحفظك ويسعدك