|
مشكلتي مع خطيبي
السلام عليكم
اما بعد... مشكلتي يادكتور كالتالي انا خاطبة وكاتبه كتابي من 8 اشهر تقريبا ولله الحمد انا والحمدلله جامعيه وعلى قدر عالي من الجمال احمد لله وعمري 22 عاما خطيبي مهندس ويعمل هنا في السعوديه واهله عايشين في بلدهم عمره 28 عاما بداية خطبتنا كانت جميله الحمدلله بعدها بشهر اصبحت ارى انه حزين نوعا ما واحيانا كان يقول لي اني مكتئب ومابشعر بالسعاده واحيانا يسمعني كلام جارح جدا مثل: (انتي على ايش شايفه حالك من جمالك يعني اصلا ما احد يحبك لا اعمامك ولا اخوالك وكمان مرات بحكي انو انا ماكنت بدي ياكي وانا مابشعر بالسعاده وقلبي مسكر مابحس بشي ومابعرف شو ومن هالحكي) والشغل اللي هو فيه مو مبسوط منه نهائيا وهو يبرر كلامه بهذا السبب وانا الصراحه احيانا بعذره لأنه بالمقابل بحبني كتير ومابقصر معي بشي نهائيا لا معي ولا مع اهلي ودائما بيجي عندي واللي بدي ياه بصير وحنون وحساس كتير وعاطفي جدا وعنده شي مو حلوه فيه انه مزاجي لكن مشكلته انو دائما بحكيلي مابحس بالسعاده ابدا وزعوووول كتييير اي شي بزعل منو بديقه مزحه عاديه ما بتحملها دائما مخنوق وعنده خمول ومالو نفس على الضحك والمرح والانبساط لأنو طبعا مابشعر فيهم دكتور هو انسان كتير منيح اخلاق وادب واحترام ودين مافي شي بعيبه بس هاي مشكلته وانا مو عارفه كيف اتصرف معه وانا صراحه مو مقصره معو بشي احيانا بكون معصب وبصير يحكي حكي جارح وبتحمله واحيانا بكون راااايق ومافي منو انا مابعرف شو اعمل معه؟؟؟؟؟ دكتور هل تتوقع انه عنده اكتئاب بسبب افعاله وبسبب انه مابشعر بالسعاده؟؟؟ اتمنى تردلي بأقرب فرصه جزال الله خير |
الدكتور هاني الغامدي
اتمى منك الرد جزاك الله خير ومشكور مقدما |
اختي سناء مرحبا بك يرجى الانتظار قليلا و ان شاء الله ابشري يالغالية سيتم الرد عنكي
|
دكتور في شي تاني حبيت اضيفه
انه اذا زعل مافي اي شي يراضيه مهما حاولت اراضيه مايرضى وهذا الشي موجود بأحد اخوانه ايضا يعني اخوه اللي اكبر منه زعل مني على شي تافه جدا وحاولت اكلمه واوضحله وبعتت مسجات وما رد علي نهائيا ممكن اعرف كيف اتصرف معهم خطيبي بالاخص والتاني اخو زوجي كيف اتصرف معه لأني مابعرف كيف اراضيهم؟؟؟ ارجو الرد بأقرب فرصه |
عفوا عالخطأ اقصد اخو خطيبي
|
يعني مشان الله ممكن حدا يرد علي رد واحد عالاقل!!!!!
|
ممكن اعرف ازا في حدا برد هون او انا غلطانه؟؟؟؟؟؟؟؟؟!!!!!!!!!!!!!!!!!!!!!!!!!!!!!!
|
أختي الفاضلة سناء: انتي طلبتي الدكتور هاني الغامدي ويبدو أنه مشغول ولم يدخل المنتدى منذ فترة عموما، خطيبك والله أعلام لدية اضطراب شخصية وليس مرض الاكتآب لأن مريض الاكتآب يختلف من ناحية شدة الأعراض الإكتآبية السوداء والتي لم ألمسها في كلامك عنه كما أنه (أي مريض الاكتآب لايتقلب بالصورة التي ذكرتيها كما أن زوجك لايبدو أن حالته شديدة وهذه ميزة اضطرابات الشخصية، فهي أقل حدة من الأمراض النفسية، وخطيبك يحمل اضطراب شخصية من نوع ب والمسمى borderline وصاحبها طيب القلب لولا تقلبات مزاجه ولكنه يجرح ثم يتأسف من قلبه، وهو كريم وخدوم ويحمل حس انساني عالي. وقد يستفيد من مضادات الإكتآب ولكن ليس مثل مريض الاكتآب فمريض الاكتآب يستجيب بشكل أفضل أنصحك بعدم التفريط فيه ولكن بشرط أن تجدي منه تجاوب بمراجعة طبيب نفسي ومحاولة ايجاد حلول لمشكلته أما لو رفض هذه الفكرة فأنصحك بالتروي ولو كنتي صبورة وصدرك وسيع على تحمله فلا بأس أما ان كنتي لاتحملي القدرة على الصبر والاحتمال وتشعري بألم من كلامه الجارح فاستخيري وسيرزقك الله إن شاء الله خيرا منه |
الدكتور رعد عن جد بتشكرك من كل قلبي
طيب انا بنفسي مو ممكن اني اغيره؟؟ بدون علاجات دوائيه؟ |
ودكتور ممكن انت تساعدي اذا تكرمت
يعني هو بستجيب لأشياء مرات لما يكون بحكي وفي ناس برتبك شوي مو جريئ كثير بالحكي مع الناس ومرات بصير يلعب بأيديه وانا من فتره نبهتو على هالحركه وفهمته انه هاي الحركه بتوتره صار كتير يخفف منها فبالعكس بتجاوب معي انا مو حابه يروح على طبيب نفسي لأني مابدي ياخد علاجات نفسيه فممكن تحكيلي طرق تساعدني باني اقدر اعلاجه فيها وانت تكون متابع معي ؟؟؟ انتظر ردك الله يخليك |
أختي الفاضلة سناء: لاشكر على واجب وسوف أطلب من أخي الشاكر مساعدتك فهو أفضل مني في العلاج السلوكي الفكري وإن فضلتِ عدم أخذ الأدوية فلا بأس فالعلاج الفكري والسلوكي أفضل لحالته والعلاج الدوائي يفيد قليلا في حالته وبالفعل يمكنك تغييره بالكلمة الطيبة وبإطمئنانه اليك مع الحزم من جهتك ممكن أن تحسني من حاله |
يعطيك الف عافيه يارب
والله يجزاك الف خير انشالله انا بنتظر الرد من اخي الشاكر يعني انشالله رح يتحسن؟؟انا بتمنى اشوفه انسان افضل من هيك بكتير انشالله |
السلام عليكم ورحمه الله وبركاته
|
كيف حالك أختي الكريمة
لا تقلقي يا طيبة لكل داء دواء بأذن الله |
خليني أقراء موضوعك أولاً وبعدها سوف ننقاش كل شيء
عفاك الله |
| الساعة الآن 08:23 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا