تم بفضل الله .. اخيرا تحجمت اليوم
 

السلام عليكم ورحمة الله وبركاته

حياكم الله جميعا

لي شهرين بموت من رقبتي

صرت يوم ألتفت يمين و الا يسار ألتفت كلي

و برضو ما اتخارج .. الم فظيع .. أتوجع لا رفعت راسي و أتوجع اذا دنقت .. أتوجع اذا نمت على مخدة .. و أتوجع اذا نطلتها ..

و أمس قررت .. و اليوم رحت الحمدلله

فقط في الرقبة و حولها ثمان كاسات ، من قو الشفط جاني صداع فظيع و ألم براسي بس أبغاها تشيل الكاسات

حتى نسيت اني طلبتها تحجمني في راسي

اطالع و انا منسدحة بس أبلقى مكان الباب .. ابتغنم السلامة و اخرج ..

خلت الكاسات قريب النص ساعة لين حسيت ان لحمي تقطع داخل الكاسات

و الحمد لله

حجمتني على منطقة الظهر كامل لكن ما تعذبت قد الكاسات اللي على الرقبة و ما حولها

قالت ارتاحي ثلاث ايام لا تبذلين مجهود

نصيحة تحجموا لو ما تاخذون الا بركة وصية الرسول صلى الله عليه وسلم

و حاولوا تتحرون الايام المخصصة اللي هي ١٩ و ٢١ و ٢٧

لكن انا لاني بموت من الألم ما قدرت انتظر

و ان شاء الله ان ربي يكتب لي اكررها الشهور القادمة

الحمدالله الحجامه ممتازه وايد انا انشاءالله يوم الأحد بسوي حجامه الجسم كامل مع الرأس الانه احس رقبتي متحجره مع صداع خفيف